അമേരിക്കക്കൊപ്പം ഇസ്രയേലും പിന്മാറുന്നു

അമേരിക്കക്കൊപ്പം ഇസ്രയേലും പിന്മാറുന്നു

ജെറുസലേം: അമേരിക്കയ്‌ക്കൊപ്പം ഇസ്രായേലും യുനസ്‌കോ(യുണൈറ്റഡ് നേഷന്‌സ് എഡ്യൂക്കേഷണല്‍ സയന്റിഫിക് ആന്‍ഡ് കള്‍ച്ചറല്‍ ഓര്‍ഗനൈസേഷന്‍)യില്‍ നിന്നും പിന്മാറ്റം പ്രഖ്യാപിച്ചു. പിന്മാറുന്നതിനുള്ള നടപടി ക്രമങ്ങള്‍ പൂര്‍ത്തിയാക്കാന്‍ ആഭ്യന്തര മന്ത്രാലയം നിര്‍ദ്ദേശം നല്‍കിയതായി പ്രധാനമന്ത്രി ബെഞ്ചമിന്‍ നെതന്യാഹുവിന്റെ ഓഫീസ് വക്താക്കള്‍ പ്രതികരിച്ചു. പാരമ്പര്യത്തെ കാത്തുസംരക്ഷിക്കുന്നതിന് പകരം തകര്‍ക്കുകയാണ് യുനസ്‌കോ ചെയ്യുന്നത്. അസംബന്ധങ്ങളുടെ അരങ്ങായി മാറിക്കൊണ്ടിരിക്കുകയാണ് യുനസ്‌കോ. യുനസ്‌കോയില്‍ നിന്നും പിന്മാറ്റം പ്രഖ്യാപിച്ച യുഎസ് പ്രസിഡന്റ് ട്രംപിന്റെ തീരുമാനം വളരെ ധീരമായതാണെന്നും സ്വാഗതാര്‍ഹമാണെന്നും നെതന്യാഹു പ്രതികരിച്ചു. കഴിഞ്ഞ ദിവസമാണ് യുനസ്‌കോയില്‍ നിന്നും പിന്മാറുമെന്ന് അമേരിക്ക പ്രഖ്യാപിച്ചത്. ഇസ്രായേല്‍ വിരുദ്ധ നിലപാടുകള്‍ സ്വീകരിക്കുന്നുവെന്ന് ആരോപിച്ചായിരുന്നു ഇത്. പാലസ്തീന്‍ യുനസ്‌കോയില്‍ അംഗത്വം നല്‍കിയതിനെ തുടര്‍ന്നുണ്ടായ നയതന്ത്ര പ്രശ്‌നങ്ങളാണ് പിന്മാറ്റത്തില്‍ വരെ എത്തിച്ചത്. പിന്മാറ്റം പ്രഖ്യാപിച്ചെങ്കിലും ചട്ടപ്രകാരം 2018 ഡിസംബറോടെ മാത്രമേ നടപടികള്‍ പൂര്‍ത്തിയാവുകയുള്ളൂ. അതുവരെ ഇരു രാജ്യങ്ങള്‍ക്കും യുനസ്‌കോയില്‍ അംഗമായി തന്നെ തുടരേണ്ടി വരും.

