പറക്കും കാര്‍ നിര്‍മ്മിക്കാന്‍ നാസ എക്‌സ്‌പേര്‍ട്ടിനെ നിയമിച്ച് ഹ്യൂണ്ടായ്

പറക്കും കാര്‍ നിര്‍മ്മിക്കാന്‍ നാസ എക്‌സ്‌പേര്‍ട്ടിനെ നിയമിച്ച് ഹ്യൂണ്ടായ്

പറക്കും കാര്‍ വിപണിയിലേക്ക് ഹ്യുണ്ടായിയും. ഇതിന്റെ ഭാഗമായി ഹ്യുണ്ടായ് പുതിയ മോട്ടോര്‍ ഗ്രൂപ്പ് രൂപീകരിച്ചു. പറക്കും കാര്‍ വിഭാഗത്തിന്റെ തലവനായി നാസയുടെ എയ്റോനോട്ടിക്സ് റിസര്‍ച്ച് മിഷന്‍ ഡയറക്ടറേറ്റ് മുന്‍ മേധാവി ഡോ. ജെയ്വോണ്‍ ഷിന്നിനെ നിയമിച്ചു. പുതിയ സംഘം പറക്കും വാഹനങ്ങള്‍ക്കായി പുതിയ സാങ്കേതികവിദ്യകള്‍ വികസിപ്പിക്കും. സ്മാര്‍ട്ട് എയര്‍ മൊബിലിറ്റി വാഹനങ്ങള്‍ വികസിപ്പിക്കുന്നതില്‍ പുതിയ ഡിവിഷന്‍ ശ്രദ്ധ കേന്ദ്രീകരിക്കുമെന്ന് ഹ്യുണ്ടായ് അറിയിച്ചു. പറക്കും കാര്‍ ഡിവിഷന്‍ സ്ഥാപിക്കുന്ന ആദ്യ വാഹന നിര്‍മാതാക്കളാണ് ഹ്യുണ്ടായ്. സ്വന്തമായി പറക്കും കാര്‍ വിഭാഗം രൂപീകരിക്കുന്ന ആദ്യ കാര്‍ നിര്‍മാതാക്കളാണ് ഹ്യുണ്ടായ് എങ്കിലും ദക്ഷിണ കൊറിയന്‍ കമ്ബനി മാത്രമല്ല ഈ രംഗത്തുള്ളത്. ഇപ്പോള്‍ ടൊയോട്ടയും ഒരാള്‍ക്ക് മാത്രം സഞ്ചരിക്കാന്‍ കഴിയുന്ന പറക്കും വാഹനത്തിന്റെ പ്രവര്‍ത്തനങ്ങളിലാണ്. ഈ വാഹനത്തിന്റെ പരീക്ഷണം നടന്നുവരികയാണ്. ഭാവിയില്‍ ലോകത്തിലെ എല്ലാ നഗരങ്ങളിലും ഗതാഗതത്തിരക്കേറുന്നതോടെ, പറക്കും വാഹനങ്ങള്‍ക്ക് പ്രാധാന്യം വര്‍ധിക്കുമെന്നാണ്…

