സിപിഎം പാര്‍ട്ടി കോണ്‍ഗ്രസിന് ഇന്ന് കൊടിയേറും

സിപിഎം പാര്‍ട്ടി കോണ്‍ഗ്രസിന് ഇന്ന് കൊടിയേറും

പാര്‍ട്ടി പിറവിയെടുത്ത കണ്ണൂരിന്റെ മണ്ണില്‍ സിപിഎം 23-ാം പാര്‍ടി കോണ്‍ഗ്രസിന് ഇന്ന് കൊടിയേറും. തുടര്‍ന്ന് നടക്കുന്ന പ്രതിനിധി സമ്മേളനത്തിന് നാളെ കണ്ണൂരില്‍ തുടക്കം. പാര്‍ട്ടി കോണ്‍ഗ്രസിന് മുന്നോടിയായുള്ള കൊടിമര, പതാക ജാഥകളും ഇന്ന് സമ്മേളനവേദിയില്‍ എത്തും. പൊതുസമ്മേളനവേദിയായ ജവഹര്‍ സ്റ്റേഡിയത്തില്‍ ഇന്ന് വൈകിട്ട് സ്വാഗതസംഘം ചെയര്‍മാന്‍കൂടിയായ മുഖ്യമന്ത്രി പിണറായി വിജയന്‍ പതാക ഉയര്‍ത്തും. നാളെ രാവിലെ ജനറല്‍ സെക്രട്ടറി സീതാറാം യെച്ചൂരി പാര്‍ട്ടി കോണ്‍ഗ്രസ് പ്രതിനിധി സമ്മേളനം ഉദ്ഘാടനം ചെയ്യും. സിപിഐ ജനറല്‍ സെക്രട്ടറി ഡി.രാജ അഭിവാദ്യം ചെയ്യും. നായനാര്‍ അക്കാദമിയില്‍ പ്രത്യേകം ഒരുക്കിയ വേദിയിലാകും പ്രതിനിധി സമ്മേളനം. സിപിഎം ജനറല്‍ സെക്രട്ടറി സീതാറാം യെച്ചൂരി അടക്കമുള്ള കേന്ദ്ര നേതാക്കളും സമ്മേളന പ്രതിനിധികളും ജില്ലയിലെത്തി. കോണ്‍ഗ്രസ് ബന്ധം, വികസന നയം തുടങ്ങിയ വിഷയങ്ങളിലെ രാഷ്ട്രീയ ലൈന്‍ സംബന്ധിച്ച ചര്‍ച്ചകളാകും സമ്മേളനത്തിലെ ശ്രദ്ധാകേന്ദ്രം. ഇന്ന് പാര്‍ട്ടി അവൈലബിള്‍ പോളിറ്റ്ബ്യൂറോ…

