ബോളിവുഡ് ചിത്രം ക്വീന്‍ മലയാളത്തിലേക്കും, മഞ്ജിമ മോഹനും സണ്ണി വെയ്‌നും മുഖ്യ താരങ്ങള്‍

ബോളിവുഡ് ചിത്രം ക്വീന്‍ മലയാളത്തിലേക്കും, മഞ്ജിമ മോഹനും സണ്ണി വെയ്‌നും മുഖ്യ താരങ്ങള്‍

കങ്കണ റാണൗത്തിന് മികച്ച നടിക്കുള്ള ദേശീയ പുരസ്‌കാരം ലഭിച്ച ക്വീന്‍ എന്ന ഹിന്ദി ചിത്രം മലയാളത്തിലേക്ക് റീമേക്ക് ചെയ്യുന്നു. വികാസ് ബാല്‍ സംവിധാനം ചെയ്ത ഈ സൂപ്പര്‍ഹിറ്റ് ചിത്രം മലയാളത്തില്‍ ഒരുക്കുന്നത് തെലുങ്ക് സംവിധായകനായ നീലകണ്ഠയാണ്. സംസം എന്നാണ് മലയാള റീമേക്കിന്റെ പേര്. മലയാളത്തില്‍ സണ്ണി വെയ്ന്‍, മഞ്ജിമ മോഹന്‍ എന്നിവര്‍ പ്രധാന കഥാപാത്രങ്ങളെ അവതരിപ്പിക്കും. ചിത്രത്തിന്റെ പ്രധാന ലൊക്കേഷന്‍ യൂറോപ്പാണ്. ഒരേ സമയം നാല് ഭാഷകളിലാണ് ചിത്രമൊരുങ്ങുന്നത്. മലയാളത്തെ കൂടാതെ തമിഴ്, തെലുങ്ക്, കന്നഡ എന്നീ ഭാഷകളിലാണ് ചിത്രമൊരുങ്ങുന്നത്.

Read More

ആദി, മായാനദി, ക്യൂന്‍ ഇന്റെര്‍നെറ്റില്‍; പൈറസി വീണ്ടും പണി തുടങ്ങി

ആദി, മായാനദി, ക്യൂന്‍ ഇന്റെര്‍നെറ്റില്‍; പൈറസി വീണ്ടും പണി തുടങ്ങി

തിയേറ്ററുകളില്‍ പ്രദര്‍ശനം തുടരുന്ന മലയാള ചിത്രങ്ങള്‍ പൈറസി സൈറ്റുകളില്‍ പ്രചരിക്കുന്നു. പുതിയ ചിത്രങ്ങളായ ആദി, മായാനദി, ക്യൂന്‍, മാസ്റ്റര്‍പീസ് ഉള്‍പ്പെടെ പത്ത് ചിത്രങ്ങളാണ് തമിഴ് റോക്കേഴ്‌സ് തുടങ്ങിയ സൈറ്റുകളിലുള്ളത്. വിദേശരാജ്യങ്ങളില്‍ നിന്നുള്ള വ്യാജ ഐ.പി അഡ്രസ് ഉപയോഗിച്ചാണ് ഇത്തരം പൈറസി സെറ്റുകള്‍ പ്രവര്‍ത്തിക്കുന്നത്. ഇവര്‍ മലയാള സിനിമകള്‍ പ്രദര്‍ശിപ്പിച്ച് സൈറ്റുകളിലൂടെ പ്രതിമാസം ലക്ഷക്കണക്കിന് രൂപയുടെ പരസ്യവരുമാനമാണ് നേടുന്നത്. പ്രണവ് മോഹന്‍ലാല്‍ നായകനായ ആദി തമിഴ് റോക്കേഴ്സില്‍ രണ്ട് ദിവസം കൊണ്ട് കണ്ടത് അറുപതിനായിത്തിലേറെപ്പേരാണ്. തമിഴ് റോക്കേഴ്സിനെ കേരള പൊലീസിന്റെ നിര്‍ദേശപ്രകാരം രണ്ട് മാസം മുന്‍പ് ബ്ലോക്ക് ചെയ്തിരുന്നു. എന്നാല്‍ സൈറ്റ് വീണ്ടും സജീവമായിരിക്കുകയാണ്. തമിഴ് റോക്കേഴ്സ്. കോം എന്ന വിലാസത്തില്‍ നേരിയ മാറ്റം വരുത്തി വ്യാജ ഐ.പി അഡ്രസും ഉപയോഗിച്ചാണ് പുതിയപ്രവര്‍ത്തനം. നെതര്‍ലന്റില്‍ നിന്നുള്ള എന്‍ഫോഴ്സ് എന്ന കമ്പനി സെര്‍വര്‍ ഹോസ്റ്റ് ചെയ്യുന്നതായാണ് സൈറ്റില്‍ കാണുന്നത്.

Read More