ഒരു ദിവസത്തെ വിശപ്പ് മാറ്റാന്‍ രണ്ട് മസാലദോശ മതി!

ഒരു ദിവസത്തെ വിശപ്പ് മാറ്റാന്‍ രണ്ട് മസാലദോശ മതി!

ആരോഗ്യമുള്ള മനുഷ്യന് ഒരുദിവസത്തെ വിശപ്പ് മാറ്റാന്‍ രണ്ട് മസാല ദോശ കഴിച്ചാല്‍ മതിയെന്ന് പഠന റിപ്പോര്‍ട്ട്. മസാലദോശയില്‍ 1023 കലോറി ഊര്‍ജ്ജമാണ് അടങ്ങിയിട്ടുള്ളത്. ആരോഗ്യത്തോടെയിരിക്കാന്‍ ഒരാള്‍ക്ക് ഒരു ദിവസം 2,200 കലോറി ഊര്‍ജ്ജമേ  ആവശ്യമുള്ളൂ. ഇത് രണ്ട് മസാല ദോശയില്‍ നിന്ന് ലഭിക്കുമെന്നാണ് റിപ്പോര്‍ട്ടില്‍ പറയുന്നത്. ബ്രിട്ടീഷ് മെഡിക്കല്‍ ജേണലാണ് റിപ്പോര്‍ട്ട് പ്രസിദ്ധീകരിച്ചത്. ഒരു നേരം കഴിക്കുന്ന ഭക്ഷണം 600 കലോറി മാത്രമേ പാടുള്ളൂവെന്നാണ് പഠനത്തിന് നേതൃത്വം നല്‍കിയ പ്രൊഫസര്‍ റെബേക്ക പറയുന്നത്. അഞ്ച് രാജ്യങ്ങളിലാണ് സംഘം പഠനം നടത്തിയത്. 94 ശതമാനം ഹോട്ടലുകളിലും 74 ശതമാനം ഭക്ഷണവും ഫാസ്റ്റ് ഫുഡ്ഡാണെന്നും ഇതെല്ലാം 600 കലോറിയിലധികം ഊര്‍ജ്ജം നല്‍കുന്ന ഭക്ഷണമാണെന്നും പഠനം പറയുന്നു. ഹോട്ടലുകളിലെ ഭക്ഷണം ആരോഗ്യകരമാക്കാനുള്ള നടപടി അടിയന്തരമായി സ്വീകരിക്കണമെന്നും പഠന റിപ്പോര്‍ട്ട് നിര്‍ദ്ദേശം മുന്നോട്ട് വച്ചിട്ടുണ്ട്.

