ആ അത്ഭുത ബോളില്‍ അമ്പരന്ന് മുരളി വിജയ്

ആ അത്ഭുത ബോളില്‍ അമ്പരന്ന് മുരളി വിജയ്

ലണ്ടന്‍: ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യക്ക് മോശം തുടക്കം. മഴമൂലം ആദ്യദിനത്തെ കളി നഷ്ടമായ മത്സരത്തില്‍ രണ്ടാം ദിനം ടോസ് നഷ്ടപ്പെട്ട് ക്രീസിലിറങ്ങിയ ഇന്ത്യക്ക് അക്കൗണ്ടു തുറക്കും മുമ്പെ വിശ്വസ്തനായ മുരളി വിജയ്യെ നഷ്ടമായി. ആദ്യ ഓവറിലെ നാലാം പന്തില്‍ ജെയിംസ് ആന്‍ഡേഴ്‌സന്റെ സ്വിംഗ് മുന്നിലാണ് വിജയ് മുട്ടുമടക്കിയത്. മിഡില്‍ സ്റ്റംപില്‍ പിച്ച് ചെയ്ത പന്ത് വിജയ്യുടെ ഓഫ് സ്റ്റമ്പുമായി പറന്നപ്പോള്‍ ആരാധകര്‍ക്കൊപ്പം അമ്പരന്നത് വിജയ് കൂടിയായിരുന്നു. പന്തിന്റെ ദിശ മനസിലാക്കാതെ ബാറ്റുവെച്ച വിജയ് ബാറ്റുവെച്ച വിജയ്ക്ക് പിഴച്ചു. ആദ്യ ടെസ്റ്റിലെ മോശം പ്രകടനത്തെത്തുടര്‍ന്ന് ഓപ്പണറായിരുന്ന ശീഖര്‍ ധവാനെ മാറ്റി കെ എല്‍ രാഹുലിനെ ഓപ്പണറാക്കിയാണ് ഇന്ത്യ ഇറങ്ങിയത്. എന്നാല്‍ വിജയിനെപ്പോലെ രാഹുലും ആന്‍ഡേഴ്‌സന്റെ സ്വിംഗിന് മുന്നില്‍ തലകുനിച്ച മടങ്ങി.

Read More

മുന്‍ ബ്ലാസ്റ്റേഴ്സ് പരിശീലകന്‍ മ്യൂളസ്റ്റീന് പുതിയ ചുമതല

മുന്‍ ബ്ലാസ്റ്റേഴ്സ് പരിശീലകന്‍ മ്യൂളസ്റ്റീന് പുതിയ ചുമതല

മെല്‍ബണ്‍: കേരള ബ്ലാസ്റ്റേഴ്സ് മുന്‍ പരിശീലകന്‍ റെനെ മ്യൂളസ്റ്റീന്‍ ഓസ്ട്രേലിയന്‍ ദേശീയ ടീമിന്റെ സഹപരിശീലകനായി ചുമതലയേറ്റു. ഫുട്ബോള്‍ ഫെഡറേഷന്‍ ഓസ്ട്രേലിയ ഇക്കാര്യം സ്ഥിതികരിച്ചു. യുഎഇയില്‍ നടക്കുന്ന ഏഷ്യന്‍ കപ്പാണ് മ്യൂളസ്റ്റീന് മുന്നിലുള്ള പ്രധാന വെല്ലുവിളി. നിലവിലെ ഏഷ്യന്‍ ചാംപ്യന്മാരാണ് ഓസ്ട്രേലിയ. ഗ്രഹാം അര്‍ണോള്‍ഡാണ് ഓസ്ട്രേലിയയുടെ പ്രധാന പരിശീലകനല്‍. യൂറോപ്പില്‍ കളിക്കുന്ന ഓസീസ് താരങ്ങളെ വീക്ഷിക്കുകയും ടീമിന് വേണ്ട പ്രധാനതാരങ്ങളെ ഒരുക്കിയെടുക്കാനുമാണ് മ്യൂളസ്റ്റീനോട് നിര്‍ദേശിച്ചിട്ടുള്ളത്. മ്യൂളസ്റ്റീന്‍ അവസാനമായി പരിശീലിപ്പിച്ചത് കേരള ബ്ലാസ്റ്റേഴ്സിനെയായിരുന്നു. എന്നാല്‍ സീസണിലെ മോശം പ്രകടനം ക്ലബ് കോച്ചിനെ പുറത്താക്കി. മാഞ്ചസ്റ്റര്‍ യുണൈറ്റഡ് യൂത്ത് ക്ലബിനെ പരിശീലിച്ചുള്ള പരിചയസമ്പത്തുണ്ട് മ്യുളസ്റ്റീന് അല്‍- സാദ് (ഖത്തര്‍), അല്‍- ഇത്തിഹാദ് (ഖത്തര്‍), ബ്രോണ്ട്ലി (സ്വീഡന്‍), ഫുള്‍ഹാം (ഇംഗ്ലണ്ട്), മക്കാബി ഹൈഫ (ഇസ്രായേല്‍) എന്നി ക്ലബുകളേയും പരിശീലിപ്പിച്ചു.

