ധോണിയുമായി ഒരു പ്രശ്‌നവുമില്ല – ഗംഭീര്‍

മുന്‍ ഇന്ത്യന്‍ നായകന്‍ മഹേന്ദ്ര സിംഗ് ധോണിയുമായി തനിക്ക് യാതൊരു വിധ പ്രശ്‌നങ്ങളുമില്ലെന്ന് വ്യക്തമാക്കി കഴിഞ്ഞ ദിവസം ക്രിക്കറ്റില്‍ വിരമിച്ച ഇന്ത്യന്‍ സൂപ്പര്‍ താരം ഗൗതം ഗംഭീര്‍. ഒരു വിടവാങ്ങല്‍ മത്സരത്തിനുള്ള സാധ്യതകളുണ്ടോയെന്ന ചോദ്യത്തിന് ഒരു ക്രിക്കറ്റര്‍ക്കും വേണ്ടി ഫെയര്‍വെല്‍ മത്സരങ്ങള്‍ സംഘടിപ്പിക്കുന്നതിനോട് തനിക്ക് യോജിപ്പില്ലെന്നായിരുന്നു ഗംഭീറിന്റെ മറുപടി. എന്‍ ബി ടി ക്ക് നല്‍കിയ പ്രത്യേക അഭിമുഖത്തിലായിരുന്നു ഗംഭീര്‍ ഇക്കാര്യങ്ങള്‍ വ്യക്തമാക്കിയത്.

READ MORE:  ” അവസാനം ഇതിഹാസതാരം പെലെയും പറഞ്ഞു… നെയ്മറേ.. ഈ അഭിനയം നിര്‍ത്തിക്കൂടെ… !! “

ധോണിയുമായുള്ള ബന്ധം എങ്ങനെയാണെന്ന ചോദ്യത്തിന്, താനും ധോണിയുമായി യാതൊരു വിധ അകല്‍ച്ചകളുമില്ലെന്ന് വ്യക്തമാക്കിയ ഗംഭീര്‍ 2015 ലെ ഏകദിനലോകകപ്പിനുള്ള ടീമില്‍ അവസരം ലഭിക്കാത്തതില്‍ തനിക്ക് വിഷമുണ്ടെന്നും വ്യക്തമാക്കി. 2015 ലെ ഏകദിന ലോകകപ്പിനുള്ള ടീമില്‍ നിന്ന് ഒഴിവാക്കപ്പെട്ടതില്‍ ഗംഭീറിന് പറയാനുണ്ടായിരുന്ന ഇപ്രകാരം, എന്റെ കൂടെ കളിച്ചിരുന്ന ചില താരങ്ങള്‍ക്ക് 2,3 ലോകകപ്പുകളില്‍ കളിക്കാനുള്ള അവസരം ലഭിച്ചു. എന്നാല്‍ ആ അവസരം ഒരിക്കല്‍ മാത്രമേ എന്നെത്തേടി വന്നുള്ളൂ. ആ ഒരൊറ്റ അവസരം കിരീട നേട്ടത്തിലെത്തിയതില്‍ തനിക്ക് വളരെയധികംസന്തോഷമുണ്ട്. ലോകകപ്പ് നേടുന്നതില്‍ നിര്‍ണായക പങ്ക് വഹിച്ച ഒരു താരത്തിന് അത് നിലനിര്‍ത്താനുള്ള അവസരവും നല്‍കണം. 2015 ലോകകപ്പ് ടീമിന്റെ ഭാഗമാകാന്‍ കഴിയാത്തതില്‍ എനിക്ക് വളരെയധികം നിരാശയുണ്ട്. ഗംഭീര്‍ പറഞ്ഞുനിര്‍ത്തി.


കൂടുതല്‍ വാര്‍ത്തകള്‍ വാട്‌സ്ആപ്പില്‍ ലഭിക്കാന്‍ 8921009305 എന്ന നമ്പറിലേക്ക് ‘add’ എന്ന് സന്ദേശം അയക്കു…

share this post on...

Related posts