പട്ടത്താനം എസ്എന്‍ഡിപി യുപി സ്‌കൂളിന് നന്ദി അറിയിച്ച് ഐഎസ്ആര്‍ഓ

പട്ടത്താനം എസ്എന്‍ഡിപി യുപി സ്‌കൂളിന് നന്ദി അറിയിച്ച് ഐഎസ്ആര്‍ഓ

ഇന്ത്യയുടെ രണ്ടാമത് ചാന്ദ്ര ദൗത്യമായ ചന്ദ്രയാന്‍ രണ്ട് വിജയകരമായി വിക്ഷേപിച്ച ഐഎസ്ആര്‍ഓയ്ക്ക് അഭിനന്ദന സന്ദേശം അയച്ച കൊല്ലം പട്ടത്താനം എസ്എന്‍ഡിപി യുപി സ്‌കൂളിന് നന്ദി അറിയിച്ച് ഐഎസ്ആര്‍ഓയുടെ ട്വീറ്റ്. സ്‌കൂള്‍ അയച്ചുകൊടുത്ത വിദ്യാര്‍ഥികളുടെ ആശംസാവാചകങ്ങളും ഒപ്പുകളും ആലേഖനം ചെയ്ത കാന്‍വാസ് ചിത്രവും ഐഎസ്ആര്‍ഓ ട്വീറ്റില്‍ ഉള്‍പ്പെടുത്തി. ജൂലായ് 22 നാണ് ഐഎസ്ആര്‍ഓ രണ്ടാമത് ചാന്ദ്ര ദൗത്യമായ ചന്ദ്രയാന്‍ രണ്ട് വിക്ഷേപിച്ചത്. ദിവസങ്ങള്‍ നീണ്ട യാത്രയ്‌ക്കൊടുവില്‍ ചന്ദ്രയാന്‍ രണ്ട് ചന്ദ്രോപരിതലത്തോട് രണ്ടായിരത്തോളം കിലോമീറ്റര്‍ അകലെ എത്തിക്കഴിഞ്ഞിട്ടുണ്ട്. സെപ്റ്റംബര്‍ ഏഴിനാണ് ചന്ദ്രയാന്‍ രണ്ടിലെ വിക്രം ലാന്റര്‍ ചന്ദ്രന്റെ ഇരുട്ടുനിഞ്ഞ ദക്ഷിണ ധ്രുവത്തില്‍ ഇറങ്ങുക. ഐഎസ്ആര്‍ഓയുടെ ചരിത്രത്തിലെ ഏറ്റവും വലിയ നേട്ടങ്ങളിലൊന്നാവും അത്.

