അര്‍ജന്റീന ജഴ്സിയില്‍ തിയറ്ററിലെത്തി ഐശ്വര്യ ലക്ഷ്മി


നടി ഐശ്വര്യ ലക്ഷ്മിയുടേതായി ഇന്ന് തിയറ്ററുകളിലെത്തിയ ചിത്രമാണ് അര്‍ജന്റീന ഫാന്‍സ് കാട്ടൂര്‍ക്കടവ് ഫുട്ബോള്‍ ആവേശം തലക്കുപിടിച്ച മെസ്സിയുടെയും റൊണാള്‍ഡോയുടെയും നെയ്മറുടെയും കടുത്ത ആരാധകരായ ഒരു കൂട്ടം ചെറുപ്പക്കാര്‍ മലയാളക്കരയുടെ ഓരോ മുക്കിലും മൂലയിലുമുണ്ടാകും അവരുടെ കഥയാണ് ചിത്രം.
ചിത്രം കാണാനായി ഐശ്വര്യ തിയറ്ററിലെത്തിയതും അര്‍ജന്റീന ജഴ്സിയിട്ടായിരുന്നു.സുഹൃത്തായ സ്റ്റെഫിക്കൊപ്പം ഐശ്വര്യ എന്ന പേരെഴുതിയ പത്താം നമ്പര്‍ ജഴ്സിയണിഞ്ഞാണ് താരം തിയറ്ററുകളിലെത്തിയത്.


ഞണ്ടുകളുടെ നാട്ടില്‍ ഒരിടവേളയില്‍ നടിയായി തുടങ്ങിയ ഐശ്വര്യയുടെ തുടര്‍ച്ചയായി വന്ന മായാനദി, വരത്തന്‍, വിജയ് സൂപ്പറും പൗര്‍ണ്ണമിയും എന്നീ ചിത്രങ്ങളും ബോക്സോഫീസ് വിജയമായിരുന്നു. തുടര്‍ച്ചയായ അഞ്ചാം ഹിറ്റാണ് അര്‍ജന്റീന ഫാന്‍സിലൂടെ ഐശ്വര്യ ലക്ഷ്യമിടുന്നത്.
കാളിദാസ് ജയറാമാണ് ചിത്രത്തില്‍ നായകന്‍. ചിത്രത്തിന്റേതായിറങ്ങിയ പോസ്റ്ററുകളും ടീസറും ട്രെയിലറും പാട്ടുകളും ഏറെ വൈറലായിരുന്നു. നിരവധി ചിത്രങ്ങളാണ് ഐശ്വര്യയുടേതായി അണിയറയില്‍ ഒരുങ്ങുന്നത്. ബ്രദേഴ്സ് ഡേ എന്ന കലാഭവന്‍ ഷാജോണ്‍ സംവിധാനം ചെയ്യുന്ന ചിത്രത്തിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്.


കൂടുതല്‍ വാര്‍ത്തകള്‍ വാട്‌സ്ആപ്പില്‍ ലഭിക്കാന്‍ 9048859575 എന്ന നമ്പറിലേക്ക് ‘add’ എന്ന് സന്ദേശം അയക്കു…

share this post on...

Related posts