സ്വയം വിരമിക്കലിന് പണം നല്‍കാനാവില്ല; ബി.എസ്.എന്‍.എല്‍. പുനരുദ്ധാരണ പാക്കേജ് തള്ളി ധനമന്ത്രാലയം

സ്വയം വിരമിക്കലിന് പണം നല്‍കാനാവില്ല; ബി.എസ്.എന്‍.എല്‍. പുനരുദ്ധാരണ പാക്കേജ് തള്ളി ധനമന്ത്രാലയം

ബി.എസ്.എന്‍.എല്‍. പുനരുദ്ധാരണ പാക്കേജ് കേന്ദ്ര ധനകാര്യമന്ത്രാലയം തള്ളി. ആഭ്യന്തരമന്ത്രി അമിത്ഷാ അടക്കമുള്ള മന്ത്രിസഭാ ഉപസമിതിയാണ് പാക്കേജ് തയ്യാറാക്കിയത്. ഇതിന് പണം അനുവദിക്കാന്‍ ആവില്ലെന്ന നിലപാടില്‍ ധനവകുപ്പ് പാക്കേജ് തള്ളിക്കളയുകയായിരുന്നു. പുതിയ പാക്കേജ് തയ്യാറാക്കി സമര്‍പ്പിക്കാനാണ് നിര്‍ദേശം. സ്വയംവിരമിക്കല്‍ പദ്ധതി നടപ്പാക്കുന്നതിനായിരുന്നു പാക്കേജില്‍ ഊന്നല്‍ നല്‍കിയിരുന്നത്. കമ്പനിയില്‍ ജീവനക്കാര്‍ കൂടുതലാണെന്ന വിലയിരുത്തലിലാണിത്. എന്നാല്‍ ഇതിന് പണം നല്‍കാനാവില്ലെന്ന കര്‍ക്കശ നിലപാടായിരുന്നു ധനവകുപ്പ് സ്വീകരിച്ചത്. ബി.എസ്.എന്‍.എല്ലിന് 4 ജി അനുവദിക്കുന്നതിന് സര്‍ക്കാര്‍ പണം അനുവദിക്കാം എന്നതായിരുന്നു മറ്റൊരു നിര്‍ദേശം. എന്നാല്‍ അതിനുള്ള പണം ബി.എസ്.എന്‍.എല്‍. കണ്ടെത്തണമെന്ന നിര്‍ദേശമാണ് ഉണ്ടായത്.

Read More

വെസ്പ, അപ്രീലിയ മോഡലുകള്‍ക്ക് വില വര്‍ധിപ്പിച്ച് പിയാജിയോ

വെസ്പ, അപ്രീലിയ മോഡലുകള്‍ക്ക് വില വര്‍ധിപ്പിച്ച് പിയാജിയോ

രണ്ട് മോഡലുകളുടെ വില വര്‍ധിപ്പിച്ച് പിയാജിയോ. വെസ്പ, അപ്രീലിയ എന്നീ മോഡലുകള്‍ക്കാണ് വില വര്‍ധിപ്പിച്ചിരിക്കുന്നത്. 1,033 രൂപ മുതല്‍ 2,724 രൂപ വരെയാണ് മോഡലുകള്‍ക്ക് വില വര്‍ധന ഏര്‍പ്പെടുത്തിയിരിക്കുന്നത്. സെപ്തംബര്‍ ഒന്നു മുതല്‍ പുതുക്കിയ വിലയിലാണ് സ്‌കൂട്ടറുകള്‍ വില്‍ക്കുന്നതെന്നും കമ്പനി അറിയിച്ചു. അപ്രീലിയ SR 125 ന് 1,033 രൂപയും അപ്രീലിയ സ്റ്റോമിന് 1,674 രൂപയുമാണ് വര്‍ധിപ്പിച്ചിരിക്കുന്നത്. വെസ്പയുടെ പതിപ്പിന് 1,034 രൂപയും വെസ്പ SLX 150 ന് 2,424 രൂപയുമാണ് കമ്ബനി വര്‍ധിപ്പിച്ചിരിക്കുന്നത്. വില വര്‍ധിപ്പിച്ചതിനൊപ്പം വെസ്പ സ്‌കൂട്ടറുകള്‍ക്ക് ഉത്സവ സീസണിലുള്ള ആനുകൂല്യങ്ങളും കമ്പനി പ്രഖ്യാപിച്ചിട്ടുണ്ട്. 125 സിസി 150 സിസി ശ്രേണിയിലാണ് പിയാജിയോ വെസ്പ, അപ്രീലിയ സ്‌കുട്ടറുകളെ അവതരിപ്പിച്ചിരിക്കുന്നത്. പ്രകടനക്ഷമത കൂടിയ സ്‌പോര്‍ടി സ്‌കൂട്ടറുകളില്‍ അപ്രീലിയ ഊന്നല്‍ നല്‍കുമ്പോള്‍ ക്ലാസിക്ക് ചാരുതയുള്ള സ്‌കൂട്ടറുകള്‍ പുറത്തിറക്കുന്നതിലാണ് വെസ്പയുടെ ശ്രദ്ധ മുഴുവന്‍.

