ശുഹൈബിനെ വധിക്കാന്‍ ജയിലിലും ശ്രമം നടന്നു: കെ സുധാകരന്‍

ശുഹൈബിനെ വധിക്കാന്‍ ജയിലിലും ശ്രമം നടന്നു: കെ സുധാകരന്‍

കണ്ണൂര്‍: യൂത്ത് കോണ്‍ഗ്രസ് മട്ടന്നൂര്‍ ബ്ലോക്ക് സെക്രട്ടറിയായിരുന്ന ശുഹൈബിനെ വധിക്കാന്‍ ജയിലിലും ശ്രമം നടന്നുവെന്നു കോണ്‍ഗ്രസ് നേതാവ് കെ. സുധാകരന്‍. ജയിലില്‍വച്ചു ശുഹൈബിനെ ആക്രമിക്കാന്‍ ഉദ്യോഗസ്ഥര്‍ ഒത്താശ ചെയ്തുവെന്നും അദ്ദേഹം ആരോപിച്ചു. ഇതിന്റെ ഭാഗമായി സബ് ജയിലില്‍ കഴിഞ്ഞിരുന്ന ശുഹൈബിനെ ചട്ടം ലംഘിച്ച് സ്‌പെഷല്‍ സബ് ജയിലിലേക്ക് മാറ്റിയെന്നും അദ്ദേഹം പറഞ്ഞു. ജയില്‍ ഡിജിപി ശ്രീലേഖ ഇടപെട്ടതുകൊണ്ടാണ് ശുഹൈബിനെ അന്ന് രക്ഷിക്കാനായത്. ശുഹൈബിന് ഭീഷണിയുണ്ടെന്ന റിപ്പോര്‍ട്ട് പോലീസ് അവഗണിച്ചുവെന്നും അദ്ദേഹം പറഞ്ഞു. ശ്രീലേഖ ഇടപെട്ടില്ലായിരുന്നെങ്കില്‍ അന്ന് തന്നെ ശുഹൈബിനെ സിപിഎമ്മുകാര്‍ വധിക്കുമായിരുന്നുവെന്നും ശുഹൈബിന്റെ വധത്തില്‍ സിബിഐ അന്വേഷണം ആവശ്യപ്പെടുമെന്നും സുധാകരന്‍ പറഞ്ഞു.

Read More

നാളെ മുതല്‍ ബസ് സമരം; പുതുക്കിയ നിരക്ക് അംഗീകരിക്കില്ലെന്ന് ബസുടമകള്‍

നാളെ മുതല്‍ ബസ് സമരം; പുതുക്കിയ നിരക്ക് അംഗീകരിക്കില്ലെന്ന് ബസുടമകള്‍

കൊച്ചി: മിനിമം ബസ് ചാര്‍ജ് എട്ട് രൂപയാക്കിയ സംസ്ഥാന സര്‍ക്കാര്‍തീരുമാനം അംഗീകരിക്കില്ലെന്നും നാളെ മുതല്‍ നടത്താനിരുന്ന അനിശ്ചിതകാല സമരവുമായി മുന്നോട്ട് പോകുമെന്നും സ്വകാര്യബസ് ഓപ്പററ്റേഴ്‌സ് അസോസിയേഷന്‍.വിദ്യാര്‍ഥികളുടെ കണ്‍സെഷന്‍, റോഡ് ടാക്‌സ്തുടങ്ങിയ പ്രധാന ആവശ്യങ്ങള്‍ സര്‍ക്കാര്‍ ചൊവി കൊണ്ടില്ലെന്നുംജസ്റ്റിസ് രാമചന്ദ്രന്‍ റിപ്പോര്‍ട്ട് പരിഗണിക്കാന്‍ പോലും സര്‍ക്കാര്‍ തയാറായില്ലെന്നും ബസ് ഉടമകള്‍ വാര്‍ത്താസമ്മേളനത്തില്‍ആരോപിച്ചു.മിനിമം ചാര്‍ജ് 10 രൂപയാക്കണമെന്നായിരുന്നു ബസ് ഉടമകളുടെ ആവശ്യം. വിദ്യാര്‍ഥികളുടെ കണ്‍സഷനിലും വര്‍ധനവ് വേണമെന്നും ഉടമകള്‍ ആവശ്യപ്പെട്ടിരുന്നു.അതേസമയം, ജനങ്ങളുടെ പ്രയാസം കൂടി കണക്കിലെടുത്താണ് ബസ് ചാര്‍ജ് വര്‍ധിപ്പിച്ചതെന്നുംഇക്കാര്യം കൂടി ബസ് ഉടമകള്‍ മനസിലാക്കണമെന്നും ഗതാഗത മന്ത്രി എ.കെ ശശീന്ദ്രന്‍ മാധ്യമങ്ങളോട് പ്രതികരിച്ചു

