ചങ്ങനാശ്ശേരിയില്‍ വിലക്ക് ലംഘിച്ച് അതിഥി തൊഴിലാളികള്‍ ദേശീയപാതയില്‍ കുത്തിയിരിക്കുന്നു

ആലപ്പുഴ: ആഹാരവും യാത്രാ സൗകര്യം ആവശ്യപ്പെട്ട് അതിഥി തൊഴിലാളികളുടെ പ്രതിഷേധം. ലോക് ഡൗണ്‍ വിലക്ക് ലംഘിച്ചണ് തൊഴിലാലികള്‍ കൂട്ടത്തോടെ ദേശീയപാതയില്‍ പ്രതിഷേധിക്കുന്നത്. ചങ്ങനാശ്ശേരി പായിപ്പാടാണ് സംഭവം.
നൂറകണക്കിന് തൊഴിലാളികളാണ് ലോക്ക് ഡൗണ വിലക്ക് ലംഘിച്ച് പ്രതിഷേധവുമായി ദേശീയപാതയില്‍ കുത്തിരിയിക്കുന്നത്. ആഹാരവും ചികിത്സയും കിട്ടില്ലെന്നാണ് പരാതി. യാത്രാ സൗകര്യം അടക്കം ഒരുക്കണമെന്നാവശ്യപ്പെട്ടാണ് പ്രതിഷേധം. കൂട്ടംകൂടരുതെന്ന കര്‍ശന നിര്‍ദ്ദേശം ലംഘിച്ചാണ് പ്രതിഷേധവുമായി തൊഴിലാളികള്‍ രംഗത്തിറങ്ങിയത്. കൊവിഡ് ജാഗ്രത നിലനല്‍ക്കെ ഇത്രയും അധികം ആളുകള്‍ റോഡില്‍ കൂടി നില്‍ക്കുന്നത് ഗുരുതര പ്രതിസന്ധിയുണ്ടാക്കുമെന്ന ആശങ്കയും നിലവിലുണ്ട്
കൊവിഡ് വന്നതോടെ ജോലി നഷ്ടമായി. തീര്‍ത്തും പരിമിതമായ സാഹചര്യങ്ങളില്‍ താമസിക്കുന്ന തൊഴിലാളികള്‍ക്ക് ആഹാരവും കൂടി കിട്ടാതായതോടെയാണ് പ്രതിഷേധവുമായി റോഡിലേക്ക് ഇറങ്ങിയത്. പായിപ്പാട് മേഖലയില്‍ മാത്രം പതിനായിരത്തോളം തൊഴിലാളികള്‍ താമസിക്കുന്നുണ്ടെന്നാണ് പഞ്ചായത്തിന്റെ കണക്ക് .കമ്യൂണിറ്റി കിച്ചന്‍ അടക്കമുള്ള സംവിധാനങ്ങളും ഇവിടെ ഫലം ചെയ്തില്ല. തൊഴിലുടമകള്‍ തൊഴിലാളുകളുടെ എണ്ണമോ കണക്കോ ഒന്നും കൈമാറാന്‍ തയ്യാറാകാത്തതും പ്രശ്‌നം വഷളാക്കി.
അതിഥി തൊഴിലാളികളെ കൂട്ടത്തോടെ താമസിപ്പിച്ച തൊഴിലുടമകളുടെ യോഗം വിളിച്ച പഞ്ചായത്ത് ആഹാരം അടക്കം അടിസ്ഥാന സൗകര്യങ്ങള്‍ ഒരുക്കാന്‍ നടപടി വേണമെന്ന് നിര്‍ദ്ദേശിച്ചിരുന്നു. എന്നിലിത് പാലിക്കാന്‍ തൊഴിലുടമകള്‍ തയ്യാറായില്ലെന്നും ആക്ഷേപം ഉണ്ട്. പ്രതിഷേധക്കാര്‍ കൂട്ടത്തോടെ ദേശീയ പാതയിലേക്ക് എത്തുന്ന അവസ്ഥായാണ് ഇപ്പോഴുള്ളത്. നിയന്ത്രിക്കാന്‍ കഴിയാത്ത വിധത്തിലേക്ക് കാര്യങ്ങള്‍ പോകുന്നുമുണ്ട്. തിരുവല്ലയില്‍ നിന്ന് അടക്കം കൂടുതല്‍ പൊലീസ് സേന പായിപ്പാടേക്ക് എത്തുന്നുണ്ട്.

റിപ്പോര്‍ട്ട് കാണാം:

കളക്‌റും ജനപ്രതിനിധികളും അടക്കമുള്ള അധികൃതര്‍ സ്ഥലത്തേക്ക് എത്തി അനുനയ ചര്‍ച്ചകള്‍ നടത്തുന്നുണ്ട്

വിശദീകരണവുമായി ജില്ലാ കളക്ടര്‍

പായിപ്പാടിയിലെ അതിഥി തൊഴിലാളികള്‍ക്ക് ഭക്ഷണം കിട്ടുന്നില്ലെന്ന പരാതി തെറ്റെന്ന് ജില്ലാ കളക്ടര്‍. ഭക്ഷണം കിട്ടിയില്ലെന്ന ആക്ഷേപം ആരും പറഞ്ഞിട്ടില്ലെന്ന് കളക്ടര്‍ ഏഷ്യാനെറ്റ് ന്യൂസിനോട് പറഞ്ഞു. അവര്‍ക്ക് പാകം ചെയ്ത ഭക്ഷണം വേണ്ടെന്ന് പറഞ്ഞ അടിസ്ഥാനത്തില്‍ ആവശ്യമായ സാധനങ്ങള്‍ എത്തിച്ച് നല്‍കിയിരുന്നു. നേരിട്ട് ക്യാമ്പുകള്‍ സന്ദര്‍ശിച്ചിരുന്നുവെന്നും അവരുടെ കയ്യില്‍ സാധനങ്ങളുണ്ടെന്നും കളക്ടര്‍ വിശദീകരിച്ചു. നാട്ടിലേക്ക് പോകണമെന്നാവശ്യപ്പെട്ടാണ് പ്രതിഷേധമെന്നും കളക്ടര്‍ വിശദീകരിച്ചു.

Related posts