Day: June 28, 2019

ദിവസവും ഒരു മണിക്കൂര്‍ വ്യായാമം ചെയ്താല്‍ തലച്ചോറിന്റെ പ്രവര്‍ത്തനത്തെ മെച്ചപ്പെടുത്താമെന്ന് പുതിയ പഠനങ്ങള്‍ തെളിയിക്കുന്നു. ആഴ്ച്ചയില്‍ മൂന്ന് ദിവസം സൈക്ലിംഗ് ചെയ്യുന്നതും തലച്ചോറിന്റെ പ്രവര്‍ത്തനത്തെ മെച്ചപ്പെടുത്താന്‍ സഹായിക്കുമെന്ന് പഠനത്തില്‍ പറയുന്നു. യുഎസിലെ ഡ്യൂക്ക് യൂണിവേഴ്‌സിറ്റിയിലെ ഗവേഷകരാണ് പഠനം നടത്തിയത്. ദിവസവും വ്യായാമം ചെയ്യുന്നതിലൂടെ തലച്ചോറിലേക്കുള്ള രക്തയോട്ടം കൂട്ടുകയും സമ്മര്‍ദ്ദം കുറയ്ക്കുകയും ചെയ്യുമെന്ന് പഠനത്തില്‍ പറയുന്നു. തലച്ചോറിനെ മാത്രമല്ല ഹൃദയസംബന്ധമായ അസുഖങ്ങള്‍ അകറ്റാനും വ്യായാമം വളരെ നല്ലതാണെന്നാണ് ഗവേഷകര്‍ ചൂണ്ടിക്കാട്ടുന്നു. ജേണല്‍ ന്യൂറോളജി പ്രസിദ്ധീകരിച്ച പഠനത്തിലാണ് ഇക്കാര്യങ്ങള്‍ പറയുന്നത്. ഉയര്‍ന്ന രക്തസമ്മര്‍ദ്ദവും ഹൃദയസംബന്ധമായ അസുഖങ്ങളുമുള്ള 160 ചെറുപ്പക്കാരില്‍ പഠനം നടത്തുകയായിരുന്നു. ശ്രദ്ധ കേന്ദ്രീകരിക്കാനുള്ള ബുദ്ധിമുട്ട് , ഓര്‍മശക്തി കുറഞ്ഞു വരിക ഇത്തരം പ്രശ്‌നങ്ങളും പഠനത്തില്‍ പങ്കെടുത്ത ചെറുപ്പക്കാരില്‍ കാണാമായിരുന്നുവെന്ന് ഗവേഷകന്‍ ജെയിംസ് പറയുന്നു. സ്ഥിരമായി വ്യായാമം ചെയ്യുന്നത് ഓര്‍മശക്തി വര്‍ധിപ്പിക്കാനും പക്ഷാഘാതം വരാതിരിക്കാനും സഹായിക്കുമെന്ന് യൂണിവേഴ്‌സിറ്റി ഓഫ് ബ്രിട്ടീഷ്…