Read More

പുരുഷന്‍മാര്‍ ഈ ആഹാരങ്ങള്‍ കഴിക്കാതിരിക്കുന്നത് ഗുണം ചെയ്യും   

പുരുഷന്‍മാര്‍ ഈ ആഹാരങ്ങള്‍ കഴിക്കാതിരിക്കുന്നത് ഗുണം ചെയ്യും   

ശരീരത്തിന്റെ മസിലുകള്‍, രോമങ്ങള്‍, ലൈംഗീകത, ബീജോത്പാദനം തുടങ്ങി പുരുഷശരീരത്തിന്റെ എല്ലാ പ്രവര്‍ത്തനങ്ങളും ടെസ്റ്റോസ്റ്റിറോണ്‍ എന്ന ഹോര്‍മോണിനെ അടിസ്ഥാനപ്പെടുത്തിയാണ് നിലനില്‍ക്കുന്നത്. അതുകൊണ്ട് ഈ പുരുഷഹോര്‍മോണിനെ പരിപോഷിപ്പിക്കേണ്ടത് അത്യന്താപേക്ഷികമാണ്. എന്നാല്‍ ചില ആഹാരങ്ങളും മറ്റും ഈ ഹോര്‍മോണിന്റെ ഉത്പാദനം കുറയ്ക്കും. അത് പുരുഷന്‍മാരില്‍ ആരോഗ്യപ്രശ്‌നങ്ങള്‍ ഉണ്ടാക്കാറുണ്ട്. ക്ഷീണം, ഉദ്ധാരണപ്രശ്‌നം, ഓസ്റ്റിയോപൊറോസിസ്, ലൈംഗികാഗ്രഹം കുറയുക (ലിബിഡോ), വിഷാദരോഗം തുടങ്ങിയ പ്രശ്‌നങ്ങളെല്ലാം നേരിട്ടേക്കാം. പ്രായം വര്‍ധിക്കുന്നത് അനുസരിച്ച് പുരുഷന്മാരില്‍ ടെസ്റ്റോസ്റ്റിറോണ്‍ നില കുറഞ്ഞുവരും. അതേസമയം, ഇത് എല്ലാ ആളുകളിലും ഒരുപോലെ ആയിരിക്കണമെന്നുമില്ല. ദീര്‍ഘകാലം രോഗബാധിരായിരിക്കുന്നതും പിരിമുറുക്കവും മരുന്ന് ഉപയോഗവും മറ്റും ടെസ്റ്റോസ്റ്റിറോണ്‍ നില കുറയാനുള്ള കാരണമായേക്കാമെങ്കിലും മിക്കപ്പോഴും ഇതിനുള്ള ശരിയായ കാരണം വ്യക്തമായിരിക്കില്ലെന്നാണ് വിദഗ്ധര്‍ പറയുന്നത്. ചില ഭക്ഷണങ്ങളും ടെസ്റ്റോസ്റ്റിറോണ്‍ നില കുറയാന്‍ കാരണമാവുന്നുണ്ട്. അവ ഏതാണെന്ന് നോക്കി ഒഴിവാക്കുന്നതാണ് നല്ലത്. ഫ്‌ലാക്‌സ് സീഡ് ഫല്‍ക്‌സ് സീഡ് അഥവാ ചണവിത്തില്‍ ഒമേഗ3 ഫാറ്റി…

Read More

കപ്പയും കാബേജുമൊന്നും കഴിക്കേണ്ട!: തൈറോയ്ഡ് ഉള്ളവര്‍ ഇത് ശീലമാക്കും

കപ്പയും കാബേജുമൊന്നും കഴിക്കേണ്ട!: തൈറോയ്ഡ് ഉള്ളവര്‍ ഇത് ശീലമാക്കും

മിക്കവരിലും ഇന്ന് കണ്ടുവരുന്ന ഒരു ആരോഗ്യപ്രശ്‌നമാണ് തൈറോയ്ഡ് രോഗം. രക്തത്തില്‍ അയഡിന്റെ കുറവ് മൂലവും കൂടുതല്‍ മൂലവും ഈ രോഗം വരാം. ചിട്ടയായ ജീവിതരീതിയും ഭക്ഷണവും കൊണ്ട് ഇതിനെ ഒരു പരിധി വരെ നിലക്ക് നിര്‍ത്താം. പൊതുവെ ഗോയിറ്റര്‍ ഉള്ളവരാണ് ആഹാരത്തില്‍ കൂടുതല്‍ ശ്രദ്ധിക്കേണ്ടത്. ചില ആഹാരപദാര്‍ഥങ്ങളും പച്ചക്കറികളും ഇവര്‍ ഒഴിവാക്കുന്നതാണ് നല്ലത്. കപ്പ, കാബേജ്, കോളിഫ്‌ലവര്‍, ബ്രൊക്കോളി എന്നിവയില്‍ അയഡിന്റെ ശരീരത്തിലേക്കുള്ള ആഗിരണത്തെ തടസപ്പെടുത്തുന്ന ഗോയിസ്‌ട്രോജനുകള്‍ എന്ന ചില സംയുക്തങ്ങള്‍ അടങ്ങിയിട്ടുണ്ട്. തയോസയനേറ്റ്, ഫീനോളുകള്‍, ഫ്‌ലാറനോയിഡുകള്‍ എന്നിവയാണ് പ്രധാന ഗോയിട്രോജനുകള്‍. കാബേജ്, കപ്പ, കോളിഫ്‌ലവര്‍ എന്നിവ തുടരെ ഉപയോഗിക്കുമ്പോള്‍ ഈ ഗോയിട്രോജനുകള്‍ അയഡിന്റെ പ്രവര്‍ത്തനത്തെ തടസപ്പെടുത്തുകയും തുടര്‍ന്ന് തൈറോയ്ഡ് ഗ്രന്ഥി വലുതാകുന്നു. കടുക്, ചോളം, മധുരക്കിഴങ്ങ് എന്നിവയിലും ഗോയിട്രജനുകള്‍ ഉണ്ടത്രേ. കടുകിലെ തയോയൂറിയ എന്ന ഗോയിട്രോജനാണു വില്ലന്‍. കടുകിന്റെ ഉപയോഗം പൊതുവെ കുറവാണല്ലോ. കപ്പ പതിവായി…

