ഡല്‍ഹിയില്‍ പ്ലസ് വണ്‍ വിദ്യാര്‍ത്ഥിനിയെ ഓടുന്ന കാറില്‍ കൂട്ടമാനഭംഗത്തിനിരയാക്കി

ഡല്‍ഹിയില്‍ പ്ലസ് വണ്‍ വിദ്യാര്‍ത്ഥിനിയെ ഓടുന്ന കാറില്‍ കൂട്ടമാനഭംഗത്തിനിരയാക്കി

ഗ്രേറ്റര്‍ നോയിഡ: പ്ലസ് വണ്‍ വിദ്യാര്‍ത്ഥിനിയെ ഓടുന്ന കാറില്‍ കൂട്ടമാനഭംഗത്തിനിരയാക്കി. ഡല്‍ഹിയിലെ ഗ്രേറ്റര്‍ നോയിഡയിലാണു സംഭവം. വീട്ടില്‍ വിടാമെന്നു പറഞ്ഞു സഹപാഠിയാണ് പെണ്‍കുട്ടിയെ കാറില്‍ കൊണ്ടുപോയത്. കൂട്ടമാനഭംഗത്തിന് ഇരയാക്കിയശേഷം പെണ്‍കുട്ടിയെ അക്രമികള്‍ വഴിയരികില്‍ ഉപേക്ഷിക്കുകയായിരുന്നു. സംഭവവുമായി ബന്ധപ്പെട്ടു രണ്ടുപേരെ അറസ്റ്റു ചെയ്തു. കഴിഞ്ഞ ബുധനാഴ്ചയാണു സംഭവം. സ്‌കൂള്‍ ബസ് പോയതിനെ തുടര്‍ന്നു വീട്ടിലേക്കു നടന്നുപോകുമ്പോള്‍ സുഹൃത്തും മറ്റൊരാളും കാറിലെത്തുകയും വീട്ടിലെത്തിക്കാമെന്നു പറയുകയുമായിരുന്നു. പതിനാറുകാരിയായ പെണ്‍കുട്ടിക്കു മയക്കുമരുന്നു ചേര്‍ന്ന ജ്യൂസ് നല്‍കിയതിനുശേഷമായിരുന്നു പീഡനം. മണിക്കൂറുകളോളം കുട്ടിയെ കാണാതിരുന്നതിനെ തുടര്‍ന്നു പെണ്‍കുട്ടിയുടെ പിതാവു പൊലീസില്‍ പരാതി നല്‍കി. തുടര്‍ന്നു നടത്തിയ അന്വേഷണത്തിലാണു വഴിയരികില്‍ ഉപേക്ഷിക്കപ്പെട്ട നിലയില്‍ കുട്ടിയെ കണ്ടത്. മൂന്നുപേര്‍ക്കെതിരെയാണു പൊലീസ് എഫ്‌ഐആര്‍ റജിസ്റ്റര്‍ ചെയ്തിരിക്കുന്നത്. ഇവരില്‍ ഒരാള്‍ ഒളിവിലാണെന്നും പൊലീസ് അറിയിച്ചു.

