‘കടന്നു പിടിച്ചു, അശ്ലീലം സംസാരിച്ചു’; ബിഷപ്പ് ഫ്രാങ്കോ മുളയ്ക്കലിനെതിരേ വീണ്ടും ആരോപണം

‘കടന്നു പിടിച്ചു, അശ്ലീലം സംസാരിച്ചു’; ബിഷപ്പ് ഫ്രാങ്കോ മുളയ്ക്കലിനെതിരേ വീണ്ടും ആരോപണം

കൊച്ചി: ലൈംഗീകപീഡനക്കേസില്‍ ബിഷപ്പ് ഫ്രാങ്കോ മുളയ്ക്കലിനെതിരെ വീണ്ടും ലൈഗീംക ആരോപണം. നേരത്തെ ബിഷപ്പ് പ്രതിയായ ലൈംഗീക പീഡനക്കേസില്‍ സാക്ഷിയായ മറ്റൊരു കന്യാസ്ത്രിയാണ് ഫ്രാങ്കോയ്‌ക്കെതിരെ ആരോപണവുമായി രംഗത്ത് എത്തിയിരിക്കുന്നത്. കേസിലെ പതിനാലാം സാക്ഷിയായ കന്യാസ്ത്രി പൊലീസിന് നല്‍കിയ സാക്ഷിമൊഴിയിലാണ് ബിഷപ്പിനെതിരെ ലൈംഗീക ആരോപണം ഉന്നയിച്ചിരിക്കുന്നത്. മഠത്തില്‍ വച്ച് ബിഷപ്പ് ഒരിക്കല്‍ തന്നെ കടന്നു പിടിച്ചെന്നും വീഡിയോ കോളിലൂടെ ബിഷപ്പ് അശ്ലീല സംഭാഷണം നടത്തിയെന്നും കന്യാസ്ത്രീയുടെ സാക്ഷിമൊഴിയിലുണ്ട്. വിഡീയോകോളില്‍ തന്റെ ശരീരഭാഗങ്ങള്‍ കാണിക്കാന്‍ ബിഷപ്പ് നിര്‍ബന്ധിച്ചിട്ടുണ്ടെന്നും കന്യാസ്ത്രിയുടെ മൊഴിയിലുണ്ട്. മിഷണറീസ് ഓഫ് ജീസസിലെ കന്യാസ്ത്രീയാണ് ബിഷപ്പിനെതിരെ മൊഴി നല്‍കിയത്. ബിഷപ്പ് ഫ്രാങ്കോയുടെ സ്വാധീനം ഭയന്നാണ് നേരത്തെ പരാതി നല്‍കാതിരുന്നതെന്നും യുവതി പൊലീസിനോട് വെളിപ്പെടുത്തിയിട്ടുണ്ട്. മൊഴിയുടെ പകര്‍പ്പ് ലഭിച്ചിട്ടുണ്ട്. എന്നാല്‍ യുവതിയുടെ സാക്ഷിമൊഴിയില്‍ പൊലീസ് കേസെടുത്തില്ല. പരാതിയുമായി മുന്നോട്ട് പോകാന്‍ താല്‍പ്പര്യമില്ലെന്ന് കന്യാസ്ത്രീ അറിയിച്ചെന്നും അതിനാലാണ് കേസ് എടുക്കാതിരുന്നതെന്നുമാണ് പൊലീസ് ഭാഷ്യം.

