നല്ല നിറം കിട്ടാന്‍ മുരിങ്ങയില ഫേസ്പായ്ക്ക്

സൗന്ദര്യമെന്നത് പല ഘടകങ്ങള്‍ ഒത്തിണങ്ങിയതാണ.് നിറം മുതല്‍ ചര്‍മത്തിന്റെ തിളക്കവും മൃദുത്വവും വരെ ഇതില്‍ പെടുന്നു. നല്ല നിറമുള്ള ചര്‍മം പലരും ആഗ്രഹിയ്ക്കുന്ന പ്രധാനപ്പെട്ട ഒന്നാണ്. നിറമെന്നത് പല ഘടകങ്ങളേയും ആശ്രയിച്ചിരിയ്ക്കുന്നു. ഇതില്‍ പാരമ്പര്യം മുതല്‍ ചര്‍മ സംരക്ഷണവും കഴിയ്ക്കുന്ന ഭക്ഷണങ്ങളും വരെ പെടുന്നു. ചര്‍മത്തിന്റെ നിറത്തിനായി കൃത്രിമ മാര്‍ഗങ്ങളെ ആശ്രിയിക്കുന്നതിനേക്കാള്‍ സ്വാഭാവിക വഴികള്‍ പരീക്ഷിയ്ക്കുന്നതാണ് കൂടുതല്‍ നല്ലത്. പ്രത്യേകിച്ചും പ്രകൃതി ദത്തമായ കാര്യങ്ങള്‍. ഇത്തരത്തില്‍ ഒന്നാണ് വീട്ടിലുണ്ടാക്കാവുന്ന അരിപ്പൊടിയും മുരിങ്ങായിലയും ചേര്‍ത്തുള്ള ഒന്ന്. ഇതെക്കുറിച്ചറിയൂ.

മുരിങ്ങയില

ചര്‍മ നിറം വര്‍ദ്ധിപ്പിയ്ക്കാന്‍ ഉപയോഗിയ്ക്കുന്ന ഈ പ്രത്യേക മിശ്രിതം തയ്യാറാക്കുവാന്‍ വളരെ എളുപ്പമാണ്. ഇതിനായി അല്‍പം അരിപ്പൊടിയെടുക്കുക. വല്ലാതെ നനുത്തതല്ലാതെ അല്‍പം കരുകരുപ്പുള്ള പൊടിയാണ് നല്ലത്. പുട്ടുണ്ടാക്കുവാന്‍ ഉപയോഗിയ്ക്കുന്ന അരിപ്പൊടി അല്‍പം തരിയുള്ളതാകും. ഇത്തരം തരിയുള്ള അരിപ്പൊടി മതിയാകും. ഇതില്‍ ചേര്‍ക്കാനായി മുരിങ്ങയില ഒരു പിടി കഴുകിയ ശേഷം ഉപയോഗിയ്ക്കാം.

അരിപ്പൊടിയ്ക്കൊപ്പം മുരിങ്ങയിലയും ചേര്‍ത്ത് മിക്സിയില്‍ നല്ലൊരു മിശ്രിതമായി അരച്ചെടുക്കാം. നല്ല ഫേസ് പായ്ക്കിന്റെ രീതിയില്‍ വേണം, ഇത് അരച്ചെടുക്കുവാന്‍.

ഈ മിശ്രിതം അരച്ചെടുത്തതില്‍ അല്‍പം ചെറുനാരങ്ങനീരും ചേര്‍ക്കാം. ഇതു ചേര്‍ത്ത് നല്ലപോലെ ഇളക്കി ഉപയോഗിയ്ക്കാം. ഇതു മുഖത്തു പുരട്ടുന്നത് നല്ല നിറത്തിനു സഹായിക്കും. ഈ മിശ്രിതം മുഖത്തു പുരട്ടുന്നതിനു മുന്‍പ് മുഖം നല്ലപോലെ കഴുകുക. ചെറിയ ഈര്‍പ്പത്തോടെ വേണം, ഇതു മുഖത്തു പുരട്ടാന്‍. മുഖം കഴുകി അല്‍പം ഈര്‍പ്പം മുഖത്തു നിര്‍ത്തി ഇതു പുരട്ടാം.

മുഖത്ത് ഈ മിശ്രിതം ഇട്ട് പതിയെ മസാജ് ചെയ്തു പുരട്ടുക. പിന്നീട് ഉണങ്ങുമ്പോള്‍ ഇതു കഴുകിക്കളയാം. കഴുകുമ്പോള്‍ മൃദുവായി സ്‌ക്രബ് ചെയ്ത് കഴുകുക. ഇത് ആഴ്ചയില്‍ രണ്ടു മൂന്നു ദിവസം ചെയ്യാം. അല്‍പകാലം അടുപ്പിച്ചു ചെയ്താല്‍ ഗുണമുണ്ടാകും. നല്ല നിറം ചര്‍മത്തിനു ലഭിയ്ക്കും.

നല്ല നിറത്തിനു മാത്രമല്ല, ചര്‍മ സംബന്ധമായ പല പ്രശ്നങ്ങള്‍ക്കുമുള്ള നല്ലൊരു പരിഹാരമാണിത്. ഇത് ചര്‍മത്തിന് മൃദുത്വം നല്‍കുന്നു. നല്ലൊരു സ്‌ക്രബറായി പ്രവര്‍ത്തിയ്ക്കുന്നതാണ് ഇതിനു കാരണം.

മുഖക്കുരു പോലുള്ള പ്രശ്നങ്ങള്‍ക്കും ഇതു നല്ലൊരു പരിഹാരമാണ്. മുഖത്തെ ബ്ലാക് ഹെഡ്സ് പോലുള്ളവയ്ക്കും ഇതു പരിഹാരമാകും. മുഖത്തിന് തിളക്കവും മിനുസവും നല്‍കാനും മുഖത്തെ ബ്ലാക് ഹെഡ്സ് പോലുള്ള പ്രശ്നങ്ങള്‍ക്കും ഇതു നല്ലൊരു പ്രതിവിധിയാണ്.

ചര്‍മത്തിന്

അരിപ്പൊടിയും ചര്‍മ സംരക്ഷണത്തിന് ഉപയോഗിയ്ക്കാം. നാച്വറല്‍ സ്‌ക്രബറാണിത്. മുഖത്തു സ്‌ക്രബിംഗ് ഗുണങ്ങള്‍ നല്‍കുന്ന ഒന്നാണ്. അമിത എണ്ണമയമുള്ള ചര്‍മത്തിനു പ്രത്യേകിച്ചും ഉപയോഗപ്രദം. കെമിക്കലുകള്‍ അടങ്ങിയ ചര്‍മത്തിന് ഇതുപകരിയ്ക്കും.യാതൊരു പാര്‍ശ്വ ഫലവും ഉണ്ടാക്കാത്ത ഒരു മരുന്നാണിതെന്നും ഓര്‍ക്കുക. വില കുറഞ്ഞ ചേരുവകള്‍ ഉപയോഗിച്ചുള്ള ഇത് സൗന്ദര്യസംബന്ധമായ പല ഗുണങ്ങളും ഒരുമിച്ചു നല്‍കുകയും ചെയ്യുന്നു.

Related posts