ഹിമാലയ യാത്ര സ്വപ്‌നമായ് കൊണ്ടുനടക്കുന്നവര്‍ക്ക്; ആറ് ദിവസം കൊണ്ട് കണ്ടുമടങ്ങാം ട്രക്കിങ്ങിലൂടെ

ഹിമാലയക്കാഴ്ചകള്‍ ആറു ദിവസം കൊണ്ട് കണ്ട് തീര്‍ത്താല്‍ എങ്ങനെ ുണ്ടാവും. വ്യത്യസ്തമായ ഒരു അനുഭവം ആയിരിക്കുമല്ലെ അത്. മഞ്ഞു പെയ്യുന്ന ഹിമാലയത്തിന്റെ മടക്കുകളിലൂടെ ഇതുവരെ കണ്ടിട്ടില്ലാത്ത കാഴ്ചകള്‍ തേടി ഒരു യാത്ര. ഹിമാലയന്‍ യാത്രകള്‍ ഒരു സ്വപ്നമായി കൊണ്ടുനടക്കുന്നവര്‍ക്ക് എളുപ്പത്തില്‍ വലിയ ചെലവില്ലാതെ പോയിവരുവാന്‍ സാധിക്കുന്ന ഒടുപാട് ട്രക്കിങ്ങുകളുണ്ട്. അതിലൊന്നാണ് കേദാര്‍കാന്ത ട്രക്കിങ്ങ്.

Image result for kedarkantha trek

കേദാര്‍കാന്ത ട്രക്കിങ്ങ്

ഉത്തരാഖണ്ഡിലെ ഉത്തര്‍കാശി ജില്ലയില്‍ ഗോവിന്ദ് വൈല്‍ഡ് ലൈഫ് സാങ്ച്വറിക്കുള്ളിലായി സ്ഥിതി ചെയ്യുന്ന കേദാര്‍കാന്ത ഇവിടുത്തെ പ്രശസ്തമായ കൊടുമുടികളിലൊന്നാണ്. സമുദ്ര നിരപ്പില്‍ നിന്നും 12,500 അടി ഉയരത്തിലാണ് ഇത് സ്ഥിതി ചെയ്യുന്നത്. മഞ്ഞുകാലത്താണ് ഇവിടെ അധികവും സഞ്ചാരികള്‍ എത്തുന്നത്.

 

Image result for kedarkantha trek
ആറു ദിവസം….20 കിലോമീറ്റര്‍

മോഡറേറ്റ് ട്രക്കിങ്ങുകളുടെ കൂട്ടത്തില്‍ പെടുത്തിയിരിക്കുന്ന കേദാര്‍കാന്ത ട്രക്കിങ്ങ് തുടക്കക്കാര്‍ക്കു പോലും എളുപ്പത്തില്‍ പോയിവരാന്‍ കഴിയുന്ന ഒന്നായാണ് അനുഭവസ്ഥര്‍ പറയുന്നത്. ഡെറാഡൂണില്‍ നിന്നും തുടങ്ങി തിരികെ ഡെറാഡൂണില്‍ വിടുന്ന രീതിയിലാണ് മിക്ക ടൂര്‍ ഓപ്പറേറ്റര്‍മാരും ഈ ട്രക്ക് പ്ലാന്‍ ചെയ്തിരിക്കുന്നത്. ആറു ദിവസമാണ് ഡെറാഡൂണില്‍ നിന്നും തുടങ്ങുന്ന കേദാര്‍കാന്ത ട്രക്കിങ്ങിനായി വേണ്ടത്. ഈ ദിവസങ്ങളിലായി 20 കിലോമീറ്റര്‍ ദൂരമാണ് സഞ്ചരിക്കേണ്ടത്. ഡെറാഡൂണില്‍ എത്തുന്നതോടെ നമ്മുടെ യാത്രയ്ക്ക് തുടക്കമാകും. ഇവിടെ നിന്നും ആദ്യം പോകേണ്ടത് സാന്‍ക്രി എന്ന ഗ്രാമത്തിലേക്കാണ്.

Related posts