Read More

ഇന്ത്യ – ഇംഗ്ലണ്ട് ടെസ്റ്റ്; രണ്ടാം ദിനവും ഇന്ത്യയ്ക്ക് മഴ വില്ലനായി

ഇന്ത്യ – ഇംഗ്ലണ്ട് ടെസ്റ്റ്; രണ്ടാം ദിനവും ഇന്ത്യയ്ക്ക് മഴ വില്ലനായി

ഇന്ത്യയും ഇംഗ്ലണ്ടും തമ്മില്‍ ലോര്‍ഡ്സില്‍ നടക്കുന്ന ടെസ്റ്റ് മത്സരത്തിന്റെ രണ്ടാം ദിനവും മഴ മൂലം കളി തടസ്സപ്പെടുന്നു. കളി തുടങ്ങി 6.3 ഓവര്‍ മാത്രമാണ് ഇന്ന് എറിയാന്‍ കഴിഞ്ഞത്. മത്സരത്തില്‍ ബാറ്റിംഗ് തുടങ്ങിയ ഇന്ത്യയ്ക്ക് തുടക്കത്തില്‍ തന്നെ തിരിച്ചടിയേറ്റിരിക്കുകയാണ്. കളി നിര്‍ത്തിവെക്കുമ്പോള്‍ 11-2 എന്ന നിലയിലാണ് ഇന്ത്യ. മുരളി വിജയ് (0), കെ എല്‍ രാഹുല്‍ (8) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. ജെയിംസ് ആന്‍ഡേഴ്സണാണ് തുടക്കത്തില്‍ തന്നെ ഇന്ത്യയെ ഞെട്ടിച്ചത്. ഓരോ റണ്‍സ് വീതമെടുത്ത ചേതേശ്വര്‍ പൂജാരയും വിരാട് കോഹ്ലിയുമാണ് ക്രിസിലുള്ളത്. മത്സരത്തില്‍ ടോസ് നേടിയ ഇംഗ്ലണ്ട് ഇന്ത്യയെ ബാറ്റിംഗിന് അയക്കുകയായിരുന്നു. ആദ്യ ടെസ്റ്റ് മത്സരം 31 റണ്‍സിന് പരാജയപ്പെട്ട ഇന്ത്യ പരമ്പരയ 1-0ത്തിന് പിന്നിലാണ്.