Read More

തൃശൂര്‍ പൂരം: പൂര ചടങ്ങുകള്‍ക്ക് ഇന്ന് തുടക്കം

തൃശൂര്‍ പൂരം: പൂര ചടങ്ങുകള്‍ക്ക് ഇന്ന് തുടക്കം

തൃശൂര്‍ പൂരത്തിന്റെ ചടങ്ങുകള്‍ക്ക് ഇന്ന് തുടക്കമാകും. നെയ്തലക്കാവിലമ്മ തെക്കേഗോപുരനട തുറക്കുന്നതോടെയാണ് ചടങ്ങുകള്‍ തുടങ്ങുക. തെച്ചിക്കോട്ടുകാവ് രാമചന്ദ്രനാണ് ഇത്തവണയും നെയ്തലക്കാവിലമ്മയുടെ തിടമ്പേറ്റുക. പൂരം വരവ് ശംഖ് വിളിച്ച് വിളംബരം ചെയ്ത് നെയ്തലക്കാവിലമ്മ തെക്കേഗോപുര നടതുറക്കാന്‍ ഇന്നെത്തും. 11.30ഓടെ തെക്കേ ഗോപുരനട തുറക്കുന്നതോടെ 36 മണിക്കൂര്‍ നീണ്ടു നില്‍ക്കുന്ന പൂരത്തിന് തുടക്കമാകും. ചെറുപൂരങ്ങള്‍ക്ക് വടക്കുന്നാഥക്ഷേത്രത്തില്‍ പ്രവേശിക്കാനുള്ള അനുവാദം വാങ്ങാനാണ് നെയ്തിലക്കാവമ്മ എഴുന്നള്ളുന്നതെന്നാണ് സങ്കല്‍പം. നാളെ രാവിലെ കണിമംഗലം ശാസ്താവ് തെക്കെ ഗോപുരനട വഴി ക്ഷേത്രത്തില്‍ പ്രവേശിക്കുന്നതോടെയാണ് പൂരദിവസ ചടങ്ങുകള്‍ തുടങ്ങുക. ഉച്ചയ്ക്ക് ഒരുമണിക്ക് മുമ്പായി മറ്റ് ഏഴ് ചെറുപൂരങ്ങളും ക്ഷേത്രത്തിനകത്ത് പ്രവേശിക്കും. ഉച്ചക്ക് ശേഷമാണ് തൃശൂര്‍ പൂരത്തിന് പകിട്ടേകുന്ന ആഘോഷങ്ങള്‍. തിരുവമ്പാടിയുടെ മഠത്തില്‍ വരവിനുള്ള പഞ്ചവാദ്യവും പാറമേക്കാവിന്റെ ഇലഞ്ഞിത്തറമേളവും തെക്കോട്ടിറക്കവും പിന്നെ കുടമാറ്റവും. ഒടുവില്‍ ആവേശമായി വെടിക്കെട്ടും.

Read More

സാംപിള്‍ വെടിക്കെട്ട്: തീപ്പൊരി തെറിച്ച് ആറു പേര്‍ക്കു നിസ്സാര പരുക്കേറ്റു

സാംപിള്‍ വെടിക്കെട്ട്: തീപ്പൊരി തെറിച്ച് ആറു പേര്‍ക്കു നിസ്സാര പരുക്കേറ്റു

തൃശൂര്‍: പൂരത്തിന്റെ സാംപിള്‍ വെടിക്കെട്ടിനിടയില്‍ എംഒ റോഡിലേക്കു വീണ സ്‌ഫോടക വസ്തുവിലെ തീപ്പൊരി തെറിച്ച് ആറു പേര്‍ക്കു നിസ്സാര പരുക്കേറ്റു. ഒരാള്‍ തമിഴ്‌നാട് സ്വദേശിയാണ്. പരുക്കേറ്റവരെ ജനറല്‍ ആശുപത്രിയില്‍ പ്രവേശിപ്പിച്ചു. ദേവസ്വം പ്രതിനിധികളും പൊലീസുമാണ് ഇവര്‍ക്കു വേണ്ട സൗകര്യങ്ങളൊരുക്കിയത്. തമിഴ്‌നാട് പഴനി ഒട്ടന്‍ചത്രം തിരുമലൈ സ്വാമി (63), കാടാമ്പുഴ വെസ്റ്റ് തുടക്കത്തില്‍ പുന്നപ്പുറത്ത് വീട്ടില്‍ വിജയകുമാര്‍ (56), തൃക്കൂര്‍ ചിറമ്മല്‍ ജോണി (59), തിരൂര്‍ ചോലയില്‍ കുഞ്ഞുമരയ്ക്കാറുടെ മകന്‍ ഹംസ (52), തിരൂര്‍ കടവത്ത് ചെറിയപറമ്പില്‍ മുഹമ്മദ്കുട്ടിയുടെ മകന്‍ ഷാഹുല്‍ ഹമീദ് (43) എന്നിവര്‍ക്കാണു പരുക്കേറ്റത്. ഇവരെ കൂടാതെ കേള്‍വിശക്തിയില്ലാത്ത ഒരാള്‍ക്കു കൂടി പൊള്ളലേറ്റിട്ടുണ്ട്.

