വരാപ്പുഴ കസ്റ്റഡി മരണക്കേസ്; മുന്‍ റൂറല്‍ എസ്പിയെ പ്രതിയാക്കുന്ന കാര്യത്തില്‍ അനിശ്ചിതത്വം

വരാപ്പുഴ കസ്റ്റഡി മരണക്കേസ്; മുന്‍ റൂറല്‍ എസ്പിയെ പ്രതിയാക്കുന്ന കാര്യത്തില്‍ അനിശ്ചിതത്വം

കൊച്ചി: വരാപ്പുഴ ശ്രീജിത്ത് കസ്റ്റഡി മരണക്കേസില്‍ മുന്‍ റൂറല്‍ എസ്പി എവി ജോര്‍ജിനെ പ്രതിയാക്കുന്ന കാര്യത്തില്‍ അന്തിമതീരുമാനം കൈക്കൊള്ളാനാകാതെ അന്വേഷണസംഘം. ഇക്കാര്യത്തില്‍ ഡയറക്ടര്‍ ജനറല്‍ ഓഫ് പ്രോസിക്യൂഷന്‍ നിലപാട് അറിയിക്കാത്തതാണ് തീരുമാനം വൈകുന്നത്. കേസുമായി ബന്ധപ്പെട്ട് ഡയറക്ടര്‍ ജനറല്‍ ഓഫ് പ്രോസിക്യൂഷനോട് ക്രൈംബ്രാഞ്ച് സംഘം നിയമോപദേശം തേടിയിരുന്നു. എവി ജോര്‍ജിനെതിരെയുള്ള തുടര്‍ നടപടിയില്‍ വ്യക്തതയുണ്ടാകുന്നതിന് വേണ്ടിയാണ് കഴിഞ്ഞ മാസം 17ന് ഡിജിപിയോട് നിയമോപദേശം തേടിയത്. എന്നാല്‍ മൂന്നാഴ്ച കഴിഞ്ഞിട്ടും ഒരു മറുപടിയും സംഘത്തിന് ലഭിച്ചിട്ടില്ല. എസ്പിക്ക് കീഴില്‍ റൂറല്‍ ടൈഗര്‍ ഫോഴ്‌സ് രൂപവത്കരിച്ചതിലും അവരെ വഴിവിട്ട് സഹായിച്ചതിലും എവി ജോര്‍ജിന് വീഴ്ച സംഭവിച്ചതായി കണ്ടെത്തി സസ്‌പെന്‍ഷന്‍ അടക്കമുള്ള വകുപ്പുതല നടപടി സ്വീകരിച്ചിരുന്നു. അതേ സമയം കൊലപാതകത്തില്‍ നേരിട്ട് എവി ജോര്‍ജ് ഇടപെട്ടതിന് തെളിവ് കണ്ടെത്താന്‍ കഴിഞ്ഞിട്ടില്ല. ഈ സാഹചര്യത്തില്‍ കേസില്‍ പ്രതിചേര്‍ക്കേണ്ടതുണ്ടോ എന്ന കാര്യത്തില്‍ വ്യക്തത വരുത്തേണ്ടതുണ്ട്….

Read More