Read More

ഓട്ടോ ചാര്‍ജ്; ഗതാഗത വകുപ്പിന്റെ ഉന്നതല യോഗം ഇന്ന്

ഓട്ടോ ചാര്‍ജ്; ഗതാഗത വകുപ്പിന്റെ ഉന്നതല യോഗം ഇന്ന്

സംസ്ഥാനത്ത് ഓട്ടോ ചാര്‍ജ് വര്‍ധിപ്പിക്കുന്നതിനൊപ്പം മിനിമം ചാര്‍ജിന്റെ ദൂരം വര്‍ധിപ്പിക്കാനുള്ള തീരുമാനം പിന്‍വലിക്കുന്നത് സംബന്ധിച്ച കാര്യങ്ങള്‍ക്കായി ഗതാഗത വകുപ്പിന്റെ ഉന്നതതല യോഗം ഇന്ന് ചേരും. മിനിമം ചാര്‍ജ് 30 രൂപയാക്കാനും ഇതിനുള്ള ദൂരപരിധി ഒന്നര കിലോമീറ്ററില്‍ നിന്ന് രണ്ട് കിലോമീറ്ററായി ഉയര്‍ത്താനുമായിരുന്നു തീരുമാനം. ഈ തീരുമാനം പിന്‍വലിക്കുമെന്ന് ഗതാഗത മന്ത്രി ആന്റണി രാജു ഇന്നലെ വ്യക്തമാക്കിയിരുന്നു. ഇക്കാര്യത്തില്‍ അന്തിമ തീരുമാനം കൈക്കൊള്ളുന്നതിനാണ് ഇന്ന് ഗതാഗത സെക്രട്ടറിയുമായും ട്രാന്‍സ്‌പോര്‍ട്ട് വകുപ്പ് കമ്മീഷണറുമായും മന്ത്രി ആന്റണി രാജു ചര്‍ച്ച നടത്തുന്നത്. വൈകിട്ട് 3.30ന് ഗതാഗത മന്ത്രിയുടെ അധ്യക്ഷതയിലാണ് യോഗം. വിദ്യാര്‍ത്ഥികളുടെ കണ്‍സഷന്‍ ശാസ്ത്രീയമായി പഠിച്ച് തീരുമാനമെടുക്കാന്‍ കമ്മീഷനെ വയ്ക്കുമെന്നും മന്ത്രി അറിയിച്ചിരുന്നു. അതേസമയം തമിഴ്‌നാട്ടിലെ പൊതു ഗതാഗത സംവിധാനങ്ങളിലെ യാത്രാ നിരക്ക് കുറവാണെന്ന പ്രചാരണം തെറ്റാണെന്നും മന്ത്രി പറഞ്ഞു. കെ സ്വഫ്റ്റിലെ നിരക്ക് മറ്റ് കെഎസ്ആര്‍ടിസി സര്‍വീസുകളിലേതിന് സമാനമായിരിക്കുമെന്ന് മന്ത്രി…

Read More

87 രൂപക്ക് ചിക്കനെവിടെയെന്ന് റോജി; മറുപടിയുമായി തോമസ് ഐസക്ക്

87 രൂപക്ക് ചിക്കനെവിടെയെന്ന് റോജി; മറുപടിയുമായി തോമസ് ഐസക്ക്

87 രൂപക്ക് ചിക്കന്‍ എവിടെയെന്ന അങ്കമാലി എംഎല്‍എ റോജി എം.ജോണിന്റെ ചോദ്യത്തിന് മറുപടിയുമായി മുന്‍ ധനമന്ത്രിയും സിപിഐഎം നേതാവുമായ തോമസ് ഐസക്ക്്. 87 രൂപക്ക് ചിക്കന്‍ എവിടെയെന്നുള്ളത് ബിജെപിക്കാരുടെയും കോണ്‍ഗ്രസുകാരുടെയും തന്റെ പോസ്റ്റിനു കീഴിലുളള സ്ഥിരം ട്രോളുകളാണ്. ഈ അളിപിളി സംഘത്തോടൊപ്പം റോജിയെപ്പോലൊരാള്‍ ചേരുന്നത് ശരിയല്ലെന്നും തോമസ് ഐസക് പറഞ്ഞു. ”ജിഎസ്ടി വന്നപ്പോള്‍ 100 രൂപ വിലയുണ്ടായിരുന്ന ചിക്കന്റെ വില കുറച്ചില്ലെന്നു മാത്രമല്ല വില വര്‍ധിപ്പിക്കുകയും ചെയ്തു. നികുതി കുറഞ്ഞപ്പോള്‍ 87നു നല്‍കേണ്ടത് വര്‍ധിപ്പിച്ചതിന്റെ അന്യായത്തിലേക്കാണ് വിരല്‍ ചൂണ്ടിയത്. ഇതിന്റെ പിന്നില്‍ ചില മൊത്ത കച്ചവടക്കാരുടെ ഒത്തുകളിയായിരുന്നു.” ഇതിനെതിരായിട്ടാണ് താന്‍ പ്രസ്താവന ഇറക്കിയതെന്നും എന്നാല്‍ എല്ലാ കാലത്തും 87 രൂപക്കു തന്നെ ചിക്കന്‍ നല്‍കണമെന്ന് ആരും പറഞ്ഞിട്ടില്ലെന്നും തോമസ് ഐസക്ക് വ്യക്തമാക്കി’. തോമസ് ഐസക്കിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം 87 രൂപക്ക് ചിക്കന്‍ എവിടെയെന്നുള്ളത് ബിജെപിക്കാരുടെയും കോണ്‍ഗ്രസുകാരുടെയും…