Read More

കാനം രാജേന്ദ്രന്റെ പ്രസ്താവനക്ക് മറുപടിയില്ലെന്ന് മാണി

കാനം രാജേന്ദ്രന്റെ പ്രസ്താവനക്ക് മറുപടിയില്ലെന്ന് മാണി

കോട്ടയം: സി.പി.ഐ സംസ്ഥാന സെക്രട്ടറി കാനം രാജേന്ദ്രന്റെ പ്രസ്താവനക്ക് മറുപടിയില്ലെന്ന് കേരള കോണ്‍ഗ്രസ്-എം ചെയര്‍മാന്‍ കെ.എം. മാണി. അദ്ദേഹത്തിന്റെ സര്‍ട്ടിഫിക്കറ്റ് ആവശ്യമില്ല. അമ്പത് വര്‍ഷത്തില്‍ അധികമായി പൊതുപ്രവര്‍ത്തനരംഗത്ത് ഉള്ള തന്നെ ജനങ്ങള്‍ക്കറിയാമെന്നും മാണി പ്രതികരിച്ചു. മാണിയെ മുന്നണിയില്‍ ഉള്‍പ്പെടുത്തി മുന്നോട്ടു പോകാന്‍ സാധിക്കില്ലെന്നും കേരള കോണ്‍ഗ്രസിനെതിരെ കൂടി മത്സരിച്ചാണ് സി.പി.ഐ ജയിച്ചതെന്നും കാനം സി.പി.ഐ കോട്ടയം ജില്ലാ സമ്മേളനത്തില്‍ പറഞ്ഞിരുന്നു.

Read More

ബെഹ്‌റയെ വിജിലന്‍സ് ഡയറക്ടറായി നിയമിച്ചത് ചട്ടംലംഘിച്ചെന്ന് വിവരാവകാശ രേഖ

ബെഹ്‌റയെ വിജിലന്‍സ് ഡയറക്ടറായി നിയമിച്ചത് ചട്ടംലംഘിച്ചെന്ന് വിവരാവകാശ രേഖ

തിരുവനന്തപുരം: ഡി.ജി.പി ലോക്‌നാഥ് ബെഹ്‌റയെ വിജിലന്‍സ് ഡയറക്ടറായി നിയമിച്ചത് ചട്ടംലംഘിച്ചെന്ന് വിവരാവകാശ രേഖ. കേന്ദ്ര ആഭ്യന്തരമന്ത്രാലയത്തിന്റെ അനുമതി വാങ്ങാതെയാണ് വിജിലന്‍സ് ഡയറക്ടര്‍ സ്ഥാനത്തേക്ക് ബെഹ്‌റയെ നിയമിച്ചതെന്നാണ് വിവരാവകാശ രേഖകള്‍ വ്യക്തമാക്കുന്നത്. ആറുമാസത്തില്‍ കൂടുതലുള്ള നിയമനങ്ങള്‍ക്ക് കേന്ദ്ര ആഭ്യന്തര മന്ത്രാലയത്തിന്റെയും പേഴ്‌സണല്‍ മന്ത്രാലയത്തിന്റെയും അനുമതി ആവശ്യമാണ്. ചട്ടം ഇങ്ങനെയാണെന്നിരിക്കെ, ബെഹ്‌റക്ക് വിജിലന്‍സ് ഡയറക്ടറുടെ നിയമനം നല്‍കുമ്പോള്‍ കേരള സര്‍ക്കാര്‍ കേന്ദ്രസര്‍ക്കാറിന്റെ അനുമതി വാങ്ങണമായിരുന്നു. ഇത് ഉണ്ടായിട്ടില്ലെന്നാണ് വിവരാവകാശ രേഖകള്‍ വ്യക്തമാക്കുന്നത്. വിജിലന്‍സ് ഡയറക്ടര്‍ സ്ഥാനത്ത് നിന്ന് ജേക്കബ് തോമസിനെ മാറ്റിയതിനെ തുടര്‍ന്നാണ് ലോക്‌നാഥ് ബെഹ്‌റക്ക് അധിക ചുമതല നല്‍കിയത്. എന്നാല്‍, മാസങ്ങള്‍ കഴിഞ്ഞിട്ടും പുതിയ വിജിലന്‍സ് ഡയറക്ടറെ നിയമിക്കാന്‍ സര്‍ക്കാര്‍ തയാറായിട്ടില്ല

