കിയ സോണറ്റിന്റെ വില 6.71 ലക്ഷം മുതൽ

നാല് മീറ്ററിന് താഴെ നീളമുള്ള കോംപാക്ട് എസ്‌യുവി സെഗ്മെന്റ് ഒരുപക്ഷെ ഇന്ത്യയിൽ ഇന്ന് ഏറ്റവും വലിയ മത്സരം നടക്കുന്ന ഒരു വിഭാഗമാണ്. മാരുതി സുസുക്കി വിറ്റാര ബ്രെസ, ഹ്യുണ്ടേയ് വെന്യു, ഫോർഡ് ഈക്കോസ്പോർട്ട്, ടാറ്റ നെക്‌സോൺ തുടങ്ങിയ അതികായന്മാരാണ് സെഗ്മെന്റ് ഭരിക്കുന്നത്. എങ്കിലും പുത്തൻ കോംപാക്ട് എസ്‌യുവി പിന്നെയും എത്തുകയാണ്. കഴിഞ്ഞ വർഷം ഇന്ത്യൻ വിപണിയിൽ കാലെടുത്തുവച്ച ദക്ഷിണ കൊറിയൻ വാഹന നിർമ്മാതാക്കളായ കിയ മോട്ടോർസ് ആണ് ഈ സെഗ്മെന്റിലെ പുത്തൻ താരം. കഴിഞ്ഞ മാസം ആണ് സോണറ്റ് കോംപാക്ട് എസ്‌യുവിയെ കിയ മോട്ടോർസ് അവതരിപ്പിച്ചത്. കിയയുടെ ആദ്യ വാഹനമായ സെൽറ്റോസ് നേടിയ വമ്പൻ വിജയം ആവർത്തിക്കാൻ ഒരുങ്ങുന്ന കിയ സോണറ്റ് ബുക്കിംഗ് ആരംഭിച്ചു ആദ്യ ദിവസം തന്നെ 6523 യൂണിറ്റ് ബുക്കിങ് നേടി വരവറിയിച്ചിരുന്നു. ഒടുവിൽ സോണറ്റിന്റെ വിലയും കൂടെ കിയ മോട്ടോർസ് പ്രഖ്യാപിച്ചു. എതിരാളികളെ വെള്ളം കുടിപ്പിക്കും കിയ സോണറ്റ് എന്ന് വില ഉറപ്പിക്കുന്നു.

Related posts