Read More

മസില് കൂട്ടാന്‍ മാത്രമല്ല വയറ് കുറയ്ക്കാനും പാല്‍

മസില് കൂട്ടാന്‍ മാത്രമല്ല വയറ് കുറയ്ക്കാനും പാല്‍

ആരോഗ്യകരമായ ജീവിതരീതികള്‍ തുടര്‍ന്നുപേരുന്നവര്‍ ഭക്ഷണക്രമത്തില്‍ നിന്ന് ഒരിക്കലും ഒഴിവാകാത്ത ഒന്നാണ് പാല്‍. പാലില്‍ അടങ്ങിയിട്ടുള്ള പോഷകങ്ങള്‍ തന്നെയാണ് കൂടുതല്‍ ആളുകളുടെയും പ്രിയപ്പെട്ട പാനീയമാക്കി ഇതിനെ മാറ്റുന്നത്. എന്നാല്‍ ശരീരഭാരം കുറയ്ക്കാന്‍ പരിശ്രമിക്കുന്നവര്‍ പാലും പാലുല്‍പന്നങ്ങളും പാടെ ഉപേക്ഷിക്കുന്നതാണ് പതിവ്. പാലുപയോഗം കൊഴിപ്പ് കൂട്ടുമെന്ന തെറ്റിധാരണയാണ് ഈ ശീലത്തിന് കാരണം എന്നാണ് വിദഗ്ധര്‍ പറയുന്നത്. യഥാര്‍ത്ഥത്തില്‍ പാലിന്റെ ഒരുപാട് ഗുണങ്ങളില്‍ ഒന്നാണ് കൊഴുപ്പ് കത്തിച്ച് ശരീരഭാരം കുറയ്ക്കാന്‍ സഹായിക്കുമെന്നതെന്ന് ഇവര്‍ പറയുന്നു. മസില്‍ കൂട്ടാന്‍ സഹായിക്കും എന്നതിനോടൊപ്പം തന്നെ പാലില്‍ അടങ്ങിയിട്ടുള്ള പോഷകങ്ങള്‍ വിശപ്പിനെ നിയന്ത്രിക്കാനും ഉപകാരപ്രദമാണെന്ന് വിദഗ്ധര്‍ പറയുന്നു. ഇത് കൂടുതല്‍ ഭക്ഷണം കഴിക്കാനുള്ള പ്രവണതയെ തടയുന്നതാണ്. വിശപ്പിന് കാരണമാകുന്ന ഗ്രെലിന്‍ എന്ന ഹോര്‍മോണിന്റെ അളവ് കുറയ്ക്കുന്നതോടെ ഭക്ഷണത്തിന്റെ അളവും സ്വാഭാവികമായി കുറഞ്ഞുവരും. പാലില്‍ അടങ്ങിയിട്ടുള്ള വൈറ്റമിന്‍ ബി3 (നയാസിന്‍) ശരീരഭാരം ക്രമമായി നിലനിര്‍ത്താന്‍ സഹായിക്കുകയും ശരീരത്തില്‍…

Read More

കട്ടന്‍ ചായയോ കട്ടന്‍ കാപ്പിയോ  കൂടുതല്‍ കേമം?

കട്ടന്‍ ചായയോ കട്ടന്‍ കാപ്പിയോ  കൂടുതല്‍ കേമം?

