‘ഹായ് ബേബി സ്വീറ്റ് ഹാര്‍ട്ട്, ഹണിമൂണ്‍ കഴിഞ്ഞോ’ കോലിയോട് രാഖി സാവന്ത്

ad

ad
മുംബൈ: എപ്പോഴും വിവാദങ്ങളില്‍ നിറഞ്ഞു നില്‍ക്കുന്ന താരമാണ് രാഖി സാവന്ത്. ഇപ്പോഴിതാ പുതിയ വിവാദത്തിന് തിരി കൊളുത്തിയിരിക്കുകയാണ് രാഖി. വിവാദത്തിന്റെ മറ്റേ അറ്റത്തുള്ളതാകട്ടെ ഇന്ത്യന്‍ നായകന്‍ വിരാട് കൊഹ്ലിയും. കഴിഞ്ഞ ദിവസം വിരാട് ഇന്‍സ്റ്റഗ്രാമില്‍ പോസ്റ്റ് ചെയ്ത ഒരു ചിത്രത്തിനുള്ള രാഖിയുടെ കമന്റാണ് വിവാദത്തിന് കാരണമായിരിക്കുന്നത്. ദക്ഷിണാഫ്രിക്കയ്ക്കെതിരായ മൂന്നാം ഏകദിനത്തിന് പുറപ്പെടും മുമ്പ് വിരാട് തന്റെ ചിത്രം ആരാധകരുമായി പങ്കുവെച്ചിരുന്നു. ഇതിനുള്ള രാഖിയുടെ തമാശ രൂപേണയുള്ള കമന്റാണ് സോഷ്യല്‍ മീഡിയ ഇപ്പോള്‍ ചര്‍ച്ച ചെയ്യുന്നത്. വിരാടിനോട് ഹണിമൂണ്‍ കഴിഞ്ഞോ എന്നു ചോദിച്ചു കൊണ്ടായിരുന്നു രാഖി കമന്റ് ചെയ്തത്. ‘ഹായ് ബേബി സ്വീറ്റ് ഹാര്‍ട്ട്, ഹണിമൂണ്‍ കഴിഞ്ഞോ’ എന്നായിരുന്നു രാഖിയുടെ കമന്റ്. രാഖിയുടെ കമന്റ് സോഷ്യല്‍ മീഡിയ ആഘോഷിക്കുകയാണ്. രാഖിയേയും വിരാടിനേയും കളിയാക്കി കൊണ്ട് നിരവധി പേരാണ് സോഷ്യല്‍ മീഡിയയില്‍ രംഗത്തെത്തിയിരിക്കുന്നത്. 2017 ഡിസംബര്‍ 11നാണ് കൊഹ്ലി വിവാഹിതനായത്. ബോളിവുഡ് താരം അനുഷ്‌ക ശര്‍മ്മയെ പ്രണയിച്ചായിരുന്നു കൊഹ്ലി വിവാഹം ചെയ്തത്.അതേസമയം ടെസ്റ്റ് പരമ്പരയുടെ മുഴുവന്‍ ക്ഷീണവും തീര്‍ത്ത് ഏകദിന പരമ്പരയില്‍ ആധിപത്യം ഉറപ്പിച്ചിരിക്കുകയാണ് ടീം ഇന്ത്യ. രണ്ട് ഏകദിനത്തിലും ദക്ഷിണാഫ്രിക്കയെ തകര്‍ത്ത് പരമ്പരയില്‍ മുന്നിട്ട് നില്‍ക്കുകയാണ് വിരാടും സംഘവും. നിലവിലെ സാഹചര്യങ്ങളില്‍ ദക്ഷിണാഫ്രിക്കയെ സംബന്ധിച്ച് തിരിച്ചു വരവെന്നത് ഏറെക്കുറെ അസാധ്യമാണ്.

Related posts