Read More

വളരും തോറും പിളര്‍ന്ന്… പിളരും തോറും വളര്‍ന്ന്… പിളര്‍പ്പില്ലെങ്കില്‍ എന്ത് കേരള കോണ്‍ഗ്രസ്; പിളര്‍പ്പിന്റെ ചരിത്രം അറിയാം

വളരും തോറും പിളര്‍ന്ന്… പിളരും തോറും വളര്‍ന്ന്… പിളര്‍പ്പില്ലെങ്കില്‍ എന്ത് കേരള കോണ്‍ഗ്രസ്; പിളര്‍പ്പിന്റെ ചരിത്രം അറിയാം

കോട്ടയം: വളരും തോറും പിളര്‍ന്ന്… പിളരും തോറും വളര്‍ന്ന്… കേരള കോണ്‍ഗ്രസ് പാര്‍ട്ടിക്ക് ഇങ്ങനെയൊരു വിശേഷണം നല്‍കാന്‍ തുടങ്ങിയിട്ട് നാളുകളേറെയായി. ചരിത്രം പിന്നെയും ആവര്‍ത്തിക്കുകയാണ്. കേരളാ കോണ്‍ഗ്രസ് ജേക്കബിലെ ജോണി നെല്ലൂര്‍ വിഭാഗം ജോസഫ് ഗ്രൂപ്പില്‍ ലയിക്കാന്‍ തീരുമാനിച്ചതോടെ വീണ്ടും ഒരു പിളര്‍പ്പിലേക്ക് പാര്‍ട്ടി എത്തി. ഒരു ഡസനിലേറെ പിളര്‍പ്പിനാണ് കേരള കോണ്‍ഗ്രസ് ഇതുവരെ സാക്ഷ്യംവഹിച്ചത്. 1964 മുതലുള്ള കേരള കോണ്‍ഗ്രസിന്റെ ചരിത്രം പിളര്‍പ്പുകളുടേതു കൂടിയാണ്. 1973-ല്‍ ഇ. ജോണ്‍ ജേക്കബിന്റെ നേതൃത്വത്തില്‍ ഒരു വിഭാഗം പാര്‍ട്ടിയുടെ നയപരിപാടികളില്‍ പ്രതിഷേധിച്ചു പുറത്തുപോയതോടെയാണ് കേരള കോണ്‍ഗ്രസില്‍ പിളര്‍പ്പുകളുടെ ചരിത്രം തുടങ്ങുന്നത്. 1976-ല്‍ കെ.എം.ജോര്‍ജിന്റേയും കെ.എം.മാണിയുടേയും നേതൃത്വത്തില്‍ പാര്‍ട്ടി പിളര്‍ന്നു. കെ.എം.ജോര്‍ജ് അന്തരിച്ചതിനെ തുടര്‍ന്നു പാര്‍ട്ടികള്‍ ഒന്നിച്ചെങ്കിലും ആര്‍.ബാലകൃഷ്ണ പിള്ളയുടെ നേതൃത്വത്തില്‍ ഒരു വിഭാഗം 1977 ആദ്യം പാര്‍ട്ടി വിട്ടു. 1977-ലെ നിയമസഭ- ലോക്‌സഭ തെരഞ്ഞെടുപ്പുകളില്‍ രണ്ടു കേരള കോണ്‍ഗ്രസുകളുടെ…

Read More

കേരള കോണ്‍ഗ്രസ് ജേക്കബ് വിഭാഗം രണ്ടായി; ചെറി പാര്‍ട്ടിയുടെ ചെയര്‍മാന്‍ സ്ഥാനത്തിരിക്കുന്നതിലും നല്ലത് ജോസഫിന്റെ നേതൃത്വത്തിലുള്ള പാര്‍ട്ടിയുടെ പ്രവര്‍ത്തകനായിരിക്കുന്നതെന്ന് ജോണി നെല്ലൂര്‍

കേരള കോണ്‍ഗ്രസ് ജേക്കബ് വിഭാഗം രണ്ടായി; ചെറി പാര്‍ട്ടിയുടെ ചെയര്‍മാന്‍ സ്ഥാനത്തിരിക്കുന്നതിലും നല്ലത് ജോസഫിന്റെ നേതൃത്വത്തിലുള്ള പാര്‍ട്ടിയുടെ പ്രവര്‍ത്തകനായിരിക്കുന്നതെന്ന് ജോണി നെല്ലൂര്‍