Read More

16 മുതല്‍ സംസ്ഥാനത്ത് അനിശ്ചിതകാല ബസ് സമരം

16 മുതല്‍ സംസ്ഥാനത്ത് അനിശ്ചിതകാല ബസ് സമരം

ഈ മാസം 16 മുതല്‍ സംസ്ഥാനത്ത് അനിശ്ചിതകാല ബസ് സമരം. ബസ് ചാര്‍ജ് വര്‍ധനയുമായി ബന്ധപ്പെട്ട് സര്‍ക്കാര്‍ നല്‍കിയ ഉറപ്പ് പാലിച്ചില്ലെന്ന് ചൂണ്ടിക്കാട്ടിയാണ് സമരം. നിരക്ക് ഉടന്‍ വര്‍ധിപ്പിക്കണമെന്ന് ബസുടമകള്‍ ആവശ്യപ്പെട്ടു. കൊച്ചിയില്‍ ചേര്‍ന്ന ബസുടമകളുടെ സംയുക്തസമിതിയോഗത്തിലാണ് തീരുമാനം. മിനിമം ചാര്‍ജ് പത്തു രൂപയാക്കണമെന്ന് ആവശ്യപ്പെട്ട് ബസ് ഓപ്പറേറ്റേഴ്‌സ് കോണ്‍ഫെഡറേഷന്‍ കഴിഞ്ഞ മാസം അനിശ്ചിതകാല ബസ് സമരം പ്രഖ്യാപിച്ചിരുന്നു. ഇതേതുടര്‍ന്നു മുഖ്യമന്ത്രിയുടെ അധ്യക്ഷതയില്‍ ചേര്‍ന്ന യോഗത്തില്‍ അനുകൂല നിലപാട് സ്വീകരിക്കാമെന്ന് ഉറപ്പുനല്‍കിയിരുന്നു. ഇതോടെ ബസുടമകള്‍ പ്രഖ്യാപിച്ച സമരം പിന്‍വലിച്ചിരുന്നു. കിലോമീറ്റര്‍ ചാര്‍ജ് 80 പൈസയാക്കി നിജപ്പെടുത്തണം, വിദ്യാര്‍ഥികളുടെ നിരക്ക് അഞ്ച് രൂപയായും വര്‍ധിപ്പിച്ച റോഡ് ടാക്‌സ് പിന്‍വലിക്കണമെന്നും തുടങ്ങിയ ആവശ്യങ്ങളാണ് ബസ് ഉടമകള്‍ മുന്നോട്ടുവച്ചിരുന്നത്.

Read More

പ്ലാസ്റ്റിക്കിനു ‘നോ എന്‍ട്രി’യുമായി ഡോക്ടര്‍മാര്‍; കോഴിക്കോട് മെഡിക്കല്‍ കോളജില്‍ ഡോക്ടര്‍മാരുടെ രണ്ടുദിവസത്തെ സമ്മേളനം

പ്ലാസ്റ്റിക്കിനു ‘നോ എന്‍ട്രി’യുമായി ഡോക്ടര്‍മാര്‍; കോഴിക്കോട് മെഡിക്കല്‍ കോളജില്‍ ഡോക്ടര്‍മാരുടെ രണ്ടുദിവസത്തെ സമ്മേളനം

