ഞങ്ങളുടെ വസ്ത്ര ധാരണം നിങ്ങളുടെ ബിസിനെസ്സ് അല്ലാ! അനശ്വരയ്ക്ക് പിന്തുണയുമായി അഹാനയും അനാർക്കലിയും നിമിഷയും!

സോഷ്യൽ മീഡിയയുടെ കടന്നാക്രമണത്തിന് ഇരയായ നടി അനശ്വര രാജന് പിന്തുണയുമായി കൂടുതൽ നടിമാർ ഇപ്പോൾ രംഗത്ത് എത്തിയിരിക്കുകയാണ്. വസ്ത്രധാരണത്തിന്റെ പേരിലാണ് നടി അനശ്വര സോഷ്യൽ മീഡിയയിൽ അആക്രമണത്തിനു ഇരയായത്. എന്നാലിപ്പോൾ അനശ്വരയെ പിന്തുണച്ചു എത്തിയിരിക്കുകയാണ് മറ്റു നടിമാർ. ഞങ്ങളുടെ വസ്ത്രധാരണം നിങ്ങളുടെ ബിസിനസ്സല്ല എന്നാണ് നടിമാരായ അനാർക്കലിയും അഹാനയും സോഷ്യൽ മീഡിയയിൽ കുറിച്ചിരിക്കുന്നത്. കാൽ മുട്ടു വരെ ഇറക്കമുള്ള വസ്ത്രങ്ങൾ ധരിച്ചുകൊണ്ടുള്ള ചിത്രം പങ്കുവെച്ചുകൊണ്ടാണ് ഇരുവരും പിന്തുണ വ്യക്തമാക്കിയിട്ടുള്ളത്. മുൻപ് നടിമാരായ റിമ കല്ലിങ്കലും നിമിഷ സജയനും അനുപമ പരമേശ്വരനും അടക്കമുള്ളവർ നടി അനശ്വരയ്ക്ക് പിന്തുണയുമായി രംഗത്തെത്തിയിരുന്നു. അടുത്തിടെ പതിനെട്ടാം വയസ്സ് പിറന്നാൾ ആഘോഷിച്ച അനശ്വര ഇറക്കം കുറഞ്ഞ വസ്ത്രങ്ങൾ ധരിച്ച ചിത്രങ്ങൾ പോസ്റ്റ് ചെയ്തതിനു പിന്നാലെയാണ് ഈ സംഭാവനകൾ അരങ്ങേറുന്നത്.

ഒരു ഫോട്ടോ ഷൂട്ടിന്റെ ഭാഗമായി അനശ്വര സോഷ്യൽ മീഡിയയിൽ പോസ്റ്റ് ചെയ്ത ചിത്രങ്ങൾ സോഷ്യൽ മീഡിയയിലെ സദാചാര വാദികളെ ചൊടിപ്പിക്കുകയായിരുന്നു. പതിനെട്ട് തികഞ്ഞ ഉടൻ ഇത്തരം ചിത്രങ്ങൾ പോസ്റ്റ് ചെയ്തതിനെ വിമർശിച്ചുകൊണ്ടായിരുന്നു കമൻ്റുകൾ രിഭാഗവും പ്രത്യക്ഷപ്പെട്ടത്. എന്നാൽ എല്ലാവർക്കും കാലും കൈയ്യുമൊക്കെ തന്നെയാണ് ഉള്ളതെന്നും, അതേസമയം ഒരു പുരുഷൻ മേൽവസ്ത്രം മാറ്റി ഫോട്ടോ പകർത്തി ഷെയർ ചെയ്താൽ അത് ഇൻസ്പൈറിങ്ങ് ആവുകയും അതേ സമയം ഒരു സ്ത്രീ കുറച്ച് ഇറക്കം കുറഞ്ഞ വസ്ത്രം ധരിച്ച് ഫോട്ടോ ഷെയർ ചെയ്താൽ അത് അശ്ലീലമാകുകയും ചെയ്യുന്നത് എങ്ങനെയാണെന്ന് അഹാന ഫേസ്ബുക്കിൽ പങ്കുവെച്ച കുറിപ്പിലൂടെ ചോദിക്കുന്നു. മാത്രമല്ല ബിഗ്ബോസ് താരവും മോഡലും നടനുമായ ഷിയാസ് കരീം അടക്കമുള്ളവർ ഇത്തരത്തിൽ ചോദ്യമുയർത്തിക്കൊണ്ട് അനശ്വരയ്ക്ക് പിന്തുണ വ്യക്തമാക്കി രംഗത്തെത്തിയിരുന്നു. ആ പെൺകുട്ടി അവർക്കിഷ്ടമുള്ളതിട്ടാൽ മറ്റുള്ളവർക്ക് എന്താണ് പ്രശ്നം എന്ന് ചോദിച്ചു കൊണ്ട് നിരവധി പേരും രംഗത്തെത്തിയിരുന്നു.മാത്രമല്ല . സ്ത്രീകളുടെ കാലുകൾ കാണുമ്പോൾ മറ്റുള്ളവർ എന്തിനാണ് ഇങ്ങനെ അസ്വസ്ഥരാകുന്നത് എന്നായിരുന്നു ഭൂരിഭാഗം പേരുമുയർത്തിയ മറുചോദ്യം.

Related posts