ഇന്ത്യക്ക് മെയ്ഡ് ഇന്‍ ചൈന കാറുകള്‍

ഇലക്ട്രിക് വാഹനങ്ങളിലെ ഭീമന്മാരായ ടെസ്ലയുടെ വാഹനങ്ങള്‍ ഇന്ത്യയിലെത്തുന്നത് ചൈനയില്‍ നിന്നെന്ന് സൂചന. ടെസ്ലയുടെ അടിസ്ഥാന വാഹനമായ മോഡല്‍-3 ഇന്ത്യയിലെത്തിക്കുമെന്ന് അറിയിച്ചിരുന്നു. ഇത് ചൈനയില്‍ നിര്‍മിക്കുന്നവയായിരിക്കുമെന്നാണ് റിപ്പോര്‍ട്ട്. ആദ്യ ഘട്ടത്തില്‍ ടെസ്ലയുടെ മോഡല്‍-3, മോഡല്‍-വൈ എന്നീ വാഹനങ്ങളായിരിക്കും ചൈനയില്‍ നിര്‍മിക്കുക. ഇതില്‍ മോഡല്‍-3 ആണ് ഇന്ത്യക്കായി പരിഗണിക്കുന്നത്. ഇലക്ട്രിക് വാഹനങ്ങള്‍ക്കുള്ള സംവിധാനങ്ങള്‍ സജീവമാകുന്നതോടെ കുടുതല്‍ മോഡലുകള്‍ എത്തും. കഴിഞ്ഞ ദിവസം ചൈനയിലെ ഷാങ്ഹായില്‍ ടെസ്?ലയുടെ നിര്‍മാണ ഫാക്ടറി സ്ഥാപിച്ചിരുന്നു. വാഹന നിര്‍മാണ ഫാക്ടറിക്കും അനുബന്ധ സൗകര്യങ്ങള്‍ക്കുമായി 200 കോടി ഡോളറാണ് ടെസ്ല ചൈനയില്‍ നിക്ഷേപിച്ചിരിക്കുന്നതെന്നാണ് കമ്പനി അറിയിച്ചത്.

ടെസ്?ല ജിഗാഫാക്ടറി എന്ന് പേരിട്ടിരിക്കുന്ന ഈ നിര്‍മാണ പ്ലാന്റിന് 121 ഫുട്‌ബോള്‍ സ്റ്റേഡിയത്തിന്റെ വലിപ്പമാണുള്ളത്. ഏകദേശം 214 ഏക്കര്‍ സ്ഥലത്തായാണ് സ്ഥിതി ചെയ്യുന്നത്. പ്ലാന്റിന്റെ രണ്ടാംഘട്ട നിര്‍മാണ പ്രവര്‍ത്തനങ്ങള്‍ പുരോഗമിക്കുന്നതായാണ് റിപ്പോര്‍ട്ട്. ഈ വര്‍ഷം അവസാനത്തോടെ ഷാങ്ഹായ് ഫാക്ടറിയില്‍ നിന്നും ഓരോ ആഴ്ചയിലും കുറഞ്ഞത് 3,000 ‘മോഡല്‍ 3’ കാറുകള്‍ നിര്‍മിക്കാനാണ് ടെസ്?ല ഉദ്ദേശിക്കുന്നത്. 2020 ജൂണ്‍ 30-നുള്ളില്‍ ആഗോളതലത്തില്‍ അഞ്ച് ലക്ഷം വാഹനങ്ങള്‍ ഉത്പാദിപ്പിക്കാനാണ് കമ്പനി ലക്ഷ്യമിടുന്നത്. ചൈനയിലെ ഉത്പാദനം കാര്യക്ഷമമാകുന്നതോടെ കുറഞ്ഞ വിലയുള്ള കാറുകളും നിര്‍മിച്ചേക്കുമെന്നാണ് സൂചന. നിലവില്‍ അതീവ സുരക്ഷാ സംവിധാനങ്ങളോടെ എത്തുന്ന ഈ ഇലക്ട്രിക് കാറുകള്‍ക്ക് കോടികളാണ് വില.

share this post on...

Related posts