കട്ടന്‍ ചായയും കട്ടന്‍ കാപ്പിയും അമിതമായാല്‍ ദോഷമാണെന്ന് പറയുമെങ്കിലും ഇവ രണ്ടില്‍ ഒരെണ്ണം സ്ഥിരമായി കഴിക്കാത്തവര്‍ കുറവായിരിക്കും. ശരീരഭാരം ക്രമപ്പെടുത്താന്‍ ശ്രമിക്കുന്നവര്‍ക്കിടയില്‍ ഇവ രണ്ടിനും പ്രത്യേക സ്ഥാനം തന്നെയാണ്. പ്രഭാതത്തിലെ വ്യായാമ ശീലങ്ങള്‍ക്ക് ഊര്‍ജ്ജം പകരും എന്നാതാണ് ഈ പ്രത്യേക സ്ഥാനത്തിന് പിന്നിലെ കാരണം. എന്നാല്‍ കട്ടന്‍ ചായയാണോ കാപ്പിയാണോ ശരീരഭാരം കുറയ്ക്കാന്‍ കൂടുതല്‍ പ്രയോജനകരമെന്ന സംശയം മിക്കവരിലുമുണ്ട്. ജിമ്മിലും മറ്റുമായി വ്യായാമത്തിന് പോകുന്നവര്‍ പൊതുവെ കട്ടന്‍ കാപ്പിയാണ് വ്യായാമത്തിന് മുമ്പ് ശീലമാക്കുക. കാപ്പിയില്‍ അടങ്ങിയിട്ടുള്ള കഫീന്‍ കുറച്ച് സമയത്തേക്ക് ശരീരത്തിന്റെ ഊര്‍ജ്ജം വളരെയധികമായി ഉയര്‍ത്തുമെന്നതുമാണ് ഇതിന് പിന്നിലെ കാരണം.  എന്നാല്‍ പഞ്ചസാരയോ സ്വാദിനായി ചേര്‍ക്കുന്ന മറ്റ് ചേരുവകളോ ഉപയോഗിക്കുന്നത് വിപരീത ഫലത്തിന് കാരണമാകുമെന്ന് പഠനങ്ങള്‍ തെളിയിച്ചിട്ടുണ്ട്. കഫീനിന്റെ അളവ് കാപ്പിയേക്കാള്‍ വളരെ കുറവാണെങ്കിലും പലരും കട്ടന്‍ ചായ ശീലമാക്കിയിട്ടുണ്ട്. കൊഴുപ്പിന്റെയും കൊളസ്‌ട്രോളിന്റെയും അളവ് കാപ്പിയില്‍ കുറവാണെന്നതാണ്…

Read More

റെഡ്മീറ്റിന് പകരം നട്‌സ്? ഇത് വണ്ണം കുറയ്ക്കാനും സഹായിക്കും  

റെഡ്മീറ്റിന് പകരം നട്‌സ്? ഇത് വണ്ണം കുറയ്ക്കാനും സഹായിക്കും  

നട്‌സ് കഴിക്കുന്നത് ആരോഗ്യത്തിന് നല്ലതാണെന്ന് എല്ലാവര്‍ക്കും അറിയാം. പക്ഷേ കൊഴുപ്പ് കൂട്ടും, ഭാരക്കൂടുതല്‍ വരുത്തും എന്നെല്ലാം പറഞ്ഞ് ആളുകള്‍ നട്‌സ് ഭക്ഷണത്തില്‍ നിന്ന് ഒഴിവാക്കാറുണ്ട്. എന്നാല്‍ നട്‌സ് ശീലമാക്കണമെന്നും അത് ആരോഗ്യത്തിന് അവശ്യഘടകമാണെന്നുമാണ് വിദഗ്ധര്‍ പറയുന്നത്. ഹൃദയാരോഗ്യത്തിനും ബുദ്ധി വര്‍ധിപ്പിക്കാനും പ്രത്യുല്‍പാദനശേഷിക്കുമെല്ലാം നട്‌സ് ഏറെ നല്ലതാണ്. അണ്‍ സാച്ചുറേറ്റഡ് ഫാറ്റി ആസിഡും ഫൈബറും പ്രോട്ടീനും ധാരാളം അടങ്ങിയ നട്‌സ് ഭാരം കുറയ്ക്കാനും ശരീരത്തിലെ മെറ്റബോളിക് പ്രവര്‍ത്തനങ്ങളെ മെച്ചപ്പെടുത്താനും സഹായിക്കുമെന്നാണ് പഠനത്തില്‍ തെളിഞ്ഞത്. ഈയിടെ ചിക്കാഗോയില്‍ നടന്ന അമേരിക്കന്‍ ഹാര്‍ട്ട് അസോസിയേഷനില്‍ ഇത് സംബന്ധിച്ച് ഒരു റിപ്പോര്‍ട്ട് അവതരിപ്പിച്ചിരുന്നു. നട്‌സ്, പീനട്‌സ് എന്നിവ ശരീരഭാരത്തെ എങ്ങനെ നിയന്ത്രിക്കുമെന്നും ഗവേഷകര്‍ വ്യക്തമാക്കുന്നുണ്ട്. 25,394 ആരോഗ്യവാന്മാരായ പുരുഷന്മാര്‍, 100, 796 സ്ത്രീകള്‍ എന്നിവരെയാണ് ഗവേഷണത്തിന് വേണ്ടി തിരഞ്ഞെടുത്തത്. ഓരോ നാലു വര്‍ഷവും ഇവരുടെ ആഹാരശീലങ്ങളെ വിലയിരുത്തി. ന്യൂട്രിഷന്‍ വാല്യൂ കുറഞ്ഞ ആഹാരത്തിനു…