കോട്ടയം: കേരള കോണ്‍ഗ്രസ്എം വിഭാഗത്തിനു പിന്നാലെ ജേക്കബ് വിഭാഗവും പിളര്‍ന്നു. പാര്‍ട്ടി ചെയര്‍മാന്‍ ജോണി നെല്ലൂര്‍ വിഭാഗവും മുന്‍ മന്ത്രിയും എംഎല്‍എയുമായ അനൂപ് ജേക്കബ് വിഭാഗവും കോട്ടയത്ത് ചേരിതിരിഞ്ഞ് യോഗം ചേര്‍ന്നതോടെയാണ് പിളര്‍പ്പ് പൂര്‍ത്തിയായത്. ജോണി നെല്ലൂര്‍ പാര്‍ട്ടി ഉന്നതാധികാര സമിതി യോഗം വിളിച്ച ഇന്നു തന്നെ അനൂപ് ജേക്കബിന്റെ നേതൃത്വത്തില്‍ മറ്റൊരു യോഗവും ചേരുകയായിരുന്നു. കേരള കോണ്‍ഗ്രസ് ജോസഫ് ഗ്രൂപ്പുമായി ലയിക്കാനുള്ള നീക്കങ്ങളും ഇതേത്തുടര്‍ന്നുണ്ടായ തര്‍ക്കങ്ങളാണ് ഒടുവില്‍ പിളര്‍പ്പിലേക്ക് എത്തിച്ചത്. തങ്ങളുടെ വിഭാഗം ജോസഫ് ഗ്രൂപ്പുമായി ലയിക്കുമെന്ന് ജോണി നെല്ലൂര്‍ പ്രഖ്യാപിച്ചു. ഇത് സംബന്ധിച്ച പ്രമേയം യോഗം അംഗീകരിച്ചു. പാര്‍ട്ടിയെ പിളര്‍ത്താന്‍ അനൂപ് ജേക്കബ് ചിലരില്‍ നിന്ന് അച്ചാരം വാങ്ങിയെന്ന് ജോണി തുറന്നടിച്ചു. ജേക്കബ് വിഭാഗമെന്ന ചെറിയ പാര്‍ട്ടിയുടെ ചെയര്‍മാന്‍ സ്ഥാനത്തിരിക്കുന്നതിലും നല്ലത് ജോസഫിന്റെ നേതൃത്വത്തിലുള്ള വലിയ പാര്‍ട്ടിയുടെ സാധാരണ പ്രവര്‍ത്തകനായിരിക്കുന്നതാണെന്നും ജോണി നെല്ലൂര്‍ പറഞ്ഞു….