Read More

ആദ്യത്തെ വൈദ്യുത കാറുമായി വോള്‍വോ; ഒക്ടോബര്‍ 10ന് അവതരിപ്പിക്കും 

ആദ്യത്തെ വൈദ്യുത കാറുമായി വോള്‍വോ; ഒക്ടോബര്‍ 10ന് അവതരിപ്പിക്കും 

വോള്‍വോയുടെ ആദ്യ വൈദ്യുത കാര്‍ എക്സ് സി 40 ഒക്ടോബര്‍ 10ന് അവതരിപ്പിക്കുമെന്ന് കമ്പനി അധികൃതര്‍. വൈദ്യുത വാഹന വിഭാഗത്തിലെ ഏറ്റവും സുരക്ഷിത മോഡലാവും ഇതെന്നാണ് വോള്‍വോയുടെ വാഗ്ദാനം. വോള്‍വോ കാറുകളില്‍ ലഭ്യമായ സുരക്ഷാ സാങ്കേതികവിദ്യകളെല്ലാം വൈദ്യുത കാറിലും പ്രതീക്ഷിക്കാമെന്നും കമ്പനി ഉറപ്പു നല്‍കുന്നുണ്ട്. ഇതുവരെ നിര്‍മിച്ചതിലേറ്റവും സുരക്ഷിതമായ കാര്‍ തന്നെയാവും എക്സ് സി 40 എസ്.യു.വിയുടെ വൈദ്യുത പതിപ്പെന്നാണ് വോള്‍വോ കാഴ്സ് സുരക്ഷാ വിഭാഗം മേധാവി മലിന്‍ എക്കോം വിശദീകരിക്കുന്നത്. അഡ്വാന്‍സ്ഡ് ഡ്രൈവര്‍ അസിസ്റ്റന്‍സ് സിസ്റ്റം സെന്‍സര്‍ പ്ലാറ്റ്ഫോമും വോള്‍വോയും വിയോനീറും ചേര്‍ന്നുള്ള സംയുക്ത സംരംഭമായ സെന്വിറ്റി രൂപകല്‍പ്പന ചെയ്ത പ്രത്യേക സോഫ്റ്റ്വെയര്‍ കാറിലുണ്ടാവും. വിവിധ റഡാറുകളില്‍ നിന്നും ക്യാമറകളില്‍ നിന്നും അള്‍ട്രാ സോണിക് സെന്‍സറുകളില്‍ നിന്നുമുള്ള വിവരങ്ങള്‍ ക്രോഡീകരിച്ചാണ് ഈ സെന്‍സറിന്റെ പ്രവര്‍ത്തനം.

Read More

ഗ്രാന്‍ഡ് പ്രീക്സ് കാറോട്ട മത്സരം; കിരീടം നേടി സെബാസ്റ്റ്യന്‍ വെറ്റല്‍

ഗ്രാന്‍ഡ് പ്രീക്സ് കാറോട്ട മത്സരം; കിരീടം നേടി സെബാസ്റ്റ്യന്‍ വെറ്റല്‍

  സിംഗപ്പൂര്‍: ഫോര്‍മുല വണ്‍ ഗ്രാന്‍ഡ് പ്രീക്സ് കാറോട്ട മത്സരത്തില്‍ കിരീടം നേടി സെബാസ്റ്റ്യന്‍ വെറ്റല്‍. സിംഗപ്പൂര്‍ ഗ്രാന്‍ഡ് പ്രീക്സിലാണ് ഫെരാരിയുടെ ജര്‍മന്‍ ഡ്രൈവര്‍ കപ്പ് സ്വന്തമാക്കിയത്. ഫെരാരിയുടെ തന്നെ ചാള്‍സ് ലെക്ലര്‍ക്ക് രണ്ടാമതും റെഡ്ബുള്ളിന്റെ മാക്സ് വെസ്തപ്പന്‍ മൂന്നാമതും എത്തി. സീസണിലെ ആദ്യകിരീടമാണ് വെറ്റല്‍ നേടിയത്. മൊണാക്കോ, കാനഡ ഗ്രാന്‍ഡ് പ്രീക്സുകളില്‍ രണ്ടാമതെത്തിയതായിരുന്നു മികച്ചനേട്ടം. കഴിഞ്ഞ സീസണിലെ ബെല്‍ജിയം ഗ്രാന്‍പ്രീയ്ക്കു ശേഷം 392 ദിവസത്തിനുശേഷമാണ് സെബാസ്റ്റ്യന്‍ വെറ്റല്‍ കിരീടം നേടുന്നത്. സീസണില്‍ അവസാനം നടന്ന മൂന്ന് ഗ്രാന്‍ഡ് പ്രീക്സുകളിലും മെഴ്സിഡസിനെ പിന്തള്ളി ഫെരാരി ഡ്രൈവര്‍മാര്‍ ജയിച്ചു. ബെല്‍ജിയം, ഇറ്റാലിയന്‍ ഗ്രാന്‍ഡ് പ്രീക്സുകളില്‍ ഫെരാരിയുടെ ലെക്ലര്‍ക്കാണ് ജയിച്ചത്. മൊത്തം 15 ഗ്രാന്‍ഡ് പ്രീക്സുകളില്‍ മെഴ്സിഡസ് 10 എണ്ണത്തില്‍ കിരീടം നേടി. രണ്ടെണ്ണത്തില്‍ റെഡ്ബുള്ളാണ് വിജയം കണ്ടത്.

