സ്വര്‍ണ വിലയില്‍ നേരിയ കുറവ്; 80 രൂപ കുറഞ്ഞ്, പവന് 28,000 രൂപ

സ്വര്‍ണ വിലയില്‍ നേരിയ കുറവ്; 80 രൂപ കുറഞ്ഞ്, പവന് 28,000 രൂപ

  സ്വര്‍ണ വിലയില്‍ ഇന്ന് നേരിയ കുറവ്. പവന് 80 രൂപ കുറഞ്ഞ് 28,000 രൂപയിലാണ് വ്യാപാരം പുരോഗമിക്കുന്നത്. ഗ്രാമിന് 3,500 രൂപയാണ് വില. സെപ്റ്റംബര്‍ നാലിന് സ്വര്‍ണ വില 29,120 രൂപയിലെത്തിയതാണ് റെക്കോര്‍ഡ്. അന്താരാഷ്ട്ര വിപണിയില്‍ സ്വര്‍ണ വിലയിലുണ്ടായ വര്‍ധനവാണ് ആഭ്യന്തര വിപണിയിലും പ്രതിഫലിക്കുന്നത്. വിവാഹ സീസണായതും സ്വര്‍ണ വില കുതിച്ചുയരാന്‍ മറ്റൊരു കാരണമായിട്ടുണ്ട്. കഴിഞ്ഞ ഒരു വര്‍ഷത്തിനിടെ 20 ശതമാനം വര്‍ധനയാണ് സംസ്ഥാനത്ത് സ്വര്‍ണ വിലയില്‍ ഉണ്ടായിരിക്കുന്നത്. നിലവിലെ സാഹചര്യത്തില്‍ വില ഇനിയും ഉയരാനാണ് സാധ്യത.

Read More

വെള്ളിത്തളിക പോലെ ബ്രഹ്മതാല്‍ തടാകം: തല ഉയര്‍ത്തി നില്‍ക്കുന്ന കൂടെ പര്‍വ്വതങ്ങളും

വെള്ളിത്തളിക പോലെ ബ്രഹ്മതാല്‍ തടാകം: തല ഉയര്‍ത്തി നില്‍ക്കുന്ന കൂടെ പര്‍വ്വതങ്ങളും

നാലു ചുറ്റിലും തൂവെള്ള നിറത്തില്‍ നോക്കെത്തത്താ ദൂരമത്രയും പരന്ന് കിടക്കുന്ന മഞ്ഞ്. തല ഉയര്‍ത്തി നില്‍ക്കുന്ന പര്‍വതങ്ങള്‍. നീല നിറത്തില്‍ തെളിഞ്ഞു നില്‍ക്കുന്ന ആകാശം. അതിനിടയില്‍ വെള്ളി ഉരുക്കി ഒഴിച്ചത് പോലെ തിളങ്ങി നില്‍ക്കുന്ന ഒരു തെളിനീര്‍ തടാകം ബ്രഹ്മാവ് തപസ് ചെയ്തു എന്ന ഐതിഹ്യമുറങ്ങുന്ന മണ്ണാണ് ബ്രഹ്മതാല്‍ തടാകമാണത്. ആ ഐതിഹ്യം പ്രപഞ്ചം സൃഷ്ടിച്ചത് ബ്രഹ്മാവാണെങ്കില്‍, അദ്ദേഹത്തിനറിയുമല്ലോ പ്രപഞ്ചത്തിലെ ഏറ്റവും ശാന്തവും സുന്ദരവുമായ പ്രദേശം ഏതാണെന്ന്. അവിടം തന്നെ തന്റെ തപസ്സിന് ബ്രഹ്മാവ് തെരഞ്ഞെടുക്കുകയും ചെയ്യും. ഭൂമിയിലെ സ്‌നിഗ്ധമായ ശാന്തതക്കും ലാവണ്യത്തിനും ഇത്ര സുന്ദരമായി ഒന്നു ചേരാന്‍ കഴിയുന്ന അപൂര്‍വ്വം ഇടങ്ങളേ ഉണ്ടാകൂ. അവയില്‍ എന്തുകൊണ്ടും മുന്‍ നിരയില്‍ നില്‍ക്കുന്നു ബ്രഹ്മതാല്‍ ഉത്തരാഖണ്ഡില്‍, ചമോലി ജില്ലയില്‍ ആണ് ബ്രഹ്മതാല്‍. വലിയ ആയാസമില്ലാതെ പൂര്‍ത്തിയാക്കാന്‍ കഴിയുന്ന ഒരു ട്രെക്കിംഗ് ആണ് ബ്രഹ്മതാലിലേക്കുള്ളത്. 10 മണിക്കൂര്‍ നീണ്ട യാത്രക്കൊടുവില്‍…