Read More

ഉത്തരകൊറിയക്ക് മുന്നറിയിപ്പുമായി അമേരിക്ക

ഉത്തരകൊറിയക്ക് മുന്നറിയിപ്പുമായി അമേരിക്ക

സോള്‍/വാഷിങ്ടന്‍: ഉത്തര കൊറിയയുടെ അതിര്‍ത്തിക്കുസമീപം അമേരിക്കയുടെ കരുത്തുറ്റ രണ്ട് ബോംബര്‍ വിമാനങ്ങള്‍ പറത്തി യുഎസിന്റെ മുന്നറിയിപ്പ്. യുഎസ് വ്യോമസേനയുടെ ബി-1ബി പോര്‍വിമാനങ്ങളാണു ഉത്തര കൊറിയന്‍ ഏകാധിപതിയായ കിം ജോങ് ഉന്നിനെ ഭയപ്പെടുത്താനായി യുഎസ് ഉപയോഗിച്ചത്. ദക്ഷിണ കൊറിയ, ജപ്പാന്‍ എന്നിവരുമായി ചേര്‍ന്നായിരുന്നു യുഎസിന്റെ സൈനിക പ്രകടനം. യുഎസ് ബോംബര്‍ വിമാനങ്ങള്‍ ആദ്യമായാണു ജപ്പാനിലെയും ദക്ഷിണ കൊറിയയിലെയും ഫൈറ്റര്‍ വിമാനങ്ങളുമായി ചേര്‍ന്നു സൈനിക പരിശീലനം നടത്തുന്നത്. യുഎസിന്റെ ഗുവാം ദ്വീപിലെ ആന്‍ഡേഴ്‌സണ്‍ വ്യോമസേനാ താവളത്തില്‍നിന്നാണു ബോംബര്‍ വിമാനങ്ങള്‍ ദൗത്യത്തിനായി പറന്നുയര്‍ന്നത്. ഓഗസ്റ്റില്‍ ഗുവാമിനെ മിസൈല്‍ ഉപയോഗിച്ചു തകര്‍ക്കുമെന്ന ഉത്തര കൊറിയ ഭീഷണിപ്പെടുത്തിയിരുന്നു. ഇതിനുള്ള മറുപടി കൂടിയാണ് യുഎസിന്റെ സൈനിക നടപടി. ദക്ഷിണ കൊറിയയുടെ എഫ്-15കെ ഫൈറ്ററുകള്‍ പരിശീലനപ്പറക്കലില്‍ പങ്കെടുത്തതായി അവരുടെ ജോയിന്റ് ചീഫ് ഓഫ് സ്റ്റാഫ് അറിയിച്ചു. ദക്ഷിണ കൊറിയയുടെ വ്യോമാതിര്‍ത്തിയില്‍ പ്രവേശിച്ച യുഎസ് പോര്‍വിമാനങ്ങള്‍, കിഴക്കന്‍ തീരത്ത്…

Read More

ഭീകരാക്രമണങ്ങള്‍ തടയാന്‍ ഇന്റര്‍നെറ്റ് വിച്ഛേദിക്കുകയാണു വേണ്ടതെന്ന് അമേരിക്കന്‍ പ്രസിഡന്റ് ഡോണള്‍ഡ് ട്രംപ്

ഭീകരാക്രമണങ്ങള്‍ തടയാന്‍ ഇന്റര്‍നെറ്റ് വിച്ഛേദിക്കുകയാണു വേണ്ടതെന്ന് അമേരിക്കന്‍ പ്രസിഡന്റ് ഡോണള്‍ഡ് ട്രംപ്

