ജാതി കേരളത്തിന്റെ മുഖം സിനിമയാകുന്നു; മധു ആരാകും ?

ജാതി കേരളത്തിന്റെ മുഖം സിനിമയാകുന്നു; മധു ആരാകും ?

അട്ടപ്പാടിയില്‍ ആള്‍ക്കൂട്ടത്തിന്റെ ആക്രമണത്തില്‍ ദാരുണമായി കൊല്ലപ്പെട്ട ആദിവാസി യുവാവ് മധുവിന്റെ ജീവിതം സിനിമയാകുന്നു. ഗോത്രവര്‍ഗ്ഗത്തിന്റെ കഷ്ടപ്പാടുകളുടെ കഥ പറയുന്ന സിനിമയുടെ പേരും മധു എന്നാണ്. അഖിലേഷ് ഗുരുവി ലാസ് സംവിധാനം ചെയ്യുന്ന സിനിമയുടെ ചിത്രീകരണം ഉടന്‍ തുടങ്ങും. സാംസ്‌ക്കാരിക കേരളത്തെ ഞെട്ടിച്ച മധുവിന്റെ കൊലപാതകവും കൊല്ലപ്പെടുന്നതിനു മുന്‍പുള്ള മധുവിന്റെ ജീവിതവുമെല്ലാം വെള്ളിത്തിരയിലേയ്ക്ക് എത്തുകയാണ്. മധുവിന്റെ ജീവിതം മാത്രമല്ല ഗോത്രവര്‍ഗ്ഗത്തിന്റെയാകെ ദുരിതവും കഷ്ടപ്പാടുകളുമെല്ലാം സിനിമയിലൂടെ ആവിഷ്‌ക്കരിക്കാനാണ് ചിത്രത്തിന്റെ അണിയറ പ്രവര്‍ത്തകരുടെ ശ്രമം. അട്ടപ്പാടിയിലെ ഏക സിനിമ തിയ്യറ്റര്‍ നടത്തിയിരുന്ന അഖിലേഷ് ഗുരുവിലാസാണ് ചിത്രം സംവിധാനം ചെയ്യുന്നത്. ദീര്‍ഘകാലം അട്ടപ്പാടി കേന്ദ്രീകരിച്ച് പ്രവര്‍ത്തിച്ചതിനാല്‍ ആദിവാസി ജീവിതവും ചര്യയും നന്നായി മനസ്സിലാക്കിയിട്ടുണ്ടെന്ന് അഖിലേഷ് പറഞ്ഞു.അതു കൊണ്ടുതന്നെ അവരുടെ കഥ സിനിമയാക്കാന്‍ ഈ അനുഭവങ്ങള്‍ സഹായകമായിട്ടുണ്ടെന്നും അഖിലേഷ് പറഞ്ഞു. 40 ലക്ഷം രൂപ മാത്രമാണ് ചിത്രത്തിന്റെ ബഡ്ജറ്റ് .തിരക്കഥ പൂര്‍ത്തിയായ സാഹചര്യത്തില്‍ ചിത്രീകരണം…

Read More

മധുവിന്റെ കൊലപാതകം: കേസ് ഹൈകോടതി ഇന്ന് പരിഗണിക്കും

മധുവിന്റെ കൊലപാതകം: കേസ് ഹൈകോടതി ഇന്ന് പരിഗണിക്കും

കൊച്ചി: അട്ടപ്പാടിയിലെ ആദിവാസി യുവാവ് മധുവിന്റെ കൊലപാതകത്തെ തുടര്‍ന്ന് സ്വമേധയാ എടുത്ത കേസ് ഹൈകോടതി ഇന്ന് പരിഗണിക്കും. ആദിവാസി ക്ഷേമ പദ്ധതികള്‍ സംബന്ധിച്ച നടപടികളില്‍ സര്‍ക്കാര്‍ ഇന്ന് വിശദമായ സത്യവാങ്മൂലം നല്‍കിയേക്കും. അട്ടപ്പാടിയില്‍ ആദിവാസികള്‍ക്ക് അനുവദിച്ച ഫണ്ടില്‍ അന്വേഷണം വേണമെന്നായിരുന്നു അമികസ് ക്യൂറി റിപ്പോര്‍ട്ട്. വികസന പദ്ധതികള്‍ സോഷ്യല്‍ ഓഡിറ്റിന് വിധേയമാക്കണമെന്നും റിപ്പോര്‍ട്ട് ശുപാര്‍ശ ചെയ്തിരുന്നു. അമികസ് ക്യൂറിയുടെ റിപ്പോര്‍ട്ടും കോടതിയുടെ പരിഗണനക്കെത്തും.