Read More

ഫ്രങ്ക്ഫര്‍ട്ട് മോട്ടോര്‍ ഷോയില്‍ പുതിയ ഇലക്ട്രിക് മോഡലിനെ അവതരിപ്പിച്ച് ഹോണ്ട

ഫ്രങ്ക്ഫര്‍ട്ട് മോട്ടോര്‍ ഷോയില്‍ പുതിയ ഇലക്ട്രിക് മോഡലിനെ അവതരിപ്പിച്ച് ഹോണ്ട

2019 ഫ്രങ്ക്ഫര്‍ട്ട് മോട്ടോര്‍ ഷോയില്‍ പുതിയ ഇലക്ട്രിക് മോഡലായ ഹോണ്ട ഇ പ്രൊഡക്ഷന്‍ മോഡല്‍ കമ്പനി അവതരിപ്പിച്ചു.100 kW, 113 kW എന്നീ രണ്ട് കരുത്തുകളില്‍ ഈ കുഞ്ഞന്‍ ഇലക്ട്രിക് കാര്‍ ലഭ്യമാകും. അടുത്ത വര്‍ഷത്തോടെ മാത്രമേ ഹോണ്ട ഇ ഇലക്ട്രിക് വിപണിയില്‍ എത്തുകയുള്ളു. പഴയ ഒന്നാം തലമുറ ഹോണ്ട സിവിക് കാറുകളില്‍ നിന്ന് പ്രചോദനം ഉള്‍ക്കൊണ്ട് റെട്രോ ശൈലിയിലാണ് ഇലക്ട്രിക് കാറിന്റെ ഡിസൈന്‍. പൂര്‍ണമായും പുതിയ പ്ലാറ്റ്ഫോമിലാണ് നിര്‍മാണം. ഡ്യുവല്‍ 12.3 ഇഞ്ച് എല്‍സിഡി ടച്ച്സ്‌ക്രീനാണ് അകത്തെ പ്രധാന ആകര്‍ഷണം. ഡ്രൈവര്‍ സൈഡില്‍ 8.8 ഇഞ്ച് സ്‌ക്രീന്‍ വേറെയുമുണ്ട്. വശങ്ങളില്‍ മിററിന് പകരം ക്യാമറകളാണ്. ഈ ദൃശ്യങ്ങള്‍ അകത്തെത്തിക്കാനും ഡാഷ്‌ബോര്‍ഡിന്റെ ഇരുവശത്തും സ്‌ക്രീനുകളുണ്ട്.35.5 kWh ലിഥിയം അയേണ്‍ ബാറ്ററിയാണ് വാഹനത്തിലുള്ളത്. ഒറ്റചാര്‍ജില്‍ 220 കിലോമീറ്റര്‍ ദൂരം സഞ്ചരിക്കാം. 22kW പവര്‍ ചാര്‍ജര്‍ വഴി നാല് മണിക്കൂര്‍…