Read More

കാഴ്ചയുടെ അത്യപൂര്‍വ്വ വിസ്മയം തുറന്നുതരുന്ന തായ്ലന്റ്; കേട്ടു മടുത്തതില്‍ നിന്ന് മാറി ചിന്തിക്കാം

കാഴ്ചയുടെ അത്യപൂര്‍വ്വ വിസ്മയം തുറന്നുതരുന്ന തായ്ലന്റ്; കേട്ടു മടുത്തതില്‍ നിന്ന് മാറി ചിന്തിക്കാം

  ഏഷ്യയിലെ ഏറ്റവും ആകര്‍ഷണമുള്ള ടൂറിസ്റ്റ് കേന്ദ്രങ്ങളിലൊന്നാണ് തായ്ലന്റ്. കാഴ്ചയുടെ അത്യപൂര്‍വ്വ വിസ്മയം തുറന്നുതരുന്ന തായ്ലന്റ് കേരളവുമായി ഏറെ സാമ്യമുള്ള പ്രദേശമാണ്. കേരളത്തോട് ഏറെക്കുറെ സമാനമായ കാലാവസ്ഥയും പ്രകൃതിയും. സമ്പന്നമായ കടലോരവും പ്രത്യേക അനുഭവം പകര്‍ന്നു നല്‍കും. ഇന്തോനേഷ്യയെ പോലെ ഭാരതീയ സംസ്‌കാരവുമായി ബന്ധമുള്ള സ്ഥലപ്പേരുകള്‍ ഏറെയുണ്ട് തായ്‌ലന്‍ഡില്‍. പാലാഴിമഥനം അടക്കം ഹിന്ദു പുരാണത്തില്‍ നിന്നുള്ള മനോഹര ശില്‍പങ്ങള്‍ വിമാനത്താവളത്തിലുണ്ട്. ഇന്ത്യക്കാരാണ് തായ്‌ലന്‍ഡിലെത്തുന്നതില്‍ നല്ലൊരു ശതമാനവും. വിനോദസഞ്ചാരം നന്നായി പ്രോല്‍സാഹിപ്പിക്കുന്ന രാജ്യമായ തായ്‌ലന്‍ഡ് ഇന്ത്യക്കാര്‍ക്ക് ഓണ്‍ അറൈവല്‍ വിസയാണ് നല്‍കുന്നത്. നമ്മുടെ നാട്ടിലേക്കാള്‍ ഒന്നര മണിക്കൂര്‍ മുമ്പോട്ടാണ് തായ്‌ലന്‍ഡ് സമയം.     മനോഹര ദ്വീപുകള്‍, കടല്‍തീരങ്ങള്‍ ! വിനോദസഞ്ചാരവുമായി ബന്ധപ്പെട്ട് എന്തൊക്കെ ചെയ്യാന്‍ കഴിയുമോ അതെല്ലാം തായ്‌ലണ്ട് ചെയ്യുന്നുണ്ട്. അതുകൊണ്ടു തന്നെ ഇപ്പോള്‍ കുടുംബങ്ങളുടെ പ്രിയ യാത്രാലക്ഷ്യമായി തായ്‌ലന്‍ഡ് മാറുന്നുണ്ട്. മനോഹരമായ ദ്വീപുകളും കടല്‍ത്തീരങ്ങളും ഫുക്കറ്റില്‍…

