ഹോണ്ടയുടെ എസ്‌യുവിക്കായുള്ള കാത്തിരിപ്പിന് വിരാമമാകുന്നു. ഹോണ്ടയില്‍ നിന്ന് പുറത്തിറങ്ങുന്ന ഏഴ് സീറ്റ് സിആര്‍-വി എസ്‌യുവി ഒക്ടോബര്‍ ആദ്യം വിപണിയില്‍ എത്തുമെന്നാണ് റിപ്പോര്‍ട്ട്. സെപ്റ്റംബറില്‍ വാഹനത്തിനുള്ള ബുക്കിങ് ആരംഭിക്കുമെന്നും സൂചനയുണ്ട്. ഇത്തവണ പെട്രോളിനൊപ്പം ഡീസല്‍ എഞ്ചിനിലും സിആര്‍-വി പുറത്തിറക്കുന്നുണ്ടെന്നതാണ് പ്രധാന പ്രത്യേകത. 2.0 ലിറ്റര്‍ പെട്രോള്‍ എഞ്ചിനാണ് ഇതിലുള്ളത്. എന്നാല്‍, പുതിയ 1.6 ലിറ്റര്‍ i-DTEC ഡീസല്‍ എന്‍ജിനിലും സിആര്‍-വി എത്തും. ഇത് 120 ബിഎച്ച്പി കരുത്തും 300 എന്‍എം ടോര്‍ക്കും ഉത്പാദിപ്പിക്കും. 2.0 ലിറ്റര്‍ പെട്രോള്‍ എന്‍ജിന്‍ 154 ബിഎച്ച്പി പവറും 192 എന്‍എം ടോര്‍ക്കുമേകും. പൂര്‍ണമായും നവീകരിച്ച ഇന്റീരിയറാണ് മറ്റൊരു പ്രത്യേകത. എല്‍.ഇ.ഡി ഹെഡ്‌ലൈറ്റ്, വീല്‍ ആര്‍ച്ചുകള്‍, നീളന്‍ വീല്‍ ബേസ് എന്നിവയും പുതുമകളാണ്.
Read Moreവരുന്നൂ…ഹോണ്ടയുടെ സിആര്‍-വി എസ്‌യുവി…
