കേരളത്തില്‍ യുഎഡിഎഫിന് ശകതമായ മേല്‍ക്കൈ

തിരുവനന്തപുരം: ലോക്‌സഭ തെരഞ്ഞെടുപ്പിന്റെ ആദ്യ മണിക്കൂറിലെ ഫലസൂചനകളില്‍ ശക്തമായ മേല്‍ക്കൈയുമായി കേരളത്തില്‍ യുഡിഎഫ്. ഇരുപതില്‍ 18 സീറ്റുകളിലാണ് യുഡിഎഫ് ഇപ്പോള്‍ മുന്നിട്ടുനില്‍ക്കുന്നത്. എല്‍ഡിഎഫ് രണ്ടു സീറ്റിലേക്ക് ചുരുങ്ങി. തപാല്‍ വോട്ടുകള്‍ എണ്ണിയപ്പോള്‍ എന്‍ഡിഎ സ്ഥാനാര്‍ഥി കുമ്മനം രാജശേഖരന്‍ മുന്നിട്ടുനിന്നിരുന്നെങ്കിലും പിന്നീട് പിന്നോക്കം പോകുകയായിരുന്നു. വയനാട്ടില്‍ 5000 വോട്ടുകള്‍ക്ക് രാഹുല്‍ ഗാന്ധി മുന്നിട്ടുനില്‍ക്കുകയാണ്. രണ്ടായിരത്തിലധികം വോട്ടുകള്‍ക്കാണ് കെ.മുരളീധരനും രാജ്‌മോഹന്‍ ഉണ്ണിത്താനും മുന്നിട്ടുനില്‍ക്കുന്നത്. കേരളത്തില്‍ ആകെ 20 മണ്ഡലങ്ങളിലേക്കാണ് വോട്ടെടുപ്പ് നടക്കുന്നത്. മൊത്തം രണ്ടു കോടിയിലേറെ വോട്ടര്‍മാര്‍ 227 സ്ഥാനാര്‍ഥികളില്‍ നിന്നാണ് 20 പേരെ തിരഞ്ഞെടുക്കുന്നത്. എക്‌സിറ്റ് പോളിനെ ശരിവെയ്ക്കുന്ന തരത്തിലാണ് കേരളത്തിലെ ആദ്യ ഫലസൂചനകള്‍.

share this post on...

Related posts