Read More

ഈ പ്രദേശത്ത് താമസമാക്കിയാല്‍ മാസം തോറും നിങ്ങളുടെ കയ്യിലെത്തുക 5,5000 രൂപ

ഈ പ്രദേശത്ത് താമസമാക്കിയാല്‍ മാസം തോറും നിങ്ങളുടെ കയ്യിലെത്തുക 5,5000 രൂപ

നിങ്ങള്‍ ഒരു സ്ഥലത്ത് താമസിക്കുന്നതിന്റെ വിലയായി നിങ്ങളുടെ കൈ നിറയെ കാശ് എത്തിയാലോ… എത്ര സുന്ദരമായ ആചാരം അല്ലെ…? മോളിസ് സര്‍ക്കാരാണ് ഈ പദ്ധതി പ്രഖ്യാപിച്ചിരിക്കുന്നത്. ‘ആക്റ്റീവ് റെസിഡന്‍സ് ഇന്‍കം’ എന്നാണ് ഈ പദ്ധതിയുടെ പേര്. ജനസംഖ്യ കുറയുന്നത് തടയുക, സമ്പദ്വ്യവസ്ഥയെ പുനരുജ്ജീവിപ്പിക്കുക, പുതിയ തൊഴിലവസരങ്ങള്‍ സൃഷ്ടിക്കുക എന്നിവയൊക്കെയാണ് പദ്ധതിയുടെ പിന്നിലെ ലക്ഷ്യം. പുതുതായി താമസിക്കാന്‍ എത്തുന്ന എല്ലാവര്‍ക്കും ഓരോ മാസവും 700 യൂറോ (55,000 രൂപ) പരമാവധി മൂന്ന് വര്‍ഷത്തേക്ക് സര്‍ക്കാര്‍ നല്‍കും. പുതിയ വ്യവസായ സംരംഭങ്ങള്‍ തുടങ്ങുന്നതിനാണ് അത് നല്‍കുന്നത്. താമസിക്കാനെത്തുന്നവര്‍ പുതിയ ബിസിനസ് സംരംഭം ആരംഭിക്കണമെന്നത് നിര്‍ബന്ധമുള്ള രണ്ടു കാര്യങ്ങളില്‍ ഒന്നാണ്. 2000ല്‍ താഴെ നിവാസികളുള്ള ഗ്രാമം തിരഞ്ഞെടുക്കണമെന്നാണ് മറ്റൊന്ന്. 136 ഗ്രാമങ്ങളില്‍ 100 ലധികം ഗ്രാമങ്ങളിലും ആളുകള്‍ തീരെ കുറവാണ്. രണ്ടു നിബന്ധനകളും ഗ്രാമങ്ങളെ സജീവമാക്കാന്‍ വേണ്ടിയാണ് നടപ്പാക്കുന്നത്. പദ്ധതി നടപ്പാക്കുന്നതിനായി…

Read More

വന്യജീവി വാരാഘോഷം; ഫോട്ടോഗ്രഹി മത്സരം സംഘടിപ്പിച്ച് വനം വകുപ്പ്

വന്യജീവി വാരാഘോഷം; ഫോട്ടോഗ്രഹി മത്സരം സംഘടിപ്പിച്ച് വനം വകുപ്പ്

വന്യജീവി വാരാഘോഷത്തിന്റെ ഭാഗമായി ഫോട്ടോഗ്രഹി മത്സരം സംഘടിപ്പിച്ച് വനം-വന്യജീവി വകുപ്പ്. മത്സരത്തിലേക്ക് എന്‍ട്രികള്‍ ക്ഷണിച്ചുതുടങ്ങി. എന്‍ട്രികള്‍ ഓണ്‍ലൈനായാണ് സ്വീകരിക്കുക. വനം വകുപ്പിന്റെ ഔദ്യോഗിക വെബ് സൈറ്റായ www.forest.kerala.gov.in ലെ വൈല്‍ഡ് ലൈഫ് ഫോട്ടോഗ്രഫി കോണ്‍ടസ്റ്റ് 2019 എന്ന പ്രത്യേക ലിങ്കിലൂടെ വേണം ഫോട്ടോകള്‍ അപ് ലോഡ് ചെയ്യാന്‍. കേരളത്തിലെ വനമേഖലകളില്‍ നിന്നും ചിത്രീകരിച്ച, നീളം കൂടിയ വശത്ത് 3,000 പിക്സലില്‍ കുറയാത്ത എട്ട് മെഗാബൈറ്റുള്ള ഫോട്ടോകളാണ് അപ് ലോഡ് ചെയ്യേണ്ടത്. ഒരാള്‍ക്ക് അഞ്ച് ഫോട്ടോകള്‍ വരെ സമര്‍പ്പിക്കാം. സെപ്റ്റംബര്‍ 18ന് രാവിലെ 10 മണി മുതല്‍ 30ന് വൈകിട്ട് 5 മണിവരെ അപ്‌ലോഡ് ചെയ്യുന്ന ചിത്രങ്ങളാണ് അവാര്‍ഡിന് പരിഗണിക്കുക. ഒന്നും രണ്ടും മൂന്നും സ്ഥാനങ്ങള്‍ നേടുന്ന ചിത്രങ്ങള്‍ക്ക് ക്യാഷ് അവാര്‍ഡും സര്‍ട്ടിഫിക്കറ്റും ലഭിക്കും.

