സിസേറിയന്‍ പാടുകള്‍ മറയ്ക്കാന്‍ ടാറ്റു കുത്തി ചൈനയിലെ യുവതികള്‍

20170511T125519Z_2_LYNXMPED4A11G_RTROPTP_3_CHINATATTOOS

20170511T125519Z_2_LYNXMPED4A11G_RTROPTP_3_CHINATATTOOS

ഫാഷന്റെ ലോകത്താണ് നാമേവരും ജീവിക്കുന്നത്. വസ്ത്രങ്ങളിലൂടെയും മേക്കപ്പിലൂടെയും ആഭരണങ്ങളിലൂടെയുമൊക്കെ വ്യത്യസ്ത ഫാഷന്‍ അനുകരിക്കുന്നവര്‍ ധാരാളമുണ്ട്. ചിലര്‍ ശരീരമാസകലം പച്ചകുത്തുന്നതും കണ്ടിട്ടുണ്ട്. അങ്ങനെയൊരു വ്യത്യസ്ത ഫാഷനാണ് ഇപ്പോള്‍ ചൈനയില്‍ ഹിറ്റാകുന്നത്. പ്രസവം ഒരു യുവതിയില്‍ മാനസികമായും ശാരീരികമായും നിരവധി മാറ്റങ്ങള്‍ വരുത്തും. ചിലര്‍ ശാരീരിക ഭംഗി പഴയതുപോലെ തിരിച്ചുകൊണ്ടുവരികയും അത് കാത്തുസൂക്ഷിക്കുകയും ചെയ്യും. ഒരു കുഞ്ഞിന് ജന്മം നല്‍കിയ ശരീരം നാളുകള്‍ക്ക് ശേഷം മാത്രമേ പഴയപോലെ ആകൂ. എന്നാല്‍ ചിലപ്പോള്‍ പ്രസവം അവശേഷിപ്പിച്ച ശരീരത്തിലെ, പ്രത്യേകിച്ച് വയറിലെ പാടുകള്‍ മാറ്റുക പ്രയാസമാണ്. സിസേറിയനിലൂടെയാണ് കുഞ്ഞിനെ പുറത്തെടുത്തത് എങ്കില്‍ അത് നല്‍കിയ മുറിപ്പാട് ജീവിതത്തിലുടനീളം അവിടെ കാണുകയും ചെയ്യും. എന്നാല്‍ അതിനും ഒരു വഴി കണ്ടെത്തിയിരിക്കുകയാണ് ചൈനയിലെ യുവതികള്‍. സിസേറിയന്‍ പാടുകള്‍ മറയ്ക്കാന്‍ അവിടെ പച്ചകുത്തിയാണ് ഇവരുടെ പരീക്ഷണം. പല രീതിയിലും ഭംഗിയിലുമുള്ള ടാറ്റൂ ആണ് ഇവര്‍ വയറില്‍ സിസേറിയന്‍ പാടുകള്‍ മറച്ചുകൊണ്ട് കുത്തിയിരിക്കുന്നത്.

Related posts