സാരി ട്വിറ്ററില്‍ ട്രന്റ് ആകുമ്പോള്‍

സാരി ട്വിറ്ററില്‍ ട്രന്റ് ആകുമ്പോള്‍

വിചിത്രമായ കാര്യങ്ങള്‍ ചിലപ്പോള്‍ നിമിഷനേരം കൊണ്ടായിരിക്കും സാമൂഹിക മാധ്യമങ്ങളില്‍ ട്രെന്‍ഡ് ആകുന്നത്. ചിലപ്പോള്‍ സാമൂഹിക മാറ്റങ്ങള്‍ ലക്ഷ്യമിട്ടാകും പല ഹാഷ്ടാഗുകളും ട്രെന്‍ഡുകളും സാമൂഹിക മാധ്യമങ്ങളില്‍ ഇടംപിടിക്കുന്നത്. എന്നാല്‍ വെറും കൗതുകത്തിന്റെ പുറത്ത് ഇടംപിടിക്കുന്നവയും കുറവല്ല. അത്തരത്തില്‍ ട്വിറ്ററിലെ ഏറ്റവും പുതിയ ട്രെന്‍ഡാണ് സാരിയുടുത്ത പെണ്ണുങ്ങള്‍. ജുംക്ക ട്വിറ്റര്‍, പഗ്ഡി ട്വിറ്റര്‍, കുര്‍ത്ത ട്വിറ്റര്‍ തുടങ്ങിയ ഹാഷ്ടാഗുകള്‍ക്ക് പിറകെ ട്വിറ്ററില്‍ ട്രെന്‍ഡായി മാറിയിരിക്കുകയാണ് . സാരി ട്വിറ്റര്‍ . ഇന്ത്യന്‍ പരമ്പരാഗത വേഷമായ സാരി ധരിച്ച് നില്‍ക്കുന്ന ഫോട്ടോ പങ്കുവെച്ച് ഇന്ത്യന്‍ സ്ത്രീകളെല്ലാം ഈ ഹാഷ്ടാഗിന് പിന്നില്‍ അണിനിരന്നിരിക്കുകയാണ്.അതില്‍ രാഷ്ട്രീയക്കാരെന്നോ, സെലിബ്രിറ്റികളെന്നോ വ്യത്യാസമില്ല. പ്രത്യേകിച്ച് കാരണങ്ങളൊന്നുമില്ലാതെയാണ് സാരി പ്രേമം ട്വിറ്ററില്‍ വ്യാപിച്ചത്.