Read More

ഹര്‍ഡില്‍സിലെ മുന്‍ ലോക ചാമ്പ്യന്‍ നിക്കോളാസ് ബെറ്റ് അപകടത്തില്‍ മരിച്ചു

ഹര്‍ഡില്‍സിലെ മുന്‍ ലോക ചാമ്പ്യന്‍ നിക്കോളാസ് ബെറ്റ് അപകടത്തില്‍ മരിച്ചു

400 മീറ്റര്‍ ഹര്‍ഡില്‍സിലെ മുന്‍ ലോക ചാമ്പ്യനായ കെനിയയുടെ നിക്കോളാസ് ബെറ്റ് അപകടത്തില്‍ മരിച്ചു. 28 വയസ്സായിരുന്നു. നൈജീരിയയില്‍ നടന്ന ആഫ്രിക്കന്‍ ചാമ്പ്യന്‍ഷിപ്പിനുശേഷം തിരിച്ചുവരുമ്പോഴായിരുന്നു അപകടം. 2015ലെ ബീജിങ് ലോക ചാമ്പ്യന്‍ഷിപ്പിലാണ് ബെറ്റ് 400 മീറ്റര്‍ ഹര്‍ഡില്‍സില്‍ സ്വര്‍ണം നേടിയത്. കെനിയയുടെ ചരിത്രത്തില്‍ ആദ്യമായാണ് 800 മീറ്ററില്‍ താഴെയുള്ള ഇനത്തില്‍ ഒരു അത്‌ലീറ്റ് ചാമ്പ്യനായത്. ആഫ്രിക്കന്‍ ചാമ്പ്യന്‍ഷിപ്പില്‍ രണ്ടുതവണ വെങ്കല മെഡല്‍ നേടി. ബെറ്റിന്റെ സഹോദരന്‍ ഹാരോണ്‍ കൊയെച്ചും ഹര്‍ഡില്‍സ് താരമാണ്.

Read More

അണ്ടര്‍-20 കോടിഫ് കപ്പ് കിരീടം അര്‍ജന്റീനയുടെ യുവനിരയ്ക്ക്.

അണ്ടര്‍-20 കോടിഫ് കപ്പ് കിരീടം അര്‍ജന്റീനയുടെ യുവനിരയ്ക്ക്.

സ്‌പെയ്‌നില് നടന്ന ടൂര്‍ണമെന്റിന്റെ ഫൈനലില്‍ റഷ്യയെ തോല്പിച്ചാണ് അര്‍ജന്റീന കിരീടം നേടിയത്. ഇഞ്ചുറി ടൈമിലെ ഗോളിലായിരുന്നു അര്‍ജന്റീനയുടെ വിജയം. ഒരു ഗോളിന് പിന്നിട്ട് നിന്ന ശേഷം അര്‍ജന്റീന രണ്ട് ഗോളുകള്‍ തിരിച്ചടിച്ചു. 92-ാം മിനിറ്റിലായിരുന്നു അര്‍ജന്റീനയുടെ വിജയഗോള്‍ വന്നത്. 11-ാം മിനിറ്റില്‍ തന്നെ ഇഗോര്‍ ഡിവീവിന്റെ ഗോളിലൂടെ റഷ്യ മുന്നിലെത്തി. എന്നാല്‍ ഒരു മിനിറ്റിനുള്ളില്‍ അര്‍ജന്റീന തിരിച്ചടിച്ചു. ഫെകുണ്ടൊ കൊളിഡിയോയായിരുന്നു ഗോള്‍ സ്‌കോറര്‍. പിന്നീട് മത്സരം എക്‌സ്ട്രാ ടൈമിലേക്ക് നീങ്ങുമെന്ന ഘട്ടമെത്തിയപ്പോള്‍ മാര്‍സ മറിനെല്ലോ അര്‍ജന്റീനയുടെ രക്ഷക്കെത്തുകയായിരുന്നു. 92-ാം മിനിറ്റിലായിരുന്നു ഇത്. സെമിയില്‍ യുറഗ്വായെ തോല്‍പിച്ചായിരുന്നു അര്‍ജന്റീന ഫൈനലില്‍ എത്തിയത്. ടൂര്‍ണമെന്റിലെ ഏറ്റവും മികച്ച താരമായി അര്‍ജന്റൈന് സ്‌ട്രൈക്കര്‍ ഫെകുണ്ടൊ കൊളിഡിയോയെ തിരഞ്ഞെടുത്തു. അര്‍ജന്റീനയുടെ തന്നെ ജെറോനിമോ പോര്‍ടുവാണ് മികച്ച ഗോള്‍ കീപ്പര്‍. ഏറ്റവും മികച്ച പരിശീലകനും അര്‍ജന്റീനക്കാരന് തന്നെ. ലിയോണല്‍ സ്‌കാലോനെയാണ് മികച്ച പരിശീലകന്‍. ഈ…

