കോണ്‍ഗ്രസും എന്‍.സി.പിയും സഖ്യകക്ഷികളാവുന്നു

കോണ്‍ഗ്രസും എന്‍.സി.പിയും സഖ്യകക്ഷികളാവുന്നു

മുംബൈ: വരുന്ന തെരഞ്ഞെടുപ്പുകളില്‍ കോണ്‍ഗ്രസും എന്‍.സി.പിയും സഖ്യകക്ഷികളായി മല്‍സരിക്കാന്‍ ധാരണ. മഹാരാഷ്ട്ര നിയമസഭാ തെരഞ്ഞെടുപ്പിലും ലോക്‌സഭ തെരഞ്ഞെടുപ്പിലും ഇരു പാര്‍ട്ടികള്‍ ഒന്നിച്ചു മല്‍സരിക്കുമെന്നാണ് എന്‍.സി.പി അധ്യക്ഷന്‍ ശരത് പവാര്‍ വ്യക്തമാക്കിയിട്ടുള്ളത്. അതേസമയം, കേരളത്തില്‍ എന്‍.സി.പി ഇടതുപക്ഷ ജനാധിപത്യ മുന്നണിയുടെ ഭാഗമായി തുടരുമെന്നും പാര്‍ട്ടി കേന്ദ്ര നേതൃത്വം വ്യക്തമാക്കി. വരുന്ന ലോക്‌സഭ തെരഞ്ഞെടുപ്പില്‍ രാഹുല്‍ ഗാന്ധിയുടെ നേതൃത്വത്തില്‍ കോണ്‍ഗ്രസ് ബി.ജെ.പിക്കെതിരെ പ്രതിപക്ഷ പാര്‍ട്ടികളുടെ ഐക്യം കൊണ്ടു വരുന്നതിന് എന്‍.സി.പിയുമായുള്ള സഖ്യം ഗുണം ചെയ്യുമെന്നാണ് വിലയിരുത്തല്‍. 2016 സെപ്റ്റംബര്‍ 26നാണ് എന്‍.സി.പി കോണ്‍ഗ്രസ് ബന്ധം അവസാനിപ്പിച്ചത്. തുടര്‍ന്ന് മഹാരാഷ്ട്ര നിയമസഭാ തെരഞ്ഞെടുപ്പില്‍ എന്‍.സി.പിയും കോണ്‍ഗ്രസും തനിച്ചു മല്‍സരിച്ചു. ഈ തെരഞ്ഞെടുപ്പില്‍ ഏറ്റവും കൂടുതല്‍ സീറ്റ് നേടിയ ബി.ജെ.പിയെ സര്‍ക്കാര്‍ രൂപീകരിക്കുന്നതിന് എന്‍.സി.പി പിന്തുണക്കുകയും ചെയ്തിരുന്നു.