Read More

മഞ്ജു വാരിയരെയും, ദീപ നിശാന്തിനെയും അപകീര്‍ത്തിപ്പെടുത്തി; തുടര്‍ നടപടിക്കായി വനിതാ കമ്മിഷന്‍ ജില്ലാ പൊലീസ് മേധാവിക്കു കത്തയച്ചു

മഞ്ജു വാരിയരെയും, ദീപ നിശാന്തിനെയും അപകീര്‍ത്തിപ്പെടുത്തി; തുടര്‍ നടപടിക്കായി  വനിതാ കമ്മിഷന്‍ ജില്ലാ പൊലീസ് മേധാവിക്കു കത്തയച്ചു

ആലപ്പുഴ: സമൂഹമാധ്യമത്തിലൂടെ നടി മഞ്ജു വാരിയര്‍, അധ്യാപിക ദീപ നിശാന്ത് എന്നിവര്‍ക്കെതിരെ അപകീര്‍ത്തികരമായ പരാമര്‍ശം നടത്തിയ സംഭവത്തില്‍ തുടര്‍നടപടികള്‍ സ്വീകരിക്കണമെന്നാവശ്യപ്പെട്ട് വനിതാ കമ്മിഷന്‍ ജില്ലാ പൊലീസ് മേധാവിക്കു കത്തയച്ചു. പത്രവാര്‍ത്തയെ അടിസ്ഥാനമാക്കിയാണു കമ്മിഷന്‍ കത്തയച്ചത്. വാര്‍ത്തയുടെ സത്യാവസ്ഥ പരിശോധിച്ച ശേഷം ശരിയെന്നു തെളിഞ്ഞാല്‍ ആരോപണ വിധേയനെതിരെ നിയമ നടപടികള്‍ സ്വീകരിക്കുമെന്ന് എസ്പി എസ്.സുരേന്ദ്രന്‍ പറഞ്ഞു.

Read More

ഇന്ധനവില മാനം മുട്ടെ കുതിക്കുന്നു..

ഇന്ധനവില മാനം മുട്ടെ കുതിക്കുന്നു..

തിരുവനന്തപുരം: ജനത്തെ വലച്ച് സംസ്ഥാനത്ത് ഇന്ധനവില മാനം മുട്ടെ കുതിക്കുന്നു. കേരളത്തില്‍ പെട്രോളിന്റെയും ഡീസലിന്റെയും വില അഞ്ചു വര്‍ഷത്തിനിടയിലെ ഏറ്റവും ഉയര്‍ന്ന നിരക്കിലെത്തി. തിരുവനന്തപുരത്ത് പെട്രോളിന് ലീറ്ററിന് 78.57 രൂപയും ഡീസലിന് 71.49 രൂപയുമാണ് ഇന്നത്തെ വില. പെട്രോളിന് 14 പൈസയും ഡീസലിന് 20 പൈസയുമാണു കൂടിയത്. കണ്ണൂരില്‍ പെട്രോള്‍ ലീറ്ററിന് 77.64, ഡീസല്‍ 70.63; കൊച്ചിയില്‍ 78.61, 71.52 എന്നിങ്ങനെയാണു നിരക്ക്. മറ്റു ജില്ലകളിലും വില ഉയര്‍ന്നിട്ടുണ്ട്. എന്നാല്‍ ബെംഗളൂരു, ചെന്നൈ, പുതുച്ചേരി സംസ്ഥാനത്തിന്റെ ഭാഗമായ മാഹി എന്നിവിടങ്ങളിലെല്ലാം ഇന്ധനവില കേരളത്തെ അപേക്ഷിച്ചു കുറവാണ്. രാജ്യാന്തര തലത്തില്‍ അസംസ്‌കൃത എണ്ണവിലയിലുള്ള വര്‍ധനയാണു വില കയറാന്‍ കാരണമെന്ന് എണ്ണകമ്പനികള്‍ പറയുന്നു. എന്നാല്‍ ഇന്ധനവില ഇതിന് മുമ്പ് ഉയര്‍ന്നുനിന്ന 2013-14 കാലത്തുള്ളതിന്റെ പകുതി മാത്രമേ ഇപ്പോഴുള്ളൂ എന്നതാണു യാഥാര്‍ഥ്യം. പെട്രോള്‍, ഡീസല്‍ വിലയുടെ പകുതിയോളം കേന്ദ്ര, സംസ്ഥാന തീരുവകളാണ്….