Read More

മോദിയുടെ സമ്മാനങ്ങള്‍ ലേലത്തിന് ; മൂല്യം 93.42 ലക്ഷം

മോദിയുടെ സമ്മാനങ്ങള്‍ ലേലത്തിന് ; മൂല്യം 93.42 ലക്ഷം

ന്യൂഡല്‍ഹി: മോദിക്ക് കഴിഞ്ഞ ഒമ്പത് മാസങ്ങള്‍ക്കിടെ ലഭിച്ച ഉപഹാരങ്ങള്‍ ലേലത്തിന്. 93,42,350 രൂപ വിലമതിക്കുന്ന സമ്മാനങ്ങള്‍ നാഷണല്‍ ഗാലറി ഓഫ് മോഡേണ്‍ ആര്‍ട്ടില്‍ വെച്ചാണ് ലേലം ചെയ്യുന്നത്. പ്രധാനമന്ത്രിക്ക് സമ്മാനമായി ലഭിച്ച 35ലധികം ഛായാചിത്രങ്ങളും, ഗാന്ധിജി, മോദിയുടെ അമ്മ, സര്‍ദാര്‍ പട്ടേല്‍ എന്നിവരോടൊപ്പം നില്‍ക്കുന്ന ചിത്രങ്ങളും കൂട്ടത്തിലുണ്ട്. സില്‍ക്ക്, കമ്പിളി, കണ്ണാടി, ഗോള്‍ഡ് പ്ലേറ്റ് എന്നിവകൊണ്ട് നിര്‍മിച്ചവയാണേറെയും. സമ്മാനങ്ങളുടെ കൂട്ടത്തില്‍ പശു പ്രതിമ, സ്വാമി വിവേകാന്ദ പ്രതിമ, ലോര്‍ഡ് കൃഷ്ണയുടെ പ്രതിമ എന്നിവയുമുണ്ട്. 576 ഷാളുകള്‍, 964 അംഗവസ്ത്രം എന്നിവയും ലേലത്തിനായി പ്രദര്‍ശിപ്പിച്ചിട്ടുണ്ട്. ഏറ്റവും വിലകുറഞ്ഞ സമ്മാനത്തിന്റെ വില 200 രൂപയാണ്. കൂടിയതിന്റേതാകട്ടെ 2.5 ലക്ഷവും.

