ക്രിസ്റ്റിയാനോ റൊണാള്‍ഡോ മാഞ്ചസ്റ്റര്‍ യുണൈറ്റഡിലേക്ക് മടങ്ങാന്‍ ഒരുങ്ങുന്നു…!

ronaldo

ronaldo

 

മാഡ്രിഡ്: ലോകഫുട്ബോളര്‍ ക്രിസ്റ്റിയാനോ റൊണാള്‍ഡോയെ റയല്‍ മഡ്രിഡ് വില്‍ക്കാനൊരുങ്ങുന്നതായി റിപ്പോര്‍ട്ടുകള്‍. ഫുട്ബോള്‍ ഏജന്‍സികളെ ഉദ്ധരിച്ച് പ്രമുഖ സ്പോര്‍ട്സ് മാധ്യമമായ സ്പോര്‍ടസ് കീഡയാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.മുന്‍ ടീമായ മാഞ്ചസ്റ്റര്‍ യുണൈറ്റഡിലേക്ക് മടങ്ങാന്‍ താരം തയ്യാറെടുക്കുന്നതായാണ് റിപ്പോര്‍ട്ട്.

ലോകഫുട്ബോളിലെ സൂപ്പര്‍ താരമായ ക്രിസ്റ്റ്യാനോ നേരത്തെ മാഞ്ചസ്റ്റര്‍ യുണൈറ്റഡ് താരമായിരുന്നു. റൊണാള്‍ഡോയുടെ പിന്മാറ്റത്തോടെ ടീമിന് വന്ന ക്ഷീണംതീര്‍ക്കാന്‍ സൂപ്പര്‍ താരത്തെ ടീം തിരിച്ച് വിളിക്കാനൊരുങ്ങുന്നതായാണ് റിപ്പോര്‍ട്ടുകള്‍.നേരത്തെയും റോണോ ടീം വിടുകയാണെന്ന തരത്തില്‍ റിപ്പോര്‍ട്ടുകളുണ്ടായിരുന്നു. സിനദിന്‍ സിദാനു കീഴില്‍ മിന്നുന്ന പ്രകടനമാണ് റയല്‍ മഡ്രിഡില്‍ റോണോയും സംഘവും പുറത്തെടുക്കുന്നത്.

താരം കൂടുതല്‍ പ്രതിഫലം ആവശ്യപ്പെട്ടെന്നും ഇത് അംഗീകരിക്കാത്തപക്ഷം ടീം വിടുമെന്ന് പറഞ്ഞതായും ഡയലി സ്റ്റാര്‍ വിയ ഡയറിയോ ഗോള്‍ റിപ്പോട്ടു ചെയ്യ്തു. റിപ്പോര്‍ട്ടുകള്‍ പ്രകാരം 32 കാരനായ പോര്‍ച്ചുഗല്‍ നായകനെ മഡ്രിഡ് കൈവിടാനൊരുങ്ങുകയാണ്.

അതേസമയം നികുതി വിഷയത്തില്‍ കേസ് വന്നപ്പോളും റൊണാള്‍ഡോ റയല്‍ വിടുകയാണെന്ന തരത്തില്‍ വാര്‍ത്തകള്‍ പുറത്തു വന്നിരുന്നു. കേസില്‍ ക്ലബില്‍ നിന്ന് വേണ്ടത്ര പിന്തുണ ലഭിക്കുന്നില്ല എന്നതാണ് ഇതിന് കാരണമായി ചൂണ്ടിക്കാട്ടിയിരുന്നത്. 2011-14 കാലയളവില്‍ നാലു കേസുകളിലായി റൊണാള്‍ഡോ 106 കോടി രൂപയോളം തുക വെട്ടിച്ചെന്നായിരുന്നു കേസ്.

Related posts