Read More

ഒരു വ്യാഴവട്ടം പിന്നിട്ടിട്ടും മുറിവുണങ്ങാതെ മൂലംപിള്ളി

ഒരു വ്യാഴവട്ടം പിന്നിട്ടിട്ടും മുറിവുണങ്ങാതെ മൂലംപിള്ളി

കൊച്ചി: പത്രണ്ട് വര്‍ഷങ്ങള്‍ക്കിപ്പുറവും നീതി ലഭിക്കാതെ മൂലംപിള്ളിക്കാര്‍. സര്‍ക്കാര്‍ പാക്കേജ് പ്രകാരം അനുവദിച്ച ഭൂമിയില്‍ വീട നിര്‍മിക്കാന്‍ കഴിയാതെ ഭൂരഹിതരായി ഒരു ജനത. കളിമണ്‍പാത്രങ്ങള്‍ക്ക് ഒരുകാലത്ത് പ്രശസ്തമായിരുന്നു ഒരു മൂലംപിള്ളി. ആ പാത്രങ്ങളുടെ ഭംഗിയും ഉറപ്പും തേടി ദൂരദേശങ്ങളില്‍ നിന്നുപോലും ആളെത്തി. എന്നാല്‍ ഇന്നതില്ല, തകര്‍ന്ന മണ്‍പാത്രങ്ങള്‍ പോലെ വികസനത്തിനായി സ്വന്തം മണ്ണും സ്വപ്നങ്ങളും മൂലംപിള്ളിക്കാര്‍ക്ക് നഷ്ടപ്പെടുത്തേണ്ടി വന്നു. അല്ല, ബലി നല്‍കേണ്ടി വന്നു. ഒരു വ്യാഴവട്ടം മുമ്പ് മൂലംപിള്ളിയില്‍ വികസനത്തിന്റെ പേരില്‍ ബലമായ ഒരു കുടിയൊഴിപ്പിക്കല്‍ അരങ്ങേറി. 2008 ഫെബ്രുവരി ആറ് വല്ലാര്‍പാടം കണ്ടെയ്നര്‍ ടെര്‍മിനല്‍ പദ്ധതിക്ക് വേണ്ടി മൂലംപിള്ളിയില്‍ നടന്നത് മനുഷ്യത്വരഹിതമായ കുടിയൊഴിപ്പിക്കലായിരുന്നു. ബലം പ്രയോഗിച്ച് വീടുകള്‍ തകര്‍ത്ത് 316 കുടുംബങ്ങളെയായിരുന്നു കുടിയിറക്കിയത്. തൊട്ടുപിറകെ എറണാകുളം മേനകയില്‍ ജനകീയ സമരം ആരംഭിച്ചതിനെ തുടര്‍ന്ന് 2008 മാര്‍ച്ച് 19ന് സര്‍ക്കാര്‍ മൂലംപിള്ളി പാക്കേജ് പ്രഖ്യാപിച്ചു. ഈ…

Read More

ലോക കേരള സഭ: പ്രതിപക്ഷത്തിനെതിരേ ആഞ്ഞടിച്ച് യൂസഫലി, പ്രവാസികള്‍ പട്ടിണി കിടക്കുന്നവരല്ല

ലോക കേരള സഭ: പ്രതിപക്ഷത്തിനെതിരേ ആഞ്ഞടിച്ച് യൂസഫലി, പ്രവാസികള്‍ പട്ടിണി കിടക്കുന്നവരല്ല

ദുബായ്: ഗള്‍ഫിലെ പ്രവാസികളാരും പട്ടിണി കിടക്കുന്നവരല്ലെന്നും തിരുവനന്തപുരത്ത് നടന്ന ലോക കേരള സഭയിലെ ഭക്ഷണവിലയുടെ കാര്യത്തില്‍ നടക്കുന്ന കോലാഹലങ്ങള്‍ പ്രവാസികളോടുള്ള അവഹേളനമാണെന്നും ലുലു ഗ്രൂപ്പ് ചെയര്‍മാന്‍ എം.എ. യൂസഫലി. കേരളത്തിന്റെ നട്ടെല്ല് തന്നെ പ്രവാസികളാണ്. അവരുടെ സമ്പാദ്യമാണ് കേരളത്തിന്റെ സാമ്പത്തിക സ്രോതസ്സ്. പ്രവാസ ലോകവുമായി ബന്ധമില്ലാത്ത ഒരു വീടുപോലും കേരളത്തിലുണ്ടായിരിക്കുകയില്ല. എത്ര വലിയ ആള്‍ക്കാരായാലും പ്രവാസ ലോകത്ത് അധ്വാനിക്കുന്നത് കേരളത്തിന് വേണ്ടിയും അവിടെയുള്ള കുടുംബങ്ങള്‍ക്കു വേണ്ടിയുമാണ്. ഈ പ്രവാസികളുടെയും അവരുടെ അടുത്ത തലമുറയുടെയും ഉന്നതിയെപ്പറ്റി ചര്‍ച്ച ചെയ്യുകയും തീരുമാനിക്കുകയും നടപ്പിലാക്കുകയും ചെയ്യുന്നതിന് വേണ്ടിയുള്ള സമ്മേളനമാണ് നടന്നത്. ലോകത്തിന്റെ വിവിധ ഭാഗങ്ങളില്‍ നിന്ന് വന്ന് ലോക കേരള സഭയില്‍ പങ്കെടുത്ത പ്രവാസികളാരും പട്ടിണി കിടക്കുന്നവരല്ല. താന്‍ സമ്മേളനത്തില്‍ നിന്ന് ഭക്ഷണം കഴിച്ചിട്ടില്ലെന്നും അദ്ദേഹം പറഞ്ഞു.