Read More

രാജ്യാന്തര വിപണിയില്‍ ക്രൂഡ് ഓയിലിന്റെ വില കുത്തനെ ഉയര്‍ന്നു

രാജ്യാന്തര വിപണിയില്‍ ക്രൂഡ് ഓയിലിന്റെ വില കുത്തനെ ഉയര്‍ന്നു

  റിയാദ്: ക്രൂഡ് ഓയിലിന്റെ വില രാജ്യാന്തര വിപണിയില്‍ കുത്തനെ വര്‍ധിച്ചു. ബാരലിന് 70 ഡോളര്‍ വരെയാണ് വില ഉയര്‍ന്നിരിക്കുന്നത്. ഇന്ത്യ വാങ്ങുന്ന ബ്രെന്റ് ക്രൂഡിന്റെ വില ഒറ്റയടിക്ക് 20 ശതമാനമാണ് കൂടിയത്. കഴിഞ്ഞ 28 വര്‍ഷത്തിനിടെ അസംസ്‌കൃത എണ്ണ വിലയില്‍ ഒറ്റ ദിവസം കൊണ്ട് ഉണ്ടാകുന്ന ഏറ്റവും വലിയ വില വര്‍ധനയാണ് ഇത്. ഇതിന് മുമ്പ് ഇറാഖ്- കുവൈറ്റ് യുദ്ധ കാലയളവില്‍ മാത്രമാണ് എണ്ണവിലയില്‍ ഇത്രയധികം വര്‍ധന രേഖപ്പെടുത്തിയത്. വരും ദിവസങ്ങളില്‍ ക്രൂഡ് വില ബാരലിന് 80 ഡോളര്‍ വരെ ഉയരാന്‍ സാധ്യതയുണ്ടെന്നാണ് വിവരം. ഹൗതി വിമതര്‍ സൗദി അറേബ്യയുടെ എണ്ണ ഉല്‍പാദന കേന്ദ്രങ്ങള്‍ ആക്രമിച്ചതിനെ തുടര്‍ന്നാണ് വില വര്‍ധിച്ചിരിക്കുന്നത് എന്നാണ് സൂചന. എണ്ണ ഉത്പാദനം പൂര്‍വ്വസ്ഥിതിയിലാകാന്‍ ആഴ്ചകളെടുത്തേക്കുമെന്നാണ് സൂചന. സൗദി അറേബ്യയില്‍ നിന്നുളള എണ്ണ ഏറ്റവും കൂടുതല്‍ എണ്ണ ഇറക്കുമതി ചെയ്യുന്ന രാജ്യങ്ങളിലൊന്നെന്ന നിലയ്ക്ക്…

Read More

ഓഹരി വിപണിയില്‍ നഷ്ടത്തോടെ തുടക്കം

ഓഹരി വിപണിയില്‍ നഷ്ടത്തോടെ തുടക്കം

മുംബൈ;നഷ്ടത്തോടെ തുടക്കവുമായി ഓഹരി വിപണി. സെന്‍സെക്സ് 176 പോയിന്റ് താഴ്ന്ന് 37,208ലും നിഫ്റ്റി 61 പോയന്റ് താഴ്ന്ന് 11,015ലുമാണ് വ്യാപാരം നടക്കുന്നത്. ബിഎസ്ഇയിലെ 502 കമ്പനികളുടെ ഓഹരികള്‍ നഷ്ടത്തിലും 332 ഓഹരികള്‍ നേട്ടത്തിലുമാണ്. 63 ഓഹരികളുടെ വിലക്ക് മാറ്റമില്ല. ബിപിസിഎല്‍, ഐഒസി, എച്ച്പിസിഎല്‍, ഏഷ്യന്‍ പെയിന്റ്സ്, യെസ് ബാങ്ക്, റിലയന്‍സ്, യുപിഎല്‍, ടാറ്റ മോട്ടോഴ്സ്, എല്‍ആന്റ്ടി, എസ്ബിഐ തുടങ്ങിയ ഓഹരികള്‍ നഷ്ടത്തിലാണ്. ഇന്ത്യബുള്‍സ് ഹൗസിങ്, ഹഡ്കോ, ബിഇഎല്‍, ഒഎന്‍ജിസി, ഗെയില്‍ തുടങ്ങിയ ഓഹരികളാണ് നേട്ടത്തില്‍.എഫ്എംസിജി, ഐടി വിഭാഗങ്ങളിലെ ഓഹരികളൊഴികെ മറ്റെല്ലാ സെക്ടറുകളും നഷ്ടത്തിലാണ്. മിഡ്ക്യാപ്, സ്മോള്‍ ക്യാപ് സൂചികകളിലും നഷ്ടത്തിലാണ് വ്യാപാരം നടക്കുന്നത്.

