മുഖ സൗന്ദര്യത്തിന് ഇവ ചേർത്ത് തൈര് ഉപയോഗിക്കാം!

Image result for curd face pack

പ്രകൃതി തന്നെ നൽകിയ ചേരുവയായ തൈര് ഏതൊരു ചർമസ്ഥിതിയിലും ഉപയോഗിക്കാൻ കഴിയുന്ന ഒന്നാണ്.ഇതിലെ ലാക്റ്റിക് ആസിഡ് ഗുണങ്ങൾ ചർമ്മത്തിലെ നിർജ്ജീവ കോശങ്ങളെ എളുപ്പത്തിൽ പുറംതള്ളാൻ സഹായിക്കുന്നു. ഇതിലെ ആവശ്യമായ ഈർപ്പം നൽകിക്കൊണ്ട് ചർമ്മത്തെ പരിപോഷിപ്പിക്കുകയും ചർമ്മസ്ഥിതി കാണാൻ കൂടുതൽ തിളക്കമുള്ളതും ആകർഷകവുമാക്കി മാറ്റുന്നു. അവശ്യ കൊഴുപ്പുകൾ, പ്രോട്ടീൻ, വിറ്റാമിനുകൾ, ധാതുക്കൾ എന്നിവയാൽ നിറഞ്ഞ ഇത് ചർമ്മത്തിന്റെ ഇലാസ്തികതയും നിറവും മെച്ചപ്പെടുത്താനും അത് നഷ്ടപ്പെട്ടു പോകാതെ നിലനിർത്താനും സഹായിക്കും. ഇതുകൂടാതെ നിങ്ങളുടെ ചർമ്മത്തിൽ എന്തെങ്കിലും തരത്തിലുള്ള വീക്കവും മറ്റു പ്രശ്നങ്ങളും ഉണ്ടെങ്കിൽ കൂളിംഗ് ഇഫക്റ്റ് നൽകിക്കൊണ്ട് അത് പരിഹരിക്കാൻ ഏറ്റവും നല്ലതു കൂടിയാണ് ഈ ചേരുവ.

Image result for curd face pack

കാൽ കപ്പ് തൈര് എടുത്ത് ഏറ്റവും മിനുസമാർന്നതു വരെ അടിച്ചെടുക്കുക. പഴുത്ത ഒരു വാഴപ്പഴം ഇതിലേക്ക് ഉടച്ചു ചേർക്കുക. ഒരു ടീസ്പൂൺ തേൻ കൂടി ചേർത്ത് നന്നായി മിക്സ് ചെയ്യുക. ഈ മിശ്രിത്രം മിനുസമാർന്നതായി മാറുന്നത് വരെ ഇളക്കുക. ഇത് മുഖത്തും കഴുത്തിലും പുരട്ടി അരമണിക്കൂറോളം സൂക്ഷിക്കാം. മികച്ച ഫലങ്ങൾക്കായി, ആഴ്ചയിൽ രണ്ടുതവണ വീതം ഈ ഫെയ്സ് മാസ്ക് പരീക്ഷിക്കാം.മുഖക്കുരുവിനെ ചെറുക്കാൻ സഹായിക്കുന്ന സവിശേഷഗുണങ്ങൾ തൈര് ചേർത്ത ഫെയ്‌സ് പായ്ക്കിലുണ്ട്. തൈരിലെ ആന്റി ബാക്ടീരിയൽ, ഫംഗസ് വിരുദ്ധ ഗുണങ്ങൾ മുഖക്കുരു ഉണ്ടാക്കുന്ന ബാക്ടീരിയകളെ നിർവീര്യമാക്കുന്നു. തൈരിൽ സിങ്ക് പോഷകങ്ങൾ ധാരാളമടങ്ങിയിട്ടുണ്ട്.

Image result for curd face pack

ഒരു ടേബിൾ സ്പൂൺ തൈര് എടുത്ത് 1 ടീസ്പൂൺ മഞ്ഞൾപ്പൊടിയോടൊപ്പം ചേർത്ത് കലർത്തുക. മിനുസമാർന്ന ഈ പേസ്റ്റ് ഉണ്ടാക്കി മുഖക്കുരു ബാധിത പ്രദേശത്ത് മുഴുവൻ പുരട്ടുക. അരമണിക്കൂറോളം ഇത് മുഖത്ത് സൂക്ഷിച്ച ശേഷം തണുത്ത വെള്ളത്തിൽ കഴുകുക. മികച്ച ഫലങ്ങൾക്കായി എല്ലാ ദിവസവും ഈ ഫേസ് പായ്ക്ക് പരീക്ഷിക്കാം. ചർമ്മത്തെ എക്സ്ഫോളിയേറ്റ് ചെയ്യാൻ തൈരിന് പ്രത്യേക കഴിവുണ്ട്. ഓട്സിനോടൊപ്പം ചേർത്ത് ഉപയോഗിച്ചാൽ ഇത് നിങ്ങളുടെ മുഖചർമ്മത്തിന് മികച്ച എക്സ്ഫോളിയേറ്റിങ്ങ് ഗുണങ്ങളെ നൽകും.

Image result for curd face pack

നിർജ്ജീവ കോശങ്ങളെ പുറംതള്ളാൻ സഹായിക്കുന്നതിനോടൊപ്പം ചർമ്മത്തിലെ ബ്ലാക്ക്‌ഹെഡ്‌ഡുകൾ ഒഴിവാക്കാനും ഇത് സഹായകമാണ്. സെൻസിറ്റീവ് ചർമ്മമുള്ള ആളുകൾക്ക് ഇത് അനുയോജ്യമായ ഒരു ഫേസ്പാക്ക് ആണിത്.അര കപ്പ് തൈര് എടുക്കുക. ഇതിലേക്ക് രണ്ട് ടേബിൾ സ്പൂൺ ഓട്സ് ചേർത്ത് ബ്ലെൻഡറിലിട്ട് നന്നായി അടിച്ചെടുത്ത് മിശ്രിതമാക്കുക. സ്ഥിരത വളരെ നേർത്തതാണെങ്കിൽ, മിശ്രിതത്തിലേക്ക് കുറച്ച് ഓട്‌സ് കൂടി ചേർത്ത് മിനുസമാർന്നതാക്കി മാറ്റാം. ഈ മിശ്രിതം നിങ്ങളുടെ മുഖത്ത് പുരട്ടി 30 മിനിറ്റ് അല്ലെങ്കിൽ പൂർണ്ണമായും ഉണങ്ങുന്നത് വരെ സൂക്ഷിക്കണം. തണുത്ത വെള്ളത്തിൽ കഴുകുക. മികച്ച ഫലങ്ങൾക്കായി ആഴ്ചയിൽ രണ്ടു തവണയെങ്കിലും ഈ ഫെയ്സ് മാസ്ക് പ്രയോഗിക്കുക.

Related posts