വാഷിങ്ടണ്‍: ലണ്ടനിലെ പാര്‍സന്‍സ് ഗ്രീന്‍ സബ്വേയിലുണ്ടായ സ്‌ഫോടനത്തെ അപലപിച്ചുള്ള ട്വീറ്റുകളിലാണ് ട്രംപിന്റെ പരാമര്‍ശം. അമേരിക്കയിലേക്കുള്ള യാത്രാനിരോധനപരിധിയില്‍ ഉള്‍പ്പെട്ട രാജ്യങ്ങളുടെ എണ്ണം കൂട്ടുന്നതിനെപ്പറ്റിയും ട്വീറ്റുകളില്‍ സൂചനയുണ്ട്. ഇസ്ലാമിക് സ്റ്റേറ്റിന്റെ ഭീകരപ്രവര്‍ത്തനങ്ങളെ തടയുന്ന കാര്യത്തില്‍ ഒബാമ ഭരണകൂടത്തേക്കാളും മികച്ച പ്രകടനം ഇതിനോടകം താന്‍ നടത്തിയെന്നും ട്രംപ് അവകാശപ്പെടുന്നു. ചൈനയ്ക്കു സമാനമായി ഇന്റര്‍നെറ്റിന് സെന്‍സര്‍ഷിപ് ഏര്‍പ്പെടുത്താനാണോ ട്രംപിന്റെ ശ്രമം എന്ന രീതിയില്‍ ചര്‍ച്ചകള്‍ക്കും ട്വീറ്റുകള്‍ വഴിവച്ചിട്ടുണ്ട്. ഗൂഗിളിന് ഉള്‍പ്പെടെ ചൈനയില്‍ വിലക്കുണ്ട്. ഭീകരന്മാരെ റിക്രൂട്ട് ചെയ്യുന്ന’ഉപകരണം’ എന്നാണ് ഇന്റര്‍നെറ്റിനെ ട്വീറ്റില്‍ ട്രംപ് വിശേഷിപ്പിച്ചത്. ‘പരാജിതരായ’ ഭീകരര്‍ക്കു നേരെ കൂടുതല്‍ കര്‍ശനമായ സമീപനങ്ങളാണു വേണ്ടത്. അവരുടെ റിക്രൂട്ടിങ് ‘ടൂള്‍’ ആയിരിക്കെ ഇന്റര്‍നെറ്റിനെ വിച്ഛേദിക്കുകയും കൃത്യമായി വിനിയോഗിക്കുകയുമാണ് വേണ്ടത്. ഇനിയും ഭീകരാക്രമണങ്ങള്‍ ഉണ്ടാകാതിരിക്കണമെങ്കില്‍ ഇത് അത്യാവശ്യമാണ്’ -ട്രംപ് കുറിച്ചു.സ്‌കോട്ലന്‍ഡ് യാര്‍ഡിന്റെ നിരീക്ഷണത്തിനു കീഴിലുള്ളവരാണ് ലണ്ടനിലെ സ്‌ഫോടനത്തിനു പിന്നിലെന്നും ട്രംപ് പറയുന്നു. എന്നാല്‍ സ്‌കോട്ലന്‍ഡ് യാര്‍ഡ്…

Read More

മോദിയെ കാണാന്‍ ട്രംപ് കാത്തിരിക്കുന്നു; വൈറ്റ് ഹൗസ് വൃത്തങ്ങള്‍; 26 ന് മോദി യുഎസ്സില്‍

മോദിയെ കാണാന്‍ ട്രംപ് കാത്തിരിക്കുന്നു; വൈറ്റ് ഹൗസ് വൃത്തങ്ങള്‍; 26 ന് മോദി യുഎസ്സില്‍