Read More

ബിഗ് ബില്യണ്‍ ഡേയ്സ് എത്തുന്നു; 90 ശതമാനം വരെ ഓഫറുകള്‍ നല്‍കാന്‍ ഒരുങ്ങി ഫ്‌ലിപ്കാര്‍ട്ട്

ബിഗ് ബില്യണ്‍ ഡേയ്സ് എത്തുന്നു; 90 ശതമാനം വരെ ഓഫറുകള്‍ നല്‍കാന്‍ ഒരുങ്ങി ഫ്‌ലിപ്കാര്‍ട്ട്

ബെംഗളൂരു: വമ്പന്‍ ഓഫറുകളുമായി ഫ്‌ലിപ്കാര്‍ട്ട് എത്തുന്നു. സെപ്റ്റംബര്‍ 29 മുതല്  ഒക്ടോബര്‍ 4 വരെയുള്ള ‘ബിഗ് ബില്യണ്‍ ഡേയ്സിലൂടെ ഓണ്‍ലൈന്‍ ഷോപ്പിങ് ആപ്പ് മുന്‍നിര ബ്രാന്‍ഡുകളുടെതടക്കമുള്ള നിരവധി ഉല്‍പന്നങ്ങള്‍ കുറഞ്ഞ വിലയില്‍ ഉപയോക്താക്കള്‍ക്ക് ലഭ്യമാക്കുന്നത്. ഈ ദിനങ്ങളില്‍ 90 ശതമാനം വരെ വിലകിഴിവ് വിവിധ ഉല്‍പന്നങ്ങള്‍ക്ക് നല്‍കുമെന്ന് ഫ്ലിപ്കാര്‍ട്ട് അറിയിച്ചിരിക്കുന്നത്. എന്നാല്‍ ഏതൊക്കെ ഓഫറുകളാകും ലഭിക്കുക എന്ന വിവരം ഫ്ലിപ്പ്കാര്‍ട്ട് ഇതുവരെ പുറത്തുവിട്ടിട്ടില്ല. സെപ്റ്റംബര്‍ 29 ന് വാങ്ങുന്ന ഉല്‍പന്നങ്ങളിന്മേല്‍ 15 ശതമാനം അധിക ഇളവ് നല്‍കും. വിലക്കിഴിവ് കൂടാതെ വിവിധ ഫിനാന്‍സിങ് സേവനങ്ങളും ഓഫര്‍ ചെയ്യുന്നുണ്ട്. നോ കോസ്റ്റ് ഇഎംഐ, എക്സ്ചേഞ്ച്, ബൈബാക്ക് ഗാരന്റി എന്നീ സൗകര്യങ്ങളും ലഭ്യമാക്കും.

Read More

ക്ലാസിക് 350യുടെ വിലകുറഞ്ഞ പതിപ്പ് വിപണിയില്‍

ക്ലാസിക് 350യുടെ  വിലകുറഞ്ഞ പതിപ്പ് വിപണിയില്‍

ബുള്ളറ്റിന് പിന്നാലെ ക്ലാസിക്കിനും വിലകുറച്ച് റോയല്‍ എന്‍ഫീല്‍ഡ്. ക്ലാസിക് 350ന്റെ വിലകുറഞ്ഞ പതിപ്പ് വിപണിയില്‍ അവതരിപ്പിച്ചു. 1.45 ലക്ഷമാണ് പുതിയ ക്ലാസിക് 350 എസിന് ചെന്നൈയിലെ എക്‌സ് ഷോറൂം വില. ക്ലാസിക് 350ക്ക് 1.54 ലക്ഷമാണ് വില. ഇതിനെക്കാള്‍ 9000 രൂപ കുറവാണ് പുതിയ ക്ലാസിക് എസിന്. ക്ലാസിക് 350 യില്‍ എന്‍ജിന്‍, ഇന്‍ഡിക്കേറ്ററുകള്‍ തുടങ്ങിയവയില്‍ ക്രോമിയത്തിന് പകരം കറുത്ത പെയിന്റാണ് ഉപയോഗിച്ചിരിക്കുന്നത്. സിംഗിള്‍ ചാനല്‍ എ.ബി.എസ് സുരക്ഷ ബൈക്കിന് നല്‍കിയിട്ടുണ്ട്. ഓയില്‍ ടാങ്കിലെ റോയല്‍ എന്‍ഫീല്‍ഡ് ലോഗോക്കും പുതുമയുണ്ട്. മറ്റ് ഫീച്ചറുകള്‍ക്കൊന്നും മാറ്റമില്ല. ആദ്യഘട്ടത്തില്‍ തമിഴ്‌നാട്ടിലും കേരളത്തിലും മാത്രമാവും ക്ലാസിക് 350 എസ് ലഭ്യമാവുക.