Read More

64 മെഗാപിക്സല്‍ ക്വാഡ് ക്യാമറ, ഹീലിയോ ജി90 ; റെഡ്മി നോട്ട് 8 ഓഗസ്റ്റ് 29ന്

64 മെഗാപിക്സല്‍ ക്വാഡ് ക്യാമറ, ഹീലിയോ ജി90 ; റെഡ്മി നോട്ട് 8 ഓഗസ്റ്റ് 29ന്

64 മെഗാപിക്‌സല്‍ ക്വാഡ് റിയര്‍ ക്യാമറയും ഹീലിയോ ജി90 പ്രൊസസറുമായി റെഡ്മി നോട്ട് 8, നോട്ട് 8 പ്രോ സ്മാര്‍ട്‌ഫോണുകള്‍ വരുന്നു. ചൈനയില്‍ ഓഗസ്റ്റ് 29 നാണ് ഫോണുകള്‍ അവതരിപ്പിക്കുക. ചൈനീസ് സോഷ്യല്‍ മീഡിയാ വെബ്‌സൈറ്റായ വീബോയില്‍ റെഡ്മി ഇത് സംബന്ധിച്ച പോസ്റ്ററുകള്‍ പങ്കുവെച്ചിട്ടുണ്ട്. ഗെയിമിങിന് പ്രാധാന്യം നല്‍കിക്കൊണ്ട് വികസിപ്പിച്ച മീഡിയാ ടെകിന്റെ ഹീലിയോ ജി90 / ജി90 ടി പ്രൊസസറുകളായിരിക്കും റെഡ്മി നോട്ട് 8 പരമ്പര ഫോണുകള്‍ക്ക് ശക്തിപകരുക. റെഡ്മി വീബോയില്‍ പങ്കുവെച്ച പോസ്റ്റുകള്‍ ഫോണിന്റെ പിന്നില്‍ മധ്യഭാഗത്ത് ലംബമായി മൂന്ന് ക്യാമറാ സെന്‍സറുകളും ഫിംഗര്‍പ്രിന്റ് സ്‌കാനറും സ്ഥാപിച്ചിരിക്കുന്നു. ഇതിന് വലത് ഭാഗത്തായി നാലാമത്തെ ക്യാമറ സെന്‍സറും എല്‍ഇഡി ഫ്‌ളാഷ് ലൈറ്റും സ്ഥാപിച്ചിരിക്കുന്നു. മികച്ച ക്യാമറ, ദൈര്‍ഘ്യമേറിയ ബാറ്ററി, ഉയര്‍ന്ന സ്‌ക്രീന്‍ അനുപാതം എന്നീ സവിശേഷതകളുമായാണ് റെഡ്മി നോട്ട് 8 അവതരിപ്പിക്കുന്നത് എന്ന് ഷാവോമി വൈസ്…

Read More

പബ്ജി മാറുന്നു; ഇനി വ്യോമയുദ്ധവും; ഹെലികോപ്റ്ററും ആര്‍പിജിയും മിലിറ്ററി വാഹനങ്ങളും

പബ്ജി മാറുന്നു; ഇനി വ്യോമയുദ്ധവും; ഹെലികോപ്റ്ററും ആര്‍പിജിയും മിലിറ്ററി വാഹനങ്ങളും

അടുത്തിടെയാണ് പബ്ജി മൊബൈല്‍ ഗെയിമിലെ ഇറംഗല്‍ മാപ്പില്‍ കൂടുതല്‍ ഗ്രാഫിക്‌സ് പരിഷ്‌കാരങ്ങള്‍ കൊണ്ടുവരുന്നുവെന്ന് ടെന്‍സന്റ് ഗെയിംസ് വെളിപ്പെടുത്തിയത്. പബ്ജി പിസിയിലെ ഇറംഗല്‍ മാപ്പിന് സമാനമായ ഗ്രാഫിക്‌സ് അനുഭവം കൊണ്ടുവരികയാണ് ലക്ഷ്യം. ഈ റീ ഡിസൈന്‍ എപ്പോള്‍ മുതല്‍ നിലവില്‍ വരുമെന്ന് വ്യക്തമല്ല. അതേസമയം പബ്ജിയിലെ സഞ്ചാരങ്ങള്‍ക്കും പോരാട്ടങ്ങള്‍ക്കും പുതിയ വാഹനങ്ങള്‍ കൂടി അവതരിപ്പിക്കപ്പെടുമെന്നാണ് പുതിയ റിപ്പോര്‍ട്ടുകള്‍. പബ്ജിയില്‍ കളിക്കാര്‍ക്ക് ഹെലികോപ്റ്ററില്‍ പറക്കാനാവുമെന്ന് മിസ്റ്റര്‍ ഗോസ്റ്റ് ഗെയിമിങ് എന്ന യൂട്യൂബര്‍ വെളിപ്പെടുത്തുന്നു. ഇറംഗല്‍ മാപ്പിലെ സ്‌കൂളിന് മുകളിലായി ഹെലിപാഡ് സ്ഥാപിക്കുമെന്നും, ടീമിലെ നാല് പേര്‍ക്കും ഒരേ സമയം ഹെലികോപ്റ്ററില്‍ യാത്ര ചെയ്യാന്‍ സാധിക്കും. ഗോസ്റ്റ് ഗെയിമിങ് ചാനല്‍ പുറത്തുവിട്ട വീഡിയോയില്‍ കാണുന്ന ഹെലികോപ്റ്റര്‍ ബോയിങ് എഎച്ച്-6 ഹെലികോപ്റ്ററിന് സമാനമാണ്. പബ്ജി പിസിയില്‍ അവതരിപ്പിക്കപ്പെട്ട ബിആര്‍ഡിഎം മിലിറ്ററി വാഹനമാണ് പബ്ജി മൊബൈലില്‍ വരാനിരിക്കുന്ന മറ്റൊരു വാഹനം. ഫ്‌ളെയര്‍ ഗണ്‍ ഉപയോഗിച്ച്…