Read More

ചുവന്നുള്ളി ‘അമൃത്’ തന്നെ; പ്രമേഹത്തെ പടിക്ക് പുറത്ത് നിര്‍ത്തും  

ചുവന്നുള്ളി ‘അമൃത്’ തന്നെ; പ്രമേഹത്തെ പടിക്ക് പുറത്ത് നിര്‍ത്തും  

കണ്ണെരിയിക്കുമെങ്കിലും ആരോഗ്യം നിലനിര്‍ത്തി പ്രമേഹത്തെ ചെറുക്കുന്നതില്‍ ചുവന്നുള്ളി സൂപ്പറാണെന്നാണ് ഏറ്റവും പുതിയ പഠനങ്ങള്‍ പറയുന്നത്. രക്തത്തിലെ പഞ്ചസാരയുടെ അളവ് കുറയ്ക്കുന്നതിനാവശ്യമായ ഘടകങ്ങള്‍ ഉള്ളിയില്‍ അടങ്ങിയിട്ടുണ്ടെന്നാണ് കൊറിയന്‍ ശാസ്ത്രജ്ഞര്‍ കണ്ടെത്തിയത്. ചുവന്നുള്ളി നാരുകളാല്‍ സമൃദ്ധമാണ്. ചുവന്നുള്ളി കഴിക്കുന്നതിലൂടെ ശരീരത്തിലെത്തുന്ന നാരുകള്‍ ദഹിക്കാനും അലിഞ്ഞ് ചേരാനും സമയം എടുക്കുന്നതിനാല്‍ രക്തത്തിലേക്ക് പഞ്ചസാരയെ കടത്തി വിടാനും വൈകും. ഇതിനും പുറമേ പ്രമേഹ രോഗികളിലുണ്ടാകുന്ന ദഹന പ്രശ്‌നങ്ങളും ചുവന്നുള്ളിയിലെ നാരുകള്‍ പരിഹരിക്കും. കാര്‍ബോഹൈഡ്രേറ്റുകള്‍ വളരെ കുറഞ്ഞ അളവിലാണ് ചുവന്നുള്ളിയില്‍ കാണപ്പെടുന്നത്. അതുകൊണ്ട് തന്നെ കലോറി കുറഞ്ഞ ഭക്ഷണമാണെന്നും ഗവേ ഷകര്‍ പറയുന്നു.  സൂപ്പുകളിലും സ്റ്റ്യൂവിലും സലാഡിലും ഉള്‍പ്പെടുത്തുന്നതിന് പുറമേ ഇനിമുതല്‍ സാന്‍ഡ്വിച്ചിലും ചുവന്നുള്ളിയാക്കാം. അടുത്ത പത്ത് വര്‍ഷത്തിനുള്ളില്‍ മനുഷ്യനെ കൊല്ലുന്ന രോഗങ്ങളുടെ പട്ടികയില്‍ ഏഴാം സ്ഥാനത്ത് പ്രമേഹം എത്തുമെന്നാണ് കണക്കുകള്‍. ഇന്ത്യയിലാകട്ടെ ശരവേഗത്തിലാണ് പ്രമേഹരോഗികളുടെ നിരക്ക് വര്‍ധിക്കുന്നതും. പ്രമേഹത്തെ ചെറുക്കാന്‍ ഭക്ഷണത്തില്‍ ചെറിയുള്ളിയെ…