Read More

ആപ്പിള്‍ ടീ കുടിച്ചിട്ടുണ്ടോ… ഗുണങ്ങള്‍ പലതാണ്…

ആപ്പിള്‍ ടീ കുടിച്ചിട്ടുണ്ടോ… ഗുണങ്ങള്‍ പലതാണ്…

ധാരാളം പോഷകഗുണങ്ങള്‍ അടങ്ങിയ ഒന്നാണ് ആപ്പിള്‍ ടീ. ആന്റിഓക്‌സിഡന്റുകള്‍, മഗ്‌നീഷ്യം, വൈറ്റമിന്‍ ബി, സി, ഇ, മഗ്‌നീഷ്യം, പൊട്ടാസ്യം എന്നിവ ധാരാളം ആപ്പിള്‍ ടീയില്‍ അടങ്ങിയിട്ടുണ്ട്. ദിവസവും ആപ്പിള്‍ ടീ കുടിച്ചാലുള്ള ഗുണങ്ങള്‍ ചെറുതല്ല. വീട്ടില്‍ വളരെ എളുപ്പം ഉണ്ടാക്കാന്‍ പറ്റുന്ന ഒന്നാണ് ആപ്പിള്‍ ടീ. ആപ്പിള്‍ ടീ ഉണ്ടാക്കുന്നത് എങ്ങനെയെന്ന് നോക്കാം. ആദ്യം ഒരു ലിറ്റര്‍ വെള്ളം നന്നായി തിളപ്പിക്കുക. മൂന്ന് ആപ്പിള്‍ കഴുകി തൊലി കളയാതെ, കുരുനീക്കി ചെറിയ കഷ്ണങ്ങളാക്കുക. ഇത് തിളയ്ക്കുന്ന വെള്ളത്തില്‍ ചേര്‍ത്ത് വീണ്ടും അഞ്ച് മിനിറ്റു തിളപ്പിച്ച ശേഷം അല്‍പം ഗ്രാമ്പൂ, കറുവപ്പട്ട, അല്പം തേയില എന്നിവ ചേര്‍ത്ത ശേഷം വീണ്ടും ഏഴ് മിനിറ്റ് തിളപ്പിക്കുക. ശേഷം അരിച്ചെടുത്ത് ഫ്രിഡ്ജില്‍ വച്ച് ഉപയോഗിക്കാം. ആപ്പിള്‍ ടീ കുടിച്ചാലുള്ള ഗുണങ്ങള്‍… പ്രതിരോധശേഷി വര്‍ധിപ്പിക്കും…. ദിവസവും ഒരു കപ്പ് ആപ്പിള്‍ ടീ കുടിക്കുന്നത്…