വാഷിങ്ടന്‍: നരേന്ദ്ര മോദിയുമായുള്ള കൂടിക്കാഴ്ചയ്ക്ക് യുഎസ് പ്രസിഡന്റ് ഡോണള്‍ഡ് ട്രംപ് കാത്തിരിക്കുകയാണെന്ന് വൈറ്റ് ഹൗസ് പ്രസ് സെക്രട്ടറി സീന്‍ സ്‌പൈസര്‍ അറിയിച്ചു. ഈമാസം 26 ന് ആണ് സന്ദര്‍ശനത്തിനായി മോദി യുഎസിലേക്കു വരുന്നത്. ഇന്ത്യയുമായുള്ള നയതന്ത്രബന്ധം മെച്ചപ്പെടുത്തുന്നതെക്കുറിച്ച് ചര്‍ച്ച ചെയ്യും. ഭീകരവാദത്തിനെതിരായ പോരാട്ടം, സാമ്പത്തിക വളര്‍ച്ച, ഇന്തോപസഫിക് മേഖലയിലെ സുരക്ഷ സഹകരണം വര്‍ധിപ്പിക്കല്‍ തുടങ്ങിയവയും കൂടിക്കാഴ്ചയില്‍ ചര്‍ച്ചയാകും. 1.6 ബില്യണ്‍ പൗരന്മാര്‍ക്ക് ഗുണകരമാകുന്ന തരത്തില്‍ ഇന്ത്യ യുഎസ് പങ്കാളിത്തം എങ്ങനെ രൂപീകരിക്കാമെന്നും ചര്‍ച്ചയില്‍ വിഷയമാകുമെന്നും സ്‌പൈസര്‍ പറഞ്ഞു. അതേസമയം, ട്രംപും മോദിയുമായുള്ള ചര്‍ച്ചയില്‍ ഇന്ത്യക്കാരെ ഗുരുതമായി ബാധിക്കുന്ന എച്ച്1ബി വീസ വിഷയവും ചര്‍ച്ചയായേക്കുമെന്നാണ് വിലയിരുത്തല്‍. ഇരുരാജ്യങ്ങളുടെയും താല്‍പര്യത്തിനൊത്തവിധം പ്രശ്‌നങ്ങള്‍ പറഞ്ഞുതീര്‍ത്ത് ബന്ധം വിപുലപ്പെടുത്തുന്നതിനാകും ശ്രമിക്കുക. ഇരുരാജ്യങ്ങളും തമ്മിലുള്ള ബന്ധത്തിന് പുതിയൊരു പാത വെട്ടിത്തെളിക്കാന്‍ ഇതിലൂടെ കഴിയുമെന്നും ഇന്ത്യന്‍ വിദേശകാര്യവകുപ്പ് പ്രതീക്ഷ പ്രകടിപ്പിച്ചു. എച്ച്1ബി വീസ അടക്കമുള്ള വിഷയങ്ങള്‍…

Read More

ഇന്ത്യയും ഭീകരവാദത്തിന്റെ ഇരയെന്ന് ട്രംപ് ; യുഎസ് പ്രസിഡന്റിന്റെ പരാമര്‍ശം നവാസ് ഷെരീഫ് പങ്കെടുത്ത ഉച്ചകോടിയില്‍

ഇന്ത്യയും ഭീകരവാദത്തിന്റെ ഇരയെന്ന് ട്രംപ് ; യുഎസ് പ്രസിഡന്റിന്റെ പരാമര്‍ശം നവാസ് ഷെരീഫ് പങ്കെടുത്ത ഉച്ചകോടിയില്‍

റിയാദ് : യുദ്ധ വിരുദ്ധ സന്ദേശവുമായി ട്രംപ്. ഇന്ത്യയുള്‍പ്പെടെയുള്ള രാജ്യങ്ങള്‍ ഭീകരവാദത്തിന്റെ ഇരകളാണെന്നു യുഎസ് പ്രസിഡന്റ് ഡോണള്‍ഡ് ട്രംപ്. കഴിഞ്ഞദിവസം പാക്ക് പ്രധാനമന്ത്രി നവാസ് ഷെരീഫ് ഉള്‍പ്പെടെയുള്ളവര്‍ പങ്കെടുത്ത അറബ്-ഇസ്ലാമിക്-യുഎസ് ഉച്ചകോടിയിലായിരുന്നു ട്രംപിന്റെ പരാമര്‍ശം. ”അമേരിക്കയില്‍ തുടര്‍ച്ചയായി ഭീകരാക്രമണങ്ങള്‍ നടന്നു. യൂറോപ്പിലും സ്ഥിതി വ്യത്യസ്തമല്ല. ആഫ്രിക്കയിലും തെക്കേ അമേരിക്കയിലും ആക്രമണങ്ങളുണ്ടായി. ഇന്ത്യ, റഷ്യ, ചൈന, ഓസ്‌ടേലിയ തുടങ്ങിയ രാജ്യങ്ങളും ഭീകരവാദത്തിന്റെ ഇരകളാണ് ” ട്രംപ് പറഞ്ഞു. അതേസമയം, ഭീകരാക്രമണത്തില്‍ ഏറ്റവും കൂടുതല്‍ ആളുകള്‍ കൊല്ലപ്പെട്ടത് അറബ്, മുസ്ലിം, മധ്യപൗരസ്ത്യ രാജ്യങ്ങളിലാണ്. ഭീകരവാദത്തിന്റെ ഇരകളില്‍ 95% പേരും മുസ്ലിംകളാണ്. ഐഎസ്, അല്‍ ഖായിദ, ഹിസ്ബുല്ല, ഹമാസ് എന്നിവയൊക്കെയുണ്ടാക്കിയ നഷ്ടം മരണസംഖ്യ കൊണ്ടു മാത്രം കണക്കാക്കാനാകില്ല. സ്വപ്നങ്ങള്‍ ഇല്ലാതായ തലമുറകളിലൂടെ മാത്രമേ യഥാര്‍ഥ നഷ്ടം കണക്കാക്കാനാകൂ. മധ്യപൗരസ്ത്യ മേഖലയിലെ ഈ ദുരന്തം ഇന്നു ലോകം മുഴുവന്‍ വ്യാപിക്കുകയാണ്. ഭീകരവാദികളെ ആട്ടിയകറ്റുന്നതിലൂടെ…

