ജാസി ഗിഫ്റ്റിന്റെ നാട്ടു വെള്ളരിക്ക വൈറലാകുന്നു

ക്രിസ്റ്റീന എന്ന ചിത്രത്തിന് വേണ്ടി ജാസി ഗിഫ്റ്റ് ആലപിച്ച “നാട്ടുവെള്ളരിക്ക ….” എന്നു തുടങ്ങുന്ന ലിറിക്കൽ വീഡിയോ ആണ് ഇപ്പോൾ ജാസി ഗിഫ്റ്റിന്റേതായി വൈറലാകുന്നത്. പ്രശസ്ത ചലച്ചിത്രതാരം വിഷ്ണു ഉണ്ണികൃഷ്ണന്റെ ഒഫീഷ്യൽ എഫ് ബി പേജിലൂടെയാണ് ഈ ഗാനത്തിൻ്റെ വീഡിയോ പുറത്ത് വിട്ടത്. മലയാളികൾക്ക് വേറിട്ട ആസ്വാദന ശൈലി പരിചയപ്പെടുത്തിയ ഗായകനാണ് ജാസി ഗിഫ്റ്റ്. ശരൺ ഇന്റോ കേരയുടെ വരികൾക്ക് ശ്രീനാഥ് എസ് വിജയ് ആണ് സംഗീതം പകർന്നിരിക്കുന്നത്.നാഗമഠo ഫിലിംസിന്റെ ബാനറിൽ അനിൽ നാഗമഠo, ചുനക്കര ശിവൻകുട്ടി എന്നിവർ ചേർന്ന് നിർമ്മിക്കുന്ന ചിത്രത്തിന്റെ രചനയും സംവിധാനവും നിർവ്വഹിച്ചിരിക്കുന്നത് സുദർശനൻ റസ്സൽപുരമാണ്.

ത്രില്ലർ മൂഡിലുള്ള ചിത്രത്തിൽ, രണ്ടാമത്തെ ഗാനം ആലപിച്ചിരിക്കുന്നത് നജിം അർഷാദാണ്. ചിത്രത്തിന്റെ ചിത്രീകരണം കൊവിഡ് മാനദ്ദണ്ഡങ്ങൾ പാലിച്ച് ഉടൻ ആരംഭിക്കും.സംഗീതവും പശ്ചാത്തല സംഗീതവും നിർവ്വഹിച്ചിരിക്കുന്നത് ശ്രീനാഥ് എസ് വിജയ് ആണ്.സജിത് വിസ്താ ആണ് ചിത്രത്തിന് ഛായാഗ്രഹണം നിർവ്വഹിച്ചിരിക്കുന്നത്. ഡയറക്ടർ, ഗാനരചന , ഗ്രാഫിക് ഡിസൈൻ എന്നിവ നിർവ്വഹിച്ചിരിക്കുന്നത് ശരൺ ഇന്റോ കേരയും അസ്സോ: ഡയറക്ടറായി പ്രവർത്തിച്ചിരിക്കുന്നത് ആന്റോ റക്സും നന്ദുമോഹനുമാണ്. ഉണ്ണി റസ്സൽപുരമാണ് കലാസംവിധാനം ഒരുക്കിയിരിക്കുന്നത്. അനീഷ് എസ് കുമാറാണ് അസി: ഡയറക്ടർ, നന്ദു എസ് ആണ് സ്റ്റിൽസ്, ചിത്രാഞ്ജലിയാണ് സ്‌റ്റുഡിയോ, പി ആർ ഓ അജയ് തുണ്ടത്തിലാണ്.ജാസി ഗിഫ്റ്റ്, നജിം അർഷാദ്, ഡോ. രശ്മി മധു , ലക്ഷ്മി രാജേഷ് എന്നിവരാണ് ചിത്രത്തിലെ ഗാനങ്ങൾ ആലപിച്ചിരിക്കുന്നത്.

Related posts