Read More

വീട്ടില്‍ മൃഗങ്ങളെ വളര്‍ത്താറുണ്ടോ… ഈ കാര്യങ്ങള്‍ അറിഞ്ഞിരിക്കുക

വീട്ടില്‍ മൃഗങ്ങളെ വളര്‍ത്താറുണ്ടോ… ഈ കാര്യങ്ങള്‍ അറിഞ്ഞിരിക്കുക

സമ്മര്‍ദ്ദങ്ങളേറെ നേരിടുന്ന ജീവിതത്തില്‍ ഉത്കണ്ഠയും വിഷാദവുമെല്ലാം സാധാരണ രോഗമായി മാറിയിട്ടുണ്ട്. ചെറുപ്പക്കാര്‍ക്കിടയിലാണ് ഇത്തരം മാനസിക പ്രശ്നങ്ങള്‍ കൂടിവരികയാണെന്ന് ഡോക്ടര്‍മാര്‍ സാക്ഷ്യപ്പെടുത്തുന്നത്. പ്രായമായവരിലും ഇത്തരം പ്രശ്‌നങ്ങള്‍ ഉണ്ട്. എന്നാല്‍ പലരും തങ്ങള്‍ അനുഭവിക്കുന്ന ബുദ്ധിമുട്ടുകള്‍ക്ക് അതിന്റെ തീവ്രതയനുസരിച്ച് കാരണം കണ്ടെത്താനോ ചികിത്സ തേടാനോ ശ്രമിക്കുന്നില്ല എന്നത് മറ്റൊരു കാര്യം. വീട്ടില്‍ വളര്‍ത്തുമൃഗങ്ങലുണ്ടെങ്കില്‍ നിങ്ങള്‍ക്ക് ഇത്തരം സമ്മര്‍ദ്ദങ്ങളും വിഷാദവും കുറയുമെന്നാണ് പുതിയ പഠനം പറയുന്നത്. പ്രായമായവരിലാണ് ഈ പഠനം നടത്തിയത്. യുഎസിലെ യൂണിവേഴ്‌സിറ്റി ഓഫ് മിക്കിഖാനാണ് പഠനം നടത്തിയത്. വളര്‍ത്തുമൃഗങ്ങളുളള 50നും 80നും ഇടയില്‍ പ്രായമുളളവരിലാണ് പഠനം നടത്തിയത്. അതില്‍ 55 ശതമാനം പേരും പറയുന്നത് വളര്‍ത്തുമൃഗങ്ങള്‍ തങ്ങളുടെ സമ്മര്‍ദ്ദങ്ങളെ കുറയ്ക്കാന്‍ സഹായിക്കുന്നുവെന്നാണ്. എന്നാല്‍ 18 ശതമാനം പേര്‍ പറയുന്നത് വളര്‍ത്തുമൃഗങ്ങള്‍ തങ്ങള്‍ക്ക് അമിത ചിലവ് നല്‍കുന്നുവെന്നാണ്. വളര്‍ത്തുനായയുളള 78 ശതമാനം പേരും പറയുന്നത് തങ്ങളുടെ കായികശമതയ്ക്കും ശാരീരികാരോഗ്യത്തിനും വളര്‍ത്തുമൃഗങ്ങള്‍…

Read More

ഗര്‍ഭകാലത്ത് നൈറ്റ് ഷിഫ്റ്റ് ജോലി ഒഴിവാക്കാം

ഗര്‍ഭകാലത്ത് നൈറ്റ് ഷിഫ്റ്റ് ജോലി ഒഴിവാക്കാം

ഗര്‍ഭകാലം എന്ന് പറയുന്നത് മൂന്ന് ഘട്ടമായി തിരിക്കാം. അതില്‍ ആദ്യത്തെ മൂന്ന് മാസം വളരെയധികം ശ്രദ്ധിക്കണമെന്ന് പറയാറുണ്ട്. ഗര്‍ഭിണികള്‍ ആദ്യത്തെ മൂന്ന് മാസം നൈറ്റ് ഷിഫ്റ്റ് ജോലി ചെയ്യുന്നത് ഒഴിവാക്കണം. കാരണം, രാത്രി ജോലി ചെയ്യുമ്പോള്‍ അബോര്‍ഷന്‍ ഉണ്ടാകാനുള്ള സാധ്യത വളരെ കൂടുതലാണെന്ന് പഠനം. ഒക്യുപ്പേഷണല്‍ ആന്‍ഡ് എന്‍വയണ്‍മെന്റല്‍ മെഡിസിന്‍ ജേണലില്‍ പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്. നൈറ്റ് ഷിഫ്റ്റ് ജോലി ചെയ്യുന്ന 22,744 ഗര്‍ഭിണികളില്‍ പഠനം നടത്തുകയായിരുന്നു. രാത്രി ഷിഫ്റ്റില്‍ ജോലി ചെയ്യുന്നത് കൃത്രിമ വെളിച്ചം ഏല്‍ക്കാന്‍ ഇടയാക്കുമെന്നും പഠനത്തില്‍ പറയുന്നു. അത് കൂടാതെ, ഉറക്കത്തെയും ഉണരലിനെയും നിയന്ത്രിക്കുന്ന മെലാടോണിന്‍ എന്ന ഹോര്‍മോണിന്റെ അളവിനെ ഇത് കുറയ്ക്കുകയും ചെയ്യുന്നു. ഗര്‍ഭകാലത്ത് മെലാടോണിന്റെ പങ്ക് വളരെ പ്രധാനപ്പെട്ടതാണെന്ന് ഡെന്‍മാര്‍ക്കിലെ ഫ്രെഡറിക്‌സ്ബര്‍ഗ് ആശുപത്രിയിലെ ഡോ. ലൂയിസ് മോലെന്‍ബര്‍ഗ് ബെഗ്ട്രൂപ് പറയുന്നു. നൈറ്റ് ഷിഫ്റ്റ് ജോലി ചെയ്യുന്നവരില്‍ 4 മുതല്‍…

Read More