‘ബ്യൂട്ടിഫുള്‍ പ്രേത’മായി അനാര്‍ക്കലി..ആകാശഗംഗ 3.0

‘ആകാശഗംഗ’യുടെ രണ്ടാം ഭാഗമായിറങ്ങിയ ‘ആകാശഗംഗ 2’ തീയേറ്ററുകളില്‍ സമ്മിശ്ര പ്രതികരണം നേടി മുന്നേറുകയാണ്. ആദ്യ ഭാഗത്തിന്റെയത്രയും ഉയര്‍ന്നില്ലെങ്കിലും മടുപ്പില്ലാതെ കണ്ടിരിക്കാമെന്നാണ് കണ്ടിറങ്ങിയ പലരുടേയും അഭിപ്രായം. ‘ആകാശഗംഗ’യിലെ യക്ഷി വീണ്ടും തരംഗമായിരിക്കുന്ന ഈ സമയത്ത് വെള്ള സാരിയുടുത്ത് വേറിട്ട ലുക്കിലെത്തി ഇന്‍സ്റ്റയില്‍ വൈറലായിരിക്കുകയാണ് നടി അനാര്‍ക്കലി മരയ്ക്കാര്‍. ‘ആകാശഗംഗ 3.0’ എന്നെഴുതിക്കൊണ്ടാണ് അനാര്‍ക്കലി വെള്ളസാരിയുടുത്തുള്ള ചിത്രങ്ങള്‍ പങ്കുവെച്ചിരിക്കുന്നത്. നിരവധിപേരാണ് ചിത്രത്തിന് താഴെ കമന്റുമായി എത്തിയിരിക്കുന്നത്. ബ്യൂട്ടിഫുള്‍ പ്രേതം എന്നാണ് ഒരാള്‍ താരത്തെ വിശേഷിപ്പിച്ചിരിക്കുന്നത്. ആകാശഗംഗയല്ല, യക്ഷിയും ഞാനും രണ്ടാം ഭാഗത്തിന് ചേരുമെന്നാണ് മറ്റൊരാളുടെ കമന്റ്. വേറെ ചിലര്‍ അനാര്‍ക്കലിയുടെ കണ്ണുകളെയാണ് വിശേഷിപ്പിച്ചിരിക്കുന്നത്. ഏറെ തീക്ഷമായ നോട്ടമെന്നാണ് കമന്റ്. സോഷ്യല്‍മീഡിയയില്‍ ഏറെ സജീവമായ താരം പലപ്പോഴും മോഡേണ്‍ ലുക്കിലുള്ള ചിത്രങ്ങള്‍ ഇന്‍സ്റ്റയില്‍ പങ്കുവയ്ക്കാറുണ്ട്. 2016-ല്‍ ‘ആനന്ദം’ എന്ന ചിത്രത്തിലൂടെയാണ് താരം സിനിമയിലേക്കെത്തിയത്. ശേഷം ‘വിമാനം’, ‘മന്ദാരം’, ‘മാര്‍ക്കോണി മത്തായി’, ‘ഉയരെ’ തുടങ്ങിയ ചിത്രങ്ങളിലും താരം അഭിനയിക്കുകയുണ്ടായി. ‘ഉയരെ’യിലെ സരിയ ഡികോസ്റ്റ എന്ന അനാര്‍ക്കലിയുടെ കഥാപാത്രം ഏറെ ശ്രദ്ധിക്കപ്പെട്ടിരുന്നു. ‘ഒരു രാത്രി ഒരു പകല്‍’, ‘അമല’ തുടങ്ങിയ ചിത്രങ്ങളിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്.

share this post on...

Related posts