ടോയിലറ്റില്‍ ടൂത്ത് ബ്രഷ് സൂക്ഷിക്കുന്നവരറിയാന്‍!

ടൂത്ത് ബ്രഷുകളെക്കുറിച്ച് ചില കാര്യങ്ങള്‍ നമ്മള്‍ നിര്‍ബന്ധമായും അറിഞ്ഞിരിക്കേണ്ടതുണ്ട്. നമ്മള്‍ നിത്യവും ഉപയോഗിക്കുന്ന ടൂത്ത് ബ്രഷില്‍ ഏകദേശം പത്ത് കോടിയില്‍ അധികം ബാക്ടീരിയകള്‍ അടങ്ങിയിട്ടുണ്ടെന്നാണ് പഠനങ്ങള്‍ വ്യക്തമാക്കുന്നത്. മാഞ്ചസ്റ്റര്‍ യൂണിവേഴ്സിറ്റിയിലെ ഗവേഷകരാണ് ഇത് കണ്ടെത്തിയിരിക്കുന്നത്.

ടൂത്ത് ബ്രഷില്‍ അടങ്ങിയിരിക്കുന്ന ബാക്ടീരിയകളില്‍ ഇ-കോളി ബാക്ടീരിയ ഉള്‍പ്പെടെ സ്‌കിന്‍ അലര്‍ജ്ജി, ഡയറിയ തുടങ്ങിയ രോഗങ്ങള്‍ ഉണ്ടാക്കുന്ന ബാക്ടീരിയകളും ഉള്‍പ്പെടുമെന്ന് ഗവേഷകര്‍ പറയുന്നു. ഓരോ പ്രാവശ്യവും നാം ബ്രഷ് ചെയ്യുമ്പോള്‍ ഈ ബാക്ടീരിയകള്‍ നമ്മുടെ വായില്‍ പ്രവേശിക്കുന്നുണ്ടെന്നാണ് ആരോഗ്യ വിദഗ്ദരും ഗവേഷകരും വ്യക്തമാക്കുന്നത്. എന്നാല്‍ ഇതത്ര അപകടകാരികളല്ലെന്നാണ് പഠനങ്ങള്‍ വ്യക്തമാക്കുന്നത്. നമ്മുടെ ശരീരത്തിന് ബാക്ടീരിയകളെ പ്രതിരോധിക്കാനുള്ള ശേഷി ഉള്ളതിനാലാണ് ഈ ബാക്ടീരിയകള്‍ നമ്മെ ബാധിക്കാത്തത്. നമ്മുടെ ശരീരത്തില്‍ പ്രതിരോധ ശേഷി കുറയുമ്പോള്‍ ഈ ബാക്ടീരിയകള്‍ നെഗറ്റീവായി പ്രവര്‍ത്തിച്ചു തുടങ്ങും. അത് കൊണ്ട് ടൂത്ത് ബ്രഷ് ഉപയോഗിക്കുമ്പോള്‍ പല കാര്യങ്ങളിലും ശ്രദ്ധ വേണം. അവ ഏതൊക്കെയാണെന്ന് നമുക്ക് നോക്കാം.

ക്ലോസറ്റുള്ള ബാത്ത് റൂമില്‍ ടൂത്ത് ബ്രഷ് സൂക്ഷിക്കരുത്

ടൂത്ത് ബ്രഷ് സൂക്ഷിക്കുമ്പോള്‍ ശ്രദ്ധിക്കേണ്ട കാര്യം എന്താണെന്ന് വെച്ചാല്‍ ഒരിക്കലും ക്ലോസറ്റുള്ള ബാത്ത് റൂമില്‍ ടൂത്ത് ബ്രഷ് സൂക്ഷിക്കരുത്. അത് ബാക്ടീരിയകള്‍ വര്‍ധിക്കാനെ ഉപകരിക്കുകയുള്ളു. ക്ലോസറ്റില്‍ ഓരോ തവണയും ഫ്ലഷ് ചെയ്യുമ്പോള്‍ ബാക്ടീരിയകള്‍ അന്തരീക്ഷത്തിലേക്ക് സ്പ്രേ ചെയ്യപ്പെടുകയാണ്. അതിനാല്‍ തന്നെ ബ്രഷ് ക്ലോസറ്റുള്ള ബാത്ത് റൂമില്‍ സൂക്ഷിക്കുമ്പോള്‍ ബാക്ടീരിയകളില്‍ പലതും ബ്രഷിലേക്ക് എത്താനുള്ള സാധ്യത വളരെ കൂടുകലാണ്. അതു കൊണ്ട് ക്ലോസറ്റുള്ള ബാത്ത് റൂമില്‍ ടൂത്ത് ബ്രഷ് സൂക്ഷിക്കുന്നവര്‍ ശ്രദ്ധിക്കുക. അതത്ര നല്ലതല്ല. ഇനി അഥവാ ഇങ്ങനെ സൂക്ഷിക്കുന്നുണ്ടെങ്കില്‍ ഓരോ പ്രാവശ്യവും പല്ല് തുടക്കാന്‍ ബ്രഷ് എടുക്കുമ്പോള്‍ ടാപ്പില്‍ നിന്ന് വെള്ളമെടുത്ത് നന്നായി ബ്രഷ് കഴുകുക.