Read More

രക്തത്തില്‍ അണുബാധ; മുന്‍ അമേരിക്കന്‍ പ്രസിഡന്റ് ജോര്‍ജ് എച്ച്.ഡബ്ല്യൂ ബുഷ് ആശുപത്രിയില്‍

രക്തത്തില്‍ അണുബാധ; മുന്‍ അമേരിക്കന്‍ പ്രസിഡന്റ് ജോര്‍ജ് എച്ച്.ഡബ്ല്യൂ ബുഷ് ആശുപത്രിയില്‍

ഹൂസ്റ്റണ്‍: രക്തത്തിലെ അണുബാധയെ തുടര്‍ന്ന് മുന്‍ അമേരിക്കന്‍ പ്രസിഡന്റ് ജോര്‍ജ് എച്ച്.ഡബ്ല്യൂ ബുഷ് ആശുപത്രിയില്‍. ഹൂസ്റ്റണിലെ മെതോഡിസ്റ്റ് ആശുപത്രിയിലാണ് സീനിയര്‍ ബുഷിനെ പ്രവേശിപ്പിച്ചത്. ചികിത്സ തുടരുകയാണെന്നും അസുഖത്തില്‍ നിന്ന് മോചിതനാകുമെന്നും ബുഷ് പ്രസ്താവനയിലൂടെ അറിയിച്ചു. യു.എസിന്റെ 41ാമത്തെ പ്രസിഡന്റ് ആയിരുന്നു ജോര്‍ജ് എച്ച്.ഡബ്ല്യൂ ബുഷ്. യു.എസ്മുന്‍ പ്രഥമ വനിതയും സീനിയര്‍ ബുഷിന്റെ ഭാര്യയുമായ ബാര്‍ബറ ബുഷ് ഏപ്രില്‍ 17ന് വിടവാങ്ങിയിരുന്നു. ബാര്‍ബറയുടെ സംസ്‌കാര ചടങ്ങുകള്‍ക്ക് പിന്നാലെയാണ് സീനിയര്‍ ബുഷിനെ ആശുപത്രിയില്‍ പ്രവേശിപ്പിച്ചത്. 93കാരനായ സീനിയര്‍ ബുഷ് 1989-1993 കാലയളവിലാണ് അമേരിക്കന്‍ പ്രസിഡന്റായത്. 43ാം പ്രസിഡന്റ് ജോര്‍ജ് ഡബ്ല്യൂ ബുഷ് മകനാണ്.