Read More

റുപേ പ്രൈം വോളിബോള്‍ ലീഗ് കിരീടം കൊല്‍ക്കത്ത തണ്ടര്‍ബോള്‍ട്ട്സിന്

റുപേ പ്രൈം വോളിബോള്‍ ലീഗ് കിരീടം കൊല്‍ക്കത്ത തണ്ടര്‍ബോള്‍ട്ട്സിന്

ഹൈദരാബാദ്: അഹമ്മദാബാദ് ഡിഫന്‍ഡേഴ്സിനെ നേരിട്ടുള്ള മൂന്ന് സെറ്റുകള്‍ക്ക് തകര്‍ത്ത് കൊല്‍ക്കത്ത തണ്ടര്‍ബോള്‍ട്ട്സ് റുപേ പ്രൈം വോളിബോള്‍ ലീഗ് ചാമ്പ്യന്‍മാരായി. ഹൈദരാബാദിലെ ഗച്ചിബൗളി സ്റ്റേഡിയത്തില്‍ നടന്ന ഫൈനലില്‍ 15-13, 15-10, 15-12 എന്ന സ്‌കോറിനാണ് കൊല്‍ക്കത്തയുടെ ജയം. കൊല്‍ക്കത്ത തണ്ടര്‍ബോള്‍ട്ട്‌സിന്റെ വിനീത് കുമാര്‍ കളിയിലെ താരമായി. ആദ്യ സെറ്റില്‍ അഹമ്മദാബാദ് തുടര്‍ച്ചയായി പിഴവുകള്‍ വരുത്തിയപ്പോള്‍ കൊല്‍ക്കത്ത തണ്ടര്‍ബോള്‍ട്ട്സ് 5-3ന് മുന്നിലെത്തി. വിനീത് കുമാര്‍ മികവ് കാട്ടിയതോടെ കൊല്‍ക്കത്ത ആധിപത്യം തുടര്‍ന്നു. 10-8ന്റെ ലീഡായി. എന്നാല്‍ ഷോണ്‍ ടി ജോണിന്റെ സ്പൈക്കിലൂടെ അഹമ്മദാബാദ് തിരിച്ചടിച്ചു. 13-13ന് ഒപ്പമെത്തി. വിനീത് കുമാറിന്റെ ഉശിരന്‍ സെര്‍വിലൂടെ ഒന്നാം സെറ്റ് 15-13ന് തണ്ടര്‍ബോള്‍ട്ട്സ് നേടി. വിനീത് കുമാറിനൊപ്പം ക്യാപ്റ്റന്‍ അശ്വല്‍ റായിയും കൊല്‍ക്കത്ത തണ്ടര്‍ബോള്‍ട്ട്‌സിനായി മിന്നിയപ്പോള്‍ രണ്ടാം സെറ്റില്‍ അവര്‍ 9-5ന്റെ ലീഡ് സ്വന്തമാക്കി. പിന്നീട് രാഹുലിന്റെ ഊഴമായിരുന്നു. സൂപ്പര്‍ പോയിന്റിന്റെ കൂടി ആനുകൂല്യത്തില്‍…