രണ്ടു ബ്രഷുകള്‍ ഒന്നിച്ച് സൂക്ഷിക്കരുത്

വായിലുള്ള കോടിക്കണക്കിന് ബാക്ടീരിയള്‍ ടൂത്ത് ബ്രഷുകളില്‍ പറ്റിപ്പിടിച്ചുണ്ടാകും എന്ന് നേരത്തെ പറഞ്ഞുവല്ലോ. ഇത്തരത്തിലുള്ള രണ്ടു ബ്രഷുകള്‍ തമ്മില്‍ അടുത്തടുത്ത് വെച്ചാലുള്ള അവസ്ഥ ഒന്നാലോചിച്ചു നോക്കിയേ. തൊട്ടടുത്തിരിക്കുന്ന രണ്ടു ബ്രഷുകള്‍ തമ്മില്‍ സ്പര്‍ശിക്കുമ്പോള്‍ രോഗാണുക്കള്‍ പടരാനുള്ള സാധ്യത വളരെ കൂടുതലാണ്. അതു കൊണ്ട് അടുത്തടുത്ത് രണ്ട് ബ്രഷുകള്‍ വെക്കാതിരിക്കാന്‍ പരമാവധി ശ്രദ്ധിക്കുക. പല വീടുകളിലും ബ്രഷ് തൂക്കിയിടുന്ന സ്റ്റാന്‍ഡുകളില്‍ ഒരുപാട് ബ്രഷുകള്‍ കാണു. എന്നാല്‍ ഇതത്ര നല്ലതല്ലെന്നാണ് ആരോഗ്യ വിദഗ്ദര്‍ ചൂണ്ടിക്കാണിക്കുന്നത്. ഇത്തരത്തില്‍ തൂക്കിയിടുമ്പോള്‍ ബ്ലഷിന് അടപ്പോ അല്ലെങ്കില്‍ മറ്റെന്തെങ്കിലും ഉപയോഗിച്ച് മൂടി വെക്കാന്‍ ശ്രദ്ധിക്കുക.

പരമാവധി മൂന്ന് മാസം

ടൂത്ത് ബ്രഷ് ഉപയോഗിക്കുമ്പോള്‍ പരമാവധി മൂന്ന് മാസം മാത്രം ഉപയോഗിക്കാന്‍ ശ്രദ്ധിക്കുക. അമേരിക്കന്‍ ഡെന്റല്‍ അസോസിയേഷനാണ് ഇത്തരത്തില്‍ ഒരു മുന്നറിയിപ്പ് പുറപ്പെടുവിച്ചിരിക്കുന്നത്. കാരണം, അണുക്കള്‍ ധാരാളം അടിഞ്ഞു കൂടുന്നത് കൊണ്ട് തന്നെ വളരെ പെട്ടെന്ന് ടൂത്ത് ബ്രഷുകള്‍ കേടായിത്തുടങ്ങും. മാത്രമല്ല, ദിനം തോറും ടൂത്ത് ബ്രഷുകളില്‍ അണുക്കള്‍ പെരുകിക്കൊണ്ടേയിരിക്കും. ഉപയോഗത്തിന് ശേഷം ബ്രഷ് കഴുകി നന്നായി വെള്ളം കുടഞ്ഞ ശേഷം മാത്രം ഹോള്‍ഡറിലോ കപ്പിലോ വെക്കാന്‍ ശ്രമിക്കുക. ഒരിക്കലും പരന്ന പ്രതലത്തില്‍ ബ്രഷ് സൂക്ഷിക്കാതിരിക്കുക. അങ്ങനെ ചെയ്യുമ്പോള്‍ വെള്ളം ഉള്ളില്‍ ഇറങ്ങി ആ ഈര്‍പ്പത്തില്‍ അണുക്കള്‍ വളരാനുള്ള സാധ്യത വര്‍ധിക്കും. ദിനചര്യയുടെ ഭാഗമായ പല്ലു തേക്കല്‍ പലപ്പോഴും നമ്മള്‍ ഒരു ചടങ്ങ് കണക്കെ തീര്‍ക്കാറാണ് പതിവ്. എന്നാല്‍ അതിന്റെ ആരോഗ്യ വശങ്ങളും മറ്റും നമ്മള്‍ മനസ്സിലാക്കുന്നതേയില്ല. പല്ല് തേച്ച് കഴിഞ്ഞ് ബ്രഷ് എവിടെയെങ്കിലും വലിച്ചെറിയുന്നവര്‍ ഇനിയെങ്കിലും ഇത്തരം കാര്യത്തില്‍ ജാഗ്രത പാലിക്കാന്‍ ശ്രദ്ധിക്കുക.

ആരോഗ്യമുള്ള പല്ലും ആരോഗ്യമുള്ള ശരീരവും നമുക്ക് അത്യവശ്യമാണ്. പുഞ്ചിരിക്കുമ്പോള്‍ മോണ കാട്ടി ചിരിക്കാന്‍ ഇട വരാതെ പളുങ്ക് പോലെയുള്ള പല്ലുകള്‍ പുറത്ത് കാട്ടി ചിരിക്കാന്‍ ഇത്തരത്തിലുള്ള ആരോഗ്യ സംരക്ഷണവും നമുക്ക് അത്യാവശ്യമാണ്.

share this post on...

Related posts