Read More

പ്രണയിക്കുന്നത് സന്തോഷിക്കാന്‍ മാത്രമല്ല: രക്തസമ്മര്‍ദ്ദവും അലര്‍ജിയും കുറയും

പ്രണയിക്കുന്നത് സന്തോഷിക്കാന്‍ മാത്രമല്ല: രക്തസമ്മര്‍ദ്ദവും അലര്‍ജിയും കുറയും

പ്രണയിക്കുന്നത് എല്ലാവര്‍ക്കും ഏറെ സന്തോഷമുള്ള കാര്യമാണ്. അതുകൊണ്ടാണ് മുന്നും പിന്നും നോക്കാതെ ആളുകള്‍ തങ്ങളുടെ പ്രണയത്തിന് വേണ്ടി നിലനില്‍ക്കുന്നത്. എന്നാല്‍ പ്രണയിക്കുന്നതിലൂടെ സന്തോഷം മാത്രമല്ല ലഭിക്കുന്നത് എന്ന് കണ്ടെത്തിയിരിക്കുകയാണ് ഗവേഷകര്‍. പ്രണയം ആളുകള്‍ക്ക് മികച്ച ആരോഗ്യാവസ്ഥ നല്‍കുമെന്നാണ് പഠനത്തില്‍ പറയുന്നുത്. കാലിഫോര്‍ണിയിലെ യൂണിവേഴ്‌സിറ്റി ഓഫ് വെസ്റ്റേണ്‍ വിര്‍ജീനിയയിലെ ഗവേഷകരാണ് ഇത് പറയുന്നത്. പ്രണയിക്കുന്നത് തലച്ചോറിലെ 12 ഇടങ്ങള്‍ ഒരുമിച്ച് പ്രവര്‍ത്തിക്കാന്‍ ഇടയാക്കും. ഇത് തലച്ചോറിനെ ഉന്മത്തമാക്കും. തലച്ചോറിലെ ഡോപ്പാമിന്‍, ഓക്‌സിടോസിന്‍ എന്നീ ഹോര്‍മോണുകളുടെ അളവാണ് പ്രണയത്തെ നിയന്ത്രിക്കുന്നത്. പ്രണയാനുഭവങ്ങള്‍ നല്‍കുന്നത് കൂടാതെ ഈ ഹോര്‍മോണുകള്‍ സമ്മര്‍ദ്ദം, ഉത്കണ്ഠ എന്നിവയെ ഒഴിവാക്കുന്നു. പ്രണയിക്കുന്ന വ്യക്തിയെ ആശ്ലേഷിക്കുന്നത് രക്ത സമ്മര്‍ദം, ഹൃദ്രോഗം എന്നിവ വരാനുള്ള സാധ്യത കുറയ്ക്കുമെന്ന് കോംപ്രിഹെന്‍സീവ് സൈക്കോളജി എന്ന പുസ്തകത്തില്‍ പ്രസിദ്ധീകരിച്ച പഠനങ്ങള്‍ പറയുന്നുണ്ട്. ആശ്ലേഷിക്കുന്ന സമയത്ത് തലച്ചോര്‍ ഉയര്‍ന്ന അളവില്‍ ഓക്‌സിടോസിന്‍ ഉല്‍പ്പാദിപ്പിക്കുന്നതാണ് ഇതിന് കാരണമെന്ന്…

Read More

ചെറുപ്പത്തില്‍ വ്യായാമം ശീലമാക്കിയവര്‍ക്ക് പാരമ്പര്യ പൊണ്ണത്തടിയും പ്രമേഹവും വരില്ല

ചെറുപ്പത്തില്‍ വ്യായാമം ശീലമാക്കിയവര്‍ക്ക് പാരമ്പര്യ പൊണ്ണത്തടിയും പ്രമേഹവും വരില്ല