Read More

ഫേസ്ബുക്കിന് പിഴ 34,300 കോടി രൂപ

ഫേസ്ബുക്കിന് പിഴ 34,300 കോടി രൂപ

ഡേറ്റാചോര്‍ച്ച കേസില്‍ സമൂഹമാധ്യമമായ ഫെയ്സ്ബുക്കിന് 5 ബില്യന്‍ ഡോളര്‍ (ഏകദേശം 34,300 കോടി രൂപ) പിഴ. കേസ് ഈ തുകയ്ക്ക് ഒത്തുതീര്‍പ്പാക്കാന്‍ യുഎസ് ഫെഡറല്‍ ട്രേഡ് കമ്മീഷന്‍ (എഫ്ടിസി) തയ്യാറായതായി വാര്‍ത്താ ഏജന്‍സി റിപ്പോര്‍ട്ട് ചെയ്തു. ഒരു സിവില്‍ കേസില്‍ ഫെയ്സ്ബുക്ക് അടയ്ക്കേണ്ടിവരുന്ന ഏറ്റവും വലിയ തുകയാണിത്. 87 മില്യന്‍ ഉപയോക്താക്കളുടെ ഡേറ്റ അവരുടെ അറിവോ സമ്മതമോ ഇല്ലാതെ ബ്രിട്ടിഷ് കമ്പനി കേംബ്രിജ് അനലിറ്റിക്കയുമായി പങ്കുവച്ച സംഭവത്തിലാണു ഫെയ്സ്ബുക്കിന് കനത്ത പിഴ ചുമത്തിയത്. രണ്ട് ഡെമോക്രാറ്റുകള്‍ എതിര്‍ത്തപ്പോള്‍ മൂന്ന് റിപ്പബ്ലിക്കന്‍സ് ഒത്തുതീര്‍പ്പ് വ്യവസ്ഥയെ പിന്തുണച്ചെന്നാണു വിവരം. ഒത്തുതീര്‍പ്പില്‍ നിക്ഷേപകര്‍ സന്തോഷത്തിലാണ്. ഫെയ്സ്ബുക്കിന്റെ ഓഹരിമൂല്യം 1.8% ഉയര്‍ന്നു. ഡേറ്റാ ചോര്‍ച്ച സംഭവത്തില്‍ ലോകത്തൊട്ടാകെ ഫെയ്സ്ബുക്കിലൂടെ 8.70 കോടി പേരുടെ വ്യക്തിവിവരങ്ങള്‍ നഷ്ടപ്പെട്ടെന്നാണ് റിപ്പോര്‍ട്ട്. ഏറ്റവുമധികം യുഎസിലാണ്. യുഎസ്: 7,06,32,350 (81.6%), ഫിലിപ്പീന്‍സ്: 11,75,870 (1.4%), ഇന്തൊനീഷ്യ: 10,96,666 (1.3%),…

Read More

ആരോഗ്യരംഗത്തെ തെറ്റിധരിപ്പിക്കുന്ന പോസ്റ്റുകള്‍ പിടികൂടുവാന്‍ ഫേസ്ബുക്ക് ഇറങ്ങുന്നു

ആരോഗ്യരംഗത്തെ തെറ്റിധരിപ്പിക്കുന്ന പോസ്റ്റുകള്‍ പിടികൂടുവാന്‍ ഫേസ്ബുക്ക് ഇറങ്ങുന്നു

ആരോഗ്യ മേഖലയുമായി ബന്ധപ്പെട്ട തെറ്റിദ്ധാരണ പരത്തുന്ന വാര്‍ത്തകള്‍ ഇന്നു ഫേസ്ബുക്കില്‍ ധാരാളമാണ്. ഇതില്‍ നിരവധി വ്യാജ വാര്‍ത്തകള്‍ കാണാറുണ്ട്. പലരും ഇങ്ങനെയുള്ള വാര്‍ത്തകളുടെ നിചസ്ഥിതി മനസിലാക്കാതെ ഇവയെല്ലാം ജീവിതത്തില്‍ പരീക്ഷിക്കുകയാണ് പതിവ്. എന്നാല്‍ ഇത് ഗൗരവമായി നിരീക്ഷിക്കാനൊരുങ്ങുകയാണ് ഫേസ്ബുക്ക്. ശരീര സൗന്ദര്യം, ആരോഗ്യപരിപാലനം, പോഷകാഹാരം, എന്നിവ സംബന്ധിച്ച് തെറ്റായ വാര്‍ത്തകളും വീഡിയോകളും ഇനി ഫേസ്ബുക്കില്‍ പ്രചരിക്കുന്നത് ഫേസ്ബുക്ക് അധികൃതര്‍ നിയന്ത്രിക്കും. ഇതിനുള്ള നീക്കങ്ങള്‍ ഫേസ്ബുക്ക് ആരംഭിച്ചു കഴിഞ്ഞു. ഫേസ്ബുക്ക് പ്രധാനമായും നിയന്ത്രിക്കാന്‍ പോകുന്നത് ആരോഗ്യ പരിപാലനുവായി ബന്ധപ്പെട്ട ഉല്‍പ്പന്നങ്ങളും സേവനങ്ങളും വില്‍ക്കുന്നതിനായി അതിശയോക്തി കലര്‍ത്തിയും അത്ഭുതം നിറഞ്ഞ അവകാശവാദങ്ങള്‍ ഉന്നയിച്ചുമുള്ള പോസ്റ്റുകളാണ്.

