ഭര്‍ത്താവിന്റെ മരണശേഷം മുത്തശ്ശന്റെ ഭാര്യ തുടര്‍ന്ന് പിതാവിന്റേയും അദ്ദേഹത്തിന്റെ അനന്തരാവകാശിയുടെയും ജീവിത പങ്കാളി, അനെക്‌സെനമുന്നിന്റെ കഥ കരളലിയിപ്പിക്കുന്നത്

Ankhesenamun

Ankhesenamun

ഈജിപ്തിന്റെ പൗരാണിക ചരിത്രത്തില്‍ അനെക്‌സെനമുനോളം ചര്‍ച്ച ചെയ്യപ്പെട്ട മറ്റൊരു രാജകുമാരിയുണ്ടാകില്ല. നേട്ടങ്ങളുടയല്ല അവര്‍ ജീവിച്ചിരുന്ന 26 വര്‍ഷക്കാലം അനുഭവിക്കേണ്ടി വന്ന ദുരിതങ്ങളുടെ പേരിലാണ് അനെക്‌സെനമുന്‍ ചരിത്രത്തിന്റെ താളുകളില്‍ നിറയുന്നത്. ഭര്‍ത്താവിന്റെ മരണശേഷം മുത്തച്ചന്റേയും അതിന് ശേഷം പിതാവിന്റേയും അദ്ദേഹത്തിന്റെ അനന്തരാവകാശിയുടേയും ഭാര്യയാകേണ്ടി വന്ന പെണ്‍കുട്ടി. ഈജിപ്തിലെ ഏറ്റവും പേരുകേട്ട രാജാക്കന്മാരിലൊരാളായ തുത്തന്‍ഖാമന്റെ ഭാര്യായായിരുന്ന അനെക്‌സെനമുന്റെ കഥ കരളലിയ്ക്കുന്നതാണ്. ബിസി 1322ലാണ് ഈ രാജകുമാരിയുടെ ജനനമെന്നാണ് കരുതുന്നത്. ആഖെനാത്തന്‍ രാജാവിന്റെയും നെഫെര്‍തിതി രാജ്ഞിയുടെയും മൂന്നാമത്തെ മകള്‍. പതിമൂന്നാം വയസ്സിലായിരുന്നു തുത്തന്‍ഖാമനുമായുള്ള വിവാഹം. അദ്ദേഹത്തിന് അന്ന് പത്തു വയസ്സു മാത്രം പ്രായം. അനെക്‌സെനമുന്നുമൊത്തുള്ള തുത്തന്‍ഖാമന്റെ ജീവിതം സന്തോഷപ്രദമായിരുന്നു. ചെറുപ്രായമായിരുന്നെങ്കിലും ഭരണമികവില്‍ പേരെടുത്തിരുന്നു തുത്തന്‍ഖാമന്‍ എന്ന ‘യുവരാജാവ്’. ഇവര്‍ക്ക് രണ്ട് പെണ്‍മക്കളുണ്ടായി. അതില്‍ ഒരാള്‍ അഞ്ചാം മാസത്തിലും രണ്ടാമത്തെയാള്‍ ഏഴാം മാസത്തിലും മരിച്ചു. പതിനെട്ടാം വയസ്സില്‍ തുത്തന്‍ഖാമന്‍ മരിച്ചു . ആ മരണത്തിന്റെയും കാരണം ഇന്നും ദുരൂഹമാണ്. അനന്തരവകാശികള്‍ ഇല്ലാതായതോടെ ഇരുപത്തിയൊന്നാം വയസ്സില്‍ വിധവയായ അനെക്‌സെനമുന്നിനെ തുത്തന്‍ഖാമന്റെ മുത്തച്ഛനും ഉപദേശകനുമായ അയ് രാജാവ് വിവാഹം കഴിയ്ക്കാന്‍ തീരുമാനിച്ചു. എന്നാല്‍ രാജകുമാരി ഇതിനെ എതിര്‍ത്തു. തുടര്‍ന്ന് അവര്‍ അയല്‍ രാജ്യമായ അനറ്റോളിയയിലെ രാജാവിന് അദ്ദേഹത്തിന്റെ ആണ്‍മക്കളില്‍ ഒരാളെ തന്നെ വിവാഹം ചെയ്യാനായി അയയ്ക്കണമെന്ന് ആവശ്യപ്പെട്ട് സന്ദേശമയ്ക്കുകയും ചെയ്തു. രാജകുമാരിയുടെ ആവശ്യ പ്രകാരം രാജാവ് മക്കളിലൊരാളെ അയച്ചെങ്കിലും അതിര്‍ത്തിയില്‍ വച്ച് കൊല്ലപ്പെട്ടു. അനെക്‌സെനമുന്നിന് ഒടുവില്‍ മുത്തച്ഛനായ അയ് രാജാവിന്റെ ഭാര്യാകേണ്ടി വന്നു. താമസിയാതെ അയ് രാജാവും മരിച്ചു. അതിന് ശേഷം ആ രാജകുമാരിക്ക് സ്വന്തം പിതാവിനെയും , അദ്ദേഹത്തിന്റെ അനന്തരാവകാശിയായെത്തിയ രാജാവിനെയും വിവാഹം ചെയ്യേണ്ടി വന്നുവെന്നും ചരിത്ര രേഖകള്‍ വ്യക്തമാക്കുന്നു. എന്നാല്‍ എങ്ങനെയാണ് അനെക്‌സെനമുന്‍ മരിച്ചതെന്നത് ചരിത്രാന്വേഷികളുടെ മുന്നില്‍ ഇന്നും വലിയൊരു ചോദ്യചിഹ്നമാണ്. അനെക്‌സെനമുന്നിനെ പുരോഹിതന്മാര്‍ ഗൂഢാലോചന നടത്തി ചതിയിലൂടെ കൊലപ്പെടുത്തുകയായിരുന്നുവെന്നും ചരിത്രകാര രേഖപ്പെടുത്തുന്നു

Related posts