Read More

201 പോയന്റ് ഉയര്‍ന്നു; സെന്‍സെക്സില്‍ ഇന്ന് നേട്ടത്തോടെ തുടക്കം

201 പോയന്റ് ഉയര്‍ന്നു; സെന്‍സെക്സില്‍ ഇന്ന് നേട്ടത്തോടെ തുടക്കം

മുംബൈ: കഴിഞ്ഞ രണ്ട് ദിവസത്തെ കനത്ത നഷ്ടത്തിനൊടുവില്‍ ഇന്ന് ഓഹരി വിപണിയില്‍ ആശ്വസം. സെന്‍സെക്സ് 201 പോയന്റ് ഉയര്‍ന്ന് 36679ലും നിഫ്റ്റി 53 പോയന്റ് ഉയര്‍ന്ന് 10871ലുമാണ് വ്യാപാരം തുടങ്ങിയത്. ബിഎസ്ഇയിലെ 598 കമ്പനികളുടെ ഓഹരികള്‍ നേട്ടത്തിലും 181 ഓഹരികള്‍ നഷ്ടത്തിലുമാണ്. വാഹനം, ഓയില്‍ ആന്റ് ഗ്യാസ്, ലോഹം, ഫാര്‍മ, ഊര്‍ജം, ഇന്‍ഫ്ര ഓഹരികളാണ് പ്രധാനമായും നേട്ടത്തില്‍. എഫ്എംസിജി, ഐടി തുടങ്ങിയ ഓഹരികള്‍ നഷ്ടത്തിലുമാണ്. ഇന്ത്യന്‍ ഹോട്ടല്‍സ്, എച്ച്പിസിഎല്‍, ഗ്രാഫൈറ്റ് ഇന്ത്യ, ഐഒസി, ബിപിസിഎല്‍, ഹീറോ മോട്ടോര്‍കോര്‍പ്, ഇന്ത്യബുള്‍സ് ഹൗസിങ്, ബജാജ് ഫിനാന്‍സ് തുടങ്ങിയ ഓഹരികള്‍ നേട്ടത്തിലാണ്. ബ്രിട്ടാനിയ, മാരുതി സുസുകി, ഒഎന്‍ജിസി, യുപിഎല്‍, സിപ്ല, ഹിന്ദുസ്ഥാന്‍ യുണിലിവര്‍, ഇന്‍ഫോസിസ്, ഡോ.റെഡ്ഡീസ് ലാബ് തുടങ്ങിയ ഓഹരികള്‍ നഷ്ടത്തിലുമാണ്.

Read More

പെട്രോള്‍ എന്‍ജിന്‍ മാത്രം; പുതിയ ഹ്യുണ്ടായ് ഇലാന്‍ട്ര ഈ മാസം ഇന്ത്യയില്‍

പെട്രോള്‍ എന്‍ജിന്‍ മാത്രം; പുതിയ ഹ്യുണ്ടായ് ഇലാന്‍ട്ര ഈ മാസം ഇന്ത്യയില്‍

പുതിയ ഹ്യുണ്ടായ് ഇലാന്‍ട്ര ഈ മാസം ഇന്ത്യന്‍ വിപണിയില്‍ എത്തും. ഈ മാസം അവസാനത്തോടെയാവും പെട്രോള്‍ എന്‍ജിനില്‍ മാത്രം പ്രവര്‍ത്തിക്കുന്ന ഇലാന്‍ട്ര ഉപയോക്താക്കളുടെ കൈകളിലേക്ക് എത്തുക. ഇലാന്‍ട്രയുടെ ഇന്ത്യ എക്സ് ഷോറൂം വില 14-19 ലക്ഷം രൂപയാമെന്നാണ് വിലയിരുത്തല്‍. 2018 ഓഗസ്റ്റില്‍ ആഗോളതലത്തില്‍ അനാവരണം ചെയ്ത പരിഷ്‌കരിച്ച ഇലാന്‍ട്ര നിലവില്‍ പല അന്താരാഷ്ട്ര വിപണികളിലും വിറ്റവിക്കപ്പെടുനന്നുണ്ട്. പുതിയ ഇലാന്‍ട്രയില്‍ 152 എച്ച്പി കരുത്ത് ഉല്‍പ്പാദിപ്പിക്കുന്ന നിലവിലെ 2.0 ലിറ്റര്‍ പെട്രോള്‍ എന്‍ജിന്റെ ബിഎസ് 6 വേര്‍ഷനായിരിക്കും ഒരുങ്ങുക. 6 സ്പീഡ് മാന്വല്‍, ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് എന്നിവയായിരിക്കും ട്രാന്‍സ്മിഷന്‍ ഓപ്ഷനുകള്‍. നിലവില്‍ ഹ്യുണ്ടായ് ഇലാന്‍ട്ര ഉപയോഗിക്കുന്നത് 128 എച്ച്പി കരുത്ത് ഉല്‍പ്പാദിപ്പിക്കുന്ന 1.6 ലിറ്റര്‍ ഡീസല്‍ എന്‍ജിനാണ്. ഈ എന്‍ജിനാണ് ഇന്ത്യയില്‍ ഒഴിവാക്കുന്നത്.