Read More

ക്ലാസിക് ലുക്കില്‍ ബെനെലി ഇംപീരിയാലെ 400

ക്ലാസിക് ലുക്കില്‍ ബെനെലി ഇംപീരിയാലെ 400

ബെനെലിയുടെ ഇംപീരിയാലെ 400 ചൈനയില്‍ അവതരിപ്പിച്ചു. വരുന്ന ദീപാവലി ഉത്സവസീസണില്‍ ബെനെലി ഇന്ത്യയില്‍ പുറത്തിറക്കുമെന്ന് പ്രതീക്ഷിക്കുന്ന മോഡലാണിത്. 23,800 ചൈനീസ് യൂവാനാണ് (2.40 ലക്ഷം രൂപ) ചൈനയില്‍ ഇതിന്റെ വിപണി വില. ചൈനീസ് സ്‌പെക്കിന് സമാനമായ ഇംപീരിയാലെ 400 മോഡലാണ് വൈകാതെ ഇന്ത്യയിലുമെത്തുക. രൂപത്തില്‍ റോയല്‍ എന്‍ഫീല്‍ഡ് ക്ലാസിക് മോഡലുകളോട് ഏറെ സാമ്യമുള്ള മോഡലാണ് ഇംപീരിയാലെ. ഇന്ത്യന്‍ വിപണിലെത്തുമ്പോള്‍ മുഖ്യ എതിരാളിയും എന്‍ഫീല്‍ഡായിരിക്കും. റെട്രോ രൂപമാണ് ഇംപീരിയാലെയുടെ സവിശേഷത. റൗണ്ട് ഹെഡ് ലൈറ്റ്, ഫ്യുവല്‍ ടാങ്ക്, സീറ്റ്, നീളമേറിയ ഹാന്‍ഡില്‍ ബാര്‍ തുടങ്ങി മിക്ക ഭാഗങ്ങളും എന്‍ഫീല്‍ഡ് ക്ലാസിക്കുമായി ഏറെ സാമ്യം പുലര്‍ത്തുന്നു. ഡബിള്‍ ക്രാഡില്‍ സ്റ്റീല്‍ ട്യൂബ് ഫ്രെയ്മിലാണ് വാഹനത്തിന്റെ നിര്‍മാണം. ഉയര്‍ന്നിരിക്കുന്ന ട്വിന്‍ പോഡ് ഇന്‍സ്ട്രുമെന്റ് ക്ലസ്റ്റര്‍ സ്‌റ്റൈലിഷ് ലുക്ക് നല്‍കും. സ്പീഡോ മീറ്റര്‍, ടാക്കോമീറ്റര്‍, ഓഡോമീറ്റര്‍, ഫ്യുവല്‍ ഗേജ് എന്നിവ ഇതില്‍ ദൃശ്യമാകും….