Read More

തോമസ് ചാണ്ടി രാജി നൽകുമോ‍‍? തീരുമാനം ഇന്ന്

തോമസ് ചാണ്ടി  രാജി നൽകുമോ‍‍? തീരുമാനം ഇന്ന്

തൃശൂർ:  കായല്‍കയ്യേറ്റ വിഷയത്തില്‍ വിവാദത്തിലായ മന്ത്രി തോമസ് ചാണ്ടിയ്ക്ക് ഇന്ന് നിര്‍ണായക ദിനം. ചാണ്ടിയുടെ രാജിക്കായി പ്രതിഷേധം ശക്തമാകവേ എന്‍സിപി  സംസ്ഥാന നിര്‍വാഹകസമിതി യോഗം ചൊവ്വാഴ്ച ചേരും. അതോടൊപ്പം, കൈയേറ്റവിഷയത്തില്‍ മന്ത്രിക്കെതിരേ സമര്‍പ്പിച്ച ഒരുകൂട്ടം ഹര്‍ജികളും കോടതി ഇന്നു പരിഗണിക്കും. സംസ്ഥാന നിര്‍വാഹകസമിതി യോഗം ചേര്‍നുമെങ്കിലും മന്ത്രിയുടെ ഭാവി സംബന്ധിച്ച ചര്‍ച്ച കേന്ദ്രനേതാക്കള്‍ പങ്കെടുക്കുന്ന മറ്റൊരു യോഗത്തിലേക്കു നീട്ടിവയ്ക്കാനാണ് സാധ്യത. തന്റെ നേതൃത്വത്തിലുള്ള വാട്ടര്‍വേള്‍ഡ് കമ്ബനിയുടെ കയ്യേറ്റങ്ങള്‍ ചൂണ്ടിക്കാട്ടുന്ന ആലപ്പുഴ കലക്ടര്‍ ടി വി അനുപമയുടെ റിപ്പോര്‍ട്ട് റദ്ദാക്കണമെന്ന മന്ത്രിയുടെ ഹര്‍ജിയാണു ഹൈക്കോടതി ഇന്നു പരിഗണിക്കുന്നത്. മന്ത്രിയുടെ കയ്യേറ്റങ്ങള്‍ക്കെതിരായുള്ള പൊതുതാല്‍പര്യ ഹര്‍ജികളും ഒപ്പം പരിഗണിക്കും. കേസില്‍ അനുകൂലമായി എന്തെങ്കിലും വന്നാല്‍ പിടിച്ചുനില്‍ക്കാമെന്ന പ്രതീക്ഷ ചാണ്ടിക്കും എന്‍സിപിക്കുമുണ്ട്. പ്രതികൂലമായി വന്നാല്‍ രാജിക്കാര്യം നീട്ടിവെയ്ക്കാനാണ് സാധ്യത. എന്നാല്‍ നേരത്തേ പോലെ കടുപ്പിച്ചെന്തെങ്കിലും പറഞ്ഞാല്‍ ചാണ്ടിക്ക് പിടിച്ച്‌ നില്‍ക്കാന്‍ സാധിച്ചെന്ന് വരില്ല….

Read More

തോമസ് ചാണ്ടിക്ക് പിന്‍ന്തുണയേറുന്നു; ആരോപണങ്ങളുടെ പേരില്‍ ഒരാളെ ക്രൂശിക്കരുതെന്ന് എന്‍.സി.പി ദേശീയ ജനറല്‍ സെക്രട്ടറി

തോമസ് ചാണ്ടിക്ക് പിന്‍ന്തുണയേറുന്നു; ആരോപണങ്ങളുടെ പേരില്‍ ഒരാളെ ക്രൂശിക്കരുതെന്ന് എന്‍.സി.പി ദേശീയ ജനറല്‍ സെക്രട്ടറി

ആലപ്പുഴ: മന്ത്രി തോമസ് ചാണ്ടി കായല്‍ കയ്യേറിയെന്ന ആരോപണത്തില്‍ മന്ത്രിക്കനുകൂലമായി പിന്‍ന്തുണയേറുന്നു. തുടര്‍ച്ചയായി മന്ത്രിയുടെ രാജിക്കായി വാര്‍ത്തകള്‍ വരുന്ന പശ്ചാത്തലത്തിലാണ് പരസ്യമായി തോമസ് ചാണ്ടിയെ പിന്‍ന്തുണച്ച് പ്രമുഖര്‍ രംഗത്തെത്തുന്നത്. എന്‍.സി.പി ദേശീയ ജനറല്‍ സെക്രട്ടറി പ്രഫുല്‍ പട്ടേല്‍ തന്നെ ചാണ്ടിയെ പിന്തുണച്ചു കൊണ്ട് രംഗത്തെത്തി. തെളിവുകള്‍ ഉണ്ടെങ്കില്‍ പുറത്തു വരട്ടെയെന്നും, അല്ലാതെ വെറും ആരോപണങ്ങളുടെയും പത്രവാര്‍ത്തകളുടെയും പേരില്‍ ഒരാളെ ക്രൂശിക്കരുതെന്നും പ്രഫുല്‍ പട്ടേല്‍ പറഞ്ഞു. അതേസമയം, ജില്ലാ കളക്ടര്‍ ടി.വി. അനുപമയ്ക്കെതിരെ മന്ത്രി തോമസ് ചാണ്ടി രംഗത്തെത്തി. കായല്‍ കയ്യേറിയാണ് റിസോര്‍ട്ട് നിര്‍മ്മിച്ചതെന്ന കളക്ടറുടെ റിപ്പോര്‍ട്ട് തെറ്റാണെന്ന് തോമസ് ചാണ്ടി പറഞ്ഞു. ഉദ്യോഗസ്ഥര്‍ നല്‍കിയ വിവരങ്ങള്‍ മാത്രമേ കളക്ടര്‍ക്കുള്ളു. അതനുസരിച്ചാണ് റിപ്പോര്‍ട്ട് നല്‍കിയത്. അതുകൊണ്ടു തന്നെ കളക്ടറുടെ റിപ്പോര്‍ട്ട് അന്തിമമല്ലെന്നും മന്ത്രി പറഞ്ഞു. ആരോപണങ്ങള്‍ തെറ്റാണെന്ന് തെളിയും വരെ തനിക്ക് വിശ്രമമില്ലെന്നും അദ്ദേഹം വ്യക്തമാക്കി