Read More

വാട്‌സ്ആപ്പും ഫേസ്ബുക്കും പണിമുടക്കിയോ? സത്യാവസ്ഥ അറിയാം

വാട്‌സ്ആപ്പും ഫേസ്ബുക്കും പണിമുടക്കിയോ? സത്യാവസ്ഥ അറിയാം

വാട്സ്ആപ്പും ഫെയ്‌സ്ബുക്കും ഇന്‍സ്റ്റഗ്രാമും തകരാറിലായത് ചെറിയ പരിഭ്രാന്തി പടര്‍ത്തി. പിന്നീടങ്ങോട്ട് ചിത്രങ്ങളും വീഡിയോകളും കാണാനും പങ്കുവയ്ക്കാനും പറ്റാത്ത സ്ഥിതിയായി. എന്താണ് സംഭവിച്ചതെന്നറിയാന്‍ ആളുകള്‍ ഒന്നൊന്നായി ട്വീറ്റ് ചെയ്തതോടെ സംഭവം ട്വിറ്ററില്‍ ട്രെന്റിംഗായി. ഇതിന് പിന്നാലെയാണ് പലരുടെയും ഫോണിലേക്ക് പ്രധാനമന്ത്രി നരേന്ദ്രമോദിയുടെ മെസേജ് എന്ന നിലയില്‍ ആ സന്ദേശം ലഭിച്ചത്. ‘കേന്ദ്രസര്‍ക്കാരിന്റെ നിര്‍ദ്ദേശപ്രകാരം രാത്രി 11.30 മുതല്‍ രാവിലെ ആറ് വരെ ദിവസവും വാട്‌സ്ആപ്പ് പ്രവര്‍ത്തനരഹിതമാകും,’ എന്ന് തുടങ്ങുന്ന ഇംഗ്ലീഷ് സന്ദേശത്തില്‍ വിചിത്രമായ വാദങ്ങളാണ് ഉന്നയിക്കപ്പെട്ടത്. എന്നാല്‍ അത് മാത്രമായിരുന്നില്ല. ഇസ്ലാമിക് സ്റ്റേറ്റ് ആക്രമണമാണ് ആപ് തകരാന്‍ കാരണമെന്നും, വാട്‌സ്ആപ്പ് സര്‍വര്‍ ഹാക്ക് ചെയ്യപ്പെട്ടതാണ് കാരണമെന്നും വരെ സന്ദേശങ്ങള്‍ പ്രചരിച്ചു. മോദിയുടെ പേരില്‍ പ്രചരിച്ച ഇംഗ്ലീഷ് സന്ദേശത്തില്‍ വാട്സ്ആപ്പിന്റെയും മെസഞ്ചറിന്റെയും അമിത ഉപയോഗം കണ്ടെത്തിയെന്ന് പറയുന്നുണ്ട്. ഈ സന്ദേശം കോണ്ടാക്ട് ലിസ്റ്റിലെ എല്ലാവര്‍ക്കും അയച്ചില്ലെങ്കില്‍ അടുത്ത 48 മണിക്കൂറിനുള്ളില്‍…