Read More

ഭീതിയോടെ തമിഴ്‌നാട് യാത്ര; രാത്രി യാത്രകള്‍ ഒഴിവാക്കുക

ഭീതിയോടെ തമിഴ്‌നാട് യാത്ര; രാത്രി യാത്രകള്‍ ഒഴിവാക്കുക

തമിഴ്‌നാട് വാസുദേവനല്ലൂരില്‍ അപകടത്തില്‍പ്പെട്ട വാഹനം. കെട്ടിവലിക്കാനായി കൊണ്ടുവന്ന റിക്കവറി വാനും കാണാം. ഇവിടെ വച്ചാണ് ടൂറിസറ്റ് ബസിടിച്ച് 2 മലയാളികളടക്കം 3 പേര്‍ മരിച്ചത്. തെന്മലന്മ തമിഴ്‌നാട്ടിലേക്കുള്ള യാത്രകളില്‍ അപകടങ്ങള്‍ ഏറുന്നതായി റിപ്പോര്‍ട്ട്. ഒരു വര്‍ഷം മുന്‍പാണ് കൊല്ലം പള്ളിമുക്കില്‍ നിന്നു മധുരയ്ക്കു പോയ കുടുംബം സഞ്ചരിച്ച വാന്‍ മറ്റൊരു വാഹനവുമായി കൂട്ടിയിടിച്ച് 5 പേര്‍ മരിച്ചത്. ഇന്നലെ അപകടം നടന്നതിനു 20 കിലോ മീറ്റര്‍ മാത്രം അകലെ ആയിരുന്നു കഴിഞ്ഞ വര്‍ഷത്തെ ദുരന്തം. ചെറുതും വലുതുമായി നിരവധി അപകടങ്ങളാണ് മലയാളികള്‍ക്ക് തമിഴ്‌നാട്ടില്‍ സംഭവിക്കുന്നത്. കേരളത്തില്‍ നിന്നു തികച്ചും വ്യത്യസ്തമായ പാതയാണ് തമിഴ്‌നാട്ടിലുള്ളത്. വളവുകളും കയറ്റിറക്കങ്ങളും തീരെ കുറവായതിനാല്‍ വാഹനത്തിന് വേഗം കൂടിയാലും അറിയില്ല. രാത്രിയിലെ യാത്ര പരമാവധി ഒഴിവാക്കുക എന്നാണ് ഈ മേഖലയിലെ സ്ഥിരം ഡ്രൈവര്‍മാരുടെ ഉപദേശം. രാത്രിയിലാണ് അപകടങ്ങളില്‍ ഏറെയും സംഭവിക്കുന്നത്.

Read More

മറ്റൊരാളോട് അടുപ്പം, കുട്ടിയെ ഒഴിവാക്കാന്‍ കൊല; കുറ്റം സമ്മതിച്ച ശരണ്യ അറസ്റ്റില്‍

മറ്റൊരാളോട് അടുപ്പം, കുട്ടിയെ ഒഴിവാക്കാന്‍ കൊല; കുറ്റം സമ്മതിച്ച ശരണ്യ അറസ്റ്റില്‍