Read More

സ്വപ്‌ന സുരേഷിന് പുതിയ ജോലിയായി

സ്വപ്‌ന സുരേഷിന് പുതിയ ജോലിയായി

സ്വപ്‌ന സുരേഷിന് പുതിയ ജോലിയായി. എച്ച് ആര്‍ ഡി എസ് എന്ന എന്‍.ജി.ഒയില്‍ കോര്‍പറേറ്റ് സോഷ്യല്‍ റെസ്‌പോന്‍സിബിലിറ്റി മാനേജര്‍ പദവിയിലാണ് നിയമനം. പാലക്കാട് ആസ്ഥാനമായ എന്‍ ജി ഒയാണ് എച്ച് ആര്‍ ഡി എസ്. തന്നെ എല്ലാവരും ഒറ്റപ്പെടുത്തുകയാണെന്നും തനിക്ക് ജോലി ലഭിക്കുന്നില്ലെന്നും സ്വപ്‌ന സുരേഷ് മാധ്യമങ്ങള്‍ക്ക് മുന്നില്‍ സൂചിപ്പിച്ചിരുന്നു. ആദിവാസി മേഖലയില്‍ വീടുകള്‍ വെച്ചുനല്‍കാനും മറ്റുമായി പ്രവര്‍ത്തിക്കുന്ന എന്‍ ജി ഒയാണ് എച്ച് ആര്‍ ഡി എസ്. വിദേശത്തുനിന്ന് ഇതിനായി പണമെത്തിക്കുന്നതുമായി ബന്ധപ്പെട്ട ചുമതലയാകും സ്വപ്‌ന സുരേഷിന് ലഭിക്കുക. ഗള്‍ഫ് രാജ്യങ്ങളുമായാകും പ്രധാനമായും ബന്ധപ്പെടേണ്ടി വരിക. ഈ മാസം 12ന് ജോലിയില്‍ പ്രവേശിക്കണമെന്നാണ് സ്വപ്‌നയ്ക്ക് മുന്‍പ് നിര്‍ദ്ദേശം നല്‍കിയിരുന്നത്. പക്ഷേ എന്‍ഫോഴ്‌സ്‌മെന്റ ഡയറക്ടറേറ്റിന്റെ ചോദ്യം ചെയ്യലിന്റെ പശ്ചാത്തലത്തില്‍ സ്വപ്‌ന മറ്റൊരു ദിവസം ജോലിക്കെത്താമെന്ന് അറിയിക്കുകയായിരുന്നു. അതേസമയം സ്വര്‍ണക്കടത്ത് കേസില്‍ സ്വപ്‌ന സുരേഷിന്റെ അഭിഭാഷകന്‍ വക്കാലത്തൊഴിഞ്ഞു. അഭിഭാഷകനായ…

Read More

ഹൈക്കോടതി ഓൺലൈൻ സിറ്റിങ്ങിലേക്ക് മാറിയേക്കും

ഹൈക്കോടതി ഓൺലൈൻ സിറ്റിങ്ങിലേക്ക് മാറിയേക്കും

കൊച്ചി: കൊവിഡ് വ്യാപനം വർധിക്കുന്നത് കണക്കിലെടുത്ത് തിങ്കളാഴ്ച മുതൽ ഹൈക്കോടതി സിറ്റിങ് പൂർണമായും ഓൺലൈനിലേക്ക് മാറ്റിയേക്കും. വെള്ളിയാഴ്ച ഫുൾകോർട്ട് സിറ്റിങ്ങിൽ ഇതുസംബന്ധിച്ച തീരുമാനമുണ്ടാകും. കൊവിഡ് സാഹചര്യം കണക്കിലെടുത്ത് അഡ്മിനിസ്‌ട്രേറ്റീവ് കമ്മിറ്റിയുടെ യോഗം ചേർന്നു. തിങ്കളാഴ്ചമുതൽ ഓൺലൈൻ സിറ്റിങ് ആരംഭിക്കാമെന്ന നിർദേശമാണ് യോഗത്തിൽ ഉയർന്നത്. നിലവിൽ കേസ് കേൾക്കുന്നതിനൊപ്പം ഓൺലൈനിലും പരിഗണിക്കുന്ന ഹൈബ്രിഡ് രീതിയാണ് ഹൈക്കോടതിയിൽ.