Read More

മാരുതിയുടെ ആദ്യ ഫുള്‍ഹൈബ്രിഡ് വാഹനം – എസ്‌ക്രോസ്

മാരുതിയുടെ ആദ്യ ഫുള്‍ഹൈബ്രിഡ് വാഹനം – എസ്‌ക്രോസ്

രാജ്യത്തെ വാഹനനിര്‍മ്മാതാക്കളില്‍ പ്രമുഖരായ മാരുതിയുടെ ആദ്യ ഫുള്‍ ഹൈബ്രിഡ് വാഹനമാകാന്‍ ക്രോസ് ഓവര്‍ ശ്രേണിയിലുള്ള എസ്‌ക്രോസ് എത്തുന്നു. ബോഷുമായി സഹകരിച്ച് പ്രദേശികമായി വികസിപ്പിക്കുന്ന ഹൈബ്രിഡ് എന്‍ജിനുള്ള വാഹനം 2020ഓടെ നിരത്തിലെത്തുമെന്നാണ് അറിയുന്നത്. ഇലക്ട്രിക് സ്‌കൂട്ടര്‍ ഐ പ്രെയ്‌സിനു ആവശ്യക്കാര്‍ അനവധി, ബുക്കിംഗ് 400നു മുകളില്‍ 1.3 ലിറ്റര്‍ ഡീസല്‍ എന്‍ജിനില്‍ മാത്രമാണ് എസ്‌ക്രോസ് നിരത്തിലെത്തിയിരുന്നത്. ഇതിനൊപ്പം മൈല്‍ഡ് ഹൈബ്രിഡ് സാങ്കേതികവിദ്യയായ സ്മാര്‍ട്ട് ഹൈബ്രിഡ് വെഹിക്കള്‍ സുസുക്കി എന്‍ജിനും എസ്‌ക്രോസിലുണ്ട്. നിലവില്‍, 1.3 ലിറ്റര്‍ ഫോര്‍ സിലിണ്ടര്‍ DDiS 200 SHVS ഡീസല്‍ എന്‍ജിനാണ് എസ്‌ക്രോസിന്റെ ഹൃദയം. ഈ എഞ്ചിന്‍ 89 ബിഎച്ച്പി പവറും 225 എന്‍എം ടോര്‍ക്കും സൃഷ്ടിക്കും. 5 സ്പീഡ് മാനുവല്‍ ഗിയര്‍ബോക്സാണ് ട്രാന്‍സ്മിഷന്‍. വാഹനത്തിന്റെ നിര്‍മാണം അവസാനഘട്ടത്തിലാണെന്നും 2020-ഓടെ നിരത്തിലെത്തുമെന്നുമാണ് റിപ്പോര്‍ട്ടുകള്‍. കൂടുതല്‍ വാര്‍ത്തകള്‍ വാട്‌സ്ആപ്പില്‍ ലഭിക്കാന്‍ 8921009305 എന്ന നമ്പറിലേക്ക് ‘add’ എന്ന് സന്ദേശം അയക്കു

Read More

നിങ്ങള്‍ക്കു യോജിച്ച കാര്‍ എങ്ങനെ തെരെഞ്ഞെടുക്കാം?

നിങ്ങള്‍ക്കു യോജിച്ച കാര്‍ എങ്ങനെ തെരെഞ്ഞെടുക്കാം?