Read More

പുതിയ കളര്‍ സ്‌കീമുകളില്‍ 2020 കാവസാക്കി നിഞ്ച 400 മോട്ടോര്‍സൈക്കിള്‍ എത്തുന്നു

പുതിയ കളര്‍ സ്‌കീമുകളില്‍ 2020 കാവസാക്കി നിഞ്ച 400 മോട്ടോര്‍സൈക്കിള്‍ എത്തുന്നു

പുതിയ കളര്‍ സ്‌കീമുകളില്‍ വിപണിയിലെത്താന്‍ ഒരുങ്ങി 2020 കാവസാക്കി നിഞ്ച 400 മോട്ടോര്‍സൈക്കിള്‍. മെറ്റാലിക് സ്പാര്‍ക്ക് ബ്ലാക്ക്, ലൈം ഗ്രീന്‍ എന്നിവയാണ് പുതിയ കളറുകള്‍. രണ്ട് കളര്‍ സ്‌കീമുകളുടെയും പത്ത് യൂണിറ്റ് വീതം മാത്രമായിരിക്കും വില്‍ക്കുന്നത്. ഇന്ത്യ കാവസാക്കി മോട്ടോറിന്റെ അംഗീകൃത ഡീലര്‍ഷിപ്പുകളില്‍ പുതിയ നിഞ്ച 400 ബുക്ക് ചെയ്യാം. ഈ മാസം അവസാനത്തോടെ ഡെലിവറി ചെയ്യുമെന്ന് പ്രതീക്ഷിക്കുന്നു. 2020 കാവസാക്കി നിഞ്ച 400 മോട്ടോര്‍സൈക്കിളിന്റെ ഇന്ത്യ എക്സ് ഷോറൂം വില 4.99 ലക്ഷം രൂപയാണ്. കാവസാക്കി നിഞ്ച 400 പുതിയ 399 സിസി, പാരലല്‍ ട്വിന്‍ എന്‍ജിനാണ് ഉപയോഗിക്കുന്നത്. ഈ മോട്ടോര്‍ 10,000 ആര്‍പിഎമ്മില്‍ 44.4 ബിഎച്ച്പി കരുത്തും 8,000 ആര്‍പിഎമ്മില്‍ 38 എന്‍എം ടോര്‍ക്കും ഉല്‍പ്പാദിപ്പിക്കും.