Read More

അക്രമ രാഷ്ട്രീയത്തിന്‍റെ ഒരുവശത്തെന്നും എസ്എഫ്‌ഐയും സിപിഎമ്മും: ഹൈബി ഈഡൻ

അക്രമ രാഷ്ട്രീയത്തിന്‍റെ ഒരുവശത്തെന്നും എസ്എഫ്‌ഐയും സിപിഎമ്മും: ഹൈബി ഈഡൻ

കൊച്ചി: അക്രമ രാഷ്ട്രീയത്തിന്‍റെ ഒരുവശത്തെന്നും എസ്എഫ്‌ഐയും സിപിഎമ്മും ആണെന്ന് ഹൈബി ഈഡന്‍ എംപി. ചരിത്രം പരിശോധിച്ചാല്‍ അത് വ്യക്തമാകും. അക്രമത്തെ കോണ്‍ഗ്രസും കെഎസ്‌യുവും പ്രോത്സാഹിപ്പിക്കില്ല. ഇടുക്കിയിലേത് പോലുള്ള സംഭവങ്ങള്‍ ആവര്‍ത്തിക്കാന്‍ പാടില്ലെന്നും സംഭവത്തിലെ കുറ്റവാളികള്‍ക്ക് മതിയായ ശിക്ഷ ഉറപ്പാക്കണമെന്നും എംപി മാധ്യമങ്ങളോട് പറഞ്ഞു. കാലാലയങ്ങളില്‍ ആശയപരമായ സംഘടനമാണ് നടക്കേണ്ടത്. എന്നാല്‍ സ്വാതന്ത്ര്യം ജനാധിപത്യം സോഷ്യലിസം എന്ന മുദ്രാവാക്യം മുഴക്കി യുവതികളടക്കമുള്ളവരെയ മര്‍ദിക്കുന്ന കാഴ്ചയാണ് ഇന്നലെ മഹാരാജാസില്‍ കണ്ടത്. കോടിയേരി ബാലകൃഷ്ണനെപ്പോലുളളവരുടെ പാടത്ത് പണി വരമ്പത്ത് കൂലി എന്നിങ്ങനെയുള്ള പ്രസ്താവനകളാണ്  ഇത്തരം അതിക്രമങ്ങള്‍ക്ക് വഴിയൊരുക്കുന്നത്. ക്യാമ്പസുകളില്‍ ആക്രമം അഴിച്ചുവിടാനുള്ള എസ്എഫ്‌ഐ നീക്കത്തെ ശക്തമായി പ്രതിരോധിക്കുമെന്നും അദ്ദേഹം പറഞ്ഞു.കെപിസിസി നേതൃത്വത്തിനെതിരെ ബോധപൂര്‍വമായ ഒരു ക്യാമ്പയിന് നടക്കുന്നു. കോണ്‍ഗ്രസ് സെമി കേഡര്‍ പാര്‍ട്ടിയാകാന്‍ ശ്രമം നടത്തുന്നുവെന്ന് കെപിസിസി പ്രസിഡന്റ് പറയുമ്പോള്‍ അതില്‍ സിപിഎമ്മിന് എന്തിനാണിത്ര അസഹിഷ്ണുത. ഒരാളെ ടാര്‍ഗറ്റ് ചെയ്യാന്‍ അനുവദിക്കില്ല….

Read More

പിഎസ്‌സിയുടെ കെടുകാര്യസ്ഥതയ്‌ക്കെതിരെ പരാതിയുമായി ഒരു കൂട്ടം ഉദ്യോഗാര്‍ത്ഥികള്‍; യുപി അധ്യാപക തസ്തികയുടെ കണ്‍ഫര്‍മേഷനുമായി ബന്ധപ്പെട്ടാണ് പരാതി ഉയര്‍ന്നിരിക്കുന്നത്

പിഎസ്‌സിയുടെ കെടുകാര്യസ്ഥതയ്‌ക്കെതിരെ പരാതിയുമായി ഒരു കൂട്ടം ഉദ്യോഗാര്‍ത്ഥികള്‍; യുപി അധ്യാപക തസ്തികയുടെ കണ്‍ഫര്‍മേഷനുമായി ബന്ധപ്പെട്ടാണ് പരാതി ഉയര്‍ന്നിരിക്കുന്നത്