കാറുകള്‍ പല വിഭാഗത്തില്‍പ്പെടുന്നവയുണ്ട്. മാരുതി 800 മാത്രം ഉള്‍പ്പെടുന്ന ‘എ’ സെഗ്മെന്റ് മുതല്‍ പ്രീമിയം ലക്ഷ്വറി കാറുകളുടെ ‘ഡി’ സെഗ്മെന്റ് വരെ ഇവ നീളുന്നു. ഇവയില്‍ത്തന്നെ ഹാച്ച് ബാക്ക്, സെഡാന്‍ എന്നീ വിഭാഗങ്ങള്‍ വേറെയുമുണ്ട്. പിന്നില്‍, പാസഞ്ചര്‍ ക്യാബിനില്‍നിന്ന് വേറിട്ടു നില്ക്കുന്ന ബൂട്ട് സ്പേസ് ഉള്ളവയാണ് സെഡാനുകള്‍. ധാരാളം ബൂട്ട്സ്പേസാണ് സെഡാന്റെ വലിയ ഗുണങ്ങളിലൊന്ന്. ഗ്യാസ് ടാങ്ക് ഫിറ്റു ചെയ്താല്‍പ്പോലും സാധനങ്ങള്‍ സൂക്ഷിക്കാന്‍ പിന്നെയും സ്ഥലം, പാസഞ്ചര്‍ ക്യാബിനുമായി ബന്ധമില്ലാത്തതിനാല്‍ അല്പം ദുര്‍ഗന്ധമുള്ള സാധനങ്ങളോ സിമന്റുപോലെ പൊടിപറക്കുന്ന സാധനങ്ങളോപോലും സെഡാന്റെ ബൂട്ടില്‍ സൂക്ഷിക്കാന്‍ കഴിയും. എന്നാല്‍ നീളം കൂടുതലുള്ളതുകൊണ്ടും നിര്‍മാണത്തിനായി കൂടുതല്‍ ഉരുക്കും മറ്റും വേണ്ടിവരുന്നതുകൊണ്ടും സെഡാന് വില കൂടുതലായിരിക്കും. സാധാരണയായി ‘സി’ വിഭാഗത്തിലാണ് സെഡാനെ ഉള്‍പ്പെടുത്താറ്. ഫോര്‍ഡ് ഐക്കണ്‍, സ്വിഫ്റ്റ് ഡിസയര്‍, സിയാസ്, എസ്റ്റീം, കൊറോള, അമേസ്, അമിയോ തുടങ്ങി നിരവധി ഉദാഹരണങ്ങളുണ്ട്. എന്നാല്‍ വില…

Read More

ജയിംസ് ബോണ്ടിന്റെ പ്രിയ്യപ്പെട്ട കാര്‍ ഇനി ഹൃത്വിക് റോഷനും

ജയിംസ് ബോണ്ടിന്റെ പ്രിയ്യപ്പെട്ട കാര്‍ ഇനി ഹൃത്വിക് റോഷനും

ജയിംസ് ബോണ്ട് ചിത്രങ്ങളിലെ നായകനോളം പ്രാധാന്യമുണ്ട് അതിലെ വാഹനങ്ങള്‍ക്കും. ഉദ്വേഗത്തിന്റെ മുള്‍മുനയില്‍ നിര്‍ത്തുന്ന ആക്ഷന്‍ രംഗങ്ങളില്‍ ബോണ്ടിന് കൂട്ടായി എത്തുന്ന ആസ്റ്റണ്‍ മാര്‍ട്ടിന്റെ കാറുകളും ചിത്രത്തിനൊപ്പം തന്നെ പേരും പെരുമയും നേടിയവയാണ്. കുറച്ചു നാള്‍ മുമ്പ് ഇന്ത്യയില്‍ വിപണനം ആരംഭിച്ച ആസ്റ്റണ്‍ മാര്‍ട്ടിന് ഇന്ത്യയില്‍ ആരാധകര്‍ ഏറെയാണ്. സ്‌റ്റൈലിനും എന്‍ജിന്‍ കരുത്തിനും പ്രശസ്തമായ ആസ്റ്റണ്‍ മാര്‍ട്ടിന്‍ റാപ്പിഡ് എസ് ബോളിവുഡിന്റേയും ഇഷ്ട കാറായി മാറുന്നു. ഇത്തവണ റാപ്പിഡ് സ്വന്തമാക്കിയത് മറ്റൊരുമല്ല ബോളിവുഡിലെ മിന്നും താരം ഹൃതിക് റോഷനാണ്. നേരത്തെ ബോളിവുഡ് യുവ നടന്‍ രണ്‍വീര്‍ സിങ് തന്റെ മുപ്പത്തിരണ്ടാം ജന്മദിനത്തില്‍ റാപ്പിഡ് എസ് സ്വന്തമാക്കിയിരുന്നു. ഡിബി5, ഡിബി 6, ഡിബി 7 തുടങ്ങി ലോകപ്രസിദ്ധമായ നിരവധി സൂപ്പര്‍ കാറുകളുണ്ടായിരുന്ന ആസ്റ്റണ്‍ മാര്‍ട്ടിന്റെ ഉത്പന്ന നിരയിലെ ഏറ്റവും ജനപ്രിയ മോഡലുകളിലൊന്നാണു റാപ്പിഡ്. അടുത്തിടെയാണ് റാപ്പിഡ് എസ് ഇന്ത്യന്‍ വിപണിയിലെത്തിയത്….

