കാടിനു നടുവില്‍ ദൈവത്തിന്റെ കൈകളിലെ പാലം കാണണോ… പോകാം വിയറ്റ്‌നാമിലേക്ക്

കാടിനു നടുവില്‍ ദൈവത്തിന്റെ കൈകളിലെ പാലം കാണണോ… പോകാം വിയറ്റ്‌നാമിലേക്ക്

ടനാങ് (വിയറ്റ്നാം) : വനത്തിനുള്ളില്‍ മരങ്ങള്‍ക്കിടയിലൂടെ രണ്ട് കൂറ്റന്‍ കോണ്‍ക്രീറ്റ് കൈകള്‍. ഈ ഇരുകൈകളില്‍ താങ്ങി നിര്‍ത്തിയ കൂറ്റന്‍ പാലം. പാലത്തിലൂടെ നടന്ന് കാഴ്ചകള്‍ ആസ്വദിക്കുന്ന സഞ്ചാരികള്‍. വിയറ്റ്നാമില്‍ നിന്നുള്ള ഒരു കാഴ്ചയാണ് ഇത്. ജൂണിലാണ് ഈ  പാലം സഞ്ചാരികള്‍ക്കായി തുറന്നു നല്‍കിയത്. പാലത്തില്‍ നിന്ന് സഞ്ചാരികളെടുത്ത ചിത്രങ്ങള്‍ വൈറലായതോടെ ഇന്ന് ലോകത്തിന്റെയാകെ ശ്രദ്ധകേന്ദ്രമായിരിക്കുകയാണ് ഈ അത്ഭുതപാലം. ‘കാടിന് നടുവില്‍ ദൈവത്തിന്റെ കൈകളിലെ പാലം’ എന്ന വിശേഷണമാണ് ഈ പാലത്തിന് പലരും നല്‍കിയിരിക്കുന്നത്. സഞ്ചാരികളില്‍ നിന്നു ലഭിക്കുന്ന  പ്രതികരണങ്ങളില്‍ പാലത്തിന്റെ നിര്‍മ്മാതാക്കളും ഞെട്ടിയിരിക്കുകയാണ്. ടി.എ ലാന്‍ഡ്സകെയ്പ്പ് ആര്‍ക്കിടെക്ച്വറാണ് പാലത്തിന്റെ നിര്‍മാതാക്കള്‍. 1919 ല്‍ ഫ്രഞ്ചുകാര്‍ നിര്‍മ്മിച്ച ഈ ഹില്‍സ്റ്റേഷനില്‍ 150 മീറ്റര്‍ നീളത്തിലാണ് സുവര്‍ണ പാലം സ്ഥിതി ചെയ്യുന്നത്. പാലത്തിന് പുറമേ കേബിള്‍ കാറുകള്‍, കോട്ട, പള്ളി, മെഴുക് മ്യൂസിയം എന്നിവയും ഈ ടൂറിസ്റ്റ് കേന്ദ്രത്തിന്റെ പ്രത്യേകതയാണ്….

Read More

രാജകീയ വേഷവും കൂളിംഗ് ഗ്ലാസും, തൊപ്പിയും വെച്ച് പൂച്ച ചന്തയില്‍; സോഷ്യല്‍ മീഡിയയില്‍ താരമായി ‘ചോ’

രാജകീയ വേഷവും കൂളിംഗ് ഗ്ലാസും, തൊപ്പിയും വെച്ച് പൂച്ച ചന്തയില്‍; സോഷ്യല്‍ മീഡിയയില്‍ താരമായി ‘ചോ’

വിയ്റ്റ്നാം: വിയറ്റ്നാമിലെ തെരുവില്‍ നിന്നൊരു പൂച്ചയാണ് ഇപ്പോള്‍ സോഷ്യല്‍ മീഡിയയിലെ താരം. തെരുവില്‍ തന്റെ യജമാനനോടൊപ്പം രാജകീയ വേഷവും കൂളിംഗ് ഗ്ലാസുമൊക്കെ വെച്ച് സ്‌റ്റൈലിലാണ് ഇവന്റെ നില്‍പ്പ്. നടക്കാനോ കാഴ്ച കാണാനോ അല്ല ഇവന്‍ വിയറ്റ്നാമിലെ കൃഷിക്കാരുടെ ചന്തയില്‍ ദിവസവും എത്തുന്നത്. അവന്റെ പ്രിയ ആഹാരമായ മീന്‍ വില്‍പ്പനയ്ക്ക് വേണ്ടിയാണ്. ലീ ക്വോക്ക് ഫോംഗിന്റെ മൂന്ന് വയസുകാരനായ പൂച്ചയാണ് മീന്‍ വില്‍ക്കാന്‍ മാര്‍ക്കറ്റിലെത്തുന്നത്. ചോ എന്നാണ് ഇവനെ ലീ വിളിക്കുന്നത്. വിയ്റ്റാം ഭാഷയില്‍ ചോ എന്നാല്‍ നായ എന്നാണ് അര്‍ഥം. നായയുടെ സ്വഭാവസവിശേഷതയും ഇവനുണ്ടെന്നാണ് 25കാരനായ ലീ പറയുന്നത്. ഒരുപാട് ആളുകളെ കണ്ടാലോ ഫോട്ടോയ്ക്ക് മുന്നില്‍ പോസ് ചെയ്യാനോ ഇവന് മടിയില്ലെന്നും ചോയുടെ ഉടമ പറയുന്നു. വസ്ത്രങ്ങള്‍ ധരിക്കാനും ഐസ്‌ക്രീം, ചീസ് എന്നിവ കഴിക്കാനുമെല്ലാം ചോയ്ക്ക് വളരെ ഇഷ്ടമാണ്. ധാരാളം യാത്ര ചെയ്യുന്നതും അവന്റെ വിനോദങ്ങളില്‍ ഒന്നാണ്….

Read More