Read More

കിം ജോങ് ഉന്നുമായി കൂടിക്കാഴ്ചയ്ക്ക് ഒരുക്കമാണെന്ന് ഡോണള്‍ഡ് ട്രംപ് ; ഉത്തര കൊറിയ നിബന്ധനകള്‍ പാലിക്കേണ്ടി വരും

കിം ജോങ് ഉന്നുമായി കൂടിക്കാഴ്ചയ്ക്ക് ഒരുക്കമാണെന്ന് ഡോണള്‍ഡ് ട്രംപ് ; ഉത്തര കൊറിയ നിബന്ധനകള്‍ പാലിക്കേണ്ടി വരും

വാഷ്ങ്ടന്‍: സാഹചര്യങ്ങള്‍ അനുകൂലമായാല്‍ ഉത്തര കൊറിയന്‍ ഏകാധിപതി കിം ജോങ് ഉന്നുമായി കൂടിക്കാഴ്ചയ്ക്ക് ഒരുക്കമാണെന്ന് യുഎസ് പ്രസിഡന്റ് ഡോണള്‍ഡ് ട്രംപ്. കിങ് ജോങ് ഉന്നുമായുള്ള കൂടിക്കാഴ്ചയെ ഒരു ബഹുമതിയായി താന്‍ കണക്കാക്കുമെന്നും ബ്ലൂംബെര്‍ഗ് ന്യൂസിനു നല്‍കിയ അഭിമുഖത്തില്‍ ഡോണള്‍ഡ് ട്രംപ് വ്യക്തമാക്കി. അതേസമയം, പ്രസിഡന്റ് ട്രംപുമായുള്ള കൂടിക്കാഴ്ചയ്ക്ക് മുമ്പായി ഉത്തര കൊറിയ ഒട്ടേറെ നിബന്ധനകള്‍ പാലിക്കേണ്ടിവരുമെന്ന് വൈറ്റ്ഹൗസ് വൃത്തങ്ങള്‍ വ്യക്തമാക്കി. ആണവ പരീക്ഷണങ്ങളടക്കമുള്ള പ്രകോപനങ്ങള്‍ ഉത്തര കൊറിയ ഉടന്‍ അവസാനിപ്പിക്കണമെന്നും വൈറ്റ്ഹൗസ് വക്താവ് ഷോണ്‍ സ്‌പൈസര്‍ വാഷിങ്ടണില്‍ ആവശ്യപ്പെട്ടു. കഴിഞ്ഞ ദിവസം മറ്റൊരു ടെലിവിഷന്‍ അഭിമുഖത്തില്‍ കിം ജോങ് ഉന്നിന്റെ സാമര്‍ഥ്യത്തെ പ്രകീര്‍ത്തിച്ചതിനു പിന്നാലെയാണ് അദ്ദേഹവുമായി കൂടിക്കാഴ്ചയ്ക്കുള്ള സന്നദ്ധതയും വെളിപ്പെടുത്തി ട്രംപ് രംഗത്തെത്തിയത്. ‘അദ്ദേഹവുമായി (കിം ജോങ് ഉന്‍) കൂടിക്കാഴ്ച നടത്തുന്നത് നല്ലതാണെങ്കില്‍, ഉറപ്പായും അങ്ങനെ ചെയ്യും. മാത്രമല്ല, അങ്ങനെ സംഭവിക്കുന്നത് എന്നെ സംബന്ധിച്ച് ഒരു ബഹുമതിയായും…