കണ്ണൂര്‍: മാതാപിതാക്കള്‍ക്കൊപ്പം ഉറങ്ങാന്‍ കിടന്ന ഒന്നര വയസ്സുകാരനെ കടലിലെ പാറക്കൂട്ടത്തിനിടയില്‍ മരിച്ച നിലയില്‍ കണ്ടെത്തിയ സംഭവത്തില്‍ അമ്മ തയ്യില്‍ കൊടുവള്ളി ഹൗസില്‍ ശരണ്യ അറസ്റ്റില്‍. രണ്ടു ദിവസത്തെ ചോദ്യം ചെയ്യലിനൊടുവില്‍ അല്‍പം മുന്‍പാണ് അറസ്റ്റ് സ്ഥിരീകരിച്ചത്. അച്ഛന്‍ പ്രണവിനെയും പൊലീസ് ചോദ്യം ചെയ്തിരുന്നു. പ്രണവുമായി അകന്നു കഴിഞ്ഞിരുന്ന ശരണ്യ മറ്റൊരാളുമായി അടുപ്പത്തിലായിരുന്നെന്നും ഇയാളെ വിവാഹം ചെയ്യാന്‍ ആഗ്രഹിച്ചതിനാല്‍ കുഞ്ഞിനെ ഒഴിവാക്കാനായി കൊലപ്പെടുത്തിയെന്നുമാണു പൊലീസിന്റെ കണ്ടെത്തല്‍. കുറ്റം അച്ഛന്‍ പ്രണവിന്റെ തലയില്‍ കെട്ടിവയ്ക്കാനായി കൊലപാതകത്തിനു തലേന്ന് ഇയാളെ വീട്ടിലേക്കു വിളിച്ചുവരുത്തി. പുലര്‍ച്ചെ കുഞ്ഞുമായി കടല്‍ക്കരയിലെത്തി. കുഞ്ഞിനെ കരിങ്കല്‍ക്കൂട്ടത്തിലേക്കു വലിച്ചെറിഞ്ഞാണു കൊലപ്പെടുത്തിയത്. കല്ലില്‍ ശക്തിയായി തലയിടിച്ചാണു കുഞ്ഞിന്റെ മരണം. ശരണ്യയുടെ വസ്ത്രത്തില്‍ ഉപ്പുവെള്ളത്തിന്റെ അംശമുണ്ടെന്നു ഫൊറന്‍സിക് പരിശോധനയില്‍ വ്യക്തമായതോടെയാണ് അറസ്റ്റ് രേഖപ്പെടുത്തിയത്. ശരണ്യയുടെ കാമുകന് കൊലപാതകത്തില്‍ പങ്കില്ലെന്നാണ് ഇപ്പോഴത്തെ നിഗമനം.

Read More

വാവ സുരേഷിന് സൗജന്യ ചികിത്സ: മന്ത്രി കെ.കെ.ശൈലജ വാവയെ നേരിട്ട് വിളിച്ച് സംസാരിച്ചു, ആരോഗ്യനില തൃപ്തികരം

വാവ സുരേഷിന് സൗജന്യ ചികിത്സ: മന്ത്രി കെ.കെ.ശൈലജ വാവയെ നേരിട്ട് വിളിച്ച് സംസാരിച്ചു, ആരോഗ്യനില തൃപ്തികരം