Read More

തനി നാടനായി ജോജു

തനി നാടനായി ജോജു

ജോസഫ്’ എന്ന ചിത്രത്തിലെ കഥാപാത്രവും പ്രകടനവുമായിരുന്നു ജോജു ജോര്‍ജ്ജിന്റെ അഭിനയജീവിതത്തിലെ ഏറ്റവും വലിയ ബ്രേക്ക്. എല്ലാത്തരം പ്രേക്ഷകരും കൈയ്യടികളോടെ സ്വീകരിച്ച പ്രകടനത്തിന് പുരസ്‌കാരങ്ങളും ലഭിച്ചു. മികച്ച നടനുള്ള സംസ്ഥാന പുരസ്‌കാരവും ദേശീയ അവാര്‍ഡിലെ പ്രത്യേക പരാമര്‍ശവും. ‘ജോസഫ്’ ജോജുവിലെ നടന് മുന്നില്‍ ഒട്ടേറെ അവസരങ്ങളാണ് തുറന്നിടുന്നത്. ജോഷി നാല് വര്‍ഷത്തെ ഇടവേളയ്ക്ക് ശേഷം സംവിധാനം ചെയ്യുന്ന ചിത്രം ‘പൊറിഞ്ചു മറിയം ജോസി’ലെ ‘പൊറിഞ്ചു’ ആവുന്നത് അദ്ദേഹമാണ്. ഫൈറ്റ് സീക്വന്‍സുകള്‍ക്ക് പ്രാധാന്യമുള്ള സിനിമയാണിത്. തന്റെ കഥാപാത്രത്തിന്റെ ഇന്‍ട്രൊഡക്ഷന്‍ തന്നെ ഒരു സംഘട്ടന രംഗത്തോടെയാണെന്നും സ്വന്തം നാട്ടില്‍വച്ചാണ് അത് ചിത്രീകരിച്ചതെന്നും പറയുന്നു ജോജു. മോഹന്‍ലാലിന്റെ ഫൈറ്റ് സീക്വന്‍സുകളോടുള്ള തന്റെ താല്‍പര്യത്തെക്കുറിച്ചും പറയുന്നു ജോജു. ചിത്രത്തില്‍ ‘മറിയ’ത്തെ അവതരിപ്പിക്കുന്ന നൈല ഉഷയുമായുള്ള വീഡിയോ സംഭാഷണം ഏഷ്യാനെറ്റ് ന്യൂസ് ഓണ്‍ലൈനിനുവേണ്ടി തയ്യാറാക്കിയതാണ്. ‘മുന്‍പുള്ള പല സിനിമകളിലും തല്ല് കൊണ്ട് ഓടുന്ന കഥാപാത്രങ്ങളായി ജോജുവിനെ…

Read More

ഖത്തറില്‍ റോഡിന്റെ നിറം ഇനി നീല; ചൂട് 20 ഡിഗ്രി കുറയും

ഖത്തറില്‍ റോഡിന്റെ നിറം ഇനി നീല; ചൂട് 20 ഡിഗ്രി കുറയും

ചൂട് കുറയ്ക്കാന്‍ കറുപ്പ് നിറത്തിലുള്ള റോഡ് നീല നിറത്തിലേക്ക് മാറ്റി ഖത്തര്‍ പൊതുമരാമത്ത് വകുപ്പ് . നീല നിറത്തിലുള്ള റോഡുകള്‍ താപനില 15-20 ഡിഗ്രി വരെ കുറയ്ക്കുന്നമെന്ന പഠനത്തിന്റെ അടിസ്ഥാനത്തിലാണ് ഖത്തറില്‍ പരീക്ഷണാടിസ്ഥാനത്തില്‍ നീല റോഡുകള്‍ യാഥാര്‍ഥ്യമാക്കിയത്. ദോഹയിലെ അബ്ദുള്ള ബിന്‍ ജാസ്മിന്‍ സ്ട്രീറ്റിലെ 200 മീറ്റര്‍ റോഡാണ് നീല നിറത്തിലേക്ക് മാറ്റിയത്. പ്രമുഖ ജാപ്പനീസ് കമ്പനിയുമായി ചേര്‍ന്നാണ് ഖത്തര്‍ പൊതുമരാമത്ത് വകുപ്പിന്റെ പുതിയ പരീക്ഷണം. പതിനെട്ട് മാസത്തേക്കാണ് പരീക്ഷണാടിസ്ഥാനത്തില്‍ ഈ പദ്ധതി. റോഡിന്റെ താപനില അളക്കാനുള്ള സെന്‍സറുകളും ഈ നീല റോഡുകളിലുണ്ട്. പരീക്ഷണം വിജയകരമായാല്‍ ഖത്തറിലെ മറ്റ് പ്രധാന റോഡുകളും നീല നിറത്തിലേക്ക് മാറ്റും.