Read More

സിറിയയില്‍ നടത്തിയത് രാസായുധ ആക്രമണത്തിനുള്ള തിരിച്ചടി; ഡോണള്‍ഡ് ട്രംപ്

സിറിയയില്‍ നടത്തിയത് രാസായുധ ആക്രമണത്തിനുള്ള തിരിച്ചടി; ഡോണള്‍ഡ് ട്രംപ്

ന്യൂയോര്‍ക്ക് : സിറിയയില്‍ ബഷര്‍ അല്‍ അസദ് ഭരണകൂടത്തിന് എതിരെ അമേരിക്കയുടെ സൈനിക നടപടി. വിമാനങ്ങളില്‍ നിന്ന് അന്‍പതോളം ടോമോഹാക് മിസൈലുകള്‍ വര്‍ഷിച്ചു. ഷായരാത് വ്യോമതാവളത്തിന് നേരെയാണ് യുഎസ് ആക്രമണം. വിമതമേഖലകളില്‍ സിറിയന്‍ സര്‍ക്കാര്‍ രാസായുധ ആക്രമണം നടത്തിയതിനു പിന്നാലെയാണ് അമേരിക്കന്‍ നടപടി. സിറിയന്‍ ആക്രമണത്തില്‍ എണ്‍പതോളം പേര്‍ കൊല്ലപ്പെട്ടിരുന്നു. സിറിയയില്‍ നടത്തിയത് രാസായുധ ആക്രമണത്തിനുള്ള തിരിച്ചടിയാണെന്ന് യുഎസ് പ്രസിഡന്റ് ഡോണള്‍ഡ് ട്രംപ് പറഞ്ഞു. തിരിച്ചടി ദേശീയ സുരക്ഷാ താല്‍പര്യത്തിന് ആവശ്യമായിരുന്നുവെന്നും ട്രംപ് വിശദീകരണം നല്‍കി. സിറിയന്‍ സര്‍ക്കാര്‍ നടത്തുന്ന കൂട്ടക്കുരുതി തടയാന്‍ രാജ്യാന്തരസമൂഹം ഇടപെടണമെന്നും യുഎസ് പ്രസിഡന്റ് ആവശ്യപ്പെട്ടു. സിറിയയ്ക്കു നേരെ സൈനിക നടപടിയുണ്ടായേക്കുമെന്ന് യുഎസ് മുന്നറിയിപ്പ് നല്‍കിയിരുന്നു. സിറിയയുടെ ഭാവിയില്‍ പ്രസിഡന്റ് ബാഷര്‍ അല്‍-അസദിന് ഒരു പങ്കുമില്ലെന്ന് യുഎസ് വിദേശകാര്യ സെക്രട്ടറി റെക്‌സ് ടില്ലേഴ്‌സണ്‍ പറഞ്ഞിരുന്നു. അസദിനെ നീക്കാന്‍ രാഷ്ട്രീയ ഇടപെടല്‍ അനിവാര്യമാണെന്നും അദ്ദേഹം…

Read More

സ്വകാര്യതയിലേക്ക് നുഴഞ്ഞുകയറ്റം; ട്രംപിനും കൂട്ടര്‍ക്കും വെല്ലുവിളിയുയര്‍ത്തി പോണ്‍ സൈറ്റ്

സ്വകാര്യതയിലേക്ക് നുഴഞ്ഞുകയറ്റം; ട്രംപിനും കൂട്ടര്‍ക്കും വെല്ലുവിളിയുയര്‍ത്തി പോണ്‍ സൈറ്റ്

