ഇന്ത്യന്‍ സ്പിന്നര്‍മാരുടെ മുന്നില്‍ മുട്ടുമടക്കി ദക്ഷിണാഫ്രിക്ക

kuldeep-yadav-and-yuzvendra-chahal-of-india-643576

സെഞ്ചൂറിയന്‍: കുല്‍ദീപ് യാദവിന്റെ സ്പിന്‍ ആക്രമണത്തില്‍ തകര്‍ന്ന് ദക്ഷിണാഫ്രിക്കന്‍ ബാറ്റിങ് നിര. രണ്ട് ഓവറില്‍ ഏഴ് റണ്‍സ് വഴങ്ങി രണ്ട് വിക്കറ്റ് വീഴ്ത്തിയ യാദവും യുസ്‌വേന്ദ്ര ചാഹലുമാണ് ആതിഥേയരുടെ മുന്‍ നിര ബാറ്റ്‌സ്മാന്‍മാരെ തിരിച്ചയച്ചത്. നിലവില്‍ 63 ന് നാല് എന്ന പരിതാപകരമായ നിലയിലാണ് ദക്ഷിണാഫ്രിക്ക. ഹാഷിം അംലയെ പുറത്താക്കി ബുവനേഷ്വര്‍ കുമാറാണ് ദക്ഷിണാഫ്രിക്കയെ ആദ്യം ഞെട്ടിച്ചത്.നായകന്‍ കളം നിറഞ്ഞ ആദ്യ ഏകദിനത്തിലെ ജയത്തിന് ശേഷം ഇന്ത്യ രണ്ടാം ഏകദിന പോരാട്ടത്തിനിറങ്ങിയ സന്ദര്‍ശകര്‍ ടോസ് നേടി ബൗളിങ് തിരഞ്ഞെടുക്കുകയായിരുന്നു.സ്പിന്‍ ആക്രമണവും കോഹ്‌ലി രഹാനെ കൂട്ട് കെട്ടും വിജയം നല്‍കിയ ആദ്യ ഏകദിനം പോലെ കുറഞ്ഞ സ്‌കോറിന് ആതിഥേയരെ ഒതുക്കി പിന്തുടര്‍ന്ന് ജയിക്കാനായിരിക്കും ഇന്ന് ഇന്ത്യയുടെ ലക്ഷ്യം. ആദ്യ ഏകദിനത്തിലെ അതേ ടീമിനെയാണ് രണ്ടാം ഏകദിനത്തിലും ഉള്‍പെടുത്തിയത്.22 കാരനായ ഐഡന്‍ മാര്‍ക്രമിന്റെ നായകത്വത്തിലിറങ്ങുന്ന ദക്ഷിണാഫ്രിക്ക ഡു പ്ലെസിസിന്റെ അഭാവത്തില്‍ പരമ്പരയിലെ ആദ്യ വിജയം സ്വന്തമാക്കാനുള്ള ശ്രമത്തിലാണ്.

share this post on...

Related posts