Read More

ബിസിസിഐയുടെ ഭരണഘടനയ്ക്ക് ഭേദഗതികളോടെ സുപ്രീം കോടതി അംഗീകാരം

ബിസിസിഐയുടെ ഭരണഘടനയ്ക്ക് ഭേദഗതികളോടെ സുപ്രീം കോടതി അംഗീകാരം

ന്യൂഡല്‍ഹി: ബിസിസിഐയുടെ പുതിയ കരട് ഭരണഘടനയ്ക്ക് ഭേദഗതികളോടെ സുപ്രീം കോടതി അംഗീകാരം നല്‍കി. ഒരു സംസ്ഥാനം, ഒരു വോട്ട് തുടങ്ങിയ ലോധാ കമ്മറ്റി ശുപാര്‍ശകളിലെ ചില വ്യവസ്ഥകളില്‍ ഭേദഗതി വരുത്തിയാണ് സുപ്രീംകോടതിയുടെ ഉത്തരവ്. 30 ദിവസത്തിനുള്ളില്‍ ഭരണഘടന പ്രാബല്യത്തില്‍ വരുത്തുവാനുള്ള നടപടി എടുക്കണമെന്ന് സംസ്ഥാന ക്രിക്കറ്റ് അസോസിയേഷനുകളോട് സുപ്രീംകോടതി ആവശ്യപ്പെട്ടു. ലോധ കമ്മറ്റി നിര്‍ദ്ദേശം പുനപരിശോധിച്ചതിന്റെ ഭാഗമായി മുംബൈ, വിദര്‍ഭ, സൗരാഷ്ട്ര, വഡോദര, റെയില്‍വേയിസ് എന്നീ ക്രിക്കറ്റ് അസോസിയേഷനുകള്‍ക്ക് സുപ്രീംകോടതി സ്ഥിരാഗത്വം അനുവദിച്ചു. ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് അംഗീകാരം നല്‍കിയത്. ബി.സി.സി.ഐയില്‍ പദവി വഹിച്ച ഒരാള്‍ക്ക് വീണ്ടും സംഘടനയിലെ സ്ഥാനം വഹിക്കുന്നതിന് മുമ്പായി ഇടവേള വേണമെന്ന ലോധ കമ്മറ്റി നിര്‍ദ്ദേശത്തിലും സുപ്രീംകോടതി മാറ്റം വരുത്തി. രണ്ട് തവണ തുടര്‍ച്ചയായി ബിസിസിഐയുടെ പദവി വഹിച്ചയാള്‍ക്ക് മാത്രമാണ് ഇടവേള വേണ്ടിവരുക.

Read More

പോള്‍ പോഗ്ബ ബാഴ്സലോണയിലേക്ക്…

പോള്‍ പോഗ്ബ ബാഴ്സലോണയിലേക്ക്…

ലണ്ടന്‍: ഫ്രഞ്ച് താരം പോള്‍ പോഗ്ബ ബാഴ്സലോണയിലേക്ക്. ഇംഗ്ലീഷ് പ്രീമിയര്‍ ലീഗ് ഫുട്ബോള്‍ ക്ലബ് മാഞ്ചസ്റ്റര്‍ യുണൈറ്റഡ് വിട്ടാണു പോഗ്ബ സ്പെയിനിലെ ബാഴ്സലോണയിലേക്കു കൂടുമാറുന്നത്. 100 ദശലക്ഷം യൂറോയുടെ പ്രതിഫല കരാറില്‍ അഞ്ചു വര്‍ഷത്തേക്കാണു പോഗ്ബ ബാഴ്സയുടെ ഭാഗമാകുക. റഷ്യ ലോകകപ്പില്‍ ഫ്രാന്‍സിനു വേണ്ടി മികച്ച പ്രകടനം പുറത്തെടുക്കാന്‍ 25 വയസുകാരനായ പോഗ്ബയ്ക്കു കഴിഞ്ഞു. ക്രൊയേഷ്യക്കെതിരായ ഫൈനലിലും പോഗ്ബ ഗോളടിച്ചിരുന്നു. 2016 ലാണു ഫ്രഞ്ച് താരം ഇറ്റാലിയന്‍ ക്ലബ് യുവന്റസില്‍നിന്നു മാഞ്ചസ്റ്റര്‍ യുണൈറ്റഡിലെത്തിയത്. കോച്ച് ഹൊസെ മൗറീഞ്ഞോയുമായുള്ള അഭിപ്രായ വ്യത്യാസമാണു പോഗ്ബയെ ക്ലബ് വിടാന്‍ പ്രേരിപ്പിച്ചതെന്നാണു സൂചന. സഹതാരം ചിലിയുടെ അലക്സിസ് സാഞ്ചസിനെക്കാള്‍ പ്രതിഫലം വേണമെന്ന പോഗ്ബയുടെ ആവശ്യത്തോടു യുണൈറ്റഡ് പുറംതിരിഞ്ഞതും ക്ലബ് വിടാന്‍ കാരണമായി. പ്രീമിയര്‍ ലീഗ് ട്രാന്‍സ്ഫര്‍ വിന്‍ഡോ ഇന്ന് അവസാനിക്കാനിരിക്കേയാണ് പോഗ്ബ യുണൈറ്റഡ് വിടുന്നത്.