Read More

ഡിസംബറില്‍ വാഹനം വാങ്ങിയാല്‍

ഡിസംബറില്‍ വാഹനം വാങ്ങിയാല്‍

2017 അവസാനിക്കാറായി. വാഹന വിപണിക്ക് മികച്ച സമയമല്ല ഡിസംബര്‍, അതുകൊണ്ട് തന്നെ മികച്ച ഓഫറുകളായിരിക്കും പുതിയ വാഹനത്തിന് നിര്‍മാതാക്കള്‍ നല്‍കുക. മികച്ച എക്‌സ്‌ചേഞ്ച് ബോണസും വിലക്കുറവും മറ്റ് ഓഫറുകളും നല്‍കി ഡിസംബറിലെ മാന്ദ്യമകറ്റാന്‍ വാഹന കമ്പനികള്‍ പരമാവധി ശ്രമിക്കും. കൂടാതെ സമ്മര്‍ദ്ദ തന്ത്രം എന്ന രീതിയില്‍ പുതുവര്‍ഷത്തില്‍ വാഹനത്തിന് വില വര്‍ധിക്കും എന്ന പ്രഖ്യാപനവുമായി കമ്പനികളും എത്തിക്കഴിഞ്ഞു. കൂടാതെ വായ്പ എടുത്ത് വാഹനം വാങ്ങുന്നവരെ ആകര്‍ഷിക്കാന്‍ ബാങ്കുകളും കൂടുതല്‍ ഓഫറുകള്‍ ഡിസംബറില്‍ നല്‍കും. ഓഫറുകളുടെ കാലം വാഹനങ്ങളുടെ വില അനുസരിച്ച് ചിലപ്പോള്‍ ആയിരം മുതല്‍ ലക്ഷങ്ങള്‍ വരെ വില അടുത്ത വര്‍ഷം വര്‍ധിച്ചേക്കാം. എന്നാല്‍ ഈ വര്‍ഷം അവസാനം വാഹനം എടുക്കുകയാണെങ്കില്‍ അത്രതന്നെ ഡിസ്‌കൗണ്ടും ലഭിക്കും. അപ്പോള്‍ ഉപഭോക്താക്കള്‍ക്ക് വീണ്ടും കണ്‍ഫ്യൂഷനാണ്. ഡിസംബര്‍ മാസത്തില്‍ വാങ്ങിയാല്‍ വില കുറവായിരിക്കും. എന്നാല്‍ ജനുവരിയില്‍ വാഹനമെടുത്താല്‍ പുതിയ വര്‍ഷത്തെ മോഡല്‍…

