Day: October 3, 2019

അതിര്‍ത്തികളെന്ന് പറഞ്ഞാല്‍ അത്ര രസമുള്ള കാഴ്ചകളാവില്ല നമ്മുടെ മനസ്സിലേക്ക് കടന്നുവരിക. മതിലുകളോ തോക്കുധാരികളായ പട്ടാളക്കാര്‍ കാവല്‍നില്‍ക്കുന്ന ബോര്‍ഡറുകളോ ഒക്കെയാവും ഓര്‍മ വരുന്നത്. ലോകമെമ്പാടുമുള്ള പല രാജ്യാതിര്‍ത്തികളും ഏതാണ്ട് ഇതുപോലെയൊക്കെ ആണെങ്കിലും ചിലത് നാടകീയമായ പ്രകൃതിദൃശ്യങ്ങള്‍ക്കും പ്രകൃതിസൗന്ദര്യത്തിനും പേരുകേട്ടവയാണ്. അത്തരത്തില്‍ സൗന്ദര്യപരമായും ചരിത്രപരമായുമൊക്കെ വേറിട്ടുനില്‍ക്കുന്ന ചില അതിര്‍ത്തികളെ പരിചയപ്പെടാം. ഇന്ത്യ-പാക് വാഗാ ബോര്‍ഡര്‍ പഞ്ചാബിലെ വാഗാ അതിര്‍ത്തി ഇരുരാജ്യങ്ങളും തമ്മിലുള്ള ശത്രുതയെ അല്‍പനേരത്തേയ്ക്കെങ്കിലും മറക്കാന്‍ പ്രേരിപ്പിക്കുന്ന ഒന്നാണ്. ഇന്ത്യയ്ക്കും പാക്കിസ്ഥാനുമിടയിലൂടെ ഇരുരാജ്യങ്ങളെയും മുറിച്ചുകടന്നുപോകുന്ന പാത ഉള്‍പ്പെടുന്ന അതിര്‍ത്തിഗ്രാമമാണ് വാഗ യഥാര്‍ഥത്തില്‍. എന്നും നടക്കുന്ന പതാക താഴ്ത്തല്‍ ചടങ്ങാണ് വാഗയെ ലോകപ്രശസ്തമാക്കുന്നത്. ഇന്ത്യന്‍ അതിര്‍ത്തി സുരക്ഷാ സേനയും പാക്കിസ്ഥാന്‍ റേഞ്ചേഴ്സും ചേര്‍ന്ന് നടത്തുന്ന ഈ ചടങ്ങ്, ഭിന്നിച്ച രണ്ടു രാജ്യങ്ങള്‍ക്കിടയിലെ സൗഹൃദം പുതുക്കുന്ന അത്യുജ്ജ്വലവും ആവേശപൂര്‍ണവും ഏറ്റവും മനോഹരമായ ഓര്‍മപ്പെടുത്തലുകളില്‍ ഒന്നാണ്. ഇവിടെയൊരുക്കിയിരിക്കുന്ന പവലിയനില്‍ ഇരുന്ന് വിദേശികളടക്കമുള്ള ആര്‍ക്കും ഈ…