Read More

ഇന്ത്യന്‍ ബാറ്റ്‌സ്മാന്‍ ദിലീപ് സര്‍ദേശായിക്ക് ആദരമര്‍പ്പിച്ച് ഗൂഗിള്‍

ഇന്ത്യന്‍ ബാറ്റ്‌സ്മാന്‍ ദിലീപ് സര്‍ദേശായിക്ക് ആദരമര്‍പ്പിച്ച് ഗൂഗിള്‍

ഇന്ത്യന്‍ ബാറ്റ്‌സ്മാന്‍ ദിലീപ് സര്‍ദേശായിക്ക് ആദരമര്‍പ്പിച്ച് ഗൂഗിള്‍. ഇന്ത്യയുടെ എക്കാലത്തെയും മികച്ച ബാറ്റ്‌സ്മാന്‍മാരില്‍ ഒരാളായ ദേശായിയുടെ 78-ാം ജന്മദിനത്തിലാണ് ഗൂഗിള്‍ ഡൂഡിലില്‍ ആദ്ദേഹത്തിന് ആദരമര്‍പ്പിച്ചത്. 1959-60 ലെ ഇന്റര്‍ യൂണിവേഴ്‌സിറ്റി റോഹിന്റണ്‍ ബാരിയാ ട്രോഫിയില്‍ 435 റണ്‍സ് നേടിയതോടെയാണ് ദിലീപ് സര്‍ദേശായി ശ്രദ്ധിക്കപ്പെടുന്നത്. എന്നും സ്പിന്നര്‍മാരുടെ പേടി സ്വപ്നമായിരുന്നു ദിലീപ്. 1960-61 കാലഘട്ടത്തില്‍ ഇന്ത്യയുടെ മികച്ച ക്രിക്കറ്റര്‍മാരില്‍ ഒരാളായി ദിലീപ് സര്‍ദേശായിയെ തിരഞ്ഞെടുത്തിരുന്നു. 2007 ജൂലായ് രണ്ടിനാണ് ദേശായി അന്തരിച്ചത്

Read More

ഇന്ത്യന്‍ ഫുട്‌ബോളിന്റെ നിലവാരം മെച്ചപ്പെട്ടെതെങ്ങനെയെന്ന് വ്യക്തമാക്കി ധോണി

ഇന്ത്യന്‍ ഫുട്‌ബോളിന്റെ നിലവാരം മെച്ചപ്പെട്ടെതെങ്ങനെയെന്ന് വ്യക്തമാക്കി ധോണി

ഇന്ത്യയുടെ ജൂനിയര്‍ ഫുട്‌ബോള്‍ ടീമുകള്‍ വിവിധ ടൂര്‍ണമെന്റുകളില്‍ ശ്രദ്ധേയ പ്രകടനം കാഴ്ച വെച്ച് ലോക ശ്രദ്ധയാകര്‍ഷിക്കുന്നതിനിടെ ഇന്ത്യന്‍ ഫുട്‌ബോളിന്റെ വളര്‍ച്ചയ്ക്ക് പ്രധാന കാരണങ്ങളിലൊന്ന് ഐ എസ് എല്ലിന്റെ വരവാണെന്ന് വ്യക്തമാക്കി ഇന്ത്യന്‍ ക്രിക്കറ്റ് ഇതിഹാസം മഹേന്ദ്ര സിംഗ് ധോണി. കഴിഞ്ഞ ദിവസം ഒരു സ്വകാര്യച്ചടങ്ങില്‍ മാധ്യമങ്ങളോട് സംസാരിക്കവെയാണ് ഐ എസ് എല്ലിനെക്കുറിച്ചും ഇന്ത്യന്‍ ഫുട്‌ബോളിനെക്കുറിച്ചും ഐ എസ് എല്‍ ടീമായ ചെന്നൈയന്‍സിന്റെ സഹ ഉടമ കൂടിയായ ധോണി അഭിപ്രായം വ്യക്തമാക്കിയത്. ഐ എസ് എല്ലിന്റെ വരവോടെ ഇന്ത്യന്‍ ഫുട്‌ബോളിന്റെ നിലവാരം മെച്ചപ്പെട്ടെന്നും, ഇവിടെ ലോകോത്തര താരങ്ങള്‍ക്കെതിരെ കളിച്ച് നേടിയ മത്സരപരിചയം അവരുടെ കരിയറില്‍ ഏറെ ഗുണം ചെയ്യുന്നുണ്ടെന്നും പറഞ്ഞ ധോണി, ഐ എസ് എല്ലിനൊപ്പം രാജ്യത്തെ മറ്റ് ലീഗുകളും ഇവിടുത്തെ ഫുട്‌ബോള്‍ വളര്‍ച്ചയ്ക്ക് സഹായകമാകുന്നുണ്ടെന്നും കൂട്ടിച്ചേര്‍ത്തു. ” ഇന്ത്യന്‍ യുവതാരങ്ങളുടെ ഫുട്‌ബോള്‍ നിലവാരം ഉയര്‍ത്തുന്നതില്‍ ഐ എസ്…