Read More

പിണറായിയിലെ ദുരൂഹമരണം: മാതാവ് കസ്റ്റഡിയില്‍

പിണറായിയിലെ ദുരൂഹമരണം: മാതാവ് കസ്റ്റഡിയില്‍

തലശ്ശേരി: പിണറായി പടന്നക്കരയിലെ കുടുംബത്തിലെ പിഞ്ചുകുട്ടികള്‍ ഉള്‍പ്പെടെ നാലുപേര്‍ ദുരൂഹമരണത്തിനിടയായ സംഭവത്തില്‍ ഒരാള്‍ കസ്റ്റഡിയില്‍. കുട്ടികളുടെ മാതാവായ സൗമ്യ എന്ന യുവതിയെയാണ് പൊലീസ് കസ്റ്റഡിയിലെടുത്തത്. കുടുംബത്തിലെ അവശേഷിക്കുന്ന ഏക അംഗമാണ് സൗമ്യ. തലശ്ശേരി സഹകരണ ആശുപത്രിയില്‍ ചികിത്‌സയിലിരിക്കെയാണ് സൗമ്യയെ കസ്റ്റഡിയിലെടുത്തത്. എലിവിഷമാണ് മരണത്തിനിടയാക്കിയതെന്നാണ് നിഗമനം. കൊലപാതകമാണോ എന്നും സംശയിക്കുന്നുണ്ട്. കല്ലട്ടി വണ്ണത്താന്‍വീട്ടില്‍ കുഞ്ഞിക്കണ്ണന്‍ (76), ഭാര്യ കമല (65), പേരക്കുട്ടികളായ ഐശ്വര്യ (എട്ട്), കീര്‍ത്തന (ഒന്നര) എന്നിവരാണ് മൂന്നു മാസത്തിനിടെ ഛര്‍ദ്ദിച്ച് അവശരായി മരിച്ചത്. നാലുപേരും ഒരേ രീതിയില്‍ മരിച്ചതോടെ സംഭവത്തില്‍ ദുരൂഹതയുണ്ടെന്ന് നാട്ടുകാര്‍ അനുമാനിക്കുകയായിരുന്നു. ഒടുവില്‍ എട്ടു ദിവസം മുമ്പ്അവശേഷിക്കുന്ന അംഗമായ സൗമ്യയെയും ഛര്‍ദ്ദിച്ച് അവശയായി ആശുപത്രിയില്‍ പ്രവേശിപ്പിച്ചു. മരിച്ച ഐശ്വര്യ എന്ന എട്ടുവയസ്സുകാരിയുടെ സംസ്‌കരിച്ച മൃതദേഹം അന്വേഷണത്തിന്റെ ഭാഗമായി പുറത്തെടുത്തു പരിശോധിച്ചിരുന്നു. പടന്നക്കര വി. കരുണാകരന്‍ മാസ്റ്റര്‍ റോഡിലെ വീട്ടുവളപ്പില്‍ വീടിനോട് ചേര്‍ന്നായിരുന്നു ഐശ്വര്യയുടെ…

Read More

മൂന്നു മാസം പ്രായമായ കുഞ്ഞിനെ റോഡരികില്‍ ഉപേക്ഷിച്ച നിലയില്‍

മൂന്നു മാസം പ്രായമായ കുഞ്ഞിനെ റോഡരികില്‍ ഉപേക്ഷിച്ച നിലയില്‍

കൊച്ചി: മൂന്നു മാസം പ്രായമായ കുഞ്ഞിനെ റോഡരികില്‍ ഉപേക്ഷിച്ച നിലയില്‍ കണ്ടെത്തി. ചൊവ്വാഴ്ച രാവിലെ കളമശേരിയിലാണ് പെണ്‍കുഞ്ഞിനെ ഉപേക്ഷിച്ച നിലയില്‍ കണ്ടെത്തിയത്. പോലീസെത്തി കുട്ടിയെ കളമശേരി മെഡിക്കല്‍ കോളജ് ആശുപത്രിയിലേക്ക് മാറ്റി.

Read More

ആലപ്പുഴയില്‍ വള്ളം മറിഞ്ഞ് മത്സ്യത്തൊഴിലാളിയെ കാണാതായി

ആലപ്പുഴയില്‍ വള്ളം മറിഞ്ഞ് മത്സ്യത്തൊഴിലാളിയെ കാണാതായി

ആലപ്പുഴ: മണ്ണഞ്ചേരിയില്‍ വള്ളം മറിഞ്ഞ് മത്സ്യത്തൊഴിലാളിയെ കാണാതായി. മണ്ണഞ്ചേരി പഞ്ചായത്ത് ആറാം വാര്‍ഡിലെ വട്ടപ്പറമ്പില്‍ അബ്ദുല്‍ ഖാദറിനെയാണ് (40) കാണാതായത്. തിങ്കളാഴ്ച രാത്രി ഒമ്പത് മണിയോടെ ശക്തമായ കാറ്റിലാണ് വള്ളം മറിഞ്ഞത്. കൂടെയുണ്ടായിരുന്ന ചാവടിയില്‍ നൗഷാദിനെ (42) മത്സ്യത്തൊഴിലാളികള്‍ രക്ഷപ്പെടുത്തി. നൗഷാദ് ഒന്നര മണിക്കൂറോളം വെള്ളത്തില്‍ കുടുങ്ങിക്കിടക്കുകയായിരുന്നു. ഇന്നലെ രാത്രി മത്സ്യത്തൊഴിലാളികളും പൊലീസും അഗ്‌നിശമനസേനയും ചേര്‍ന്ന് തിരച്ചില്‍ നടത്തിയെങ്കിലും ഫലം കണ്ടില്ല. അതേസമയം, പൊലീസിന്റെയും അഗ്‌നിശമനസേനയുടെയും ഭാഗത്തു നിന്നും കാര്യക്ഷമമായ തിരച്ചില്‍ ഉണ്ടാവുന്നില്ലെന്ന പരാതിയും നാട്ടുകാര്‍ ഉന്നയിക്കുന്നുണ്ട്.