തിരുവനന്തപുരം: മെഡിക്കല്‍ കോളേജ് ആശുപത്രി മള്‍ട്ടി സ്പെഷ്യാലിറ്റി ബ്ലോക്ക് മള്‍ട്ടി ഡിസിപ്ലിനറി ഐ.സി.യു.വില്‍ ചികിത്സയില്‍ കഴിയുന്ന വാവ സുരേഷിന് സൗജന്യ ചികിത്സ നല്‍കാന്‍ ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ ആശുപത്രി സൂപ്രണ്ട് ഡോ. എം.എസ്. ഷര്‍മ്മദിന് നിര്‍ദേശം നല്‍കി. വാവ സുരേഷിനേയും ഡോക്ടര്‍മാരേയും വിളിച്ച് മന്ത്രി കാര്യങ്ങളന്വേഷിച്ചു. വാവ സുരേഷിന്റെ ആരോഗ്യ നില തൃപ്തികരമാണ്. വൈകുന്നേരത്തോടെ വാവ സുരേഷിനെ പ്രത്യേക മുറിയിലേക്ക് മാറ്റും. ഈ മുറിയുടെ വാടകയും സൗജന്യമായിരിക്കും. അപകടനില തരണം ചെയ്തെങ്കിലും അണുബാധയുണ്ടാകാന്‍ സാധ്യതയുള്ളതിനാല്‍ സന്ദര്‍ശകര്‍ക്ക് കര്‍ശന നിയന്ത്രണമുണ്ടായിരിക്കും. ഭയപ്പെടേണ്ട കാര്യമില്ലെന്നും ഉടന്‍ സുഖം പ്രാപിച്ച് തിരിച്ചുവരുമെന്നും മന്ത്രി വാവ സുരേഷിനെ ആശ്വസിപ്പിച്ചു. വ്യാഴാഴ്ചയാണ് പാമ്പുകടിയേറ്റ് വാവ സുരേഷിനെ മെഡിക്കല്‍ കോളേജ് ആശുപത്രിയിലെത്തിച്ചത്. പ്രാഥമിക പരിശോധനയില്‍ തന്നെ വലത് കൈയ്യില്‍ നീരും വിഷബാധയേറ്റ ലക്ഷണങ്ങളും കാണാന്‍ സാധിച്ചു. രക്തപരിശോധനയിലും വിഷബാധയേറ്റതിന്റെ വ്യതിയാനങ്ങള്‍ കണ്ടെത്തിയിരുന്നു….

Read More

കള്ളപ്പണ കേസ്; ഇബ്രാഹിം കുഞ്ഞിനെ പ്രതിയാക്കുന്നുണ്ടോ? വിജിലന്‍സിനോട് ഇഡി

കള്ളപ്പണ കേസ്; ഇബ്രാഹിം കുഞ്ഞിനെ പ്രതിയാക്കുന്നുണ്ടോ? വിജിലന്‍സിനോട് ഇഡി

കൊച്ചി: മുന്‍ പൊതുമരാമത്ത് വകുപ്പ് മന്ത്രി വി.കെ.ഇബ്രാഹിം കുഞ്ഞിനെതിരായ കള്ളപ്പണ കേസില്‍ എന്‍ഫോഴ്സ്മെന്റ് ഡയറക്ടേറ്റ് സംസ്ഥാന വിജിലന്‍സിന് കത്തയച്ചു. നോട്ട് നിരോധനത്തിനിടെ കള്ളപ്പണം വെളുപ്പിച്ചെന്ന കേസില്‍ ഇബ്രാഹിം കുഞ്ഞിനെ പ്രതിയാക്കുന്നുണ്ടോ എന്ന് ചോദിച്ചാണ് എന്‍ഫോഴ്സ്മെന്റ് സംസ്ഥാന വിജിലന്‍സിന് കത്തയച്ചത്. കേസെടുത്താല്‍ കള്ളപ്പണം ആരോപണം അന്വേഷിക്കാമെന്ന് വിജിലന്‍സിന് നല്‍കിയ കത്തില്‍ പറയുന്നു. അതേസമയം കള്ളപ്പണ കേസില്‍ അന്വേഷണം തുടങ്ങിയതായി വിജിലന്‍സ് ഹൈക്കോടതിയെ അറിയിച്ചു. കൂടാതെ പാലാരിവട്ടം ക്രമക്കേടില്‍ ഇബ്രാഹിം കുഞ്ഞിനെ വീണ്ടും ചോദ്യം ചെയ്യേണ്ടതുണ്ടെന്നും വിജിലന്‍സ് ഹൈക്കോടതിയില്‍ വ്യക്തമാക്കി. പാലാരിവട്ടം പാലം അഴിമതിയില്‍ കിട്ടിയ കൈക്കൂലിപ്പണമാണ് നോട്ടുനിരോധനകാലത്ത് വെളുപ്പിച്ചതെന്നാണ് ഇബ്രാഹം കുഞ്ഞിനെതിരായ ആരോപണം. നോട്ട് നിരോധന കാലത്ത് ഇബ്രാഹിം കുഞ്ഞിന് ചുമതലയുള്ള ചന്ദ്രിക ദിനപ്പത്രത്തിന്റെ അക്കൗണ്ടിലൂടെ 10 കോടി രൂപ വെളുപ്പിച്ചെന്നും പാലാരിവട്ടം അഴിമതിയോടൊപ്പം ഇക്കാര്യവും അന്വേഷിക്കണമെന്നും ആവശ്യപ്പെട്ട് കളമശ്ശേരി സ്വദേശി ഗിരീഷ് ബാബു നല്‍കിയ പരാതിയിലാണ് വിജിലന്‍സ്…