Read More

പണമുണ്ടാക്കുന്നത് ഇങ്ങനെ; ഫേസ്ബുക്ക് മനസ്തുറക്കുന്നു

പണമുണ്ടാക്കുന്നത് ഇങ്ങനെ; ഫേസ്ബുക്ക് മനസ്തുറക്കുന്നു

ഫെയ്‌സ്ബുക്ക് അതിന്റെ സോഷ്യല്‍ മീഡിയാ സേവനങ്ങളുമായി ബന്ധപ്പെട്ട പുതിയ നിബന്ധന വ്യവസ്ഥകള്‍ പുറത്തിറക്കാനൊരുങ്ങുകയാണ്. എങ്ങനെയാണ് ഫെയ്‌സ്ബുക്ക് പണമുണ്ടാക്കുന്നത്? ദോഷകരമായ ഉള്ളടക്കങ്ങള്‍ എങ്ങനെ നീക്കം ചെയ്യുന്നു? ഉപയോക്താക്കളുടെ ബൗദ്ധികസ്വത്തവകാശം എങ്ങനെ സംരക്ഷിക്കുന്നു? തുടങ്ങിയ കാര്യങ്ങള്‍ ഫെയ്‌സ്ബുക്ക് ഉപയോക്താക്കള്‍ക്ക് വിശദമാക്കി നല്‍കുന്നു. ജൂലായ് 31 മുതലാണ് ഫെയ്‌സ്ബുക്കിന്റെ പുതിയ നിബന്ധന വ്യവസ്ഥകള്‍ നിലവില്‍ വരിക. യൂറോപ്യന്‍ കണ്‍സ്യൂമര്‍ പ്രൊട്ടക്ഷന്‍ കോര്‍പറേഷന്‍ നെറ്റ്വര്‍ക്ക് ആന്റ് ഇന്‍പുട്ടുമായി സഹകരിച്ചും, നിയന്ത്രണാധികാരികളുമായും നയതന്ത്രജ്ഞരുമായും നടന്ന ചര്‍ച്ചകളിലൂടെയും മാണ് ഫെയ്‌സ്ബുക്ക് പുതിയ മാറ്റങ്ങള്‍ വരുത്തിയിരിക്കുന്നത്. ഞങ്ങള്‍ എങ്ങനെ പണമുണ്ടാക്കുന്നു എന്നത് സംബന്ധിച്ച കൂടുതല്‍ വിവരങ്ങള്‍ ഇതില്‍ ഞങ്ങള്‍ ഉള്‍പ്പെടുത്തിയിട്ടുണ്ട്. ഞങ്ങളുടെ ഉല്‍പ്പന്നങ്ങള്‍ക്ക് ഉപയോക്താക്കളില്‍ നിന്നും പണമീടാക്കുന്നില്ലെന്നും കാരണം വ്യവസായ സ്ഥാപനങ്ങളും സംഘടനകളുമാണ് പരസ്യങ്ങള്‍ കാണിക്കാനായി ഞങ്ങള്‍ക്ക് പണം നല്‍കുന്നതെന്നും വിശദമാക്കുന്ന ആമുഖവും അതിലുണ്ട് ഫെയ്‌സ്ബുക്ക് വൈസ് പ്രസിഡന്റും അസോസിയേറ്റ് ജനറല്‍ കൗണ്‍സെലുമായ അന്ന ബെന്‍സ്‌കെര്‍ട്ട് പറഞ്ഞു….