Read More

75 ശതമാനം കരളും പ്രവര്‍ത്തനരഹിതം ജീവിക്കുന്നത് 25 ശതമാനത്തില്‍; അമിതാഭ് ബച്ചന്‍

75 ശതമാനം കരളും പ്രവര്‍ത്തനരഹിതം ജീവിക്കുന്നത് 25 ശതമാനത്തില്‍; അമിതാഭ് ബച്ചന്‍

എട്ട് വര്‍ഷത്തോളം തനിക്ക് ക്ഷയരോഗബാധയുണ്ടെന്ന് തിരിച്ചറിയാനായില്ലെന്നും ഹെപ്പറ്റൈറ്റിസ് ബാധ മൂലം തന്റെ കരള്‍ 75 ശതമാനം നശിച്ച് പോയെന്നും ഇന്ന് ജീവിക്കുന്നത് 25 ശതമാനം മാത്രം പ്രവര്‍ത്തിക്കുന്ന കരള്‍ കൊണ്ടാണെന്നും അമിതാഭ് ബച്ചന്‍. എന്‍ഡിവിയുടെ സ്വസ്ത് ഇന്ത്യ ലോഞ്ചില്‍ ലക്ഷണം നോക്കി നേരത്തെ രോഗ നിര്‍ണയം നടത്തേണ്ടതിന്റെ ആവശ്യകതയെക്കുറിച്ച് സംസാരിക്കുയായിരുന്നു അദ്ദേഹം. ബച്ചന്റെ വാക്കുകള്‍ ‘നേരത്തെ രോഗനിര്‍ണയം നടത്തേണ്ടതിന്റെ ആവശ്യകതയെക്കുറിച്ച് സമൂഹത്തെ ബോധവാന്മാരാക്കാന്‍ ഞാന്‍ എന്റെ ജീവിതം തന്നെയാണ് ഉദാഹരണമായി കാണിക്കുന്നത്. ഞാന്‍ ക്ഷയരോഗത്തെ അതിജീവിച്ച വ്യക്തിയാണ്, ഹെപ്പറ്റൈറ്റിസ് ബി അതിജീവിച്ച വ്യക്തിയാണ്. ഇത് തുറന്നു പറയാന്‍ എനിക്കൊരു മടിയുമില്ല. രോഗമുള്ള ഒരാളുടെ രക്തം സ്വീകരിച്ചതു കൊണ്ടാണ് എനിക്ക് ഹെപ്പറ്റൈറ്റിസ് ബി ബാധിച്ചത്. പക്ഷേ അത് തിരിച്ചറിഞ്ഞത് 20 വര്‍ഷങ്ങള്‍ക്ക് ശേഷമാണ്. അപ്പോഴേക്കും എന്റെ 75 ശതമാനം കരളും പ്രവര്‍ത്തനരഹിതമായിത്തീര്‍ന്നിരുന്നു.. ബാക്കിയുള്ള 25 ശതമാനത്തിലാണ് ഞാന്‍ ഇന്നും…