Read More

വധശിക്ഷ ബലാത്സംഗത്തിനു പരിഹാരമല്ല, ആള്‍ക്കൂട്ടമനസ്സിനെ തൃപ്തിപ്പെടുത്തുന്ന ഒരു വ്യര്‍ഥനടപടി മാത്രം: ശാരദക്കുട്ടി

വധശിക്ഷ ബലാത്സംഗത്തിനു പരിഹാരമല്ല, ആള്‍ക്കൂട്ടമനസ്സിനെ തൃപ്തിപ്പെടുത്തുന്ന ഒരു വ്യര്‍ഥനടപടി മാത്രം: ശാരദക്കുട്ടി

പന്ത്രണ്ട് വയസില്‍ താഴെ പ്രായമുള്ള കുട്ടികളെ പീഡിപ്പിക്കുന്നവര്‍ക്ക് വധശിക്ഷ നല്‍കുന്ന ഓര്‍ഡിനന്‍സിനെതിരെ എഴുത്തുകാരി എസ്. ശാരദക്കുട്ടി. തെരുവുനായകള്‍ ഉണ്ടാകുന്നത് പോലെ തന്നെ, പരിസരം മലിനമാകുമ്പോഴാണ് എല്ലാ അരാജകത്വവും വര്‍ധിക്കുന്നത്. നായയെ കൊല്ലുകയല്ല പരിഹാരം, പരിസരം മാലിന്യ മുക്തമാക്കുകയാണ്. ദീര്‍ഘകാല പദ്ധതികള്‍ ആണ് എല്ലാത്തരം പരിവര്‍ത്തനത്തിനും ഉചിതമായതന്നും ശാരദക്കുട്ടി അഭിപ്രായപ്പെട്ടു.  ഫേസ്ബുക്ക് പോസ്റ്റിന്റെ പൂര്‍ണരൂപം: ബാലപീഡനം നടത്തുന്ന കുറ്റവാളികളെ തൂക്കിക്കൊല്ലുകയല്ല വേണ്ടത്. ജയിലുകളില്‍ ഇത്തരം കുറ്റകൃത്യങ്ങളില്‍ ഏര്‍പ്പെട്ടു ശിക്ഷയില്‍ കഴിയുന്നവരെ ചെന്നു കണ്ട്, ഒറ്റക്കും കൂട്ടമായും സംസാരിച്ച് അവരുടെ മാനസിക നില പരിശോധിച്ച് അവരെ ഈയവസ്ഥയിലേക്ക് നയിച്ച സാഹചര്യങ്ങള്‍ പരിശോധിച്ച് ആ സാഹചര്യങ്ങള്‍ ഇല്ലാതാക്കാനുള്ള ദീര്‍ഘകാല പദ്ധതികളാണ് ആസൂത്രണം ചെയ്യേണ്ടത്. അതിന് സര്‍ക്കാര്‍ മുന്‍കയ്യെടുത്ത് വിദഗ്ദ്ധപാനല്‍ രൂപീകരിക്കണം. മാനുഷിക പരിഗണനയോടെ കുറ്റവാളികളെ സമീപിക്കാനും ആരോഗ്യകരമായി അവരുമായി ഇടപെടാനും ചിന്തിക്കാനും യുക്തിപരമായി പ്രവര്‍ത്തിക്കാനും കഴിയുന്നവരുടെ പാനലായിരിക്കണം. ദീര്‍ഘകാല പദ്ധതികളിലൂടെ മാത്രമേ…

Read More