Tag: banned

കോഴിക്കോട്: ഗുണനിലവാരം കുറഞ്ഞ അഞ്ച് വെളിച്ചെണ്ണ ബ്രാന്‍ഡുകള്‍ നിരോധിച്ചു. ഫേമസ് കുറ്റ്യാടി, ലൈഫ് കുറ്റ്യാടി, കേര കുറ്റ്യാടി (മൂന്നും കുറ്റ്യാടി ഓയില്‍ മില്‍സ് ഇറക്കുന്നത്), എസ്.എഫ്.പി ലാവണ്യ (ശ്രീലക്ഷ്മി ഫുഡ് പാക്കിങ്), ഗ്രീന്‍ മൗണ്ടൈന്‍ (വിഷ്ണുമായ ട്രേഡേഴ്‌സ്, പാലക്കാട്) എന്നീ ബ്രാന്‍ഡുകള്‍ക്കാണ് ഭക്ഷ്യസുരക്ഷ വകുപ്പിന്റെ നിരോധനം. നിരോധിച്ച വെളിച്ചെണ്ണ സംഭരിക്കുന്നതും വില്‍ക്കുന്നതും കുറ്റകരമാണ്. ജൂണ്‍, ജൂലൈ മാസങ്ങളില്‍ ജില്ലയിലെ വിവിധ ഭാഗങ്ങളില്‍നിന്ന് ശേഖരിച്ച സാമ്പിളുകളാണ് പരിശോധനക്കയച്ചത്. ഇതില്‍ അഞ്ചെണ്ണത്തിന് ഗുണനിലവാരമില്ലെന്ന് കണ്ടെത്തിയതിനെ തുടര്‍ന്നാണ് നടപടി. ഈ ബ്രാന്‍ഡുകളില്‍ വിലകുറഞ്ഞ മറ്റു എണ്ണകള്‍ കലര്‍ത്തിയിട്ടുണ്ടെന്നും യഥാര്‍ഥ വെളിച്ചെണ്ണയുടെ ഗുണമില്ലെന്നും ജില്ല ഭക്ഷ്യസുരക്ഷ അസി. കമീഷണര്‍ പി.കെ. ഏലിയാമ്മ പറഞ്ഞു. നിലവാരമില്ലാത്ത വെളിച്ചെണ്ണ ഉല്‍പാദിപ്പിച്ച് വില്‍പന നടത്തുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന് അവര്‍ അറിയിച്ചു. 2017 ഏപ്രില്‍ മുതല്‍ 2018 എപ്രില്‍ വരെയുള്ള കാലയളവില്‍ ജില്ലയില്‍ നടന്ന പരിശോധനയിലും ചില…