Read More

പോസ്റ്റ് ചെയ്യും മുന്‍പ് ആലോചിക്കുക; ടിക്ക് ടോക്ക്

പോസ്റ്റ് ചെയ്യും മുന്‍പ് ആലോചിക്കുക; ടിക്ക് ടോക്ക്

അടുത്തക്കാലത്ത് ഇന്ത്യയില്‍ ഏറ്റവും കൂടുതല്‍ വിമര്‍ശിക്കപ്പെടുന്ന സോഷ്യല്‍ മീഡിയ ആപ്പാണ് ടിക് ടോക്. ചൈനീസ് നിര്‍മ്മിതിയായ ഈ വീഡിയോ ഷെയറിംഗ് ആപ്പ് വലിയ നിയമപ്രശ്‌നങ്ങള്‍ തന്നെ ഉണ്ടാക്കിയിട്ടുണ്ട്. ടിക്ടോക് ആപ്പിന്റെ ഇന്ത്യയിലെ നിലനില്‍പ്പ് തന്നെ ചോദ്യം ചെയ്യപ്പെടുന്ന കേസുകളാണ് വിവിധ കോടതികളില്‍ നടക്കുന്നത്. അശ്ലീലവും സഭ്യമല്ലാത്തതുമായി ഉള്ളടക്കത്തിന്റെ പേരിലാണ് ടിക്ടോക് പഴി കേള്‍ക്കുന്നത്. ഈ പരാതി വ്യാപകമായതോടെ തങ്ങളുടെ പ്ലാറ്റ് ഫോമില്‍ എത്തുന്ന വീഡിയോകളുടെ ഗുണനിലവാരം വര്‍ദ്ധിപ്പിക്കാനുള്ള കഠിന ശ്രമത്തിലാണ് ടിക്ടോക്. കഴിഞ്ഞ മാസം ലക്ഷക്കണക്കിന് വീഡിയോകള്‍ ടിക്ടോക് നീക്കം ചെയ്തിരുന്നു. ഇതിന് പിന്നാലെയാണ് പുതിയ ക്യാംപെയിന്‍ ടിക്ടോക് ആരംഭിക്കുന്നത്. WaitASecToReflect എന്ന പ്രചാരണം ഉപയോക്താക്കളുടെ ഡിജിറ്റല്‍ സാക്ഷരത വര്‍ദ്ധിപ്പിക്കാനാണ് ഉദ്ദേശിക്കുന്നത്. ഡിജിറ്റല്‍ ശാക്തീകരണ ഫൗണ്ടേഷനുമായി (ഡിഇഎഫ്) സഹകരിച്ചാണ് ടിക്ടോക് മികച്ച ഉള്ളടക്കങ്ങള്‍ക്കായി ഡിജിറ്റല്‍ സാക്ഷരതാ പരിപാടി സംഘടിപ്പിക്കുന്നത്. ആദ്യ ഘട്ടമായി ഇന്ത്യയിലെ പത്ത് സംസ്ഥാനങ്ങളിലായാണ് ഉപയോക്താക്കള്‍ക്കിടയില്‍…

Read More

ചാര്‍ജിംഗ് സംവിധാനത്തില്‍ വിപ്ലവകരമാറ്റത്തിന് ഒരുങ്ങി ഐഫോണ്‍

ചാര്‍ജിംഗ് സംവിധാനത്തില്‍ വിപ്ലവകരമാറ്റത്തിന് ഒരുങ്ങി ഐഫോണ്‍

സെപ്റ്റംബര്‍ 10ന് പുതിയ ഐഫോണ്‍ മോഡലുകള്‍ ആപ്പിള്‍ പുറത്തിറക്കുമെന്നാണ് പ്രതീക്ഷിക്കപ്പെടുന്നത്. മൂന്ന് മോഡലുകളായിരിക്കും പുറത്തിറക്കുകയെന്നാണ് പുറത്ത് വരുന്ന റിപ്പോര്‍ട്ടുകള്‍. ഐ ഫോണ്‍ 11, ഐ ഫോണ്‍ 11 പ്രോ, ഐ ഫോണ്‍ പ്രോ മാക്‌സ് എന്നിങ്ങനെ മൂന്ന് മോഡലുകള്‍ അവതരിപ്പിക്കപ്പെടുമെന്നാണ് അഭ്യൂഹം. ഐ ഫോണ്‍ എക്‌സ് ആറിന് പകരക്കാരനായി ഐ ഫോണ്‍ 11 ആര്‍ കൂടി അവതരിക്കപ്പെടുമെന്ന് അഭ്യൂഹങ്ങളുണ്ട്. ഐ ഫോണ്‍ എക്‌സ് ആറിലേത് പോലെ എല്‍ഇഡി ഡിസ്‌പ്ലേയായിരിക്കും ഈ ഫോണിനെന്നാണ് പ്രതീക്ഷിക്കപ്പെടുന്നത്. പിന്നില്‍ ട്രിപ്പിള്‍ ക്യാമറ സിസ്റ്റവുമായിട്ടായിരിക്കും ഐ ഫോണ്‍ 11 എത്തുകയെന്നാണ് പ്രതീക്ഷിക്കപ്പെടുന്നത്. ഇതിനപ്പുറം ഞെട്ടിക്കുന്ന ഫീച്ചറുകളൊന്നും ഇക്കുറി പ്രതീക്ഷിക്കേണ്ടതില്ലെന്നാണ് ടെക് ലോകത്തെ സംസാരം. അതിനിടയിലാണ് പുതിയ വാര്‍ത്ത വരുന്നത്. പതിവ് രീതികള്‍ മാറ്റി ഇത്തവണ ഐഫോണിന്റെ ചാര്‍ജിംഗ് പോര്‍ട്ട് സി-ടൈപ്പ് ആയിരിക്കും എന്നാണ് സൂചന. ചാര്‍ജര്‍ ലാബിനെ ഉദ്ധരിച്ച് പ്രമുഖ ടെക് സൈറ്റുകളാണ്…