Read More

കയര്‍ ഉല്‍പ്പാദന മേഖല തിരിച്ചുവരുന്നോ?

കയര്‍ ഉല്‍പ്പാദന മേഖല തിരിച്ചുവരുന്നോ?

സംസ്ഥാനത്തെ കയര്‍ വ്യവസായ മേഖല പുതിയ ഉണര്‍വിലേക്ക്. സംസ്ഥാന ബജറ്റില്‍ നിരവധി പദ്ധതികളുടെ പ്രഖ്യാപനത്തോടെ ഏറെ പ്രതീക്ഷയിലാണ് ഈ മേഖലയുമായി ബന്ധപ്പെട്ട് പ്രവര്‍ത്തിക്കുന്നവര്‍. 201516 ല്‍ 10000 ടണ്ണില്‍ താഴെയായിരുന്നു കയര്‍ ഉല്‍പ്പാദനം. 2020 21ല്‍ 40000 ടണ്ണാണ് ലക്ഷ്യമിടുന്നത്. ഇതിന് ആവശ്യമായ ചകിരിയുടെ സിംഹപങ്കും കേരളത്തില്‍ തന്നെയായിരിക്കും ഉല്‍പ്പാദിപ്പിക്കുകയെന്നതും ശ്രദ്ധേയമാണ്. ഈ കയര്‍ പരമ്പരാഗത കയര്‍ ഉല്‍പ്പന്നങ്ങളോ ജിയോടെക്സ്റ്റയില്‍സായോ മാറ്റും. 400 യന്ത്രമില്ലുകള്‍, 2000 ഓട്ടോമാറ്റിക് സ്പിന്നിംഗ് യന്ത്രങ്ങള്‍, 200 ഓട്ടോമാറ്റിക് ജിയോടെക്സ്റ്റയില്‍ ലൂമുകള്‍ എന്നിവ സ്ഥാപിച്ചുകൊണ്ടിരിക്കുകയാണ്. കയര്‍ കോര്‍പ്പറേഷന്റെ ആഭിമുഖ്യത്തില്‍ കൊക്കോ ലോഗ് നിര്‍മ്മാണ ഫാക്ടറിയും റബ്ബറസൈ്ഡ് മാട്രസ് നിര്‍മ്മാണ ഫാക്ടറിയും യന്ത്രവല്‍കൃത ജിയോടെക്സ്റ്റയില്‍സ് ഫാക്ടറിയും ആരംഭിക്കുമെന്നും ധനമന്ത്രി ബജറ്റില്‍ വ്യക്തമാക്കിയിരുന്നു. കയര്‍ഫെഡ് പ്ലാസ്റ്റിക്കിനു പകരം കയറിന്റെ മള്‍ച്ചിംഗ് ഷീറ്റ് നിര്‍മ്മിക്കുന്നതിനുള്ള ഫാക്ടറിയും ആരംഭിക്കും. ഫോമാറ്റിംഗ്‌സിലെ കയര്‍ കോമ്പോസിറ്റ് ഫാക്ടറിയില്‍ മൂന്നുതരം ഉല്‍പ്പന്നങ്ങളാണ് ഉല്‍പ്പാദിപ്പിക്കുക….

Read More