Read More

ഫിംഗര്‍ പ്രിന്റിങ് വേണം; വാട്‌സ്അപ്പിനോട് സര്‍ക്കാര്‍

ഫിംഗര്‍ പ്രിന്റിങ് വേണം; വാട്‌സ്അപ്പിനോട് സര്‍ക്കാര്‍

ഫെയ്സ്ബുക്കിന്റെ ഉടമസ്ഥതയിലുള്ള അതിപ്രചാരമുള്ള മെസേജിങ് സംവിധാനമായ വാട്സാപ്പും കേന്ദ്ര സര്‍ക്കാരും തമ്മില്‍ നിരവധി മാസമായി ഏറ്റുമുട്ടലിന്റെ പാതയിലാണ്. വാട്സാപ്പില്‍ ഉടലെടുത്തതെന്നു കരുതപ്പെടുന്ന ചില സന്ദേശങ്ങള്‍ ആള്‍ക്കൂട്ട ആക്രമണങ്ങള്‍ക്കു വഴിവച്ചതാണ് സര്‍ക്കാരിനെ ചൊടിപ്പിച്ചത്. വ്യാജ വാര്‍ത്തയും മറ്റും പ്രചരിച്ചു പ്രശ്‌നമുണ്ടാക്കുന്നയാളെ ചൂണ്ടിക്കാണിക്കാന്‍ വാട്സാപ് തയാറാകണമെന്നാണ് സര്‍ക്കാര്‍ ആവശ്യപ്പെടുന്നത്. എന്നാല്‍ അങ്ങനെ ചെയ്താല്‍ വാട്സാപ്പിന്റെ പ്രസക്തി തന്നെ നഷ്ടപ്പെടുമെന്നും കൂടാതെ ആള്‍ക്കൂട്ട ആക്രമണങ്ങള്‍ക്ക് തങ്ങളെ മാത്രം പഴിക്കുന്നതെന്തിന് എന്നുമുളള നിലപാടാണ് വാട്സാപ് എടുത്തത്. തങ്ങള്‍ക്ക് അറിഞ്ഞേ തീരൂവെന്ന നിര്‍ബന്ധവുമായി സര്‍ക്കാര്‍ നിന്നപ്പോള്‍ വാട്സാപ് ഇന്ത്യ വിടാന്‍ തയാറാണെന്നു വരെ വാര്‍ത്തകള്‍ വന്നിരുന്നു. ലോകമെമ്പാടുമായി 200 കോടിയിലേറെ ഉപയോക്താക്കളുള്ള വാട്സാപ്പിന്റെ ഏറ്റവും വലിയ വിപണി ഇന്ത്യയാണ്. 30 കോടിയോളം പേര്‍ ഇന്ത്യയില്‍ വാട്‌സാപ് ഉപയോഗിക്കുന്നുണ്ട് എന്നാണ് അനുമാനം. വാട്സാപ്പില്‍ കൈമാറപ്പെടുന്ന എല്ലാ സന്ദേശവും കാണേണ്ട, പക്ഷേ പ്രശ്നമാകുന്ന സന്ദേശത്തിന്റെ ഉറവിടം അറിയുകയും…

Read More

കറണ്ട് കട്ടിനെ വിമര്‍ശിച്ച് ഫേസ്ബുക്കില്‍ പോസ്റ്റിട്ടു; രാജ്യദ്രോഹക്കുറ്റം ചുമത്തി അറസ്റ്റ് ചെയ്ത് കോണ്‍ഗ്രസ് സര്‍ക്കാര്‍

കറണ്ട് കട്ടിനെ വിമര്‍ശിച്ച് ഫേസ്ബുക്കില്‍ പോസ്റ്റിട്ടു; രാജ്യദ്രോഹക്കുറ്റം ചുമത്തി അറസ്റ്റ് ചെയ്ത് കോണ്‍ഗ്രസ് സര്‍ക്കാര്‍

ബിലാസ്പൂര്‍: നിരന്തരമുണ്ടാകുന്ന കറണ്ട് കട്ടിനെ വിമര്‍ശിച്ച് ഫേസ്ബുക്കില്‍ പോസ്റ്റിട്ട 53കാരനെതിരെ കോണ്‍ഗ്രസ് സര്‍ക്കാര്‍ രാജ്യദ്രോഹക്കുറ്റം ചുമത്തി. വൈദ്യുതി തടസ്സം സൃഷ്ടിച്ച് സര്‍ക്കാര്‍ ഇന്‍വര്‍ട്ടര്‍ കമ്പനികളെ സഹായിക്കുകയാണെന്ന് ആരോപിച്ചതിനാണ് നടപടി. ഛത്തീസ്ഗഡിലെ ഭൂപേഷ് ബാഗല്‍ സര്‍ക്കാരാണ് വിവാദത്തിലൂടെ വെട്ടിലായിരിക്കുന്നത്. ഛത്തീസ്ഗഡ് സ്റ്റേറ്റ് പവര്‍ ഹോള്‍ഡിംഗ് കമ്പനി ലിമിറ്റഡ് നല്‍കിയ പരാതിയിലാണ് പൊലീസ് മംഗേലാല്‍ അഗര്‍വാളിനെ രാജ്യദ്രോഹക്കുറ്റം ചുമത്തി അറസ്റ്റ് ചെയ്തത്. കോടതിയില്‍ ഹാജരാക്കിയ അഗര്‍വാളിനെ അഞ്ച് ദിവസത്തേക്ക് റിമാന്‍ഡ് ചെയ്യുകയും ചെയ്തു. അഭിപ്രായസ്വാതന്ത്ര്യത്തെ അടിച്ചമര്‍ത്തുന്ന നടപടിയാണ് സര്‍ക്കാരിന്റെ ഭാഗത്തുനിന്നുണ്ടായിരിക്കുന്നതെന്ന് ആരോപിച്ച് പ്രതിഷേധവുമായി ബിജെപി രംഗത്തെത്തി. തുടര്‍ന്ന് മുഖ്യമന്ത്രി നേരിട്ട് വിഷയത്തിലിടപെടുകയും അഗര്‍വാളിനെതിരായ രാജ്യദ്രോഹക്കുറ്റം പിന്‍വലിക്കാന്‍ നിര്‍ദേശിക്കുകയും ചെയ്തതായാണ് വിവരം. കൽക്കണ്ടം കഴിക്കുമ്പോഴുണ്ടാകുന്ന ഗുണങ്ങൾ ഇവയാണ് ജൂണ്‍ 12നാണ് അഗര്‍വാളിനെതിരെ സിറ്റി കോട്ട്വാലി പൊലീസ് സ്റ്റേഷനില്‍ പരാതി ഫയല്‍ ചെയ്തത്. ഭൂപേഷ് ബാഗല്‍ നേതൃത്വം നല്‍കുന്ന കോണ്‍ഗ്രസ് സര്‍ക്കാരിന്റെ പ്രതിഛായ…