Read More

പുതിയ മന്ത്രിയെ പ്രഖ്യാപിക്കുമോ? എന്‍സിപി നേതൃയോഗം ഇന്ന്

പുതിയ മന്ത്രിയെ പ്രഖ്യാപിക്കുമോ? എന്‍സിപി നേതൃയോഗം ഇന്ന്

തിരുവനന്തപുരം: എ കെ ശശീന്ദ്രന്റെ രാജിയ്ക്ക് പിന്നാലെ എന്‍സിപിയുടെ നിര്‍ണ്ണായക നേതൃയോഗം ഇന്ന് ചേരും. പുതിയ മന്ത്രിയെ സംബന്ധിച്ച് ഇന്നത്തെ എന്‍സിപി നേതൃയോഗത്തില്‍ ചര്‍ച്ച നടത്തുമെന്ന് എന്‍സിപി സംസ്ഥാന പ്രസിഡന്റ് ഉഴവൂര്‍ വിജയന്‍ പറഞ്ഞു. എന്‍സിപിക്ക് അവകാശപ്പെട്ട മന്ത്രിസ്ഥാനം എന്‍സിപിക്ക് തന്നെ ലഭിക്കും. ഇത് സംബന്ധിച്ച് എന്‍സിപിക്ക് സിപിഐഎമ്മിന്റെ പൂര്‍ണ പിന്തുണയുണ്ടെന്നും ഉഴവൂര്‍ വിജയന്‍ തിരുവനന്തപുരത്ത് പറഞ്ഞു. നിലവില്‍ ഗതാഗത വകുപ്പ് മുഖ്യമന്ത്രി കൈകാര്യം ചെയ്യാനാണ് തീരുമാനിച്ചിരിക്കുന്നത്. എ കെ ശശീന്ദ്രന് എതിരെയുള്ള ലൈംഗീകാരോപണത്തില്‍ ഗൂഡാലോചനയുണ്ട്. വിഷയത്തില്‍ മുഖ്യമന്ത്രി പ്രഖ്യാപിച്ച ജുഡീഷ്യല്‍ അന്വേഷണത്തെ സ്വാഗതം ചെയ്യുന്നുവെന്നും ഉഴവൂര്‍ വിജയന്‍ വ്യക്തമാക്കി. അതേസമയം, മന്ത്രിസ്ഥാനം സംബന്ധിച്ച് എന്‍സിപിക്ക് തീരുമാനം എടുക്കാമെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണനും വ്യക്തമാക്കി. ശശീന്ദ്രന്‍ രാജിവെച്ച പശ്ചാത്തലത്തില്‍ മന്ത്രി സ്ഥാനം ലഭിക്കാനുള്ള സാധ്യത കുട്ടനാട് എംഎല്‍എ തോമസ് ചാണ്ടിക്കാണ്. എന്നാല്‍ തോമസ് ചാണ്ടി…

Read More