Read More

ഇന്ത്യ – ഇംഗ്ലണ്ട് രണ്ടാം ടെസ്റ്റ് ; ആദ്യ ഇലവനില്‍ ആശയക്കുഴപ്പത്തിലായി ഇന്ത്യ

ഇന്ത്യ – ഇംഗ്ലണ്ട് രണ്ടാം ടെസ്റ്റ് ; ആദ്യ ഇലവനില്‍ ആശയക്കുഴപ്പത്തിലായി ഇന്ത്യ

ലണ്ടന്‍: ഇന്ത്യയും ഇംഗ്ലണ്ടും തമ്മിലുള്ള രണ്ടാം ടെസ്റ്റിന് നാളെ ലോര്‍ഡ്‌സില്‍ തുടക്കമാകും. ആദ്യ ഇലവനെ കുറിച്ച് കടുത്ത ആശയക്കുഴപ്പത്തിലാണ് ടീം ഇന്ത്യ. ചേതേശ്വര്‍ പൂജാരയെ തഴഞ്ഞ് കെ എല്‍ രാഹുലിനെ മൂന്നാം നമ്പറില്‍ ഇറക്കാനുള്ള തീരുമാനം, എഡ്ജ്ബാസ്റ്റണ്‍ ടെസ്റ്റിന് ഒരു മണിക്കൂര്‍ മുന്‍പ് മാത്രമാണ് രവിശാസ്ത്രിയും വിരാട് കോലിയും പ്രഖ്യാപിച്ചത്. നിര്‍ണായകമായ രണ്ടാം ടെസ്റ്റിന് തലേന്നും സമാനമായ ആശയക്കുഴപ്പം ഇന്ത്യന്‍ ടീമില്‍ പ്രകടമാണ്. ഇംഗ്ലണ്ടിലെ കടുത്ത ചൂടില്‍ ലോര്‍ഡ്‌സിലെ പിച്ചിന്റെ സ്വഭാവം മാറിയെന്നും രണ്ട് സ്പിന്നര്‍മാരടക്കം അഞ്ച് ബൗളര്‍മാരെ ഉള്‍പ്പെടത്തണമെന്നും ഒരു വിഭാഗം. ആദ്യ ടെസ്റ്റിലെ ബാറ്റിംഗ് പരാജയത്തിന്റെ പശ്ചാത്തലത്തില്‍ , ചേതേശ്വര്‍ പൂജാരയെ തിരിച്ചുവിളിച്ച് ബാറ്റിംഗ് നിരയെ ശക്തിപ്പെടുത്തണമെന്ന് മറ്റൊരു കൂട്ടര്‍. തീരുമാനം എന്തായാലും ഹാര്‍ദിക് പണ്ഡ്യയടെ സ്ഥാനം പരുങ്ങലിലെന്നാണ് സൂചന. രണ്ട് സ്പിന്നര്‍മാരെ ഉള്‍പ്പെടുത്താന്‍ തീരുമാനിച്ചാല്‍ ആര്‍ അശ്വിനൊപ്പം , കുല്‍ദീപ് യാദവ് കളിക്കും….

Read More