മാതൃകയായി വയനാടിന്റെ സ്വന്തം ഉറവ്

ഉറവ്, വയനാടിന്റെ പാരിസ്ഥിതി മേഖലകളിൽ ഈ പ്രസ്ഥാനം സ്വാധീനം ചെലുത്തുവാൻ തുടങ്ങിയിട്ട് കാലങ്ങളേറേയായി. വയനാട്ടിൽ കൽപ്പറ്റയ്ക്ക് അടുത്തയി തൃകൈപ്പറ്റയിലാണ് ഈ പ്രസ്ഥാനത്തിന്റെ ആസ്ഥാനം.1996 ൽ തുടങ്ങിയ ഉറവ് കേവലം മുള കൊണ്ട് കരകൗശല വസ്തുകൾ നിർമ്മിക്കുന്ന കേന്ദ്രം എന്ന നിലയിലാണ് പൊതുധാരയിൽ അറിയപ്പെടുന്നത്. എന്നാൽ മനുഷ്യനെ പ്രകൃതിയിലേക്ക് തിരിച്ചു കൊണ്ടുപോവുക. മനുഷ്യന്റെ ദൈനം ദിന ജീവിതത്തിൽ പ്രകൃതി വൈവിധ്യങ്ങളെ പൂർണ്ണമായും സന്നിവേശിപ്പിക്കുക തുടങ്ങി വലിയ ദൗത്യത്തെയും ലക്ഷ്യത്തെയുമാണ് ഉറവ് എന്ന പ്രസ്ഥാനം മുന്നോട്ട് വെയ്ക്കുന്നത്.

മുള ഉൽപ്പന്നങ്ങളുടെ വിശാലമായ ഒരു ആർട്ട് ഗ്യാലറി ഉറവിന്റെ പ്രധാന സവിശേഷതകളിൽ ഒന്നാണ്. പാസ്റ്റിക് രൂപത്തിൽ മാത്രം കണ്ട ഒട്ടുമിക്ക ആധു നീക വസ്തുകളുടെയും പ്രകൃതി ജന്യമായ രൂപം നമ്മുക്ക് ഈ ആർട്ട് ഗ്യാലറിയിൽ കാണുവാൻ സാധിക്കും.
നാം കണ്ടു പരിചരിച്ച പല പാസ്റ്റിക്ക് അസംസ്കൃത രൂപങ്ങളെയും മുളയിൽ സന്നിവേശിപ്പിച്ച് പ്രകൃതിയോട് അടുപ്പിക്കാൻ ശ്രമിക്ക കൂടിയാണിവിടെ.

കൂടാതെ ചെറിയൊരു നെയ്ത്തു ശാലയും ഉറവിലുണ്ട്. നെയ്ത്തിനെ മുളയുമായി സന്നിവേശിപ്പിക്കുവാനുള്ള ശ്രമം കൂടിയാണിത്.

50 ൽ പരം വ്യത്യസ്തമുളകൾ ഉള്ള ബാംബു നഴ്സറി ഉറവിന്റെ മറ്റോരു സവിശേഷതയാണ്. ഇന്ത്യയിലും ഇന്ത്യയ്ക്ക് പുറത്തുമുള്ള വിവിധയിനം മുളകളാണ് ഇവിടെ വച്ചു പിടിപ്പിച്ചിരിക്കുന്നത്.

Related posts