Read More

മധുവിന്റെ കൊലപാതകം: മജിസ്‌ട്രേറ്റ് അന്വേഷണം തുടങ്ങി

മധുവിന്റെ കൊലപാതകം: മജിസ്‌ട്രേറ്റ് അന്വേഷണം തുടങ്ങി

തിരുവനന്തപുരം: അട്ടപ്പാടിയില്‍ ആള്‍ക്കൂട്ടത്തിന്റെ മര്‍ദനമേറ്റ് ആദിവാസി യുവാവ് മധു കൊല്ലപ്പെട്ട കേസില്‍ മജിസ്‌ട്രേറ്റ് തല അന്വേഷണം തുടങ്ങി. ഹൈകോടതി നിര്‍ദ്ദേശ പ്രകാരം മണ്ണാര്‍ക്കാട് ചീഫ് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് എം. രമേശാണ് അട്ടപ്പാടിയിലെത്തി അന്വേഷണം ആരംഭിച്ചത്. മധുവിനെ പിടികൂടിയ മുക്കാലി വനമേഖലയിലും, മര്‍ദിച്ച മറ്റു സ്ഥലങ്ങളിലുമെല്ലാം മജിസ്‌ട്രേറ്റ് സന്ദര്‍ശിച്ച് തെളിവെടുപ്പ് നടത്തും. മധുവിന്റെ അമ്മ മല്ലി, സഹോദരിമാര്‍ എന്നിവരില്‍ നിന്നും മജിസ്‌ട്രേറ്റ് മൊഴി രേഖപ്പെടുത്തും. നാട്ടുകാര്‍ പിടികൂടിയ മധുവിനെ മര്‍ദിച്ച് അവശനാക്കി പൊലീസിന് കൈമാറിയിരുന്നു. എന്നാല്‍ സ്റ്റേഷനിലേക്ക് പോവുന്ന വഴിയില്‍ മധു മരിച്ചു. ഇക്കാര്യത്തിലെ ദുരൂഹതയെക്കുറിച്ച് അന്വേഷണം വേണമെന്നും ആവശ്യമുയര്‍ന്നിരുന്നു. ഇക്കാര്യവും മജിസ്‌ട്രേറ്റ് അന്വേഷിക്കും.

Read More

മധുവിന്റേതെന്ന പേരില്‍ സാമൂഹിക മാധ്യമങ്ങളില്‍ പ്രചരിച്ച ചിത്രം വ്യാജം, യഥാര്‍ത്ഥ ചിത്രം പുറത്ത്

മധുവിന്റേതെന്ന പേരില്‍ സാമൂഹിക മാധ്യമങ്ങളില്‍ പ്രചരിച്ച ചിത്രം വ്യാജം, യഥാര്‍ത്ഥ ചിത്രം പുറത്ത്

അഗളി: ആദിവാസി യുവാവ് മധുവിന്റേതെന്ന പേരില്‍ സാമൂഹിക മാധ്യമങ്ങളില്‍ രണ്ട് ദിവസങ്ങളിലായി വ്യാജചിത്രം പ്രചരിച്ചിരുന്നു. സംഭവം വിവാദമായതോടെ ചിത്രമിട്ടവര്‍ തന്നെ അവ പിന്‍വലിച്ചു. മധു ചില സുഹൃത്തുക്കള്‍ക്കൊപ്പം നില്‍ക്കുന്ന ചിത്രമെന്ന രീതിയിലാണ് ഇത് പ്രചരിച്ചത്. സംഭവം സാമൂഹിക മാധ്യമങ്ങളില്‍ ചര്‍ച്ചയാവുകയും ആളുകള്‍ ഇത് പ്രചരിപ്പിക്കുകയും ചെയ്തിരുന്നു. എന്നാല്‍, ചിത്രത്തിലുള്ളയാള്‍ മധുവല്ലെന്ന് ബന്ധുക്കള്‍ തന്നെ സ്ഥിരീകരിച്ചു. ഇതോടെയാണ് ചിത്രങ്ങള്‍ പിന്‍വലിച്ചത്. അതിനിടെ മധുവും സഹോദരി ചന്ദ്രികയുമൊത്തുള്ള യഥാര്‍ത്ഥ ചിത്രം ലഭിച്ചു. മധുവിന്റെ ചെറിയച്ഛന്റെ മകന്‍ രാജേഷില്‍ നിന്നാണിത് ലഭിച്ചത്. ഐ.ടി.ഡി.പി.യില്‍ നിന്നുള്ള സാമ്പത്തിക സഹായത്തില്‍ മുട്ടിക്കുളങ്ങരയിലെ സ്ഥാപനത്തില നിന്ന് മധു തൊഴില്‍ പരിശീലനംനേടിയിരുന്നു. ഇക്കാലത്തെ ചിത്രമെന്ന പേരിലാണ് വ്യാജചിത്രം പ്രചരിച്ചത്. മധു സഹോദരി ചന്ദ്രികയുമൊത്തുള്ള യഥാര്‍ത്ഥ ചിത്രം

Read More