തിരുവനന്തപുരം :യുപി അധ്യാപക തസ്തകയിലേക്കുള്ള അപേക്ഷ സംബന്ധിച്ച വ്യാപക പരാതികളാണ് ഉയരുന്നത്. പരീക്ഷക്ക് അപേക്ഷിച്ച ഉദ്യാഗാര്‍ത്ഥികള്‍ കണ്‍ഫര്‍മേഷന്‍ കൊടുക്കാന്‍ കഴിയുന്നില്ല എന്നതാണ് പ്രധാനമായി ഉയരുന്ന പരാതി. കണ്‍ഫര്‍മേഷന്‍ കൊടുക്കാന്‍ പിഎസ്‌സിയുടെ പ്രൊഫൈലില്‍ കയറുമ്പോള്‍ അപേക്ഷ കൊടുത്തിട്ടില്ലെന്ന് മറുപടിയാണ് ലഭിക്കുന്നതെന്നും ഉദ്യോഗാര്‍ത്ഥികള്‍ പറയുന്നു. ഇത് സംബന്ധിച്ച് പിഎസ് സി ചെയര്‍മാനടക്കം പരാതി കൊടുത്തെങ്കിലും അനുകൂലമായി മറുപടി ലഭിച്ചിട്ടില്ല. നവംബറില്‍ നടക്കാനിരിക്കുന്ന യുപി അധ്യാപക തസ്തികയിലേക്കുള്ള പരീക്ഷയുടെ കണ്‍ഫര്‍മേഷന്‍ കൊടുക്കാനുള്ള തിയതി സെപ്തംബര്‍ 11 ആയിരുന്നു. യുപിഎസ് എയ്ക്ക് അപേക്ഷിച്ചവര്‍ക്ക് എല്‍പിഎസ്എയുടെ കണ്‍ഫര്‍മേഷന്‍ വന്നുവെന്നതാണ് മറ്റൊരു ആക്ഷേപം. ബിഎഡ് യോഗ്യതയുള്ള എന്നാല്‍ ടിടിസി യോഗ്യതയില്ലാത്ത് ഉദ്യോഗാര്‍ത്ഥിക്കാണ് ഇത്തരത്തില്‍ കണ്‍ഫര്‍മേഷന്‍ വന്നിരിക്കുന്നത്. ചില ഉദ്യോഗാര്‍ത്ഥികള്‍ക്ക് കണ്‍ഫര്‍മേഷന്‍ വന്നിരിക്കുന്നത് കര്‍ണ്ണാടക പിഎസ് സിയില്‍ നിന്നാണ് എന്നതാണ് മറ്റൊരു ഗുരുതരമായ പരാതി. അപ്ലിക്കേഷന്‍ നല്‍കിയതിന്റെ പ്രിന്റ് ഔട്ടുമായി വന്നാല്‍ ശരിയാക്കാം എന്നായിരുന്നു പിഎസ് സിയുടെ…

Read More

ഹോം ക്വാറന്റൈന്‍ ഏറെ കരുതലോടെ… നിരീക്ഷണത്തിലുള്ളവരും വീട്ടുകാരും ശ്രദ്ധിക്കേണ്ട കാര്യങ്ങള്‍

ഹോം ക്വാറന്റൈന്‍ ഏറെ കരുതലോടെ… നിരീക്ഷണത്തിലുള്ളവരും വീട്ടുകാരും ശ്രദ്ധിക്കേണ്ട കാര്യങ്ങള്‍

തിരുവനന്തപുരം: സംസ്ഥാനത്തിന് പുറത്തുള്ള മലയാളികള്‍ ധാരാളമായി എത്തുന്ന ഈ സമയത്ത് എല്ലാവരും ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. ഒന്നാം ഘട്ടത്തിലും രണ്ടാം ഘട്ടത്തിലും കേരളം ഏറ്റവും ഫലപ്രദമായി നടപ്പിലാക്കിയതാണ് ഹോം ക്വാറന്റൈന്‍. അതിനാല്‍ തന്നെ വീട്ടിലെ നിരീക്ഷണത്തിലുള്ളവരും കുടുംബാംഗങ്ങളും ആരോഗ്യ വകുപ്പിന്റെ കര്‍ശനമായ നിര്‍ദേശങ്ങള്‍ പാലിക്കേണ്ടതാണ്. എന്തെങ്കിലും സംശയങ്ങളുള്ളവര്‍ ദിശ 1056, 0471 2552056 എന്നീ നമ്പരുകളില്‍ ബന്ധപ്പെടേണ്ടതാണെന്നും മന്ത്രി വ്യക്തമാക്കി. ഹോം ക്വാറന്റൈനില്‍ കഴിയുന്നവര്‍ ശ്രദ്ധിക്കേണ്ട കാര്യങ്ങള്‍ ക്വാറന്റൈനിലുള്ള വ്യക്തി വീട്ടിനുള്ളില്‍ പ്രത്യേകമായ ശുചിമുറിയോടു കൂടിയ മുറിയില്‍ തന്നെ താമസിക്കേണ്ടതാണ്. ആ മുറിയോ ശുചിമുറിയോ ക്വാറന്റൈന്‍ കാലാവധി കഴിയും വരെ മറ്റാരും ഉപയോഗിക്കാന്‍ പാടുള്ളതുമല്ല. ക്വാറന്റൈനിലുള്ള വ്യക്തിയുമായോ അദ്ദേഹം ഉപയോഗിക്കുന്ന വസ്തുക്കളുമായോ ഒരു സാഹചര്യത്തിലും വീട്ടിലെ മുതിര്‍ന്നന വ്യക്തികള്‍, ഹൈപ്പര്‍ ടെന്‍ഷന്‍, ദീര്‍ഘകാല പ്രമേഹം, ഹൃദ്രോഗം, കിഡ്നി, കരള്‍…