Read More

കാറോട്ടത്തിലെ ദേശീയ റെക്കോര്‍ഡ് ജേതാവ് മരിച്ചു

കാറോട്ടത്തിലെ ദേശീയ റെക്കോര്‍ഡ് ജേതാവ് മരിച്ചു

ചെങ്ങന്നൂര്‍: കാറോട്ടത്തിലെ ദേശീയ റെക്കോഡ് ജേതാവ് മരിച്ചു. ചെങ്ങന്നൂരില്‍ സ്‌കൂട്ടര്‍ അപകടത്തിലാണ് മരിച്ചത്. കുറ്റൂര്‍ താഴ്ചയില്‍ ജേക്കബ് കുര്യന്റെ മകന്‍ വിനു കുര്യന്‍ ജേക്കബ് (25) ആണ് മരിച്ചത്. എന്‍ജിനീയറിങ് പഠനത്തിനുശേഷം തിരുവനന്തപുരത്ത് ക്വാളിറ്റി കണ്‍ട്രോള്‍ പഠനം നടത്തുകയായിരുന്നു. ബുധനാഴ്ച വെളുപ്പിനെ 12.30-ഓടെ പുത്തന്‍ വീട്ടിപ്പടി റെയില്‍വേ മേല്‍പ്പാലത്തിന് സമീപമായിരുന്നു അപകടമെന്ന് പോലീസ് പറഞ്ഞു. ചെങ്ങന്നൂര്‍ ഭാഗത്തുനിന്ന് തിരുവല്ല ഭാഗത്തേക്ക് പോകുകയായിരുന്നു വിനുവും എതിര്‍ദിശയില്‍ വന്ന ടൂറിസ്റ്റ് ബസുമായി കൂട്ടിയിടിച്ചാണ് അപകടം ഉണ്ടായത്. ഇടിയുടെ ആഘാതത്തില്‍ തെറിച്ച സ്‌കൂട്ടര്‍ ഒടിഞ്ഞുമടങ്ങി. പോലീസ് എത്തി ചെങ്ങന്നൂര്‍ ജില്ലാ ആശുപത്രിയിലേക്ക് കൊണ്ടുപോയെങ്കിലും മരിച്ചു. മൃതദേഹം പോസ്റ്റുമോര്‍ട്ടത്തിനുശേഷം ബന്ധുക്കള്‍ക്ക് വിട്ടുനല്‍കി. കാശ്മീര്‍ മുതല്‍ കന്യാകുമാരി വരെ 3,888 കിലോമീറ്റര്‍ കാറോടിച്ച് ലിംക ബുക്‌സ് ഓഫ് നാഷണല്‍ റെക്കോഡ്‌സില്‍ സ്ഥാനംനേടിയിട്ടുണ്ട്. സഹോദരന്‍ ജോ ജേക്കബ്, ബന്ധുവായ ജോസിന്‍ ബേബി എന്നിവര്‍ക്കൊപ്പമായിരുന്നു റെക്കോഡ് പ്രകടനം….

Read More

ഡല്‍ഹി മുഖ്യമന്ത്രി അരവിന്ദ് കേജരിവാളിന്റെ കാര്‍ മോഷണം പോയി

ഡല്‍ഹി മുഖ്യമന്ത്രി അരവിന്ദ് കേജരിവാളിന്റെ കാര്‍ മോഷണം പോയി

ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കേജരിവാളിന്റെ കാര്‍ മോഷണം പോയി.ഡല്‍ഹി സെക്രട്ടറിയേറ്റിനു സമീപത്തുനിന്നാണ് നീല നിറത്തിലുള്ള വാഗണ്‍ ആര്‍ കാര്‍ മോഷണം പോയത്. മറ്റൊരു എഎപി നേതാവ് ഉപയോഗിച്ചിരുന്ന സമയത്താണ് കാര്‍ മോഷ്ടിക്കപ്പെട്ടത്. കേജരിവാളിന് സമ്മാനമായി ലഭിച്ചതാണ് ഈ കാര്‍. മോഷണം പോയ പ്രദേശത്തെ സിസിടിവി ദൃശ്യങ്ങള്‍ പോലീസ് അന്വേഷിച്ചുവരികയാണ്. വിഡിയോ അവ്യക്തമാണെന്നാണ് പോലീസ് പറയുന്നത്.

Read More