പോയി ചെെനയെ നേരിടൂ സിംഹപ്പെണ്ണേ എന്ന് അനുരാഗ്

ട്വിറ്ററില്‍ കൊമ്പു കോര്‍ത്ത് അനുരാഗ് കശ്യപും കങ്കണ രണാവതും. അതായത് സോഷ്യൽ മീഡിയയിൽ കങ്കണയും അനുരാഗും തമ്മിലുള്ള പോര് ശക്തമായിരിക്കുകയാണ്. നേരത്തെ അടുത്ത സുഹൃത്തുക്കളായിരുന്നു താനും കങ്കണയുമെന്നും എന്നാല്‍ ഈ പുതിയ കങ്കണയെ തനിക്ക് അറിയില്ലെന്നും നേരത്തെ അനുരാഗ് പറഞ്ഞിരുന്നു.തന്നോട് അതിര്‍ത്തിയിലേക്ക് പോയി ചെെനയെ നേരിടാന്‍ പറഞ്ഞ അനുരാഗിന് മറുപടിയുമായി എത്തിയിരിക്കുകയാണ് കങ്കണ. ”ശരി. ഞാന്‍ അതിര്‍ത്തിയിലേക്ക് പോകാം. നിങ്ങള്‍ അടുത്ത ഒളിമ്പിക്സില്‍ പങ്കെടുക്കണം. രാജ്യത്തിന് സ്വര്‍ണ മെഡലുകള്‍ വേണം. ഹഹഹ, ആര്‍ട്ടിസ്റ്റിന് എന്തും ചെയ്യാന്‍ പറ്റുന്ന ബി ഗ്രേഡ് സിനിമയല്ല ഇത്. നിങ്ങള്‍ രൂപകങ്ങളെ അക്ഷരാര്‍ത്ഥത്തില്‍ എടുത്തിരിക്കുകയാണല്ലോ. നിങ്ങളെപ്പോഴാണ് ഇത്ര മണ്ടനായത്.

നമ്മള്‍ സുഹൃത്തുക്കളായിരുന്നപ്പോള്‍ നിങ്ങള്‍ ബുദ്ധിമാനായിരുന്നല്ലോ” എന്നാണ് കങ്കണയുടെ മറുപടി. അതിനുശേഷം പിന്നാലെ മറുപടിയുമായി അനുരാഗുമെത്തി. ”നിങ്ങളുടെ ജീവിതം തന്നെ ഇപ്പോള്‍ ഒരു രൂപകമാണ്. നിങ്ങളുടോ ഓരോ വാക്കും ഓരോ ആരോപണവും രൂപകമാണ്. ട്വിറ്ററിന് നിങ്ങള്‍ ധാരാളം രൂപകങ്ങള്‍ നല്‍കിയിട്ടുണ്ട്. ഇപ്പോള്‍ ജോലിയില്ലാത്തയാളെ നിങ്ങളുടെ ഡയലോഗ് റെെറ്റര്‍ എന്നാണ് ആളുകള്‍ വിളിക്കുന്നത്. നിങ്ങള്‍ക്ക് ഇംപ്രവെെസ് ചെയ്യാന്‍ കഴിയുമെന്ന് എന്നേക്കാള്‍ നന്നായി ആര്‍ക്കാണ് അറിയുന്നത്” എന്നായിരുന്നു അനുരാഗിന്റെ മറുപടി. നേരത്തെ കങ്കണയുടെ ക്ഷത്രിയ പരാമര്‍ശനത്തിനെതിരെ അനുരാഗ് രംഗത്ത് എത്തുകയായിരുന്നു. ”നിങ്ങളാണ് ഒരേയൊരു മണികര്‍ണിക. നാലോ അഞ്ചോ പേരേയും കൊണ്ട് ചെെനയെ നേരിടാന്‍ പോകണം. അവര്‍ നമ്മുടെ രാജ്യത്തിലേക്ക് നുഴഞ്ഞു കയറുന്നത് നോക്കൂ. നിങ്ങള്‍ ഇവിടെയുള്ളിടത്തോളം കാലം ആര്‍ക്കും ഈ രാജ്യത്തെ തൊടാന്‍ പോലുമാകില്ലെന്ന് കാണിച്ചു കൊടുക്കൂ. നിങ്ങളുടെ വീട്ടില്‍ നിന്നും ലെെന്‍ ഓഫ് ആക്ച്വല്‍ കണ്ട്രോളിലേക്ക് ഒരു ദിവസത്തെ യാത്രയേയുള്ളൂ. ചെല്ലു പെണ്‍സിംഹമേ” എന്നായിരുന്നു അനുരാഗിന്റെ ട്വീറ്റ്.

Related posts