കോഴിക്കോട്: പരിസ്ഥിതി സൗഹൃദ സന്ദേശവുമായി കോഴിക്കോട് മെഡിക്കല്‍ കോളജില്‍ മെഡിസിന്‍ ഡോക്ടര്‍മാരുടെ സമ്മേളനം. കോളേജ് അങ്കണത്തിലെ നിള ഓഡിറ്റോറിയത്തില്‍ നാളെ രാവിലെ 10 മണിക്ക് മെഡിക്കല്‍ കോളേജ് വൈസ് പ്രിന്‍സിപ്പാള്‍ ഡോ. പ്രതാപ് സോമനാദ് സമ്മേളനം ഉദ്ഘാടനം ചെയ്യും. സാധാരണയായ് ഇത്തരം മീറ്റിങ്ങുകള്‍ വന്‍ തോതില്‍ പ്ലാസ്റ്റിക് മാലിന്യങ്ങള്‍ അവശേഷിപ്പിക്കും, പക്ഷെ അവിടെയാണ് ഈ സമ്മേളനം വ്യത്യസ്തത. ബാഗും ഫയലും പേനയും അടക്കം പ്രക്യതിദത്തമായ ഉത്പ്പന്നങ്ങള്‍ മാത്രമാണ് സമ്മേളനഹാളില്‍ ഉപയോഗിക്കുള്ളൂ. ഡോക്ടര്‍മാരുടെ ഈ ഉദ്യമം മറ്റുള്ളവര്‍ക്കും മാതൃകയാക്കാവുന്നതാണ്. ജനറല്‍ മെഡിസിന്‍ ഡിപ്പാര്‍ട്ട്‌മെന്റിന്റെ ആഭിമുഖ്യത്തില്‍ നാളെയും മറ്റന്നാളുമായാണ് സമ്മേളനം നടക്കുന്നത്. അഞ്ഞൂറോളം ഡോക്ടര്‍മാര്‍ സമ്മേളനത്തില്‍ പങ്കെടുക്കുന്ന പരിപാടിയില്‍ ഇന്ത്യയുടെ വിവിധ ഭാഗങ്ങളില്‍ നിന്നുമുള്ള വിദഗ്ദന്മാര്‍ പല വിഷയങ്ങളിലായി സംസാരിക്കും. കഴിഞ്ഞ വര്‍ഷം ഡെങ്കിപ്പനി മൂലമുണ്ടായ സങ്കീര്‍ണ്ണതകളും, മരണ കാരണങ്ങളുടെ അവലോകനവും മെഡിസിന്‍ ഡിപ്പാര്‍ട്ട്‌മെന്റ് മേധാവി ഡോ. തുളസീധരന്‍ അവതരിപ്പിക്കും….

Read More

‘ചില്‍ഡ്രന്‍ ആന്‍ഡ് പൊലീസ്’ ; എല്ലാ ജില്ലയിലും ശിശുസൗഹൃദ സ്‌റ്റേഷനുകള്‍

‘ചില്‍ഡ്രന്‍ ആന്‍ഡ് പൊലീസ്’ ; എല്ലാ ജില്ലയിലും ശിശുസൗഹൃദ സ്‌റ്റേഷനുകള്‍

തിരുവനന്തപുരം: സംസ്ഥാനത്തെ എല്ലാ ജില്ലയിലും ശിശുസൗഹൃദ സ്‌റ്റേഷനുകള്‍ ആരംഭിക്കുന്നതിന് സംസ്ഥാന പൊലീസ് മേധാവി ലോക്‌നാഥ് ബെഹ്‌റ നിര്‍ദേശം നല്‍കി. കേരള പൊലീസ് നടപ്പാക്കുന്ന ചില്‍ഡ്രന്‍ ആന്‍ഡ് പൊലീസ് പദ്ധതിക്ക് സംസ്ഥാനത്ത് തുടക്കമാകുന്നതിന്റെ ഭാഗമായാണിത്.പൊലീസ് സ്‌റ്റേഷനുകള്‍ കൂടുതല്‍ ശിശുസൗഹൃദമാക്കുന്നതിനും അവരുടെ പ്രശ്‌നങ്ങള്‍ മനസ്സിലാക്കി ഇടപെടുന്നതിനും ലക്ഷ്യമിട്ടാണ് പദ്ധതി നടപ്പാക്കുന്നത്.തുടക്കമെന്നനിലയില്‍ ഓരോ പൊലീസ് ജില്ലയിലും ഒരു സ്‌റ്റേഷനില്‍ പദ്ധതി ആരംഭിക്കും. നിലവില്‍ തിരുവനന്തപുരം ഫോര്‍ട്ട്, കൊല്ലം ഈസ്റ്റ്, കടവന്ത്ര, തൃശൂര്‍ ടൗണ്‍ ഈസ്റ്റ്, കോഴിക്കോട് ടൗണ്‍, കണ്ണൂര്‍ ടൗണ്‍ എന്നീ സ്‌റ്റേഷനുകളില്‍ ശിശുസൗഹൃദ കേന്ദ്രങ്ങള്‍ ആരംഭിച്ചിട്ടുണ്ട്. കുട്ടികള്‍ക്കുവേണ്ടി നിരവധി പരിപാടികള്‍ ഇതിനകംതന്നെ കേരള പൊലീസ് ആവിഷ്‌കരിച്ച് നടപ്പിലാക്കിവരുന്നുണ്ട്. സ്റ്റുഡന്റ് കാഡറ്റ് പദ്ധതിക്ക് പുറമെ, കുട്ടികള്‍ക്കെതിരായ കുറ്റകൃത്യങ്ങള്‍ തടയുക, സൈബര്‍ ഇടങ്ങളില്‍ സുരക്ഷ ഒരുക്കുക, കുട്ടികളില്‍ ആത്മവിശ്വാസം വളര്‍ത്തുക തുടങ്ങിയ പ്രവര്‍ത്തനങ്ങള്‍ ഇതിന്റെ ഭാഗമാണ്. ഇവയെല്ലാം ഇനി കേപ് ഏകോപിപ്പിക്കും.പൊലീസ് ആസ്ഥാനത്തെ…

