ന്യൂഡല്‍ഹി: മോദിയുടെ കേദാര്‍നാഥ് സന്ദര്‍ശത്തെ പരിഹസിച്ച് നടന്‍ പ്രകാശ് രാജ്. ദ് ലൈ ലാമ (നുണയനായ ലാമ) എന്നാണ് മോദിയെ പ്രകാശ് രാജ് വിശേഷിപ്പിച്ചത്. വസ്ത്രശേഖരത്തിനും ക്യാമറാസംഘത്തിനും ഫാഷന് ഷോയ്ക്കും പണം മുടക്കുന്ന, ഒരു പഴ്‌സ് പോലും ഇല്ലാത്ത പ്രിയപ്പെട്ട സന്യാസി മോദിയുടെ ചിത്രങ്ങള്‍ പങ്കുവച്ച് അദ്ദേഹം ട്വിറ്ററില്‍ കളിയാക്കി. കേദാര്‍നാഥ്, ബദ്രിനാഥ് എന്നിവിടങ്ങളിലായി രണ്ടു ദിവസത്തെ സന്ദര്‍ശനത്തിനാണു മോദി എത്തിയത്. കാവിയുടുത്തു ഗുഹയില്‍ പ്രാര്‍ഥിക്കുന്നതടക്കമുള്ള ചിത്രങ്ങള്‍ മാധ്യമങ്ങളില്‍ വ്യാപകമായി പ്രചരിച്ചു. ഒരു കിലോമീറ്ററോളം മല നടന്നു കയറിയാണ് ആധുനിക സൗകര്യങ്ങളുള്ള ഗുഹയിലെത്തിയത്. മോദിയുടെ സന്ദര്‍ശനത്തിനെതിരെ പ്രതിപക്ഷ പാര്‍ട്ടികള്‍ ശക്തമായി പ്രതിഷേധിച്ചു. പെരുമാറ്റച്ചട്ടം ലംഘിച്ചെന്നാരോപിച്ച് മമത ബാനര്‍ജിയുടെ നേതൃത്വത്തില്‍ തൃണമൂല്‍ തിരഞ്ഞെടുപ്പു കമ്മിഷനെ സമീപിച്ചു. വോട്ടര്‍മാരെ സ്വീധിനിക്കാനുള്ള മോദിയുടെ നീക്കമാണിതെന്ന് ആരോപിച്ച് കോണ്‍ഗ്രസ് അടക്കമുള്ള പാര്‍ട്ടികളും രംഗത്തെത്തി.
Read Moreമോദി നുണയനായ ലാമ; മോദിയെ പരിഹസിച്ച് നടന്‍ പ്രകാശ് രാജ്