ഇന്റര്‍നെറ്റില്‍ നാം എന്തൊക്കെ തിരയുന്നു എന്ന ‘ഡേറ്റ’ പലതരത്തില്‍ ശേഖരിച്ച് അവ വിവിധ പരസ്യദാതാക്കള്‍ക്ക് വില്‍ക്കുന്നതു വഴിയാണ് നമുക്കു ചേര്‍ന്ന അനുബന്ധ പരസ്യങ്ങള്‍ ലഭിക്കുന്നത്. ഇത് സ്വകാര്യതയിലേക്കുള്ള കടന്നുകയറ്റമാണെന്നു വാദിക്കുന്നവരാണ് ഭൂരിപക്ഷം പേരും. യുഎസിലാകട്ടെ ഇത്തരം നീക്കങ്ങള്‍ തടയുന്നതിന് നിയമം പോലുമുണ്ടായിരുന്നു. എന്നാല്‍ ഇന്റര്‍നെറ്റ് സ്വകാര്യതാ നിയമങ്ങള്‍ റദ്ദാക്കാനുള്ള ബില്‍ കഴിഞ്ഞ ദിവസമാണ് റിപ്പബ്ലിക്കന്‍ ഭൂരിപക്ഷമുള്ള ജനപ്രതിനിധി സഭ അംഗീകരിച്ചത്. അതായത്, ഇനി മുതല്‍ യുഎസിലുള്ളവര്‍ എന്തെല്ലാം തിരയുന്നു, ഏതെല്ലാം വെബ്‌സൈറ്റില്‍ കയറുന്നു, എവിടെയെല്ലാം ക്ലിക്ക് ചെയ്യുന്നു, ഏതു വിഡിയോ കാണുന്നു, ഏത് ആപ്പ് ഉപയോഗിക്കുന്നു, എത്ര നേരം സൈറ്റുകളില്‍ ചെലവഴിക്കുന്നു തുടങ്ങിയ സകലവിവരങ്ങളും ശേഖരിച്ചു വില്‍ക്കാന്‍ രാജ്യത്തെ ഇന്റര്‍നെറ്റ് സേവനദാതാക്കള്‍ക്കു(ഐഎസ്പി) സാധിക്കും. ഇന്റര്‍നെറ്റ് ലോകത്ത് ഗൂഗിളും ഫെയ്‌സ്ബുക്കും പല വമ്പന്‍ കമ്പനികളും ഇത്തരത്തില്‍ ഉപയോക്താക്കളുടെ ‘ബ്രൗസിങ് ഡേറ്റ’ ശേഖരിച്ച് ഉപയോഗപ്പെടുത്തുന്നുണ്ട്. അങ്ങനെയിരിക്കെ തങ്ങള്‍ക്കു മാത്രം അതിനുള്ള…

Read More

അമേരിക്കന്‍ ജനതയ്ക്ക് നന്ദി പറഞ്ഞ് ഒബാമയുടെ വിടവാങ്ങല്‍ പ്രസംഗം; വര്‍ണവിവേചനം രാജ്യം നേരിടുന്ന വെല്ലുവിളി

അമേരിക്കന്‍ ജനതയ്ക്ക് നന്ദി പറഞ്ഞ് ഒബാമയുടെ വിടവാങ്ങല്‍ പ്രസംഗം; വര്‍ണവിവേചനം രാജ്യം നേരിടുന്ന വെല്ലുവിളി