Read More

കുട്ടികളെ തട്ടികൊണ്ടു പോകല്‍; പ്രതികള്‍ ഇതര സംസ്ഥാനക്കാരാണെന്ന വാദം തെറ്റ്

കുട്ടികളെ തട്ടികൊണ്ടു പോകല്‍; പ്രതികള്‍ ഇതര സംസ്ഥാനക്കാരാണെന്ന വാദം തെറ്റ്

തിരുവനന്തപുരം: സംസ്ഥാനത്ത് കുട്ടികളെ തട്ടികൊണ്ടു പോകുന്നത് ഇതര സംസ്ഥാനക്കാരാണെന്ന വാദം തെറ്റ്. ഇതുവരെ റിപ്പോര്‍ട്ട് ചെയ്യപ്പെട്ട തട്ടിക്കൊണ്ടുപോകല്‍ കേസുകളിലെ പ്രതികളില്‍ ഭൂരിപക്ഷവും മലയാളികളാണ്. സംസ്ഥാനത്ത് കുട്ടികളെ തട്ടിക്കൊണ്ടുപോകുന്ന സംഘങ്ങള്‍ സജീവമാകുന്നെന്നും ഇതര സംസ്ഥാനക്കാരാണ് പ്രധാന പ്രതികളെന്നുമുള്ള അഭ്യൂഹങ്ങള്‍ വ്യാപകമായപ്പോഴാണ് സത്യമതല്ലെന്ന് വെളിപ്പെടുന്നത്. കഴിഞ്ഞവര്‍ഷം പിടിയിലായ 199 പ്രതികളില്‍ 188 പേരും മലയാളികളാണ്. 199ലെ 10 പേര്‍ മാത്രമാണ് ഇതര സംസ്ഥാനക്കാരായ പ്രതികള്‍. ഇതില്‍ ആറുപേര്‍ തമിഴരും രണ്ടുപേര്‍ വീതം അസം, പശ്ചിമബംഗാള്‍ എന്നിവിടങ്ങളില്‍ നിന്നുള്ളവരുമാണ്. സംസ്ഥാനത്ത് കഴിഞ്ഞവര്‍ഷം മാത്രം 1774 കുട്ടികളെയാണ് തട്ടിക്കൊണ്ടുപോയത്. ഇതില്‍ 1725 പേരെ കണ്ടെത്തി. കഴിഞ്ഞ അഞ്ചുവര്‍ഷത്തെ ഔദ്യോഗിക കണക്ക് നോക്കിയാല്‍ തട്ടിക്കൊണ്ടു പോകുന്നതിന്റെ എണ്ണം ഭീമമായി വര്‍ധിച്ചിട്ടുണ്ട്. പാലക്കാട്, ആലപ്പുഴ, എറണാകുളം ജില്ലകളിലെ കുട്ടികളെയാണ് കൂടുതലും കാണാതാകുന്നതെന്ന് സര്‍ക്കാര്‍ കണക്കുകള്‍ വ്യക്തമാക്കുന്നു. കുട്ടികളെ തട്ടിക്കൊണ്ടുപോകുന്നതിനു പിന്നില്‍ ഭിക്ഷാടന മാഫിയയാണെന്ന് പൊലീസ് കരുതുന്നില്ല….