ചെറുപ്പത്തില്‍ ആരോഗ്യ സംരക്ഷണത്തില്‍ ശ്രദ്ധിക്കുകയും സ്ഥിരമായി വ്യായാമം പതിവാക്കുകയും ചെയ്താല്‍ പൊണ്ണത്തടി, പ്രമേഹം തുടങ്ങിയ പാരമ്പര്യ രോഗങ്ങള്‍ തടയാന്‍ കഴിയുമെന്ന് പഠനം. കൊഴിപ്പ് അടങ്ങിയ ഭക്ഷണം ശീലമാക്കുകയും അതുവഴി പൊണ്ണത്തടി പോലെയുള്ള ആരോഗ്യപ്രശ്‌നങ്ങള്‍ ഉണ്ടാകുകയും ചെയ്യുമ്പോള്‍ ഇന്‍സുലിന്‍ സെന്‍സിറ്റിവിറ്റി കുറയുമെന്നാണ് ഗവേഷകര്‍ പറയുന്നത്. ഇത് രക്തത്തിലെ പഞ്ചസാരയുടെ അളവ് വര്‍ദ്ധിക്കുന്നതിനു കാരണമാകുകയും ടൈപ്2 പ്രമേഹമായി മാറുകയും ചെയ്യും. എന്നാല്‍ ചെറുപ്പത്തില്‍ വ്യായാമം ചെയ്യുന്നതുവഴി ഇന്‍സുലിന്‍ സെന്‍സിറ്റിവിറ്റി കുറയുന്നത് മൂലമുള്ള ദോഷവശങ്ങള്‍ തടയുമെന്നാണ് പഠനത്തില്‍ കണ്ടെത്തിയിരിക്കുന്നത്. ചെറുപ്പത്തില്‍ വ്യായാമം ചെയ്യുന്നതാണ് കൂടുതല്‍ ഫലപ്രദമെന്നും മസിലുകളിലെ ഇന്‍സുലിന്‍ സെന്‍സിറ്റിവിറ്റി ക്രമീകരിക്കാന്‍ ഇത് സഹായകരമാകുമെന്നും ഗവേഷകര്‍ വിശദീകരിച്ചു.

Read More

ക്രോണ്‍സ് ഡിസീസിന്റെ ചികില്‍സകള്‍

ക്രോണ്‍സ് ഡിസീസിന്റെ ചികില്‍സകള്‍

ക്രോണ്‍സ് ഡിസീസ് പൂര്‍ണമായി ചികിത്സിച്ച് ഭേദമാക്കാന്‍ കഴിയുന്ന ഫലപ്രദമായ പ്രതിവിധികള്‍ ഒന്നും ഇതുവരെ കണ്ടെത്തിയിട്ടില്ല. രോഗത്തിന്റെ സങ്കീര്‍ണത കുറയ്ക്കാനും രോഗ ലക്ഷണങ്ങള്‍ക്ക് ആശ്വാസം നല്‍കാനും കഴിയുന്ന ചികിത്സകളാണ് ആരോഗ്യലോകം ലക്ഷ്യമിടുന്നത്. രോഗ ലക്ഷണങ്ങള്‍ കുറയ്ക്കാനും രോഗത്തിന്റെ തീഷ്ണത കുറയ്ക്കാനും ജീവിത നിലവാരം മെച്ചപ്പെടുത്താനും സഹായിക്കുന്ന ചില ചികിത്സാ മാര്‍ഗ്ഗങ്ങള്‍ ഉണ്ട്. രാവിലെ വെറും വയറ്റില്‍ വെള്ളം കുടിച്ചാല്‍ ലഭിക്കുന്ന ആരോഗ്യഗുണങ്ങള്‍ സാധാരണ ചികിത്സയില്‍ ഉള്‍പ്പെടുന്നത് മരുന്നുകളും പോഷക സപ്ലിമെന്റുകളും ആണ്. ചിലപ്പോള്‍ പഴുപ്പ് കൂടുതലാണെങ്കില്‍ വ്രണമായ ഭാഗങ്ങള്‍ ശസ്ത്രക്രിയയിലൂടെ നീക്കം ചെയ്യേണ്ടതായി വരും. രോഗിയുടെ ലക്ഷണങ്ങളും ചികിത്സയോടുള്ള പ്രതികരണവും അടിസ്ഥാനമാക്കി ചികിത്സാ രീതിയില്‍ മാറ്റം വരുത്താവുന്നതാണ്. മരുന്ന് കഴിച്ചിട്ടും ഭേദമാകാതെ രണ്ട് ദിവസത്തിലേറെ പനിയും വയറിളക്കവും നീണ്ടു നില്‍ക്കുകയാണെങ്കില്‍ ഡോക്ടറെ കാണാന്‍ മടിക്കരുത്. ക്രോണ്‍സ് ഡിസീസിനെ പ്രതിരോധിക്കാന്‍ സഹായിക്കുന്ന ചില പ്രകൃതിദത്ത മാര്‍ഗ്ഗങ്ങളുമുണ്ട്. അവ എന്തൊക്കെയാണെന്ന് നോക്കാം….

Read More