വാഷിംഗ്ടണ്‍: അമേരിക്കന്‍ ജനതയ്ക്ക് നന്ദി പറഞ്ഞ് പ്രസിഡന്റ് ബരാക് ഒബാമയുടെ വിടവാങ്ങല്‍ പ്രസംഗം. വര്‍ണ വിവേചനമാണ് രാജ്യം ഇപ്പോഴും നേരിടുന്ന ഏറ്റവും വലിയ വെല്ലുവിളിയെന്നും സാധാരണക്കാര്‍ ഒരുമിച്ച് അണിനിരന്നാല്‍ മാറ്റങ്ങള്‍ സാധ്യമാകുമെന്നും ഒബാമ പറഞ്ഞു. ജനങ്ങളാണ് തന്നെ മെച്ചപ്പെട്ട പ്രസിഡന്റാക്കിയത്. മെച്ചപ്പെട്ട മനുഷ്യനാക്കിയത്. ഓരോ ദിവസം നിങ്ങളില്‍ നിന്നാണ് ഞാന്‍ പഠിച്ചത്. സ്ഥാനം ഒഴിയുന്നതിന് മുന്നോടിയായി ഷിക്കാഗോയില്‍ നടത്തിയ വിടവാങ്ങല്‍ പ്രസംഗത്തില്‍ ഒബാമ പറഞ്ഞു. തന്റെ എട്ട് വര്‍ഷത്തെ ഭരണകാല നേട്ടങ്ങള്‍ എണ്ണിപ്പറയാനും അദ്ദേഹം മറന്നില്ല. മാറ്റങ്ങള്‍ കൊണ്ടുവരാനായത് എന്റെ കഴിവുകൊണ്ടല്ല നിങ്ങളിലൂടെയാണ് അത് സാധ്യമായത്. ഭാര്യ മിഷേല്‍ ഒബാമയേയും വൈസ് പ്രസിഡന്റ് ജോ ബൈഡനേയും പ്രശംസിക്കാനും അദ്ദേഹം മറന്നില്ല. എട്ട് വര്‍ഷത്തിനിടെ ഒരു വിദേശ തീവ്രവാദ സംഘടനയ്ക്കും അമേരിക്കന്‍ മണ്ണില്‍ ഒരു ആക്രമണവും ആസൂത്രണം ചെയ്ത് നടപ്പാക്കാന്‍ കഴിഞ്ഞിട്ടില്ല എന്നും അദ്ദേഹം എടുത്തുപറഞ്ഞു. അമേരിക്ക തുടങ്ങിയിടത്ത്…

Read More

ഡൊണാള്‍ഡ് ട്രംപ്: ടൈം പേഴ്‌സണ്‍ ഓഫ് ദ ഇയര്‍

ഡൊണാള്‍ഡ് ട്രംപ്:  ടൈം പേഴ്‌സണ്‍ ഓഫ് ദ ഇയര്‍

ന്യൂയോര്‍ക്ക്: ടൈം മാഗസിന്റെ പേഴ്‌സണ്‍ ഓഫ് ദ ഇയറായി നിയുക്ത യു.എസ് പ്രസിഡന്റ് ഡൊണാള്‍ഡ് ട്രംപ്. നിരവധി പേരെ പിന്തള്ളിയാണ് അദ്ദേഹം ബഹുമതിയ്ക്ക് അര്‍ഹനായത്. ഓരോ വര്‍ഷവും ലോകത്തെയും വാര്‍ത്തകളെയും ഏറ്റവും സ്വാധീനിച്ച വ്യക്തിയെയാണ് പേഴ്‌സണ്‍ ഓഫ് ദ ഇയര്‍ ആയി ടൈം മാഗസിന്‍ തെരഞ്ഞെടുക്കുന്നത്. ജര്‍മന്‍ ചാന്‍സലര്‍ ആംഗല മെര്‍ക്കല്‍ ആയിരുന്നു കഴിഞ്ഞ വര്‍ഷത്തെ ടൈം മാഗസിന്‍ പേഴ്‌സണ്‍ ഓഫ് ദ ഇയര്‍. പുരസ്‌കാരത്തിന്റെ റീഡേഴ്‌സ് പോളില്‍ പ്രധാനമന്ത്രി നരേന്ദ്ര മോദി തെരഞ്ഞെടുക്കപ്പെട്ടിരുന്നു. പുടിനെയും നരേന്ദ്രമോഡിയെയും പിന്തള്ളിയാണ് ട്രംപ് ടൈം മാഗസിന്റെ ബഹുമതിയ്ക്ക് അര്‍ഹനായത്.

Read More