Read More

ഹോം ക്വാറന്റൈന്‍ മാര്‍ഗ നിര്‍ദ്ദേശങ്ങള്‍ പുതുക്കി ഉത്തരവിറക്കി; പരിശോധനാ നടപടി ക്രമങ്ങളും പുതുക്കി

ഹോം ക്വാറന്റൈന്‍ മാര്‍ഗ നിര്‍ദ്ദേശങ്ങള്‍ പുതുക്കി ഉത്തരവിറക്കി; പരിശോധനാ നടപടി ക്രമങ്ങളും പുതുക്കി

തിരുവനന്തപുരം: കേരളത്തിലേയ്ക്ക് ഇതര സംസ്ഥാനത്ത് നിന്നുള്ള മലയാളികളുടെ മടങ്ങിവരവ് ആരംഭിച്ചതിനെ തുടര്‍ന്ന് കോവിഡ് വ്യാപന ഭീഷണി നിലനില്‍ക്കുന്നതിനാല്‍ സംസ്ഥാനത്തെ ഹോം ക്വാറന്റൈന്‍ മാര്‍ഗ നിര്‍ദേശങ്ങള്‍ പുതുക്കി ഉത്തരവിറക്കിയതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. പരിമിതമായ സൗകര്യങ്ങളുള്ള ഇന്‍സ്റ്റിറ്റിയൂഷണല്‍ ക്വാറന്റൈന്‍ കേന്ദ്രങ്ങള്‍ രോഗ വ്യാപനത്തിന് വഴിവച്ചേക്കാമെന്നും അതിനേക്കാള്‍ മെച്ചം കേരളത്തില്‍ ആദ്യ രണ്ട് ഘട്ടങ്ങളില്‍ വളരെ ഫലപ്രദമായി നടപ്പാക്കിയ ഹോം ക്വാറന്റൈന്‍ സംവിധാനം കര്‍ശനമായ മേല്‍നോട്ടത്തിലും കേരളത്തില്‍ എത്തിച്ചേരുന്നവരുടെ വ്യക്തിപരമായ ഉത്തരവാദിത്തം ഉറപ്പാക്കിയും നടപ്പാക്കുന്നതാണ് ഉചിതമെന്ന് എക്സ്പേര്‍ട്ട് കമ്മിറ്റി ശിപാര്‍ശ ചെയ്തിട്ടുണ്ട്. സര്‍ക്കാര്‍ ഇക്കാര്യം പരിശോധിക്കുകയും ശിപാര്‍ശ അംഗീകരിക്കുകയും ചെയ്താണ് വിശദമായ ഉത്തരവ് പുറപ്പെടുവിച്ചതെന്നും മന്ത്രി വ്യക്തമാക്കി. ഇതര സംസ്ഥാനത്തുനിന്നും മടങ്ങിവരുന്ന എല്ലാവരെയും വൈദ്യ പരിശോധനയ്ക്ക് വിധേയമാക്കേണ്ടതും രോഗലക്ഷണമുള്ളവരെ തുടര്‍ പരിശോധനകള്‍ക്കും ചികിത്സയ്ക്കുമായി കോവിഡ് ആശുപത്രിയില്‍ പ്രവേശിപ്പിക്കേണ്ടതുമാണ്. ആര്‍.റ്റി.പി.സി.ആര്‍. പരിശോധന ഫലം നെഗറ്റീവ് ആകുന്നവരെയും…

Read More