Read More

വാട്‌സാപ് ചട്ടം ലംഘിച്ചാല്‍ കോടതി; കേസ്

വാട്‌സാപ് ചട്ടം ലംഘിച്ചാല്‍ കോടതി; കേസ്

വാട്‌സാപ് ദുരുപയോഗം ചെയ്യുന്നവരെ ഉപദേശിച്ചും താക്കീതു ചെയ്യും ക്ഷമയോടെ കാത്തിരിക്കുകയായിരുന്നു കമ്പനി. ആ കാത്തിരിപ്പ് ഈ ഡിസംബറോടെ അവസാനിപ്പിക്കുകയാണ്. കടുത്ത ചട്ടലംഘകരെ വാട്‌സാപ്പില്‍ നിന്നു വിലക്കുന്നതൊക്കെ ഇതിനോടകം പരീക്ഷിച്ചു കഴിഞ്ഞതാണ്. ഡിസംബര്‍ 7 മുതല്‍ വാട്‌സാപ് ചട്ടലംഘനങ്ങള്‍ നടത്തുന്ന വ്യക്തികളെയും സ്ഥാപനങ്ങളെയുമെല്ലാം കമ്പനി കോടതി കയറ്റും. നാം ആപ് ഇന്‍സ്റ്റാള്‍ ചെയ്യുന്നത് ഈ ചട്ടങ്ങളൊക്കെ നമുക്ക് സ്വീകാര്യമാണെന്നും അവയെല്ലാം പാലിക്കുന്നതായിരിക്കും എന്നുറപ്പു നല്‍കിക്കൊണ്ടാണ്. തുടര്‍ന്ന് ഈ ചട്ടങ്ങള്‍ ലംഘിച്ചുകൊണ്ട് ആപ് ഉപയോഗിക്കുന്നത് നിയമപരമായി കുറ്റകൃത്യമാണ്. ഈ കുറ്റകൃത്യത്തോടുള്ള മൃദുസമീപനമാണ് കമ്പനി അവസാനിപ്പിക്കുന്നത്. വ്യാജവാര്‍ത്തകള്‍ പ്രചരിപ്പിക്കാനുപയോഗിക്കുന്ന ബള്‍ക്ക് മെസ്സേജിങ് സോഫ്‌റ്റ്വെയറുകള്‍ക്കും ബോധപൂര്‍വമുള്ള അത്തരം പ്രവര്‍ത്തനങ്ങള്‍ക്കും തടയിടാനാണു പുതിയ നീക്കം. ഉപയോക്താക്കളുടെ പ്രവര്‍ത്തനങ്ങള്‍ കര്‍ശനമായി നിരീക്ഷിച്ച് പ്രതിമാസം 20 ലക്ഷം അക്കൗണ്ടുകള്‍ വീതം നീക്കം ചെയ്യാനാണ് കമ്പനി ലക്ഷ്യമിട്ടിരിക്കുന്നത്. ഫെയ്‌സ്ബുക്കും ട്വിറ്ററുമൊക്കെ ഇത്തരം വ്യാജവേട്ട നടത്തി കോടിക്കണക്കിന് ഉപയോക്താക്കളെ നീക്കം…