Read More

കലാകരനേയും വെറുതെ വിടാതെ മനുഷ്യമൃഗങ്ങള്‍

കലാകരനേയും വെറുതെ വിടാതെ മനുഷ്യമൃഗങ്ങള്‍

ലൈംഗികബന്ധത്തിന് സമ്മതിക്കാത്തതിന് തുള്ളല്‍ കലാകാരനെ മര്‍ദ്ദിച്ച് അവശനാക്കി. മലപ്പുറം വളാഞ്ചേരിയിലാണ് സംഭവം. വളാഞ്ചേരി സ്വദേശി കലാമണ്ഡലം ജിനേഷിനാണ് മര്‍ദ്ദനമേറ്റത്. ഓട്ടന്‍ തുള്ളല്‍ അവതരിപ്പിച്ച ശേഷം താമരശ്ശേരിയില്‍ നിന്ന് കോഴിക്കോട്ടേക്ക് കെഎസ്ആര്‍ടിസി ബസില്‍ നാട്ടിലേക്ക് തിരിച്ച ജിനേഷ് പുലര്‍ച്ചെ 2 മണിയോടുകൂടി തട്ടുകടയില്‍ ചായ കുടിക്കാന്‍ ഇറങ്ങിയപ്പാഴാണ് സംഭവം നടന്നത്. പരിചയക്കാരെന്ന ഭാവേന എത്തിയ രണ്ടുപേര്‍ കാരറിലേക്ക് വിളിച്ചാണ് ലൈംഗിക ബന്ധത്തിന് നിര്‍ബന്ധിച്ച് ക്രൂരമായ മര്‍ദ്ദനത്തിന് ഇരയാക്കിയത്. ഗുരുതരമായി പരുക്കേറ്റ ജിനേഷിനെ വളാഞ്ചേരി നടക്കാവില്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. 17 വര്‍ഷമായി കേരളത്തിനകത്തും പുറത്തുമായി നിരവധി വേദികളില്‍ ഓട്ടന്‍തുള്ളല്‍ അവതരിപ്പിച്ച കലാകാരനാണ് ജിനേഷ്. പ്രശസ്ത തുള്ളല്‍കലാകാരന്‍ കലാമണ്ഡലം ഗീതാനന്ദന്റെ ശിഷ്യനാണ്. ജിനേഷിന്റെ പരാതിയില്‍ വളാഞ്ചേരി പൊലീസ് കേസെടുത്ത് അന്വേഷണമാരംഭിച്ചു.

Read More

കേരളത്തില്‍ ഏറ്റവും കൂടുതല്‍ റോഡ് നിയമ ലംഘനം നടത്തിയത് കുമ്മനം

കേരളത്തില്‍ ഏറ്റവും കൂടുതല്‍ റോഡ് നിയമ ലംഘനം നടത്തിയത് കുമ്മനം

ബിജെപി സംസ്ഥാന അധ്യക്ഷന്‍ കുമ്മനം രാജശേഖരന് മോട്ടോര്‍ വാഹന വകുപ്പിന്റെ പിഴ. ഒന്നര ലക്ഷത്തോളം രൂപ പിഴ ലഭിച്ചിരിക്കുന്നത് കുമ്മനത്തിന്റെ പേരില്‍ രജിസ്റ്റര്‍ ചെയ്ത രണ്ട് വാഹനങ്ങളുടെ പേരിലാണ്. കേരളത്തില്‍ ഏറ്റവും കൂടുതല്‍ നിയമ ലംഘനം നടത്തിയതും കുമ്മനമാണെന്ന് വിവരാവകാശ രേഖയില്‍ വ്യക്തമാക്കുന്നു. വിവരാവകാശ പ്രവര്‍ത്തകന്‍ സി. എസ് ഷാനവാസ് നല്‍കിയ വിവരാവകാശ അപേക്ഷയ്ക്കുളള മറുപടിയില്‍ ട്രാന്‍സ്പോര്‍ട്ട് കമ്മീഷണറേറ്റിലെ വിവരാവകാശ ഉദ്യോഗസ്ഥ അര്‍ച്ചനാ സദാശിവനാണ് വിവരങ്ങള്‍ നല്‍കിയത്. കെഎല്‍ 1 ബി ക്യു 8035 എന്ന വാഹനം 59 പ്രാവശ്യം നിയമലംഘനം നടത്തിയതായി സംസ്ഥാന ഗതാഗത വകുപ്പ് രേഖപ്പെടുത്തുന്നു. മോട്ടോര്‍വാഹന നിയമത്തിലെ 183 ചട്ടപ്രകാരം ആദ്യ നിയമലംഘനത്തിനു ഡ്രൈവറുടെ പേരില്‍ 400 രൂപയും ഉടമയുടെ പേരില്‍ 300 രൂപയുമാണ് പിഴ. ഓരോ ആവര്‍ത്തിക്കുന്ന നിയമ ലംഘനത്തിനും 1000 രൂപ ഡ്രൈവറുടെയും 500 രൂപ ഉടമയുടെയും പേരില്‍ പിഴ…

Read More