Read More

കെ.ടി.എമ്മിന്റെ പുതിയ കരുത്തനായ ഡ്യൂക്ക് 790 വിപണിയിലേക്ക്

കെ.ടി.എമ്മിന്റെ പുതിയ കരുത്തനായ ഡ്യൂക്ക് 790 വിപണിയിലേക്ക്

കെ.ടി.എമ്മിന്റെ പുതിയ ഡ്യൂക്ക് 790 വിപണിയിലേക്ക്. സെപ്തംബര്‍ 23നാണ് കമ്പനി ബൈക്ക് വിപണിയില്‍ എത്തിക്കുക. ഇന്ത്യയിലെ കെ.ടി.എമ്മിന്റെ ഏറ്റവും വിലയേറിയതും കരുത്ത് കൂടിയതുമായ ബൈക്കായിരിക്കും ഡ്യൂക്ക് 790. 105 എച്ച്.പി കരുത്തും 87 എന്‍.എം ടോര്‍ക്കുമാണ് എന്‍ജിന്‍ നല്‍കുക. 6 സ്പീഡ് ഗിയര്‍ബോക്‌സാണ് ഉള്‍ക്കൊള്ളിച്ചിരിക്കുന്നത്. റൈഡിങ് സുഖകരമാക്കാനായി ചില സംവിധാനങ്ങള്‍ കെ.ടി.എം ബൈക്കില്‍ ഉള്‍ക്കൊള്ളിച്ചിട്ടുണ്ട്. ട്രാക്ഷന്‍ കണ്‍ട്രോള്‍, മോട്ടോര്‍ സ്ലിപ് റെഗുലേഷന്‍, സൂപ്പര്‍ മോട്ടോ മോഡ്, മോട്ടോര്‍ സൈക്കിള്‍ സ്റ്റബിലിറ്റി കണ്‍ട്രോള്‍ എന്നിവ ഇവയില്‍ ചിലതാണ്. എല്‍.ഇ.ഡി ഹെഡ്‌ലാമ്ബ്, സെറ്റപ്പ്ഡ് സീറ്റ്, സൈഡ് മൗണ്ടഡ് എക്‌സ്‌ഹോസ്റ്റ് എന്നിവയാണ് ബൈക്കിലെ പ്രധാന സവിശേഷതകള്‍. സ്‌പോര്‍ട്ട്, സ്ട്രീറ്റ്, റെയിന്‍, ട്രാക്ക് എന്നീ നാല് ഡ്രൈവിങ് മോഡുകള്‍ വാഹനത്തിനുണ്ട്. 43എം.എം അപ്‌സൈഡ് ഡൗണ്‍ ടെലിസ്‌കോപിക് ഫോര്‍ക്കും പിന്നില്‍ മോണോ ഷോക്കുമാണ് സസ്‌പെന്‍ഷന്‍. സുരക്ഷക്കായി മുന്നില്‍ 300 എം.എം ട്വിന്‍ ഡിസ്‌കും പിന്നില്‍…

Read More

ആവശ്യക്കാര്‍ കുറഞ്ഞു; ആതര്‍ 340യുടെ നിര്‍മ്മാണം അവസാനിപ്പിച്ച് കമ്പനി

ആവശ്യക്കാര്‍ കുറഞ്ഞു; ആതര്‍ 340യുടെ നിര്‍മ്മാണം അവസാനിപ്പിച്ച് കമ്പനി

ഇലക്ട്രിക് ഇരുചക്ര വാഹന കമ്പനിയായ ആതര്‍ എനര്‍ജി എന്‍ട്രി ലെവല്‍ മോഡല്‍ ആതര്‍ 340യുടെ നിര്‍മാണം അവസാനിപ്പിക്കുന്നതായി അറിയിച്ചു. ആതര്‍ 340ക്ക് ആവശ്യക്കാര്‍ കുറഞ്ഞതോടെയാണ് കമ്പനി ഈ തീരുമാനത്തിലേക്ക് എത്തിയത്. ഇനി കൂടുതല്‍ ശ്രദ്ധ ആതര്‍ 450 മോഡലിലും ഭാവി ഉല്‍പ്പന്നങ്ങളിലുമായിരിക്കുമെന്നും ആതര്‍ എനര്‍ജി വ്യക്തമാക്കി. ആതര്‍ 340-യില്‍ 1.92 kWh ലിഥിയം അയോണ്‍ ബാറ്ററിയും ബ്രഷ്‌ലെസ് ഡിസി ഇലക്ട്രിക് മോട്ടോറുമാണുണ്ടായിരുന്നത്. പരമാവധി 6 ബിഎച്ച്പി പവറും 20 എന്‍എം ടോര്‍ക്കുമാണ് വാഹനം നല്‍കിയിരുന്നത്. ഉയര്‍ന്ന മോഡലായ ആതര്‍ 450യില്‍ 2.4kWh ല ിഥിയം അയേണ്‍ ബാറ്ററിയാണുള്ളത്. 7.2 ബിഎച്ച്പി പവറും 20.5 എന്‍എം ടോര്‍ക്കും ഇതിലെ ഇലക്ട്രിക് മോട്ടോര്‍ നല്‍കും. 340യില്‍ ഒറ്റചാര്‍ജില്‍ 45-60 കിലോമീറ്ററാണ് സഞ്ചരിക്കാന്‍ സാധിച്ചിരുന്നത്. 450-യില്‍ 55-75 കിലോമീറ്റര്‍ ദൂരവും പിന്നിടാം.നിലവില്‍ ബെംഗളൂരുവിലും ചെന്നൈയിലും മാത്രമാണ് ആതര്‍ ഇലക്ട്രിക് സ്‌കൂട്ടറുകള്‍ ലഭ്യമായിട്ടുള്ളത്….

Read More