Read More

കുടമാറ്റം, മേളം, ആര്‍പ്പ് വിളി!… ഒരു മിനിട്ട് കൊണ്ട് തൃശൂര്‍ പൂരം കാണാം

കുടമാറ്റം, മേളം, ആര്‍പ്പ് വിളി!… ഒരു മിനിട്ട് കൊണ്ട് തൃശൂര്‍ പൂരം കാണാം

തൃശ്ശൂര്‍: നിറങ്ങള്‍ വിടര്‍ന്ന പൂരവിസ്മയമായി കുടമാറ്റം. വാശിയോടെ പാറമേക്കാവ് – തിരുവമ്പാടി ദേവസ്വങ്ങള്‍ പരസ്പരം കുടകള്‍ മത്സരിച്ചുയര്‍ത്തിയതോടെ പൂരപ്രേമികള്‍ ആവേശത്തിലായി. ശാരീരികാവശതകള്‍ അനുഭവപ്പെട്ടെങ്കിലും അതെല്ലാം മറന്ന് പെരുവനം കുട്ടന്‍മാരാര്‍ നയിച്ച ഇലഞ്ഞിത്തറമേളം, താളപ്പെരുക്കമായി. രണ്ടു വിഭാഗം ദേവിമാരുടെ പരസ്പരം കൂടിക്കാഴ്ചയാണ് കുടമാറ്റം. മുഖാമുഖം നില്‍ക്കുന്ന പാറമേക്കാവ് – തിരുവമ്പാടി വിഭാഗങ്ങള്‍ തമ്മില്‍ പ്രൗഢഗംഭീരമായ വര്‍ണ്ണക്കുടകള്‍ പരസ്പരം ഉയര്‍ത്തി കാണിച്ച് മത്സരിക്കുന്നതാണ് കുടമാറ്റം എന്ന് അറിയപ്പെടുന്നത്. പതിവുപോലെത്തന്നെ വ്യത്യസ്തമായ കുടകളുടെ ഭംഗി തന്നെയായിരുന്നു കുടമാറ്റത്തിന്റെ പ്രധാന ആകര്‍ഷണം. കഥകളി രൂപങ്ങള്‍ മുതല്‍ മിക്കി മൗസിന്റെ ചിത്രങ്ങള്‍ വരെയുള്ള കുടകളും, പല നിലകളിലുള്ള കുടകളും കുടമാറ്റത്തിന് മിഴിവേകി. രാവിലെ അഞ്ച് മണിക്ക് കണിമംഗലം ശാസ്താവ് വടക്കുന്നാഥന്‍ ക്ഷേത്രത്തിലേക്ക് എഴുന്നള്ളിയതോടെയാണ് പൂരത്തിന്റെ ചടങ്ങുകള്‍ക്ക്തുടക്കമായത്. തുടര്‍ന്ന് ചെമ്പുക്കാവ്, പനമുക്കുംപള്ളി, കാരമുക്ക്, ലാലൂര്‍, ചൂരക്കോട്ടുകാവ്, അയ്യന്തോള്‍, നെയ്തലക്കാവ് തുടങ്ങിയ ദേവീദേവന്‍മാര്‍ ഘടകപൂരങ്ങളായി വടക്കുന്നാഥന്‍ ക്ഷേത്രത്തിലേക്ക്…

Read More