Read More

ഫേസ്ബുക്ക് പോസ്റ്റുകള്‍ നോക്കുന്നത് അവരുടെ ജോലി; വാര്‍ഷിക ശമ്പളം 2,50,000 രൂപവരെ

ഫേസ്ബുക്ക് പോസ്റ്റുകള്‍ നോക്കുന്നത് അവരുടെ ജോലി; വാര്‍ഷിക ശമ്പളം 2,50,000 രൂപവരെ

ഫേസ്ബുക്കില്‍ നിങ്ങളിടുന്ന പോസ്റ്റുകള്‍ നിരീക്ഷിക്കുക അതിനായി വര്‍ഷം 2,50,000 രൂപവരെ ശമ്പളം വാങ്ങുക. ഇങ്ങനെയുമുണ്ട് ഒരു ജോലി. ഹൈദരാബാദില്‍ പ്രവര്‍ത്തിക്കുന്ന ജെന്‍പാക്ടിലെ ഏതാണ്ട് 1600 തൊഴിലാളികളുടെ ജോലിയുടെ സ്വഭാവമാണ് പറഞ്ഞത്. ഫേസ്ബുക്കിനു വേണ്ടി കരാര്‍ അടിസ്ഥാനത്തില്‍ മോഡറേഷന്‍ ജോലികള്‍ ചെയ്യുന്ന ജെന്‍പാക്റ്റ് ജീവനക്കാരുടെ ശമ്പളം 8,000 രൂപയില്‍ നിന്ന് 20,000 രൂപയായി ഉയര്‍ത്തിയതായി ദേശീയ മാധ്യമങ്ങളിലെ റിപ്പോര്‍ട്ട്. ജെന്‍പാക്ടിന്റെ ഹൈദരാബാദ് യൂണിറ്റ്, ഇംഗ്ലീഷ് പോസ്റ്റുകള്‍ക്ക് പുറമേ, ഇന്ത്യന്‍ ഭാഷകളിലെയും അറബിക്, ചില അഫ്ഗാന്‍, ഏഷ്യന്‍ ഗോത്ര ഭാഷകളിലെയും പോസ്റ്റുകള്‍ അവലോകനം ചെയ്യുന്നുണ്ട്. ഫേസ്ബുക്കിന്റെ നിബന്ധനകളും വ്യവസ്ഥകളും ലംഘിച്ചതായി ഉപയോക്താക്കള്‍ ഫ്‌ലാഗ്/റിപ്പോര്‍ട്ട് ചെയ്യുന്ന പോസ്റ്റുകള്‍ പരിശോധിക്കുക എന്നതാണ് ഇവിടുത്തെ ജീവനക്കാരുടെ ജോലി. അക്രമം, നഗ്‌നത, വര്‍ഗ്ഗീയത, വിദ്വോഷ പ്രചാരണം ഉള്ളടക്കമുള്ള ഫേസ്ബുക്ക് പോസ്റ്റുകള്‍ ഈ ജീവനക്കാര്‍ പരിശോധിക്കുന്നു. ഫേസ്ബുക്ക് പോസ്റ്റുകള്‍ കൈകാര്യം ചെയ്യുമ്പോള്‍ അവര്‍ മാനസികമായും കഷ്ടപ്പെടുകയാണെന്ന് ഫെബ്രുവരിയില്‍…

Read More